Tag: وزیراعظم شہباز شریف

سلام آباد: وزیراعظم شہباز شریف آج وزارت دفاع کی جانب سے بھیجے گئے ڈوزیئرز کا جائزہ لیں گے، آصف زرداری اور مولانافضل الرحمان کوتازہ صورتحال سے آگاہ کردیا گیا ہے۔

تفصیلات کے مطابق وزیراعظم شہباز شریف نے وفاقی وزرا کو وزیراعظم ہاؤس بلالیا ہے، ذرائع کا کہنا ہے کہ وزیراعظم آج وزارت دفاع کی جانب سے بھیجے گئے ڈوزیئرز کا جائزہ لیں گے۔

آصف زرداری مولانافضل الرحمان کوتازہ صورتحال سے آگاہ کردیاگیا ، وزیراعظم کی جانب سے شام کو اہم تعیناتی پر اتحادی پارلیمانی رہنماؤں کو اعتماد میں لیا جائے گا۔

وزیراعظم ہاؤس میں حکومتی اتحادی رہنماؤں کے اعزاز میں عشائیہ بھی دیا جائے گا۔

واضح رہے کہ وزیراعظم نے ملک کی موجودہ سیاسی صورت حال پر وزرا کو اعتماد میں لینے کے لیے وفاقی کابینہ کا خصوصی اجلاس جمعرات کو طلب کر رکھا ہے۔

ذرائع کے مطابق وفاقی کابینہ کا اجلاس کا ایک نکاتی ایجنڈا ہوگا اور یہ جمعرات کی صبح 9 بجے وزیراعظم ہاؤس میں ہوگا۔

اسلام آباد : وزیراعظم ہاؤس کا کہنا ہے کہ وزیراعظم شہباز شریف متعین طریقہ کار کے مطابق اہم تعیناتیوں سے متعلق فیصلہ کریں گے۔

تفصیلات کے مطابق وزیراعظم ہاؤس کی جانب سے سماجی رابطے کی ویب سائٹ ٹوئٹر پر بیان میں کہا گیا ہے کہ وزیراعظم ہاؤس کو وزارت دفاع کی جانب سے سمری موصول ہوگئی ہے، وزیر اعظم طے شدہ طریقہ کار کے مطابق تقرریوں کا فیصلہ کریں گے۔

The PM Office has received the summary from the Ministry of Defence with a panel of names for the appointment of Chairman Joint Chiefs of Staff Committee and Chief of the Army Staff. The Prime Minister will take a decision on the appointments as per the laid down procedure.

— Prime Minister’s Office (@PakPMO) November 23, 2022

دوسری جانب وزیراطلاعات ونشریات مریم اورنگزیب نے بیان میں کہا کہ وزارت دفاع کی طرف سےبھیجوائی گئی سمری وزیراعظم آفس کوموصول ہوگئی ہے ، چیئرمن جوائنٹ چیفس آف اسٹاف کمیٹی اور آرمی چیف کی تقرری کیلئےناموں کاپینل بھجوایا گیا ہے۔

مریم اورنگزیب کا کہنا ہے کہ وزیراعظم متعین طریقہ کار کے مطابق ان تعیناتیوں سےمتعلق فیصلہ کریں گے۔

گذشتہ روز پاک فوج کے نئے سربراہ کی تعیناتی کا معاملہ جی ایچ کیو نے سینئر ترین لیفٹیننٹ جنرلز کے نام و ڈوزیئر وزارت دفاع کو بجھوائے تھے۔

بچیئرمین جوائنٹ چیفس آف اسٹاف کمیٹی کا تقرر بھی انہی لیفٹیننٹ جنرلز میں سے ہو گا۔

لیفٹیننٹ جنرل عاصم منیر کا نام پہلے نمبر پر شامل ہے۔لیفٹیننٹ جنرل ساحر شمشاد مرزا کا نام فہرست میں دوسرے نمبر اور لیفٹیننٹ جنرل اظہر عباس سنیارٹی لسٹ میں تیسرے نمبر پر ہیں ۔

فور اسٹار جنرلز کی تعیناتیوں کی سنیارٹی لسٹ میں لیفٹیننٹ جنرل نعمان محمود چوتھے اور سابق ڈی جی آئی ایس آئی لیفٹیننٹ جنرل فیض حمید پانچویں نمبر پر ہے جبکہ لیفٹیینٹ جنرل محمد عامر کا نام چھٹے نمبر پر شامل ہے۔

آئین کے تحت مسلح افواج میں فور اسٹار تعیناتیوں کا اختیار وزیراعظم کا ہے جبکہ فور اسٹار تعیناتیوں کی رسمی منظوری صدر مملکت دیتے ہیں۔

اسلام‌ آباد : وزیراعظم شہبازشریف 2 روزہ دورے پر 24 نومبر کو ترکیہ روانہ ہوں گے ، جہاں وہ ترک صدر سے اہم ملاقات کریں گے۔

تفصیلات کے مطابق وزیراعظم شہباز شریف 24 نومبر کو دو روزہ دورہ پر ترکیہ روانہ ہوں گے، وزیراعظم کے ہمراہ وزیر دفاع سمیت دفاعی حکام بھی ترکیہ جائیں گے۔

