اسلام آباد : وزیراطلاعات فوادچوہدری کا کہنا ہے کہ پاکستان کے نادہندہ ہونے کا خطرہ ٹل چکا ہے، وزیراعظم ہی آئی جی کو نہیں ہٹا سکتا تو پھر الیکشن کا کیا فائدہ ہے، وزیراعظم اختیارات رکھتے ہیں اور اس کے استعمال میں وہ حق بجانب ہیں۔

تفصیلات کے مطابق اسلام آباد میں وزیراطلاعات فوادچوہدری نے میڈیا سے گفتگو کرتے ہوئے کہا وزیراعظم کےدورہ چین سے دوطرفہ تعلقات میں اضافہ ہوگا اور دورے سے نئے تعلقات کا باب شروع ہوگا۔

فوادچوہدری کا کہنا تھا کہ اسٹاک مارکیٹ میں1450پوائنٹس کااضافہ حکومت پراعتماد ظاہر کرتاہے، ظاہر ہوتا ہے سرمایہ کارکوحکومت کی معاشی پالیسیوں پر اعتماد ہے، وہ گرداب جس میں گزشتہ حکومتوں نے چھوڑا اس سے کافی حد تک نکل آئے ہیں اور پاکستان کے نادہندہ ہونے کا خطرہ ٹل چکا ہے۔

وزیراطلاعات نے کہا حکومتوں کی 70دن میں ٹیم نہیں بنتی ہم نے اقدامات کرڈالے، وزیراعظم کے شکایات پورٹل پرایک لاکھ سےشکایات موصول ہوئی ہیں، چند دن میں شکایات پر داد رسی سے متعلق آگاہ کریں گے، شکایات سیل سے سرکاری افسران اور محکموں کا ڈیٹا اکٹھا ہوتا رہے گا اور عوام کو بھی اندازہ ہوتا رہے گا کہ معاملات جا کہاں رہے ہیں۔

پاکستان کے نادہندہ ہونے کا خطرہ ٹل چکا ہے

آئی جی اسلام آباد کے تبادلے سے متعلق ان کا کہنا تھا کہ مسئلہ یہ نہیں اعظم سواتی کا معاملہ ٹھیک ہے یا نہیں، یہ کیسے ممکن ہے آئی جی اسلام آباد وفاقی وزیر کا فون نہ اٹھائیں، وفاقی وزیر اسلام آباد کے اسکولوں میں منشیات سے متعلق بتارہےتھے۔

فواد چوہدری نے مزید کہا آئی جی چیف سیکریٹری نہیں،وزیراعظم اورچیف سیکریٹری کوجواب دہ ہیں، فون نہ اٹھانے سے آئی جی ہیرو نہیں بن جائیں گے، اگر ہم نے بیورکریٹس کی مدد سے حکومت کرانی ہے تو الیکشن ہی نہیں کراتے۔

وزیراطلاعات کا کہنا تھا کہ وزیراعظم ہی آئی جی کونہیں ہٹاسکتاتوپھرالیکشن کاکیافائدہ ہے، بیوروکریسی میں کچھ افسران پالیسی فالو نہیں کررہے، اگر ایسا ہوا تو پھر انتخابی نگرانی کا معاملہ کہاں جائے گا، ہم نے کے پی میں حکومت کی وہاں سے کتنی شکایات آئی ہیں۔

انھوں نے کہا جتنی عرصہ ن لیگ حکومت میں رہی اس عرصے میں بادشاہی بن جاتی ہے، وزیراعظم اختیارات رکھتے ہیں اور اس کے استعمال میں وہ حق بجانب ہیں، ممکن نہیں کہ آئی جی منتخب نمائندوں کو گھاس نہ ڈالیں۔

بنی گالہ کیس کے حوالے سے فواد چوہدری کا کہنا تھا کہ وزیراعظم نے جب گھر بنایا تھا اس وقت وہ سی ڈی اے کی حدود میں نہیں تھا، ضلعی حکومت کی اجازت سے وزیراعظم نے گھر بنانے کی اجازت لی، وزیراعظم کے گھر بنانے میں کوئی غیر قانونی بات نہیں ہے۔

وزیراطلاعات نے کہا گاؤں میں جوگھربنتےہیں وہ کس قانون کے تحت بنتے ہیں، یونین کونسل کی اجازت سے وزیراعظم نے گھر بنانے کی اجازت لی، پاکستان کو جو استحکام ملا ہے، اس پر خوشی منانے کی ضرورت ہے، یونین کونسل کی مدد سے گھر بنالیے جاتے ہیں۔

فواد چوہدری کا مزید کہنا تھا کہ اےپی سی کی ہمیں کوئی تک نظرنہیں آتی،صرف این آراو کے لیے ہورہی ہے، ان لوگوں کو صرف یہ یقین دہانی چاہیےکہ ان کےخلاف مقدمے نہ چلائے جائیں۔

نوازشریف، آصف زرداری اور فضل الرحمان این آر او چاہتے ہیں لیکن کوئی این آر او نہیں ملےگا

انھوں نے کہا نوازشریف، آصف زرداری اور فضل الرحمان این آر او چاہتے ہیں  لیکن وزیراعظم نے کہہ دیا ہے کچھ بھی ہو جائے کوئی این آر او نہیں ملے گا۔

