Tag: وزیراعظم شہباز شریف

اسلام آباد : وزیراعظم شہباز شریف کا دورہ قطر سے قبل اہم بیان میں کہاہے کہ دورے سے دونوں ممالک کے درمیان دوستی اور بھائی چارے کے تعلق کی تجدید ہوں گی۔

تفصیلات کے مطابق وزیراعظم شہباز شریف نے قطر روانگی سے قبل سماجی رابطے کی ویب سائٹ ٹوئٹر پر اپنے پیغام میں کہا کہ اپنے بھائی شیخ تمیم بن حمدآل ثانی کی دعوت پرآج قطرروانہ ہورہاہوں، دورے سے دونوں ممالک میں دوستی اور بھائی چارے کے تعلق کی تجدیدہوگی۔

شہباز شریف کا کہنا تھا کہ تاریخی دوطرفہ روابط کو اور بھی زیادہ موثراسٹرٹیجک تعلقات میں تبدیل کرنا چاہتے ہیں

اپنے بھائی عزت مآب شیخ تمیم بن حمد آل ثانی کی دعوت پر آج قطر روانہ ہو رہا ہوں۔ اس دورے سے دونوں ممالک کے درمیان دوستی اور بھائی چارے کے تعلق کی تجدید ہوں گی۔ ہم اپنے تاریخی دوطرفہ روابط کو اور بھی زیادہ موثر سٹرٹیجک تعلقات میں تبدیل کرنا چاہتے ہیں۔

— Shehbaz Sharif (@CMShehbaz) August 23, 2022

وزیراعظم نے ایک اور ٹوئٹ میں لکھا ” کاروباری برادری سےملاقاتوں میں پاکستان میں سرمایہ کاری کےمواقع سےآگاہ کروں گا ، جن میں قابل تجدید توانائی، فوڈ سیکیورٹی، صنعت وانفرااسٹرکچر کی ترقی، سیاحت اور مہمان نوازی کے شعبے شامل ہیں۔

کاروباری برادری سے ملاقاتوں میں، میں انہیں پاکستان میں سرمایہ کاری کے پرکشش مواقع کے بارے میں آگاہ کروں گا جن میں قابل تجدید توانائی، فوڈ سکیورٹی، صنعت و انفراسٹرکچر کی ترقی، سیاحت اورمہمان نوازی کے شعبے شامل ہیں۔

— Shehbaz Sharif (@CMShehbaz) August 23, 2022

انھوں نے مزید کہا کہ اس دورے کے تناظر کو سمجھنا اہم ہے، کورونا وبا کے بعد دنیا معاشی سست روی سے بحالی کی طرف جارہی ہے۔

شہباز شریف کا کہنا تھا کہ جیوپولیٹیکل کشیدگیوں نے طلب اوررسدکاعمل متاثرکیا، توانائی اورخوراک کی قیمتوں میں اضافے نے بھی مسائل میں اضافہ کیا ہے، مشترکہ چیلنجزمتقاضی ہیں کہ تعاون کی نئی راہیں ڈھونڈیں۔

اس دورے کے تناظر کو سمجھنا اہم ہے۔ کورونا وبا کے بعد دنیا معاشی سست روی سے بحالی کی طرف جا رہی ہے۔ جیوپولیٹیکل کشیدگیوں نے طلب اور رسد کا عمل متاثر اور توانائی اور خوراک کی قیمتوں میں اضافے نے مسائل میں اضافہ کیا ہے۔ مشترکہ چیلنجز متقاضی ہیں کہ تعاون کی نئی راہیں ڈھونڈیں۔

— Shehbaz Sharif (@CMShehbaz) August 23, 2022

اسلام آباد : وزیراعظم شہباز شریف نے ملک میں ہنگامی بنیادوں پر زرعی اصلاحات کے نفاذ کا فیصلہ کرلیا۔

