Tag: وزیراطلاعات پنجاب عظمیٰ بخاری

سندھ حکومت کی ترجمان سعدیہ جاوید نے کہا ہے کہ وزیراطلاعات پنجاب جھوٹ بولنے سے احتیاط کریں ورنہ پیکاایکٹ کی لپیٹ میں آجائیں گی۔

تفصیلات کے مطابق وزیراطلاعات پنجاب عظمیٰ بخاری کے بیان کے بعد ردعمل دیتے ہوئے ترجمان سندھ حکومت سعدیہ جاوید کا کہنا تھا کہ عوامی منصوبوں پر جھوٹی تختیوں اور دعوؤں پر بھی پیکا ایکٹ لگ سکتا ہے، پاکستان میں تمام بڑے منصوبے پی پی قیادت کی مرہون منت ہیں۔

انھوں نے کہا کہ بھٹو نے ایٹمی طاقت بنایا دنیا نے مانا، ن لیگ نے تمغہ سجایا دنیا نے دیکھا، بےنظیربھٹو نے توانائی بحران سے نکالنے کےلئے تھرکول منصوبہ شروع کیا،

سعدیہ جاوید کا مزید کہنا تھا کہ ن لیگ نےتھرکول منصوبے پر بھی ہاتھ صاف کرنے اور اپنا لیبل لگانے کی کوشش کی، صدر مملکت آصف زرداری نے ملک کی ترقی کا ضامن سی پیک منصوبہ دیا۔

ترجمان سندھ حکومت نے کہا کہ ن لیگ سی پیک پربھی حق جتانے کی کوشش میں لگی رہتی ہے، گوادر پورٹ، کے پی کو شناخت سمیت اہم کارنامے پی پی نے سرانجام دیے۔

وزیراطلاعات پنجاب عظمیٰ بخاری کا بشریٰ بی بی کے بیان پر ردعمل آگیا، عظمیٰ بخاری نے کہا کہ ایک گھریلو خاتون نے قوم سے خطاب کیا۔

صوبائی وزیراطلاعات نے کہا کہ موصوفہ نے ایک دوست اسلامی ملک پر خودکش حملہ کردیا ہے، ایک گھریلوغیر سیاسی خاتون نے قوم سے خطاب کیا، دوست ملک پر شریعت ختم کرنے کا الزام لگاکر خود شریعت کی ٹھیکیداربن رہی ہیں۔

عظمیٰ بخاری نے کہا کہ بڑے دوست اسلامی ملک جو مسلم امہ کا ستون ہے اس پرالزام بہت خطرناک ہے، ان فسادیوں کے ہوتے ملک کا بھلا نہیں ہوسکتا۔

بشریٰ بی بی نے 24نومبر کے احتجاج سے متعلق ویڈیو پیغام جاری کیا ہے، بشریٰ بی بی نے ویڈیو میں بانی پی ٹی آئی کا عوام کے نام پیغام پہنچایا۔

بانی پی ٹی آئی نے حکومت گرانے کا امریکا پر الزام عائد کیا تھا، بشریٰ بی بی نے کسی اور پرالزام لگادیا، بشریٰ بی بی نے کہا ہے کہ بانی پی ٹی آئی جب مدینہ ننگے پاؤں گئے اور واپس آئے تو جنرل باجوہ کو کالز آنا شروع ہوگئیں۔

بشریٰ بی بی نے کہا کہ باجوہ کو کہا گیا یہ آپ کس شخص کو لے آئےہیں، ہمیں ایسے لوگ نہیں چاہئیں، کہا گیا ہمیں ایسے لوگ نہیں چاہیے تب سے ہمارے خلاف گند ڈالنا شروع کردیا گیا، میرے خلاف گند ڈالا گیا اور بانی پی ٹی آئی کو یہودی ایجنٹ کہنا شروع کردیا گیا۔

بشریٰ بی بی نے عوام سے 24نومبر کے احتجاج میں شرکت کی اپیل کی، بشریٰ بی بی نے کہا کہ بانی پی ٹی آئی نے پوری قوم کو 24نومبرکو نکلنے کی کال دی ہے، بانی پی ٹی آئی نے ہرطبقے کو احتجاج کا حصہ بننے کا پیغام دیا ہے۔

بانی پی ٹی آئی نےکہا ہے وہ قانون کی بالادستی پر یقین رکھتے ہیں، بانی پی ٹی آئی نے وکلا، ججز کو احتجاج کا حصہ بننے کی دعوت دی ہے، کہا جارہا ہے کہ 24نومبر کی تاریخ تبدیل کردی جائے۔

بشریٰ بی بی نے کہا کہ 24نومبر کی تاریخ کسی صورت تبدیل نہیں ہوگی، جب تک بانی خود تاریخ بدلنے کا اعلان نہیں کرتے تبدیل نہیں ہوگی، جب تک بانی خود عوام سےخطاب نہیں کرتے 24 تاریخ تبدیل نہیں ہوگی۔