Tag: وزارت صحت

اسلام آباد : وزارت صحت میں من پسند افسر کو نواز نے کیلئے میرٹ کی دھجیاں اڑا دی گئیں، ظفر اقبال چنا کو ڈائریکٹر جنرل فیڈرل ڈائریکٹوریٹ ایمونائزیشن مقرر کیا گیا۔

تفصیلات کے مطابق وزیراعظم کے کوآرڈینیٹر ڈاکٹر مختار وزارت صحت کنٹرول کرنے میں ناکام رہے اور وزارت صحت میں من پسند افسر کو نوازنے کیلئے میرٹ کی دھجیاں اڑا دی گئیں۔

وزارت صحت کے ماتحت ادارے میں ڈاکٹر کی آسامی پر نرس تعینات کردیا، ظفر اقبال چنا کو ڈائریکٹر جنرل فیڈرل ڈائریکٹوریٹ ایمونائزیشن مقرر کیا گیا۔

ذرائع نے بتایا کہ ظفر اقبال چنا کو ڈی جی ایف ڈی آئی کا عارضی چارج دیا گیا ہے، ان کی تعیناتی سندھ کی اعلی شخصیت کی سفارش پر ہوئی ہے۔

گریڈ 19 کے ظفر اقبال چنا ڈیپوٹیشن پر ایف ڈی آئی میں تعینات ہیں، وہ ایک سال سے ڈیپوٹیشن پر ایف ڈی آئی میں تعینات ہیں اور پمز شعبہ نرسنگ کے گریڈ انیس کے سنیئر ترین ملازم ہیں۔

ذرائع وزارت صحت کا کہنا ہے کہ ظفر اقبال چنا نرسنگ سپرنٹنڈنٹ ، انسٹرکچر پمز تعینات رہ چکے ہیں، ڈی جی ایف ڈی آئی کیلئے اہلیت کا معیار ایم بی بی ایس، ایم پی ایچ تھی تاہم ظفر اقبال چنا شعبہ نرسنگ میں ماسٹر ڈگری ، ہاسپٹل ایڈمنسٹریشن ، ایچ آر ایم اور ایجوکیشن پلاننگ اینڈ مینجمنٹ میں ڈپلومہ ہولڈر ہیں۔

ذرائع کے مطابق ظفر اقبال شارٹ لسٹ امیدواروں میں شامل نہیں تھے، شارٹ لسٹ امیدواروں میں ایم بی بی ایس، پی ایچ ڈی ڈاکٹرز تھے۔

ڈی جی ایف ڈی آئی کا عہدہ ڈاکٹر احمد قاضی کی ریٹائرمنٹ پر خالی ہوا تھا، ڈاکٹر احمد قاضی گذشتہ ماہ مدت ملازمت مکمل کر کے ریٹائرڈ ہوئے ہیں۔

اسلام آباد: وزارت صحت نے اسلام آباد کے سب سے بڑے سرکاری اسپتال پمز میں کنٹریکٹ پر بھرتی کرنے کا فیصلہ کیا ہے۔

ذرائع وزارت صحت پمز اسپتال کیلئے بھرتیاں ایک سالہ مدت کیلئے ہوں گی، وزارت صحت نے پمز اسپتال میں کنٹریکٹ پر بھرتیوں کی اجازت دیدی، پمز کی میڈیکل، نان میڈیکل 494 آسامیوں پر بھرتیاں ہونگی۔

 ذرائع کا کہنا ہے کہ پمز اسپتال کیلئے ایک سالہ کنٹریکٹ پر بھرتیاں ایف پی ایس سی کرے گا، اسپتال کیلئے گریڈ 19 کے 8 ایسوسی ایٹ پروفیسرز، 43 اسسٹنٹ پروفیسرز، 45 سنیئر رجسٹرار بھرتی ہونگے۔

پمز ذرائع کے مطابق اسپتال کیلئے ایک نیوکلیئر فزیشن، ڈی ڈی انجینئرنگ، بوائلر انجینئر بھرتی ہو گا، گریڈ 17 کے 94 میڈیکل آفیسرز بھرتی کئے جائیں گے، گریڈ سترہ کے 16 اسسٹنٹ اینستھیٹسٹ، 2 فزیو تھراپسٹ بھی بھرتی ہونگے۔

ذرائع کا مزید کہنا ہے کہ پمز اسپتال کیلئے گریڈ سولہ کی 246 چارج نرس بھرتی کی جائیں گی، عملے کی کمی سے پمز کی کوالٹی ہیلتھ کیئر سروسز متاثر ہو رہی ہیں، پمز میں میڈیکل، نان میڈیکل 1700 سے زائد آسامیاں خالی ہیں، جس میں سے 13 سو آسامیاں بھرتیوں، 4 سو سے زائد پروموشنز سے پر ہونگی۔

اسلام آباد: وزیر اعظ آفس کی ہدایت پر وزارت قومی صحت اور ماتحت اداروں میں بڑے پیمانے پر اکھاڑ پچھاڑ کر دی گئی۔

