ARYNews.tv | Urdu – Har Lamha Bakhabar

Tag: وزیراطلاعات

  • اصغرخان کیس پر سپریم کورٹ کا بینچ خوش آئند ہے، وزیراطلاعات فوادچوہدری

    اصغرخان کیس پر سپریم کورٹ کا بینچ خوش آئند ہے، وزیراطلاعات فوادچوہدری

    اسلام آباد : وزیراطلاعات فوادچوہدری کا کہنا ہے کہ اصغرخان کیس پرسپریم کورٹ کے بینچ کاقیام خوش آئند ہے، یہ مقدمہ نون لیگ کےسیاسی کردارکوعیاں کرتاہے اور دلچسپ بات یہ ہے کہ بے نظیر بھٹو شہید کے سیاسی وارث آج نواز لیگ کی گود میں بیٹھےہیں۔

    تفصیلات کے مطابق وزیراطلاعات فوادچوہدری نے سماجی رابطے کی ویب سائٹ ٹویٹر پر اپنے بیان میں کہا اصغر خان کیس پرسپریم کورٹ کے بینچ کا قیام خوش آئند ہے، وزیراعظم پہلے ہی ایف آئی اے کوسپریم کورٹ کے فیصلے پر من وعن عمل کرنے کی ہدایات دےچکے ہیں۔

    فوادچوہدری کا کہنا تھا کہ یہ مقدمہ نون لیگ کےسیاسی کردارکوعیاں کرتاہے، دلچپسپ امریہ ہےکہ بے نظیر بھٹو شہید کے سیاسی وارث آج نواز لیگ کی گود میں بیٹھے ہیں۔

    گذشتہ روز چیف جسٹس آف پاکستان جسٹس آصف سعید کھوسہ نے مشہور زمانہ اصغر خان عمل در آمد کیس کی سماعت کے لیے نیا بینچ تشکیل دے کر سپریم کورٹ میں سماعت کے لیے مقرر کر دیا تھا۔

    جسٹس گلزار احمد 3 رکنی بینچ کے نئے سر براہ ہوں گے جبکہ دیگر میں جسٹس فیصل عرب اور جسٹس اعجاز الاحسن شامل ہیں۔

    اصغر عمل در آمد کیس کی سماعت 11 فروری کو سپریم کورٹ میں ہوگی، اس موقع پر ایف آئی اے معاملے پر پیش رفت سے آگاہ کرے گا، اس سلسلے میں اٹارنی جنرل، ڈی جی ایف آئی اے اور تمام متعلقہ فریقین کو نوٹسز جاری کر دیے گئے ہیں۔

    مزید پڑھیں : اصغر خان عمل درآمد کیس سپریم کورٹ میں سماعت کے لیے مقرر

    یاد رہے 11 جنوری کو سپریم کورٹ نے اصغرخان کیس بند نہ کرنے کا فیصلہ کیا تھا ، سابق چیف جسٹس ثاقب نثار نے ریمارکس میں کہا تھا کہ اصغرخان نے اتنی بڑی کوشش کی تھی، ہم ان کی محبت اورکوشش رائیگاں نہیں جانے دیں گے۔

    بعد ازاں 18 جنوری 2019 کو سپریم کورٹ نے اصغر خان کیس کاعبوری تحریری حکم نامہ جاری کیا تھا، جس میں سیکرٹری دفاع کو ذاتی حیثیت میں طلب کرتے ایف آئی اے ایک ہفتے میں جواب جمع کرانے کی ہدایت کی تھی۔

    عبوری تحریری حکم نامے میں کہا گیا تھا ایف آئی اے کے دلائل سے مطمئن نہیں ہیں، ہمارےخیال کے مطابق کچھ چیزوں سےمتعلق تفتیش کی ضرورت ہے۔

  • عمران خان نے نواز شریف اور آصف زرداری کی سیاست ختم کردی: فوادچوہدری

    عمران خان نے نواز شریف اور آصف زرداری کی سیاست ختم کردی: فوادچوہدری

    اسلام آباد: وزیر اطلاعات فواد چوہدری کا کہنا ہے کہ پندرہ مرغیاں چرانےوالاغریب جیل میں ہےاورپندرہ سو ارب چرانےوالا چیئرمین پی اے سی بن گیا، عمران خان نے نواز شریف اور آصف زرداری کی سیاست ختم کردی، ان کے پاس اب کھڑے ہونے کی جگہ نہیں ہے۔

    تفصیلات کے مطابق وزیراطلاعات فواد چوہدری نے تقریب سے خطاب کرتے ہوئے کہا 1985 کے بعد جو نظام رہا، اس سے مڈل کلاس متاثر ہوئی، پی ٹی آئی نے نوجوانوں، مڈل کلاس کے مسائل اجاگر کیے، مڈل کلاس اس وقت تکلیف میں ہے،ریلیف دینے کی پوزیشن میں نہیں۔

