Tag: وزیراعظم شہباز شریف

اسلام آباد : وزیراعظم شہباز شریف نے سرکاری ملازمین کی تنخواہوں میں 15فیصد اور پینشن میں 5 فیصد اضافے کی منظوری دے دی۔

تفصیلات کے مطابق وزیراعظم شہباز شریف کی زیرصدارت وفاقی کابینہ کا خصوصی اجلاس ہوا ، جس میں سیکرٹری خزانہ ، چیئرمین ایف بی آر نے کابینہ کو بریفنگ دی۔

اجلاس میں سرکاری ملازمین کی تنخواہوں میں اضافے کی 4 مختلف تجاویز پرغور کیا گیا ، جس کے بعد وفاقی کابینہ نے سرکاری ملازمین کی تنخواہوں میں15 فیصد اور پنشن میں 5 فیصد اضافے کی بھی منظوری دی، تنخواہ میں 15فیصد اضافے کیلئے71.59 بلین درکار ہوں گے۔

بعد ازاں وزیراطلاعات مریم اورنگزیب نے سماجی رابطے کی ویب سائٹ ٹوئٹر پر اپنے بیان میں کہا کہ وزیراعظم نے سرکاری ملازمین کی تنخواہوں میں 15فیصد اضافے کی منظوری دے دی تاہم وزارت خزانہ کی 10 فیصد تنخواہوں میں اضافے کی تجویز مستردکی۔

مریم اورنگزیب کا کہنا تھا کہ ایڈہاک الاؤنسزبھی بنیادی تنخواہ میں شامل کرنےکی منظوری دے دی۔

The Prime Minister has rejected the Finance Ministry’s proposal of a 10% increase and has approved an increase in government employees’ salaries of 15% with the consent of the cabinet. Alsomerging of adhoc allowances into the basic pay is approved #Budget_for_economic_stability

— Marriyum Aurangzeb (@Marriyum_A) June 10, 2022

اسلام آباد : وزیراعظم شہباز شریف نے سرمایہ کاری بڑھانے کیلئے ٹاسک فورس بنانے کی ہدایت کرتے ہوئے کہا برآمدی صنعتوں کے خام مال پر تمام ٹیکس ختم کئے جائیں۔

تفصیلات کے مطابق وزیراعظم شہباز شریف نے مختلف سیکٹرز میں سرمایہ کاری بڑھانے کیلئے ٹاسک فورس بنانے کی ہدایت کرتے ہوئے کہا برآمدی صنعتوں کے خام مال پر تمام ٹیکس ختم کئے جائیں۔

وزیراعظم نے کہا کہ سیاحت، فارما، آئی ٹی، ای کامرس پر ٹاسک فورس بنائی جارہی ہے، بڑے پیمانے پر مینوفیکچرنگ اور زراعت پر ٹاسک فورس بنائی جارہی ہے۔

شہباز شریف کا کہنا تھا کہ حکومت ایکسپورٹ کوالٹی کی زرعی اجناس کی پیداوار یقینی بنا رہی ہے، تاریخ میں پہلی مرتبہ پالیسیوں کے تسلسل کی بات ہم نے کی ہے، ملکی معیشت اورعام آدمی کی فلاح سیاست سےبالاتر ہے۔

وزیراعظم سے امریکن بزنس کونسل کے وفد کی اسلام آباد میں ملاقات ہوئی ، ملاقات میں شرکا نے کہا حکومت کی پالیسیوں کی بدولت سرمایہ کاروں کا اعتماد بحال ہوا ہے، بجٹ سے پہلے حکومت کی تمام اسٹیک ہولڈرز سے مشاورت خوش آئند ہے۔

وزیراعظم شہبازشریف کی سرمایہ کاروں کے مسائل فوری حل کرنےکی ہدایت کرتے ہوئے کہا ایک ہفتے کے اندر تمام مسائل کا سدباب کرکے رپورٹ پیش کی جائے۔

اسلام آباد : وزیراعظم شہباز شریف نے سابق قبائلی علاقوں سے دریافت شدہ گیس فوری عوام کو فراہم کرنے کا حکم دے دیا۔

تفصیلات کے مطابق توانائی کی قلت پر قابو پانے کے حوالے سے قومی سطح پر بڑا بریک تھرو ہوا ، وزیراعظم نے سابق قبائلی علاقوں سے دریافت شدہ گیس فوری عوام کو فراہم کرنے کا حکم دے دیا۔

وزیراعظم نےدریافت ہونےوالی گیس عوام کو فوری فراہم کرنے کی منظوری دےدی ، بنوں سےایک ٹریلین کیوبک فٹ گیس کے ذخائر دریافت ہوئے تھے۔

وزیراعظم نے ذخائرعوام کوگیس کی قلت سے نجات دلانے کیلئے استعمال میں لانے کی ہدایت کردی۔

