Tag: وزیراعظم شہبازشریف

اسلام آباد : وزیراعظم شہبازشریف نے وزیراعلیٰ سندھ مراد علی شاہ کو سیلاب متاثرین کی خدمت کیلئے ہر ممکن مدد کی پیشکش کردی۔

تفصیلات کے مطابق وزیراعظم شہبازشریف نے وزیراعلیٰ سندھ مراد علی شاہ سے ٹیلی فونک رابطہ کیا اور وزیراعلیٰ سندھ سے سیلاب متاثرین کی امدادسےمتعلق آگاہی حاصل کی۔

وزیراعظم نے کہا وفاقی حکومت ہر طرح سے مدد کے لیے حاضرہے اور ہدایت کی سیلاب متاثرین کی خدمت میں کوئی کسرنہ اٹھارکھی جائے۔

وزیراعظم نےسیلاب متاثرین سےمتعلق وزیراعلیٰ اورسندھ حکومت کی کارکردگی کوسراہا ، مراد علی شاہ نے بھرپور تعاون پر وفاقی حکومت اور وزیراعظم کا شکریہ ادا کیا۔

یاد رہے گذشتہ روز وزیراعظم شہباز شریف نے غذر میں سیلاب متاثرین سے گفتگو کرتے ہوئے کہا تھا کہ سیاست کو بالائے طاق رکھتے ہوئے خدمت پر یقین رکھتے ہیں، 25 ہزار روپے ریلیف کیش فوری طور پر ہر متاثرین کو دیا جا رہا ہے، سیلاب متاثرین کی بحالی تک چین سے نہیں بیٹھیں گے۔

شہباز شریف کا کہنا تھا کہ ایک پائی بھی کسی غیر مستحق تک نہیں پہنچنے دیں گے، یقین دلاتا ہوں کہ امداد صرف حقدار تک پہنچائی جائے گی، سیلاب متاثرین کی بحالی کے لیے صوبائی حکومتوں سے مل کر کام کریں گے، یہ سیاست کا نہیں خدمت کا وقت ہے۔

لاہور : لاہور ہائی کورٹ نے وزیراعظم شہبازشریف کی نااہلی کی درخواست واپس لینے کی بنیاد پرمسترد کردی۔

تفصیلات کے مطابق لاہور ہائی کورٹ کے جسٹس شاہد وحید نے پی ٹی آٸی کی رہنما عندلیب عباس کی وزیراعظم شہباز شریف کی نااہلی کی درخواست پر سماعت کی۔

درخواست گزار کے وکیل نے عدالت کو بتایا گیا کہ شہباز شریف اور انکی کابینہ نے اشتہاری ملزمان کے ساتھ ملاقاتیں کیں، بیرون ملک مقیم اشتہاری ملزمان سے سرکاری رازوں پر مشاورت کی گئی۔

وکیل کا کہنا تھا کہ شہباز شریف سمیت انکی کابینہ نے قانون کی خلاف وزری کی ہے،عدالت شہباز شریف اور ان کی کابینہ کو نااہل کرنے کا حکم دے۔

جس پر عدالت نے استفسار کیا کہ الیکشن کمیشن کس اختیار کے تحت وزیر اعظم کو نااہل کرسکتا ہے، درخواست گزار کے وکیل نے عدالت سے تیاری کے لیے مزید مہلت طلب کی۔

جسے عدالت نے مسترد کرتے ہوئے قرار دیا کہ آپ نے چھٹیوں میں کیس زور دیکر لگوایا ہے،مزید وقت نہیں دیا جائے گا۔

عدالت نے درخواست گزار کی جانب سے وزیراعظم شہبازشریف کی نااہلی کی درخواست واپس لینے پر خارج کر دی۔

بعد ازاں عندلیب عباس نے میڈیا سے گفتگو  کرتے ہوئے کہا کہ ہمارا کیس بڑا واضح ہے کہ شہباز شریف اور ان کی کابینہ نے اشتہاری ملزمان کے ساتھ ملکی راز شٸیر کیے اور انھیں لے کر سرکاری دورے کیے ۔

ان کا کہنا تھا کہ شہباز شریف اور ان کی کابینہ اب اہل نہیں رہے لہذا انھیں عہدے پر رہنے کا کوٸی حق نہیں۔

اسلام آباد : وزیراعظم شہبازشریف نے سیلاب متاثرین کے لیے امدادی فنڈ قائم کردیا اور مخیر حضرات سے تعاون کی اپیل کردی۔

تفصیلات کے مطابق وزیراعظم شہبازشریف نے سیلاب متاثرین کی مدد کےلیےامدادی فنڈ قائم کر دیا۔

وزیراعظم نے مخیر حضرات سے اپیل ہےکہ سیلاب کی تباہی کا شکار اہل وطن کی مدد کریں، تاریخی بارشوں نے سیلاب کی صورت قیامت صغری ٰبرپا کی ہے۔

شہباز شریف کا کہنا تھا کہ بلوچستان میں غیر معمولی تباہی ہوئی ہے، سندھ، خیبرپختونخوا اور پنجاب میں بے تحاشہ نقصانات ہوئے ہیں۔

انھوں نے بتایا کہ حکومت نے مشکل معاشی حالات کے باوجود 5 ارب متاثرین کے لیےجاری کردیے، مخیر حضرات مشکلات میں گھرے پاکستانیوں کو پھرآباد کرنے میں حکومت کا ہاتھ بٹائیں۔.