    فواد چوہدری کا کہنا تھا کہ ملکی تاریخ میں بھٹواورعمران خان کی تحریک نےاہم کردار ادا کیا، ہماری تحریک بدعنوانی کےخاتمے،میرٹ کےفروغ پرمبنی تھی،  عمران خان نے پاکستان کے لوگوں کوشعور دیا ، ہماری کل آمدنی5.5 ٹریلین ہے، گزشتہ حکومت نے قرضے لئے ، ملکی اثاثےگروی رکھوا دیے۔

    تحریک انصاف کے126 دن کےدھرنے نےنئےپاکستان کا پیغام دیا

    وزیراطلاعات نے کہا تحریک انصاف کے126 دن کےدھرنے نے نئے پاکستان کا پیغام دیا، پاکستان سے دو پارٹی سسٹم کا کلچر ختم کیا گیا ، پاکستانی عوام دو سیاسی جماعتوں میں پھنسے ہوئے تھے۔

    ان کا کہنا تھا کہ گزشتہ10 سال میں ملکی معاشی صورتحال تباہ کر کے رکھ دی، عمران خان نے نواز شریف اور آصف زرداری کی سیاست ختم کی، ان کے پاس اب کھڑے ہونے کی جگہ نہیں ہے۔

    جیسے ڈاکو لوٹ کر عیاشی کرتا ہے، حکمرانوں نےملک کیساتھ ویساکیا

    فواد چوہدری نے کہا پاکستان کی 5 ہزار547 ارب کی انکم کاتیسرا حصہ سود میں جارہا تھا، آج نواز شریف اور آصف زرداری قصہ پارینہ بن چکے ہیں، جیسے ڈاکو لوٹ کر عیاشی کرتا ہے، حکمرانوں نےملک کیساتھ ویساکیا۔

    وزیراطلاعات کا کہنا تھا کہ 27 کلومیٹر کی سڑک پر3 ارب خرچ کردیےگئے، سندھ کی ڈیولپمنٹ پر2ہزارارب روپےخرچ کردیےگئے، جن میں سے سات سو ارب روپے زرداری کے جعلی اکاؤنٹس میں چلے گئے، صاف پانی کےپیسےاٹھاکراورنج ٹرین میں ڈال دئیےگئے۔

    مسلم لیگ ن کی حکومت کےقرضوں نےملک کی بنیادیں ہلاکر رکھ دیں

    انھوں نے مزید کہا ہم نےسب سےپہلےاحتساب شروع کیا، دھرناپاکستان کی تاریخ کا فیصلہ کن موڑ تھا ، مسلم لیگ ن کی حکومت کےقرضوں نےملک کی بنیادیں ہلاکر رکھ دیں، 15 مرغیاں چرانے والاجیل میں،1500ارب چرانےوالاچیئرمین بن گیا اور شہبازشریف15گاڑیوں کا پروٹوکول لیتےرہے۔

  • علیم خان کیس کا فیصلہ میرٹ پر ہو گا ، وزیراطلاعات فواد چوہدری

    علیم خان کیس کا فیصلہ میرٹ پر ہو گا ، وزیراطلاعات فواد چوہدری

    اسلام آباد : وزیراطلاعات فواد چوہدری کا کہنا ہے کہ علیم خان کےاستعفےسےسیاسی جماعت کےکلچرکاپتہ چلتاہے، کیس کا فیصلہ میرٹ پر ہو گا ، وفاقی حکومت اداروں کے ساتھ کھڑی ہے۔

    تفصیلات کے مطابق علیم خان کی گرفتاری پر وزیراطلاعات فواد چوہدری نے رد عمل دیتے ہوئے کہا جیسے ہی علیم خان کو گرفتاری کا پتہ چلا وہ مستعفی ہو گئے، علیم خان کےاستعفےسےسیاسی جماعت کےکلچرکاپتہ چلتاہے۔

    فوادچوہدری کا کہنا تھا کہ کیس کا فیصلہ میرٹ پر ہو گا ، کہا جاتا تھا نیب حکومتی افراد کو کیوں نہیں پکڑتی ، علیم خان کی گرفتاری کےبعد اپوزیشن کوئی اوربہانہ تلاش کرے گی۔

    وزیراطلاعات نے کہا حکومت احتساب کے معاملے پر مکمل تعاون کر رہی ہے، علیم خان کی گرفتاری پر اجلاس بلایا ہے، صورتحال پر غور کریں گے۔

    ان کا مزید کہنا تھا کہ وفاقی حکومت اداروں کے ساتھ کھڑی ہے، اداروں کا مضبوط ہونا پاکستان کے مضبوط ہونے کی نشانی ہے۔