اس سلسلے میں وزیراعظم سےفوجی فاؤنڈیشن گروپ کے چئیرمین وقار احمد ملک اور ماڑی پیٹرولیم کےسربراہ فہیم حیدر کی ملاقات ہوئی۔

ملاقات میں وزیرمملکت برائےپیٹرولیم سینیٹرڈاکٹرمصدق ملک اورسیکریٹری پیٹرولیم بھی موجود تھے ، اس موقع پر وزیراعظم کوشمالی وزیرستان، بنوں میں نئے دریافت شدہ ذخائرکے بارے میں بریفنگ دی گئی۔

وزیراعظم کوگیس کے شعبے کی مجموعی صورتحال، طلب اور رسد سے آگاہ کیا گیا، جس کے بعد وزیراعظم نے متعلقہ علاقوں کےعوام کیلئےدریافت شدہ گیس کےثمرات فراہم کرنے کی ہدایت کردی۔

وزیراعظم نےعلاقےکی ترقی،سماجی بہبود،تعلیم ،صحت کےحوالے سےسفارشات طلب کرتے ہوئے کہا جن علاقوں سے گیس نکلی ہے، وہاں کے عوام اور بچوں کو کیا ملے گا؟ پلان دیں۔

اسلام آباد : وزیراعظم شہباز شریف کی زیر صدارت وفاقی کابینہ کے اجلاس میں ملکی معیشت اور سیاسی صورتحال کے حوالے سے اہم فیصلے متوقع ہے۔

تفصیلات کے مطابق وفاقی کابینہ کا اجلاس آج وزیراعظم ہاوس میں ہوگا ، وزیراعظم شہبازشریف وفاقی کابینہ کےاجلاس کی صدارت کریں گے۔

اجلاس میں ملکی سیاسی اورمعاشی صورتحال سمیت وفاقی بجٹ کی تیاری اور مہنگائی پر مشاورت کی جائے گی۔

کابینہ اجلاس میں لوڈشیڈنگ پر بریفنگ اور اہم فیصلے کئے جائیں گے جبکہ الیکشن کمیشن کی سالانہ رپورٹ2021بھی کابینہ میں پیش کی جائے۔

وفاقی کابینہ 3جون کو ہونے والے اقتصادی رابطہ کمیٹی کے فیصلوں کی توثیق کرےگی

دوسری جانب وزیراعظم آج پری بجٹ کانفرنس سےخطاب کریں گے ، کانفرنس میں بزنس،انفارمیشن ٹیکنالوجی اور زراعت پراظہار خیال کیا جائے گا۔

وزارت خزانہ کی طرف سےپری بجٹ کانفرنس کاانعقادکیاجارہاہے ، جس میں ماہرین آئی ٹی، زراعت، ٹیکسٹائل، تجارت اور برآمدی شعبے سفارشات سمیت بڑھتے افراط زر،شرح مبادلہ اورزرمبادلہ پر تجاویز دیں گے۔

اسلام آباد : وزیراعظم شہباز شریف نے بجلی کے بدترین بحران پر وزراء اور حکام پر برہمی کا اظہار کرتے ہوئے کہا کہ  کچھ بھی کریں ، دو گھنٹے سے زیادہ لوڈشیڈنگ برداشت نہیں۔

تفصیلات کے مطابق وزیراعظم شہباز شریف کی زیرصدارت بجلی بحران کے حوالے سے اہم اجلاس وزیراعظم کی رہائشگاہ ماڈل ٹاؤن میں ہوا، جس میں وزارت توانائی کے افسران اور لیسکو حکام شریک ہوئے۔

اجلاس میں ملک میں بجلی کے بدترین بحران پر وزیراعظم نے برہمی کا اظہار کرتے ہوئے وزراء اور حکام کی وضاحتیں مسترد کردیں۔

شہباز شریف نے کہا کہ کچھ بھی کریں، 2 گھنٹے سے زیادہ لوڈشیڈنگ کےعلاوہ کچھ برداشت نہیں ، عوام کو مشکل سے نکالیں ، کوئی وضاحت نہیں چاہیے۔

وزیراعظم کا کہنا تھا کہ عوام کو لوڈشیڈنگ کی تکلیف سے نجات چاہیے، عوام تکلیف میں ہوں اس پرکوئی سمجھوتہ نہیں ہوگا، لوڈ شیڈنگ کی موجودہ صورتحال قبول ہے نہ سمجھوتہ ہوگا۔

انھوں نے مزید کہا کہ کسی وزیراورافسرکوسکون سےنہیں بیٹھنےدوں گا، دن رات ایک کرکے عوام کاسکون ،کاروباربحال کریں۔

