Tag: وزیراعظم شہباز شریف

نیویارک : وزیراعظم شہباز شریف آج اقوام متحدہ کے سیکرٹری جنرل انتونیو گو تریس اور مائیکرو سافٹ کے بانی بل گیٹس سے ملاقات کریں گے۔

تفصیلات کے مطابق اقوام متحدہ جنرل اسمبلی کے 77ویں اجلاس کے اعلیٰ سطح مباحثے کا تیسرا روز ہے۔

وزیر اعظم شہباز شریف آج نیویارک میں سرکاری سرگرمیوں سے بھرپور دن گزاریں گے۔

شہباز شریف آج اقوام متحدہ کے سیکرٹری جنرل انتونیو گو تریس سے دو طرفہ امور پر ملاقات کریں گے جبکہ وزیراعظم کی مائیکرو سافٹ کے بانی بل گیٹس کیساتھ بھی ملاقات شیڈول ہے۔

وزیر اعظم جاپان، بیلجیئم اور ملائشیا کے وزرا ئے اعظم سے دو طرفہ امور پر الگ الگ ملاقاتیں کریں گے۔

شہباز شریف پاکستان مشن کی جانب سے سیلاب کی تباہی پرتصویری نمائش کادورہ کریں گے اور نیویارک میں نیوز ایجنسی کو انٹرویو بھی دیں گے۔

گزشتہ روزشہباز شریف نے اہم ملاقاتیں کیں، امریکی وزیر خارجہ بلنکن سے ملاقات میں سیلاب کی تباہ کاریوں سے آگاہ کیا۔

اینٹنی بلنکن نے کہا مشکل وقت میں امریکہ ،پاکستان کے ساتھ کھڑا ہے۔

وزیراعظم نے آئی ایم ایف کی مینیجنگ ڈائریکٹر اورصدر ورلڈ بینک کے ساتھ بھی ملاقات کی تھی۔

نیویارک : وزیراعظم شہباز شریف نے جنرل اسمبلی اجلاس کے موقع پر عالمی رہنماؤں کو پاکستان میں سیلاب کی تباہی سے آگاہ کردیا۔

تفصیلات کے مطابق وزیراعظم شہباز شریف نے سماجی رابطے کی ویب سائٹ ٹوئٹر پر اپنے پیغام میں کہا کہ جنرل اسمبلی اجلاس کے موقع پرعالمی رہنماؤں سے ملاقاتیں ہوئیں ، عالمی رہنماؤں کو پاکستان میں سیلاب کی تباہی سے آگاہ کیا۔

شہباز شریف کا کہنا تھا کہ موسمیاتی تبدیلی سے نمٹنے کے لیے اجتماعی اقدام کی ضرورت کو اجاگر کیا، میں نے بتایا تجارت ، معیشت میں شراکت داری قائم کرنے کے خواہاں ہیں۔

In my interactions with the world leaders on the sidelines of #UNGA Session, I apprised them of the flood disaster & highlighted the need for a collective action to deal with climate change. I also told them Pakistan is keen to build partnerships in the realms of trade & economy.

— Shehbaz Sharif (@CMShehbaz) September 21, 2022

یاد رہے نیویارک میں جاری یو این جنرل اسمبلی کے اجلاس کی سائیڈلائن پر وزیراعظم شہباز شریف کی عالمی سربراہان سے ملاقاتوں کا سلسلہ جاری ہے۔

وزیراعظم شہباز شریف نے امریکی ماحولیات کے وزیر جان کیری سے ملاقات کی ، ملاقات میں موسمیاتی تبدیلوں سے متعلق درپیش چیلنجز پر تبادلہ خیال کیا۔

وزیراعظم محمد شہباز شریف نے فرانس کے صدر ایمانوئل میکخواں سے ملاقات کی، اس موقع پر دوطرفہ تعلقات، علاقائی و بین الاقوامی امور پر تبادلہ خیال کیاگیا۔

اس کے علاوہ وزیراعظم شہباز شریف نے اسپین کے صدر ، آسٹریا کے چانسلر اور نیوزی لینڈ کی وزیراعظم جیسنڈا آرڈرن سے ملاقات کی اور سیلاب کی تباہ کاریوں سے متعلق آگاہ کیا۔

نیویارک : وزیراعظم شہباز شریف کا کہنا ہے کہ اقوام متحدہ کی جنرل اسمبلی کے خطاب اور ملاقاتوں میں دنیا کو پاکستان میں بڑے انسانی المیے سے آگاہ کروں گا۔

تفصیلات کے مطابق وزیراعظم شہباز شریف نے سماجی رابطے کی ویب سائٹ ٹوئٹر پر اپنے پیغام میں کہا کہ چند گھنٹے قبل نیویارک پہنچا ہوں ، یہاں دنیا کو پاکستان میں سیلاب کے بعد بڑے انسانی المیے سےآگاہ کروں گا۔

وزیراعظم کا کہنا تھا کہ اقوام متحدہ کی جنرل اسمبلی سے خطاب اورملاقاتیں کروں گا، میں پاکستان کا مقدمہ ، مسائل پیش کروں گا ، ایسے مسائل پیش کروں گا جن پردنیا کی فوری توجہ کی ضرورت ہے۔

Reached NY a few hours ago to tell Pakistan’s story to the world, a story of deep anguish & pain arising out of a massive human tragedy caused by floods. In my address at UNGA & bilateral meetings, I will present Pakistan’s case on issues that call for world’s immediate attention

— Shehbaz Sharif (@CMShehbaz) September 20, 2022

یاد رہے وزیراعظم لندن میں ملکہ برطانیہ کی آخری رسومات میں شرکت کے بعد نیویارک پہنچے ، جہاں پاکستان کے سفیرمسعود خان اور اقوام متحدہ میں پاکستان کے مندوب منیراکرم نے استقبال کیا۔

خیال رہے وزیراعظم تئیس ستمبر کو جنرل اسمبلی کے اجلاس سے خطاب کریں گے جبکہ اجلاس کی سائیڈلائن پر مختلف ممالک کے سربراہان سے ملاقاتیں بھی ہوں گی۔