    مزید پڑھیں : نیب نے علیم خان کو حراست میں لے لیا

    یاد رہے نیب لاہور نے آمدن سے زائد اثاثہ جات اورآف شورکمپنیوں کیس میں پنجاب کے سینئروزیرعبدالعلیم خان کو گرفتارکرلیا تھا، ذرائع کے مطابق علیم خان نیب کی تحقیقاتی کمیٹی کومطمئن نہ کرسکے۔

    نیب لاہور نے اپنے جاری کردہ اعلامیے میں عبدالعلیم خان کو گرفتارکرنے کی تصدیق کردی ہے اور کہا عبدالعلیم خان کو آمدن سے زائد اثاثے بنانے کے الزام میں گرفتار کیا گیا ہے، عبدالعلیم خان کو کل احتساب عدالت میں ریمانڈ کے لئے پیش کیا جائے گا۔

    نیب کی جانب سے گرفتاری کے بعد علیم خان نے اپنا استعفی وزیر اعلی پنجاب کو بھجوا دیا ہے، علیم خان کا کہنا ہے کہ مقدمات کا سامنا کریں گے، آئین اور عدالتوں پر یقین رکھتے ہیں، مجھ پرآمدن سے زائد اثاثوں کا نہیں، آفشور کمپنیوں کا مقدمہ ہے۔

    واضح رہے نیب علیم خان کی ہیگزم پرائیویٹ لمیٹڈ آف شورکمپنی اورآمدن سے زائد اثاثہ جات کی تحقیقات کر رہی ہے۔

  • ہمارا کشمیر سے تعلق زمین کا نہیں روح کا ہے ،موجودہ حکومت کشمیرکازپرمخلص ہے، وزیراطلاعات

    ہمارا کشمیر سے تعلق زمین کا نہیں روح کا ہے ،موجودہ حکومت کشمیرکازپرمخلص ہے، وزیراطلاعات

    اسلام آباد : وزیراطلاعات فوادچوہدری کا کہنا ہے کہ ہمارا کشمیر سے تعلق زمین کا نہیں روح کا ہے، ہمارا کشمیریوں کے ساتھ لہو بہتا ہے، کشمیر پر  کئے جانیوالے مظالم دنیا سے چھپ نہیں سکتے، موجودہ حکومت کشمیرکاز پر مخلص ہے۔

    تفصیلات کے مطابق وزیراطلاعات فوادچوہدری نے کشمیر کانفرنس سے خطاب کرتے ہوئے کہا کشمیر کے اندر نسل در نسل آزادی کے لئے جدوجہد جاری ہے،  ہمارا کشمیر سے تعلق زمین کا نہیں روح کا ہے، ہمارا کشمیریوں کےساتھ لہوبہتاہے۔

    [bs-quote quote=”ظلم پھرظلم ہے، بڑھتا ہے تومٹ جاتاہے” style=”style-7″ align=”left” author_name=”فواد چوہدری "][/bs-quote]

    وزیراطلاعات کا کہنا تھا کہ کشمیر پر بھارتی رویے کی دنیا میں جگ ہنسائی ہورہی ہے، کشمیر پر بھارت نے غاصبانہ قبضہ کررکھاہے، کشمیرپر کئے جانیوالے مظالم دنیا سے چھپ نہیں سکتے، عمرفاروق، محبوبہ مفتی نے کہا کشمیر کا دل پاکستان کے ساتھ دھڑکتا ہے۔

    فوادچوہدری نے مزید کہا  ظلم پھرظلم ہے، بڑھتا ہے تومٹ جاتاہے، موجودہ حکومت کشمیرکاز پر مخلص ہے، بھارت کے ساتھ بہتر تعلقات چاہتے ہیں، مسئلہ کشمیر کے حل سے خطے میں امن ہوگا۔

    مزید پڑھیں : کشمیری ہمارےجسم کاحصہ ہیں، مسئلہ کشمیر کو علاقے نہیں انسانیت کی نظرسے دیکھتے ہیں،فوادچوہدری

    یاد رہے وزیراطلاعات فوادچوہدری نے کہا تھا کشمیری ہمارےجسم کا حصہ ہیں، مسئلہ کشمیر کو علاقے نہیں انسانیت کی نظر سے دیکھتے ہیں، وزیراعظم عمران خان اور فوج کی خواہش ہے کشمیر کا مسئلہ حل ہو، بھارت سمجھ لے مسئلہ کشمیر پر حقیقت پسندانہ فیصلہ کرنا ہوگا۔

    وزیراطلاعات کا کہنا تھا کہ کشمیر میں حالات لہولہو ہیں، بھارت کشمیر پر اپنا تسلط قائم رکھنا چاہتا ہے، ماضی میں ہم نے3جنگیں لڑیں بھارت کوکیافائدہ ہوا، کشمیرمیں پاکستان کی حمایت بہت زیادہ ہے۔