اسلام آباد : وزیراعظم شہباز شریف نے پاکستان کے جوہری دھماکوں کی سلور جوبلی پر قوم کو مبارکباد دیتے ہوئے ذوالفقار علی بھٹو ، نواز شریف اور ڈاکٹر عبدالقدیر خان کو خراج عقیدت پیش کیا۔

تفصیلات کے مطابق وزیراعظم شہباز شریف نے پاکستان کے جوہری دھماکوں کی سلورجوبلی پر قوم کو مبارکباد دیتے ہوئے کہا چاغی کےپہاڑوں میں نعرہ تکبیر کی گونج آج بھی جاری ہے، دفاع پاکستان کایہ تمغہ بلوچستان کی دھرتی کےسینے پر سجا۔

شہباز شریف کا کہنا تھا کہ یہ آزادی، خودمختاری، دفاع پر سمجھوتہ نہ کرنے کے اظہاردن ہے، پروگرام کےمعمارذوالفقار علی بھٹو کو خراج عقیدت پیش اور عظیم محب وطن نوازشریف کو خراج تحسین پیش کرتے ہیں، نوازشریف نے پاکستان کو اسلامی دنیا کی پہلی ایٹمی قوت بنایا۔

وزیراعظم نے کہا کہ جوہری پروگرام پروان چڑھانے والا ہر فرد لائق تحسین ہے، مسلح افواج کی جوہری پروگرام کیلئےخدمات تاریخ کا سنہری باب ہیں، پاکستان اٹامک انرجی کمیشن کو خراج تحسین پیش کرتے ہیں، اس ادارے نےقومی سلامتی ودفاع کیلئےاہم کردار اداکیا۔

شہباز شریف نے امحسن پاکستان ڈاکٹر عبدالقدیر خان کو خراج عقیدت پیش کرتے ہوئے کہا ڈاکٹرعبدالقدیرخان نےتمام عمر پاکستان کے دفاع پر وار دی، ہم اپنے اِن تمام محسنوں کو بھول نہیں سکتے۔

ان کا کہنا تھا کہ آج پاکستان کے اتحاد، یکجہتی اور ایک ہونے کا دن ہے، اتحاد،محنت اوریقین کامل سے پاکستان کو معاشی قوت بنانا ہے۔

اس سے قبل وزیراعظم شہباز شریف نے سماجی رابطے کی ویب سائٹ ٹوئٹر پر یوم تکبیر کے موقع پر اپنے پیغام میں کہا کہ  1988میں آج کےدن نواز شریف کی قیادت میں دلیرانہ فیصلہ کیاگیا، تمام تر دباؤ کومسترد کرکے پاکستان کو دنیا کی ایٹمی طاقت بنادیا، اب ہم ملک کومعاشی طاقت میں تبدیل کرنے کا عزم کرچکے ہیں، لوگوں کامشکور ہوں جنہوں نے دفاع کو ناقابل تسخیر بنانے میں مدد کی۔

اسلام آباد : حکومت نے ریٹائرڈ جج کے بجائے ریٹائرڈ بیورو کریٹ کوچیئرمین نیب لگانے کا فیصلہ کرلیا ، ابتدائی طور پر فواد حسن فواد، نیب قمر الزماں اور بشیر میمن کے نام پر غور کیا جارہا ہے۔

تفصیلات کے مطابق وزیراعظم شہباز شریف نے چیئرمین قومی احتساب بیورو کی تعیناتی کے معاملے پر مشاورت شروع کردی ، ذرائع کا کہنا ہے کہ اس سلسلے میں وزیراعظم شہباز شریف سے اپوزیشن لیڈرراجہ ریاض کی ملاقات ہوئی۔

ذرائع نے بتایا کہ ملاقات میں دونوں رہنماؤں نے چیئرمین نیب کےلیے مختلف ناموں پر غور کیا، ابتدائی طور پر تین ناموں پر مشاورت کی گئی ہے۔

ذرائع نے کہا ہے کہ حکومت نے ریٹائرڈ جج کے بجائے ریٹائرڈ بیورو کریٹ کو چیئرمین لگانے کا فیصلہ کرلیا ہے ، سابق بیورو کریٹ فواد حسن فواد،سابق چیئرمین نیب قمر الزماں اور سابق ڈی جی ایف آئی اے بشیر میمن کے نام پر غور کیا جارہا ہے۔

وزیراعظم اور اپوزیشن لیڈر کا ان ناموں پر اتحادیوں سے مشاورت پر اتفاق کیا گیا ، ،اپوزیشن لیڈر راجہ ریاض نے غیر رسمی گفتگو میں کہا کہ 2جون سے پہلے چیئرمین نیب کا تقرر کرلیں گے، ابھی نام فائنل نہیں تاہم سب عزت دار لوگ ہیں۔