آستانہ: وزیراعظم شہبازشریف نے بھارت کا مکروہ چہرہ بےنقاب کردیا اور کہا بھارت آج خطے اور پڑوسیوں کیلئے خطرہ بن گیا ہے۔
تفصیلات کے مطابق وزیراعظم شہباز شریف نے قازقستان کے درالحکومت آستانہ میں ایشیا میں روابط اور اعتماد سازی کے اقدامات سے متعلق چھٹی سربراہی کانفرنس سے خطاب کرتے ہوئے کہا کہ کانفرنس میں شرکت میرے لیے باعث اعزاز ہے۔
شہباز شریف کا کہنا تھا کہ موسمیاتی تبدیلی کےباعث پاکستان کوغیر معمولی صورتحال کا سامنا ہے ، سیلاب کے وجہ سے پاکستانی معیشت کو 30ارب کا نقصان ہوا۔
وزیراعظم نے کہا کہ اقوام متحدہ کی فلیش اپیل پرشکرگزار ہیں اور سیلاب کی تباہ کاریوں سے نمٹنے کے لیے تعاون پر شکر گزار ہیں ، ہزاروں کلو میٹرشاہراہیں،پل اورمکانات کو نقصان پہنچا۔
ان کا کہنا تھا کہ بیلٹ اینڈ روڈ انیشیٹو خطے کی ترقی کیلئے بہت اہم ہے، دوست ممالک کو دعوت دیتے ہیں کہ اس منصوبے کا حصہ بنیں۔
افغانستان کی صورتحال کے حوالے سے شہباز شریف نے کہا کہ افغانستان میں جنگ سےسب سے زیادہ نقصان پاکستان نے اٹھایا، پاکستان نےدہشتگردی کیخلاف نمٹنےمیں بہت سی کامیابیاں حاصل کیں، پاکستان نے4ملین سے زیادہ افغان مہاجرین کی میزبانی کی تاہم پاکستان کی پہلی ترجیحی معاشی ترقی کوفروغ دینا ہے۔
بھارت سے متعلق وزیراعظم کا کہنا تھا کہ خطے میں امن کیلئے مسئلہ کشمیر کا حل ضروری ہے، 7دہائیوں سے بھارت کشمیریوں کے حق خودارادیت کی جدوجہددبانےکی کوشش کررہاہے اور کشمیریوں کو حق خود ارادیت سے محروم رکھا۔
انھوں نے کہا کہ بھارت آج اقلیتوں کےلئے خطرہ بن گیا ہے، خطے میں امن اور استحکام کیلئے بھارت کیساتھ سنجیدہ مذاکرات کرنے کیلئے تیار ہوں ،لیکن بھارت کو مخلصانہ طور پر مسئلے سے متعلق بات کرنا ہوگی۔
شہباز شریف کا کہنا تھا کہ سرحدوں کے دونوں اطراف تنازع کو مزید برداشت نہیں کرسکتے ، سرحد کےدونوں اطراف بھوک اور دیگر چیلنجز کا سامنا ہے، آنےوالی نسلوں کے مستقبل کو محفوظ بنانے کیلئے دونوں ممالک کو کام کرنا ہوگا۔
انھوں نے روز دیا کہ بھارت کی ذمہ داری ہے کہ نتیجہ خیزمذاکرات کےلئے آگے بڑھے۔
وزیراعظم نے سیکا کے ساتھ عزم کا اعادہ کرتے ہوئے کہا کہ بھارت سمیت تمام ممالک کیساتھ اچھے تعلقات چاہتے ہیں، پاکستان امن و استحکام کےلئے بھارت سے اچھے تعلقات چاہتاہے ، پاکستان آئندہ نسلوں کےلئے امن کا خواہاں ہے۔