    فواد چوہدری نے کہا تھا کشمیرکےحالات دیکھتےہیں توبھارت سےتعلقات کاراستہ کٹھن ہوجاتاہے، جب سوشل میڈیا پر کشمیری عوام پر مظالم کی تصاویر آتی ہے تو دل دکھی ہوجاتاہے۔

  • وزیراعظم کے ٹوئٹ پر مخالفت کرنےوالوں کووزیراطلاعات کاکراراجواب

    وزیراعظم کے ٹوئٹ پر مخالفت کرنےوالوں کووزیراطلاعات کاکراراجواب

    اسلام آباد : وفاقی وزیر اطلاعات فواد چوہدری نے وزیراعظم کےٹوئیٹ پر مخالفت کرنےوالوں کو کراراجواب دیتے ہوئے کہا وزیراعظم نے تو صرف نشاندہی کی ہے کہ بہت سارے لوگوں کے دل کیوں باہر دھڑکتے ہیں؟کسی کوپاکستان میں دلچسپی نہیں ہے۔

    تفصیلات کے مطابق وفاقی وزیر اطلاعات فواد چوہدری نے میڈیا سے گفتگو کرتے ہوئے وزیراعظم کےٹوئیٹ پر تنقید کرنے والوں کو جواب دیتے ہوئے کہا جس کا جہاں انٹرسٹ ہے وہ اس ملک سےوہیں بھاگنا چاہتا ہے، وزیراعظم نےتوصرف نشاندہی کی ہے کہ بہت سارےلوگوں کےدل کیوں باہردھڑکتےہیں؟ جن کے کاروبار باہر ہیں وہ وہاں جانا چاہتے ہیں، کسی کوپاکستان میں دلچسپی نہیں ہے۔

    فواد چوہدری کا کہنا تھا کہ ہمارے جیسےلوگ جن کا پاکستان سے باہرٹکے کا کاروبارنہیں ہے ، ہمارا دلچسپی پاکستان میں ہے، جہاں ہم نےساری عمررہنا ہے جہاں ہماری قبریں ہونی ہیں ، ہم اس جگہ کو سنواریں گے۔

    یاد رہے وزیراعظم عمران خان نے سماجی رابطے کی ویب سائٹ پر ای سی ایل میں پارلیمینٹرینز کے ناموں پر اپوزیشن کی تشویش پر سوالات اٹھا دیئے تھے اور کہا تھا کہ کچھ ارکان اسمبلی ای سی ایل سےاتنے خوفزدہ کیوں ہیں؟یہ ارکان اسمبلی بیرون ملک جانے کے اتنے شوقین کیوں ہیں؟

    مزید پڑھیں : کچھ ارکان اسمبلی ای سی ایل سےاتنے خوفزدہ کیوں ہیں؟وزیراعظم عمران خان کا سوال

    وزیراعظم کا کہنا تھا کہ بہت سے کام جوسیاستدان پاکستان میں اور پاکستان کے لیےکرسکتے ہیں، ملک سے محبت کے دعوے کرتے ہیں ،لیکن کچھ بیرون ملک کےبارباردوروں کے لیےانتظارنہیں کرسکتے۔

    عمران خان نے مزید کہا کہ ارکان اسمبلی کےپاس اقامے ہیں یابیرون ملک رہائش ہے، کیا یہ رجحان کوئی ان کو سمجھاسکتاہے، جو ملک میں رہنے اور کام کرنے پر خوش ہیں کیونکہ ہم حقیقت میں پاکستان سے محبت کرتے ہیں۔

  • سپریم کورٹ کا فیصلہ قانونی طور پر بالکل درست ہے، فواد چوہدری

    سپریم کورٹ کا فیصلہ قانونی طور پر بالکل درست ہے، فواد چوہدری

    اسلام آباد : وزیراطلاعات فواد چوہدری نے سپریم کورٹ کی جانب سے ایوان فیلڈ ریفرنس میں نیب کی اپیل مسترد ہونے پر کہا نوازشریف کی سیاست ہمیشہ کیلئےختم ہوچکی ہے، فیصلہ قانونی طورپربالکل درست ہے اور اس سےعملی صورتحال میں کوئی تبدیلی نہیں آئی۔

    تفصیلات کے مطابق وزیراطلاعات فواد چوہدری نے سماجی رابطے کی ویب سائٹ ٹوئٹر پر سپریم کورٹ کی جانب سے ایوان فیلڈ ریفرنس میں نواز شریف اور مریم نواز کی سزا معطلی کیخلاف نیب کی اپیل مسترد ہونے پر ردعمل دیتے ہوئے کہا سپریم کورٹ کافیصلہ قانونی طورپربالکل درست ہے، ضمانت کی منسوخی کیلئےغیرمعمولی وجوہات درکارہوتی ہیں، فیصلے سے عملی صورتحال میں کوئی تبدیلی نہیں آئی۔