ذرائع نے بتایا ہے کہ وزیراعظم شہباز شریف ترکی میں اعلی سطحی تقریب میں شریک ہوں گے۔

ذرائع کے مطابق وزیراعظم اور ترک صدر کے درمیان اہم ملاقات بھی ہو گی، ملاقات میں پاک ترکیہ تعلقات کےفروغ اور خطے کی صورتحال پر بات چیت کی جائے گی۔

وزیراعظم ترکیہ کا دورہ مکمل کرکے 26 نومبر کو وطن واپس پہنچیں گے۔

یاد رہے رواں سال ستمبر میں وزیراعظم شہبازشریف سے ترکیہ کے صدر رجب طیب اردوان کی سمرقند میں ملاقات ہوئی تھی، ملاقات میں دونوں رہنماؤں نے باہمی دلچسپی اور بین الاقوامی امور پر تبادلہ خیال کیا۔

ترک صدر کیساتھ ملاقات میں وزیراعظم نے پاکستان ترکیہ ’’ٹریڈ ان گُڈز‘‘ کے معاہدے پر دستخط کا خیرمقدم کرتے ہوئے سیلاب کے بعد ترکیہ کی طرف سے یکجہتی اور فراخدلی سے تعاون پر شکریہ ادا کیا تھا۔

بیجنگ : وزیراعظم شہباز شریف آ ج چینی صدر اور وزیراعظم سےعلیحدہ علیحدہ ملاقاتیں کریں گے۔

تفصیلات کے مطابق وزیراعظم شہبازشریف کے 2روزہ سرکاری دورے پر چین پہنچنے پر بیجنگ ایئر پورٹ پر پرتپاک استقبال کیا گیا۔

وفاقی وزراء بلاول بھٹو، اسحاق ڈار، اسعد محمود، احسن اقبال، مریم اورنگزیب، سعد رفیق اور وزیراعلیٰ سندھ مرادعلی شاہ بھی ان کے ہمراہ ہیں۔

شہباز شریف آج بیجنگ میں چینی صدراوروزیراعظم سے الگ الگ ملاقاتیں کریں گے۔

ملاقاتوں میں سی پیک سمیت کثیرالجہتی تعاون میں مزید فروغ کے لیے بات چیت ہوگی۔

اس کے علاوہ وزیراعظم چینی سرمایہ کاروں اور پاکستانی تاجروں سے بھی ملیں گے۔

وفاقی وزراء اور دیگر پر مشتمل وفد بھی دورہ چین میں وزیر اعظم کے ساتھ چین گیا ہے۔

خیال رہے وزیراعظم شہباز شریف کا منصب سنبھالنے کے بعد چین کا یہ پہلادورہ ہے ، شہباز شریف چینی ہم منصب کی دعوت پریہ دورہ کررہے ہیں۔

وفاقی وزراء اور دیگر پر مشتمل وفد بھی دورہ چین میں وزیر اعظم کے ساتھ چین گیا ہے۔

اسلام آباد : وزیراعظم شہباز شریف کل چین روانہ ہوں گے، دورے کے دوران وزیراعظم چین کے صدر شی جن پنگ سے ملاقات کریں گے۔

تفصیلات کے مطابق وزیراعظم شہباز شریف کل چین روانہ ہوں گے ، منصب سنبھالنے کے بعد وزیراعظم شہبازشریف کا چین کا یہ پہلا دورہ ہے۔

اعلی سطحی وفد بھی وزیراعظم شہباز شریف کے ہمراہ چین روانہ ہو گا ، وزیراعظم کا دورہ دونوں ممالک کے درمیان قیادت کی سطح پر مسلسل رابطوں کی کڑی ہے۔

دورے کے دوران وزیراعظم شہباز شریف چین کے صدرشی جن پنگ سےملاقات کریں گے۔

اس دوران دونوں ممالک کے وزرائےاعظم کے درمیان وفودکی سطح پر مذاکرات ہوں گے ، جس میں دونوں ممالک کے سربراہ اسٹرٹیجک کو آپریشن پارٹنرشپ کا جائزہ لیں گے۔

ملاقاتوں اوراجلاسوں میں علاقائی،عالمی سطح پر صورتحال پر بھی تبادلہ خیال ہو گا۔

دورے سے دونوں ممالک کے درمیان دوطرفہ تعاون کےایجنڈےپرپیش رفت متوقع ہے جبکہ مفاہمت کی متعدد یاداشتوں اور معاہدات پر دستخط ہونے کا بھی امکان ہے۔

دورے سے چین پاکستان اقتصادی راہداری کی رفتار مزید بڑھنے کی توقع ہے۔

خیال رہے وزیراعظم سے چین کے صدرشی جن پنگ کی ازبکستان میں 16 ستمبرکو ملاقات ہوئی تھی جبکہ سی پیک سے متعلق مشترکہ تعاون کمیٹی کا11واں اجلاس 27 اکتوبر کو منعقد ہوا تھا۔