Tag: وزیراعظم عمران خان کے معاون خصوصی

اسلام آباد : وزیراعظم عمران خان کے معاون خصوصی عثمان ڈار کا کہنا ہے کہ خواجہ آصف اور آصف زرداری کے کیس میں واضح فرق ہے، آصف زرداری کی وکٹ اڑنے والی ہے ، آصف زرداری نے بطورصدر اپنے اثاثے چھپائے۔

تفصیلات کے مطابق وزیراعظم عمران خان کے معاون خصوصی عثمان ڈار نے اے آر وائی نیوز کے پروگرام میں گفتگو کرتے ہوئے کہا جعلی اکاؤنٹس کیس اوپن اینڈ شٹ کیس ہے ، آصف زرداری نے بطورصدر اپنے اثاثے چھپائے۔

[bs-quote quote=”جعلی اکاؤنٹس کیس اوپن اینڈ شٹ کیس ہے” style=”style-7″ align=”left” author_name=”وزیراعظم کے معاون خصوصی "][/bs-quote]

عثمان ڈار کا کہنا تھا کہ آصف زرداری کے نام پر نیویارک اپاٹمنٹ کااس سال بھی ٹیکس جمع ہوا، جےآئی ٹی میں بھی آصف زرداری کے نیویارک اپارٹمنٹ کا ذکر ہے۔

انھوں نے کہا خواجہ آصف اور آصف زرداری کے کیس میں واضح فرق ہے، آصف زردار ی سرٹیفائیڈ دستاویز کو جھٹلا نہیں سکتے ، ان کے پاس 2بلٹ پروف گاڑیاں ہیں جو ڈکلیئرڈ نہیں اور بلٹ پروف گاڑیوں کی ڈیوٹی 2013میں بھری گئی، جس شخص کے نام پرڈیوٹی بھری گئی وہ 2008میں ہی انتقال کرچکا ہے۔

مزید پڑھیں : آصف علی زرداری جلد نا اہل ہوکر پارلیمنٹ سے بھی باہرہوں گے‘عثمان ڈار

وزیراعظم عمران خان کے معاون خصوصی کا کہنا تھا کہ ہم امیروں کو نہیں غریبوں کو ریلیف دے رہے ہیں۔

یاد رہے چند روز قبل عثمان ڈار  کا کہنا تھا   کہ پیپلزپارٹی والے کہتے ہیں عمران خان 5 سال پورے نہیں کریں گے، بتانا چاہتا ہو ں عمران خان 5 سا ل ضرورپورے۔

انھوں نے کہا تھا رکن قومی اسمبلی آصف علی زرداری جلد نا اہل ہوں گے، پارلیمنٹ سے بھی باہر ہوں گے۔

خیال رہے پاکستان تحریک انصاف کے رہنما عثمان ڈار نے درخواستیں دائر کر رکھی ہے، جس میں اثاثے چھپانے اور غیرقانونی طریقے سے بلٹ پروف گاڑی رکھنے پر آصف زرداری کی نااہلی کی استدعا کی گئی تھی۔