    فوادچوہدری کا کہنا تھا کہ نوازشریف کی سیاست ہمیشہ کیلئےختم ہوچکی ہے، ن لیگ اہم سیاسی جماعت ہےانہیں نئی قیادت منتخب کرنی چاہیے۔

    یاد رہے سپریم کورٹ نے ایوان فیلڈ ریفرنس میں نواز شریف اور مریم نواز کی سزا ئیں بحال کرنے کی نیب کی اپیل مسترد کردی تھی ، اعلی عدالت نے کہا تھا ہم کہہ چکے ہیں کہ عبوری حکم کی ابزرویشنز کا اصل اپیل پر اطلاق نہیں ہوتا، فیصلے کا وہ حصہ جس کی بنیاد پر ضمانت ہوئی نیب نے چیلنج ہی نہیں کیا ۔صرف ہائی کورٹ کے ریمارکس ضمانت کے منسوخی کا جواز نہیں ہوسکتے۔

    جسٹس آصف سعیدکھوسہ نے ریمارکس دیئے کہ اسلام آبادہائی کورٹ کافیصلہ عبوری تھا، ہائی کورٹ کا تفصیلی فیصلہ آنے پر نیب نے دوبارہ اپیل کی تو دیکھیں گے۔

    واضح رہے 19 ستمبر 2018 کو اسلام آباد ہائی کورٹ کےدو رکنی بینچ جسٹس اطہر من اللہ اور جسٹس میاں گل حسن اورنگ زیب نے مختصر فیصلے میں نوازشریف، مریم اور صفدر کی سزائیں معطل کرکے تینوں کی رہائی کا حکم دیا تھا۔

    جس کے بعد نیب نے شریف خاندان کی سزا معطلی کے اسلام آباد ہائی کورٹ کے انیس ستمبر کے فیصلے کے خلاف سپریم کورٹ میں اپیل دائرکی تھی ، جس میں فیصلہ کالعدم قرار دینے کی استدعا کی تھی۔

  • کشمیری ہمارےجسم کاحصہ ہیں، مسئلہ کشمیر کو علاقے نہیں انسانیت کی نظرسے دیکھتے ہیں،فوادچوہدری

    کشمیری ہمارےجسم کاحصہ ہیں، مسئلہ کشمیر کو علاقے نہیں انسانیت کی نظرسے دیکھتے ہیں،فوادچوہدری

    اسلام آباد: وزیراطلاعات فوادچوہدری نے کہا کشمیری ہمارےجسم کا حصہ ہیں، مسئلہ کشمیر کو علاقے نہیں انسانیت کی نظر سے دیکھتے ہیں، وزیراعظم عمران خان اور فوج کی خواہش ہے کشمیر کا مسئلہ حل ہو، بھارت سمجھ لے مسئلہ کشمیر پر حقیقت پسندانہ فیصلہ کرنا ہوگا۔

    تفصیلات کے مطابق وزیراطلاعات فوادچوہدری نے میڈیا سے گفتگو کرتے ہوئے کہا پاکستان اور بھارت کے بہتر تعلقات دونوں ممالک کے مفاد میں ہیں، مسئلہ کشمیر کو علاقے نہیں انسانیت کی نظرسے دیکھتے ہیں، واحد راستہ امن کاہےاس کےعلاوہ کوئی راستہ نہیں ہے۔

    وزیراطلاعات کا کہنا تھا کہ کشمیر میں حالات لہولہو ہیں، بھارت کشمیر پر اپنا تسلط قائم رکھنا چاہتا ہے، ماضی میں ہم نے3جنگیں لڑیں بھارت کوکیافائدہ ہوا، کشمیرمیں پاکستان کی حمایت بہت زیادہ ہے۔

    [bs-quote quote=”وزیراعظم عمران خان اورفوج کی خواہش ہےکشمیرکامسئلہ حل ہو” style=”style-6″ align=”left”][/bs-quote]

    فواد چوہدری نے کہا مقبوضہ کشمیرمیں رہنےوالوں کوتکلیف ہوتی ہےتوہمیں بھی ہوتی ہے، مودی صاحب نےپیکج کااعلان کیا،آزادی پیسوں سےنہیں خریدی جاسکتی، مسئلہ کشمیرکسی بھی سیاسی وابستگی سےبالاترہے۔

    ان کا کہنا تھا کہ کشمیری ہمارےجسم کاحصہ ہیں،ایک علاقےکانہیں انسانیت کامسئلہ ہے، کشمیرمیں لاکھوں لوگ گھروں سےنکلتےہیں کیونکہ وہ دکھی ہیں، گولیوں سے تحریک دبانے کی کوشش کریں گے تو یہ مزید ابھرے گی۔

    وزیراطلاعات نے کہا دل کے راستے کو فوجیں فتح نہیں کرتیں، بھارت پاکستان میں دہشت گردی کوفروغ دےرہاہے، بھارت کشمیرمیں ناکامیوں کابوجھ پاکستان پرنہ ڈالے۔