تفصیلات کے مطابق وزیراعظم شہباز شریف کی زیرصدارت زرعی شعبے کی اصلاحات پر اعلیٰ سطح کا اجلاس ہوا۔

جس میں وزیراعظم نے ملک میں ہنگامی بنیادوں پر زرعی اصلاحات کے نفاذ کا فیصلہ کرلیا۔

اجلاس میں زرعی اصلاحات کیلئے مختلف شعبوں کی 8سب کمیٹیوں نے وزیراعظم کو سفارشات پیش کیں ، سفارشات میں قلیل، وسط اور طویل مدتی جامع منصوبہ بندی شامل ہیں۔

وزیراعظم نے کہا کہ حکومت ترجیحی بنیادوں پر کسانوں کو ضروری سہولیات فراہم کرے گی اور کسانوں کو کم لاگت پر بروقت معیاری بیج، کھاد کی فراہمی یقینی بنائے گی۔

شہباز شریف کا کہنا تھا کہ کسانوں کو غیر معیاری بیج ،پیسٹی سائیڈ بیچنے والی کمپنیوں کا سد باب کیاجائے گا اور مقامی سطح پرمعیاری بیج کی پیداوار کیلئے زرعی تحقیقی اداروں کوسہولت دی جائے گی۔

انھوں نے کہا کہ حکومت کسانوں کو جدید مشینری،قرضوں میں سہولت کی فراہمی یقینی بنائےگی اور گندم،زرعی اجناس کوذخیرہ کرنےکیلئےسائیلوز کی تعمیر پر کام کرے گی۔

وزیراعظم نے روز دیا کہ یقینی بنایا جائے زرعی اِن پٹس پرحکومت کی طرف سے سبسڈی کسانوں تک پہنچے۔

ان کا کہنا تھا کہ زرعی منصوبہ بندی کے دوران موسمیاتی تبدیلی کے اثرات کو بھی ملحوظِ خاطر رکھا جائے اور کسانوں کو زراعت کے جدید طریقہ کار سے روشناس کرانے کیلئے آگاہی مہم چلائی جائے۔

اسلام آباد : وزیراعظم شہباز شریف دورہ قطر میں اسلام آباد ایئرپورٹ اور روزویلٹ ہوٹل میں سرمایہ کاری کی پیشکش کریں گے، اس حوالے سے پلان تیار کرلیاگیا۔

تفصیلات کے مطابق وزیراعظم کے دورہ قطر کے معاملے پر ہوابازی کے شعبوں میں سرمایہ کاری کے لیے پلان تیار کرلیا گیا۔

سی اےاے حکام نے اسلام آباد ایئرپورٹ میں سرمایہ کاری سے متعلق پلان تیار کرلیا۔

سی اے اے ذرائع نے بتایا کہ قطر کو اسلام آباد ایرپورٹ چلانے کے لیے مینجمنٹ کنٹرول دیا جاسکتا ہے، سی اے اے شعبہ کمرشل، لیگل اور فنانس نے مشترکہ پلان تیار کرلیا ہے۔

ذرائع کا کہنا ہے کہ امریکا میں روزویلٹ ہوٹل کے حصص سمیت انتظامی کنٹرول قطر کے حوالے کرنے پر بھی غور کیا جارہا ہے۔

ذرائع کے مطابق حکام آج اسلام آباد ایئرپورٹ اور روزویلٹ ہوٹل پروزیراعظم کوبریفنگ دیں گے۔

وزیراعظم دورہ قطر میں اسلام آباد ایئرپورٹ اور روزویلٹ ہوٹل میں سرمایہ کاری کی پیشکش کریں گے ، اس حوالے سے سی اے اے اور پی آئی اے حکام نے قوانین کا جائزہ لیکر تمام پلان تیار کرلیا ہے۔

ذرائع نے کہا ہے کہ حکومت قطر سے بڑی فنانشل ڈیل کرکے زرمبادلہ حاصل کرنا چاہتی ہے۔