وزیراطلاعات کا کہنا تھا کہ اگرشہباز شریف کو پی اے سی کا چیئرمین بنائیں گے تو اجلاس جیل میں بلائیں گے، اپوزیشن کو کوئی دوسرا نام دینا ہے تو ہم منتظرہیں، اپوزیشن کےپاس کوئی شفاف نام ہیں ہی نہیں۔

انھوں نے کہا کہ اےپی سی کیااین آراوکےلیےنہیں ہورہی ، وہ کہہ رہے ہیں این آراو، ہم کہہ رہے نہ دو۔

اسلام آباد:وزیراطلاعات فوادچوہدری کا کہنا ہے کہ ہمیں 28 ہزار کروڑ کے قرضے ورثے میں ملے، ملک ترقی کرے گا تو ہم سب ترقی کریں گے، پاکستان کو ترقی کی راہ پر ڈالنا ہمارا منشور ہے، اس پر عمل درآمد کریں گے۔

تفصیلات کے مطابق اسلام آباد میں وزیراطلاعات فوادچوہدری نے تقریب سے خطاب کرتے ہوئے کہا کہ ملک ترقی کرے گا تو ہم سب ترقی کریں گے، ملک کی ترقی میں ہم سب کافائدہ ہے، ہمیں 28 ہزار کروڑ کے قرضے ورثے میں ملے ہیں، ہمارےادارے مکمل طور پر بیٹھ گئے تھے انہیں فعال کرنے کی ضرورت ہے۔

وزیراطلاعات کا کہنا تھا کہ آج ملک ایسے دور سے گزر رہا ہے، اس کے ہم خود بھی ذمہ دارہیں، جو ٹیکنالوجی کا انقلاب آیا، آئندہ 10سال میں اس سے بڑا انقلاب آئے گا، ٹیکنالوجی میں ترقی کی وجہ سے میڈیا میں بھی تیزی سے تبدیلی ہوئی، انٹرنیٹ سینسر شپ بڑھاتے گئے تو انٹرنیٹ کو بند کرنا پڑ جائے گا۔

فواد چوہدری نے کہا میڈیاکی آزادی ریاست کیلئے انتہائی اہم ہے، میڈیا کی مشاورت کے بغیر کوئی اتھارٹی قائم نہیں کی جائے گی، میڈیا سے متعلق قانون سازی صحافیوں کی مشاورت سے ہوگی، میڈیا اور اپوزیشن کے بغیر آگے بڑھنا ممکن نہیں۔

یوم دفاع و شہدا کے حوالے سے ان کا کہنا تھا آج کے دن اپنے شہیدوں کو خراج تحسین پیش کرتےہیں۔

پاکستان کو ترقی کی راہ پر ڈالنا ہمارا منشور ہے، اس پر عمل درآمد کریں گے، فواد چوہدری

وزیراطلاعات نے کہا ہم نے آتے ہی اپنے منشور پر عملدرآمد شروع کیا اور پورے ملک میں 15لاکھ درخت لگائے، پاکستان کو ترقی کی راہ پر ڈالنا ہمارا منشور ہے اور ہم اس پر عملدرآمد کریں گے، ملک امیر ہوگا تو میڈیا کو بھی فنڈز دیئے جائیں گے۔

فواد چوہدری کا کہنا تھا کہ نئے سیٹلائٹ نظام سے میڈیا میں بھی انقلاب آرہا ہے، الیکٹرانک،پرنٹ اور سوشل میڈیا کا ایک دوسرے پر انحصار ہے، مستقبل کے جدید دور میں سینسر شپ حکومت کے ہاتھ میں نہیں رکھیں گے۔

انھوں نے مزید کہا وزیراعظم کا وژن ہے، عوام کیلئے معاملات آسان بنائے جائیں، ہم دیگر مسلم ممالک سے بہت آگےہیں، ہم نے سینسر شپ باڈیز کی بجائے ریگولیٹری باڈیز بنانی ہیں۔

فواد چوہدری نے کہا سرکاری اشتہارات کی تقسیم کے لئے طریقہ کار وضع کیا جائے گا، اشتہارات کی تقیسم کا فارمولہ بھی صحافتی تنظیموں کی مشاورت سے طے کیا جائے گا، پی ایم ایل این کی حکومت نے 21 ارب کے اشتہارات دیئے، ہم اتنےاشتہارات نہیں دے پائیں گے۔

وزیر اطلاعات کا کہنا تھا کہ اشتہارات کا درمیانی حل نکالیں گے تاکہ میڈیا انڈسٹری متاثرنہ ہو، اشتہاری ایجنسیوں کا کردار کم ہونا چاہیے، ہم چاہتے ہیں سرکاری اشتہارات پر ہمارا کنٹرول ختم ہو، مجھے لکھ کر دیں، ٹرانسپیرنسی فارمولہ کیا ہونا چاہیے؟ ایسا فارمولہ دیں، جس میں بینیفیشل آپ صحافی لوگ ہوں، ایک آزاد بورڈ بنایا جائے، جس میں صحافی اور حکومت کے لوگ ہوں۔