    [bs-quote quote=” بھارت سمجھ لےمسئلہ کشمیر پر حقیقت پسندانہ فیصلہ کرنا ہوگا” style=”style-6″ align=”left”][/bs-quote]

    فواد چوہدری نے کہا کشمیرکےحالات دیکھتےہیں توبھارت سےتعلقات کاراستہ کٹھن ہوجاتاہے، جب سوشل میڈیا پر کشمیری عوام پر مظالم کی تصاویر آتی ہے تو دل دکھی ہوجاتاہے، کشمیر کے معاملے پر بھارت کوحقیقت پسندانہ رویہ اپناناہوگا۔

    ان کا مزید کہنا تھا کہ وزیراعظم عمران خان اورفوج کی خواہش ہےکشمیرکامسئلہ حل ہو، ہم چاہتےہیں دونوں جانب پنجاب اورکشمیرمیں رہنےوالےملیںِ ہم چاہتے ہیں کھوکھراپار کھلے تاکہ لوگوں کے آپس میں رابطے بڑھیں، امن ہوگاتولوگوں کوفائدہ ہوگا،مسئلہ کشمیرکاحل ناگزیرہے، بھارت سمجھ لےمسئلہ کشمیر پر حقیقت پسندانہ فیصلہ کرنا ہوگا۔

  • پاک چین دوستی میں دراڑیں ڈالنے والے کبھی کامیاب نہیں ہوں گے، وزیراطلاعات فواد چوہدری

    پاک چین دوستی میں دراڑیں ڈالنے والے کبھی کامیاب نہیں ہوں گے، وزیراطلاعات فواد چوہدری

    اسلام آباد : وزیراطلاعات فواد چوہدری نے کہا پاکستان اورچین کاتعلق بہت پراناہے،  پاک چین دوستی میں دراڑیں ڈالنے والے کبھی کامیاب نہیں ہوں گے جبکہ چینی سفارتکار کا کہنا تھا کہ پاکستان چین دوستی مثالی ہے، ایسےبزدلانہ واقعات سے کمزورنہیں ہوگی۔

    تفصیلات کے مطابق وزیراطلاعات فواد چوہدری نے قونصلیٹ حملے کے شہدا کو خراج عقیدت پیش کرنے کی تقریب سے خطاب کرتے ہوئے کہا  کہ چین میں پاکستانی شہدا کے لئے فنڈرینز سے دوستی کا اندازہ لگا سکتے ہیں، عوامی سطح پر قونصلیٹ حملے میں شہیدوں کے لئے فنڈریزنگ ہورہی ہے، پاک چین دوستی میں دراڑیں ڈالنے والے کبھی کامیاب نہیں ہوں گے۔

    فواد چوہدری کا کہنا تھا کہ قونصلیٹ حملےمیں شہدا کے لئے فنڈریزنگ کی تقریب کا اہتمام کیا گیا، پاکستان اور چین کے درمیان دفاعی اور معاشی رشتہ مزید آگے بڑھا ہے، وزیراعظم عمران خان کے حالیہ دورہ چین میں اہم معاہدے کیے گئے۔

    [bs-quote quote=”پاکستان چین دوستی زندہ باد،دشمن زخم لگاتا رہےگاہم اورمضبوط ہوتےرہیں گے” style=”style-6″ align=”left”][/bs-quote]

    وزیراطلاعات نے کہا چینی قونصلیٹ پر حملے پیچھے کون ہے، ہمیں معلوم ہے، دنیا کو بھی معلوم ہے، چینی قونصلیٹ پر حملے کس کی ایما پر کیے گئے، دشمن کو وہ معاہدے کھٹکتے ہیں، اسی لیے چینی قونصلیٹ پرحملہ کرایا گیا، ہم اس قسم کی دہشت گردی کامل کر مقابلہ کریں گے۔

    ان کا کہنا تھا کہ پاکستانی عوام نے قربانیاں دیں،خود کو مستقل مزاج قوم ثابت کیا ، دنیاجانتی ہے کون سا ملک امن کیلئےکھڑاہے، اس لڑائی کے نتیجے میں ہمارا معاشرہ تک بٹ گیا تھا۔

    فواد چوہدری نے کہا کہ صاف ظاہر ہے چینی قونصلیٹ پرحملے میں بیرونی طاقتیں ملوث تھیں، چینی قونصلیٹ کو خاص طور پر ٹارگٹ کیا گیا ہے، چینی عوام نے بھی پاکستان کی تکلیف کو محسوس کیا ہے، شہدا کے ساتھ پاکستان چینی حکومت اور چینی عوام کھڑی ہوئی ہے۔