ذرائع نے اے آر وائی نیوز کو بتایا کہ وزارت صحت کے افسران کے تبادلے خفیہ رپورٹس کی بنیاد پر کیے گئے، وزیر اعظم آفس کی تحقیقات میں محکمے میں بے قاعدگیاں ثابت ہوئی تھیں۔

اکھاڑ پچھاڑ کے تحت ڈی جی ہیلتھ و ایف ای ڈی ڈاکٹر محمد احمد قاضی کو عہدے سے برطرف کر کے ان کی خدمات سندھ حکومت کے حوالے کر دی گئیں۔

ذرائع کے مطابق ڈاکٹر شبانہ سلیم کو ڈائریکٹر جنرل ہیلتھ وزارت صحت تعینات کر دیا گیا جبکہ سربراہ کامن مینجمنٹ یونٹ ڈاکٹر راضیہ کنیز فاطمہ کو عہدے سے برطرف اور سربراہ فیڈرل جنرل اسپتال ڈاکٹر میر حسن سے عہدے کا چارج واپس لے لیا گیا۔

ڈرگ ریگولیٹری اتھارٹی میں مختلف گریڈز کے 25 افسران جبکہ وزارت صحت کے مختلف سیکشنز کے 6 افسران کے تبادلے کیے گئے۔ غزالہ بشیر میمن کو ڈی جی ڈویلپمنٹ وزارت صحت کا چارج دے دیا گیا۔

باوثوق حکومتی ذرائع نے اے آر وائی نیوز کو بتایا کہ وزارت قومی صحت اور ماتحت اداروں میں بڑے پیمانے پر اکھاڑ پچھاڑ وزیراعظم آفس کی ہدایت پر انجام دی گئی،

وزیراعظم آفس کو وزارت قومی صحت سے متعلق بے شمار شکایات موصول ہو رہی تھیں، بیشتر شکایات وزارت صحت کی مجموعی ناقص کارکردگی، افسران کی تعیناتیوں میں قواعد کی سنگین خلاف ورزی اور میرٹ کی پامالیوں کی تھیں۔

ذرائع کے مطابق مبینہ طور پر خفیہ تحقیقات میں وزارت صحت میں بعض معاملات میں بے قاعدگیوں کی تصدیق ہوئی ہے، جس کے بعد انہی رپورٹس کے بنیاد پر وزارت صحت کے انتظامی سیکشن کے چھ افسران کے تبادلے کر دیے گئے ہیں۔

وزارت صحت میں ڈیپوٹیشن پر تعینات گریڈ بیس کے ڈائریکٹر جنرل ہیلتھ اور سربراہ فیڈرل ڈائریکٹوریٹ آف ایمونائزیشن ڈاکٹر محمد احمد قاضی کو عہدے سے ہٹاتے ہوئے انکی خدمات واپس سندھ حکومت کے سپرد کر دی گئی ہیں، ڈاکٹر محمد احمد قاضی کی جگہ ڈاکٹر شبانہ سلیم کو ڈی جی ہیلتھ تعینات کیا گیا ہے۔

ذرائع نے بتایا کہ ملک میں ایڈز، ملیریا اور ٹی بی کے تدارک کیلئے قائم کامن مینجمنٹ یونٹ پاکستان کی نیشنل کوآرڈینیٹر گریڈ بیس کی ڈاکٹر راضیہ کنیز فاطمہ کو عہدے سے برخاست کیا گیا ہے، ڈاکٹر راضیہ کنیز کو نگران دور حکومت میں سربراہ سی ایم یو تعینات کیا گیا تھا۔

سیکریٹری صحت نے نگران وزیر ڈاکٹر ندیم جان کی واضح ہدایات کے عین برعکس ڈاکٹر راضیہ کنیز فاطمہ کو سربراہ سی ایم یو تعینات کر دیا تھا۔

ڈاکٹر ندیم جان نے اس تعیناتی پر اظہار ناراضگی کرتے ہوئے وزیراعظم انوار کاکڑ کو وفاقی سیکرٹری صحت کی شکایت لگا دی تھی لیکن اسکے باوجود افتخار شلوانی مزید کئی ماہ تک عہدے پر برقرار رہے۔

ذرائع کے مطابق وزارت صحت نے سربراہ فیڈرل جنرل اسپتال چک شہزاد کے میڈیکل ڈائریکٹر ڈاکٹر میر حسن بلو سے عہدے کا اضافی چارج واپس لے لیا ہے۔

وزارت صحت کی ہدایات پر ڈرگ ریگولیٹری اتھارٹی پاکستان میں مختلف گریڈز کے پچیس افسران کے تبادلے کر دیے گئے ہیں جبکہ گریڈ بیس کی غزالہ بشیر میمن کو ڈائریکٹر جنرل ڈیولپمنٹ وزارت صحت کا اضافی چارج دے دیا گیا ہے۔