وزیراعظم کا کہنا تھا کہ متاثرہ بھائیوں بہنوں اور بچوں کی مدد انصار مدینہ والے جذبے سے کرنے کی ضرورت ہے، اہل پاکستان نے 2005 کے زلزلے اور 2010 کے سیلاب کے وقت دل کھول کر مدد کی، اہل پاکستان دنیا میں ایک مثال قائم کی تھی، آج بھی اسی جذبے کی ضرورت ہے۔

شہباز شریف نے کہا کہ وفاق نے سیلاب سے متاثرہ علاقوں میں ایمرجنسی نافذ کر دی ہے اور صوبائی حکومتیں بھی متاثرہ علاقوں کو آفت زدہ قرار دیں تاکہ امدادی کاموں کو تیز کیا جاسکے۔

انھوں نے بتایا کہ رقوم پرائم منسٹر ریلیف فنڈ 2022 کےاکاؤنٹ نمبر جی 12164 میں جمع کرائی جاسکتی ہیں۔

اسلام آباد : وزیراعظم شہبازشریف نے یوم استحصال پر آزادی کے لئے لازوال جدوجہد پر کشمیریوں کو زبردست الفاظ میں خراج تحسین پیش کیا۔

تفصیلات کے مطابق وزیراعظم شہباز شریف نے یوم استحصال کےموقع پر سماجی رابطے کی ویب سائٹ ٹوئٹر پر اپنے پیغام میں کہا کہ آج بھارت کے 5 اگست 2019 کے غیر قانونی اقدام کو 3سال مکمل ہو گئے ہیں ، بھارت کا مقصد کشمیر کی عالمی طور پر تسلیم شدہ متنازع حیثیت کو تبدیل کرنا اور مقبوضہ علاقے کے آبادیاتی ڈھانچے کو تبدیل کرنا ہے۔

Today marks the 3rd sombre anniversary of India’s illegal and unilateral actions of 5 August 2019 that aimed at changing the internationally recognized disputed status of occupied Jammu and Kashmir and altering the demographic structure of the occupied territory.

— Shehbaz Sharif (@CMShehbaz) August 5, 2022

شہبازشریف کا کہنا تھا کہ دہائیوں سے بھارت نے کشمیریوں کےخلاف بھر پور طاقت کا استعمال کیا ہے، بہادر کشمیریوں نےخوف، تشدد اور انسانی حقوق کی خلاف ورزیوں کا سامنا کیا ہے، بھارتی جبر کشمیریوں کے عزم کو کمزور کرنے میں ناکام رہا ہے۔

Over the last decades, India has used unbridled force with complete impunity. Generations after generations, brave Kashmiris have persevered in the face of fear, intimidation, torture & worst forms of human rights violations. Indian oppression has failed to dent their resolve.

— Shehbaz Sharif (@CMShehbaz) August 5, 2022

وزیراعظم نے کہا کہ جموں و کشمیر کا تنازع شدید مشکلات کے خلاف امید کی جنگ ہے، کشمیریوں کی جنب خوف کے خلاف ہمت اور ظلم کے خلاف قربانی کی جنگ ہے، مقبوضہ کشمیرکےشہداکوبھرپورخراج عقیدت پیش کرتےہیں۔

لاہور : تحریک انصاف نے وزیراعظم شہبازشریف اور کابینہ کوعہدے سے ہٹانے کیلئے درخواست دائر کردی۔

تفصیلات کے مطابق لاہور ہائی کورٹ میں وزیراعظم شہبازشریف اور کابینہ کوعہدے سے ہٹانے کیلئے درخواست دائر کردی گئی۔

لاہور:درخواست تحریک انصاف کے رہنما عندلیب عباس اور حسان نیازی نے دائر کی ، جس میں وفاق،وزیراعظم پرنسپل سیکرٹری،الیکشن کمیشن سمیت دیگر کو فریق بنایا گیا۔

درخواست میں موقف اختیار کیا گیا ہے کہ وزیر اعظم شہباز شریف کے خلاف منی لانڈرنگ کے کیسز زیر سماعت ہیں، شہباز شریف اور انکی کابینہ نے لندن دورے کے دوران اشتہاری ملزمان سے ملاقات کی۔

درخواست میں کہا ہے کہ شہباز شریف نے ترکی میں اشتہاری سلمان شہباز کو سرکاری دورے میں شامل کیا،سلمان شہباز اور انکی اہلیہ کو سرکاری دورے کرانا قانون کی صریحاً خلاف ورزی ہے۔

درخواست گزار کا کہنا تھا کہ شہباز شریف اپنے اختیارات کا غلط استعمال کر کے آئین کی خلاف ورزی کر رہے ہیں،لاہور ہائیکورٹ شہباز شریف ، ان کی کابینہ کو عہدوں سے ہٹانے اور ملک میں نگران وزیر اعظم تعینات کرنے کا حکم دے۔