    وزیراطلاعات کا کہنا تھا کہ پاکستان چین دوستی زندہ باد،دشمن زخم لگاتا رہےگاہم اورمضبوط ہوتےرہیں گے، پاکستان اورچین کاتعلق بہت پراناہے، پاکستان نےسب سےپہلےچین کوتسلیم کیا تھا، سیکیورٹی بھرپور تھی، اسی لیےچینی قونصلیٹ پرحملہ ناکام بنایاگیا، بےوقوف لوگ ہیں جواس قسم کےحملےکررہےہیں کامیاب نہیں ہوں گے۔

    پاکستان چین دوستی مثالی ہے، ایسےبزدلانہ واقعات سےکمزورنہیں ہوگی، چینی سفارتکار

    دوسری جانب چینی سفارتکار لی جانگ ژاؤ نے اپنے بیان میں کہا فنڈزریزنگ کی تقریب میں شرکت پرفوادچوہدری کےشکرگزارہیں، دنیا بھر میں مقیم چینی شہدا کے لئے فنڈریزنگ کررہےہیں، پاکستان چین دوستی مثالی ہے، ایسےبزدلانہ واقعات سےکمزورنہیں ہوگی۔

    [bs-quote quote=” ہر مشکل میں پاکستان کیساتھ کھڑےہیں اورکھڑےرہیں گے” style=”style-6″ align=”left”][/bs-quote]

    ڈپٹی چیف آف مشن لی جانگ ژاؤ کا کہنا تھا کہ چینی قونصلیٹ پرحملےمیں شہداکیلئےفنڈریزنگ کی تقریب کااہتمام کیاگیا، پاکستانی جوانوں نےچینی قونصلیٹ پرحملےکوناکام بنایا، ہر مشکل میں پاکستان کیساتھ کھڑےہیں اورکھڑےرہیں گے۔

    لی جانگ ژاؤ نے کہا چینی کمیونٹی اپنےطورپرفنڈریزنگ کررہی ہے، چینی حکومت قونصلیٹ حملےمیں شہداکیلئےالگ اقدامات کرےگی، چینی عوام اپنے طور پر شہدا کیلئے فنڈریزنگ میں کررہی ہے، پاک چین دوستی زندہ باد۔

  • آج کا حملہ پاکستان اور چین کےتعلقات پرحملہ ہے، فواد چوہدری

    آج کا حملہ پاکستان اور چین کےتعلقات پرحملہ ہے، فواد چوہدری

    اسلام آباد : وزیراطلاعات فواد چوہدری کا کہنا ہے کہ چینی قونصلیٹ حملے کے پیچھے ایک بڑی سازش ہے، پاک چین دوستی مضبوط ہے، آج کا حملہ پاکستان اور چین کےتعلقات پرحملہ ہے۔

    تفصیلات کے مطابق وزیراطلاعات فواد چوہدری نے میڈیا سے گفتگو کرتے ہوئے کہا کہ حملہ آوروں اور دہشت گردوں کو ہلاک کردیا گیا ہے، پولیس اور رینجرز کی بروقت کارروائی پر قوم کو فخرہے۔

    [bs-quote quote=”چینی قونصلیٹ حملے کے پیچھے ایک بڑی سازش ہے” style=”style-6″ align=”left”][/bs-quote]

    فوادچوہدری کا کہنا تھا کہ بڑی سازش کےتحت چینی قونصلیٹ پرحملےکی کوشش کی گئی، ایسے ہی نہیں کہ 3لوگوں نےسوچااورجاکرحملہ کردیا، حملےکےپیچھےایک بڑی سازش ہے۔

    وزیراطلاعات  نے کہا کہ پاک چین دوستی مضبوط ہے، سی پیک سبوتاژکرنےاورپاک چین دوستی کیخلاف بزدلانہ کارروائی کی گئی، آج کا حملہ پاکستان اور چین کےتعلقات پرحملہ ہے۔

    مزید پڑھیں : سیکیورٹی اداروں نےآج کراچی کوبڑی سازش سےبچالیا،وزیراطلاعات فوادچوہدری

    اس سے قبل وفاقی وزیراطلاعات فوادچوہدری نے سماجی رابطے کی ویب سائٹ ٹویٹر پرچینی قونصل خانے پر حملے کی مذمت کرتے ہوئے کہا تھا سیکورٹی اداروں نے آج کراچی کو ایک بڑی سازش سے بچا لیا، تمام تین دہشت گردوں کو ہلاک ہوچکے ہیں، اس آپریشن میں پولیس کے دو اہلکاروں نے خون کا نذرانہ پیش کیا۔

    فوادچوہدری کا کہنا تھا کہ چینی قونصل خانے کے تمام اہلکار محفوظ ہیں اور صورتحال پولیس اوررینجرز کے مکمل کنٹرول میں ہیں، سازش کی تہہ تک پہنچیں گے۔

    یاد رہے دہشت گردوں نے آج صبح سوا نو بجے کے قریب کراچی میں چینی قونصل خانے پر حملہ کیا، ذرائع کے مطابق تین سے چار حملہ آور سفید کار چینی قونصلیٹ  کے قریب پہنچے اور قونصل خانے کے دروازے پر تعینات پولیس اہلکاروں کو نشانہ بنایا۔

    مزید پڑھیں : چینی قونصل خانے پرحملے کی کوشش ناکام ‘ 2 پولیس اہلکار شہید ‘ 3 دہشت گردہلاک

    بہادراہلکاروں نے مقابلہ کیا جس پر دہشت گردوں نے دستی بموں سے حملہ کردیا، جس میں دو اہلکار شہید ہوگئے، جس کے بعد دہشت گرد قونصل خانے کے احاطے میں داخل ہوئے اور ویزا سیکشن کی طرف بڑھنے کی کوشش کی، یہاں بھی اہلکار موجود تھا، جس نے دہشت گردوں کا مقابلہ کیا ۔

    فورسز کے فوری ایکشن کی وجہ سے دہشت گرد احاطے ہی میں محصور رہے اور عمارت کے اندر داخل نہیں ہوسکے ، کارروائی کے دوران تین دہشت گرد باہراحاطے ہی میں مارے گئے، جن سے بھاری اسلحہ اور خود کش جیکٹ برآمد ہوئے۔

    دہشت گردی کی اس کارروائی میں چینی قونصل جنرل اورتمام عملہ محفوظ رہا

  • میرا بیان سپریم کورٹ یا عدلیہ سے متعلق نہیں بیورو کریسی سے متعلق تھا، فواد چوہدری

    میرا بیان سپریم کورٹ یا عدلیہ سے متعلق نہیں بیورو کریسی سے متعلق تھا، فواد چوہدری

    اسلام آباد :وزیراطلاعات فواد چوہدری کا کہنا ہے کہ عدالت کی توہین کاسوال ہی پیدانہیں ہوتا، میرابیان سپریم کورٹ یاعدلیہ سےمتعلق نہیں بیوروکریسی سے متعلق تھا۔

    تفصیلات کے مطابق وزیراطلاعات فواد چوہدری نے سپریم کورٹ کے باہر میڈیا سے گفتگو کرتے ہوئے کہا چیف جسٹس صاحب نے حکم کیا اور میں عدالت میں حاضر ہوگیا، سپریم کورٹ سمیت عدلیہ جو بھی حکم کرے گی اس پر عمل ہوگا۔

    فواد چوہدری کا کہنا تھا کہ میرابیان سپریم کورٹ یاعدلیہ سےمتعلق نہیں بیوروکریسی سےمتعلق تھا، بطوروکیل بھی عدلیہ کا احترام مجھ پر لازم ہے، عدالت کی توہین کاسوال ہی پیدانہیں ہوتا۔

    وزیراطلاعات نے کہا پالیسیاں بناناحکومت کاکام ہے،آئین سپریم ہے، آئین کے مطابق سب کو معلوم ہے کس کا کیا اختیار ہے، میں نے اداروں میں اختیارات کے توازن کی بات کی تھی، آئین سپریم ہے کوئی شخص یا ادارہ نہیں، آئین کے مطابق ہی بڑھیں گے۔

    مولانافضل الرحمان کے حوالے سے کہنا تھا کہ مولانا فضل الرحمان کو دن میں تارے اور رات میں طیارے نظر آرہے ہیں، ان کو تو بس یہ ہی کہوں گا لگے رہو منا بھائی، مولانا فضل الرحمان مزا نہیں آئے، آپ اب تک کچھ نہیں کر پائے، ان کی اے پی سی بھی پھس پھسی نکلی۔

    مزید پڑھیں : آئی جی اسلام آباد تبادلہ کیس ، فواد چوہدری سپریم کورٹ‌ میں پیش

    بیوروکریسی سے محبت میں کوئی کمی نہیں آئی، پولیس میں کوئی سیاسی مداخلت نہیں ہے۔

    اس سے قبل آئی جی اسلام آباد تبادلہ کیس فواد چوہدری نے عدالت میں پیش ہو کر کہا عدالت کی کبھی توہین کی نہ کبھی ایسا سوچا ہے، اس وقت بیوروکریسی سےمتعلق مسائل آرہے ہیں، چیف جسٹس نے ریمارکس دئیے بیورو کریسی نے حکمرانی نہیں کرنی آپ نےہی کرنی ہے ۔

    فواد چوہدری نے کہا اس وقت بیوروکریسی سےمتعلق مسائل آرہے ہیں، تو چیف جسٹس نے ریمارکس دیئے بیان کوایسےپڑھ رہےہیں جیسے عدالت کی طرف پوائنٹ آؤٹ کیا ، وزیراطلاعات کا کہنا تھا محترم عدلیہ کا احترام ہے۔