ARYNews.tv | Urdu – Har Lamha Bakhabar

Tag: وزیراعظم عمران خان

  • پنجاب کابینہ کی حتمی منظوری، وزیراعظم نے وزیراعلیٰ پنجاب عثمان بزدار کو بلالیا

    پنجاب کابینہ کی حتمی منظوری، وزیراعظم نے وزیراعلیٰ پنجاب عثمان بزدار کو بلالیا

    اسلام آباد : پنجاب کابینہ کی حتمی منظوری کے لئے وزیراعظم نے وزیراعلیٰ پنجاب عثمان بزدار کو اسلام آباد طلب کرلیا، پنجاب کابینہ کا 28اگست کو حلف اٹھانے کا امکان ہے۔

    تفصیلات کے مطابق وزیراعظم عمران خان نے وزیراعلیٰ پنجاب عثمان بزدار کو اسلام آباد بلالیا، ملاقات میں وزیراعظم پنجاب کابینہ کے ناموں کی حتمی منظوری دیں گے۔

    ذرائع کا کہنا ہے پنجاب کابینہ کا 28 اگست کو حلف اٹھانے کا امکان ہے۔

    مزید پڑھیں :  پنجاب میں حکومت سازی پر مشاورت مکمل

    یاد رہے  گذشتہ روز وزیراعظم عمران خان اور  وزیر اعلیٰ عثمان بزار کی ملاقات میں پنجاب میں حکومت سازی پر مشاورت مکمل کرلی گئی تھی، حتمی فیصلہ وزیراعظم کی منظوری کےبعد کیا جائے گا۔

    ذرائع کے مطابق  پنجاب کابینہ کی تعداد 15 سے 20 اراکین تک ہوگی، عبدالعلیم خان اور میاں محمودالرشید میں سے ایک کو  سینیئر وزیر بنایا جائے گا ، میاں اسلم اقبال اورڈاکٹریاسمین راشد کو بھی وزارت ملنےکا قومی امکان ہے جبکہ فیاض الحسن چوہان کو وزیراطلاعات بنایاجاسکتاہے۔

    جہانزیب کھچی،اجمل چیمہ،فیصل جبوآنہ،تیموربھٹی،حافظ عمار یاسراورراجہ یاسرہمایوں کا نام بھی فائنل کر لیے گئے ہیں جبکہ ٹوبہ ٹیک سنگھ سےآشفہ ریاض،رحیم یارخان سےہاشم جواں بخت راوالپنڈی سےراجہ بشارت،ڈی جی خان سےمحسن لغاری کو وزیر بنایا جائےگا۔

    واضح رہے  اس سے قبل بھی عمران خان سے وزیر اعلیٰ پنجاب عثمان بزدار کی ملاقات ہوئی تھی، ملاقات میں عمران خان نے پنجاب پولیس کلچر کو تبدیل کرنے اور کفایت شعاری اپنانے پر زور دیا. اس موقع پر وزیراعلیٰ پنجاب نے عمران خان کے اعتماد پر ان کا شکریہ ادا کیا تھا۔

  • عید الاضحیٰ کے موقع پرصدرِپاکستان اور وزیراعظم کا خصوصی پیغام

    عید الاضحیٰ کے موقع پرصدرِپاکستان اور وزیراعظم کا خصوصی پیغام

    اسلام آباد : صدر ممنون حسین اور وزیراعظم عمران خان نے قوم کو عیدالاضحیٰ کی مبارکباد دی ہے۔

    عید الاضحی کے موقع پر قوم کے نام اپنے پیغام میں صدر ممنون حسین نے کہا کہ عیدالاضحیٰ حضرت ابراہیم علیہ اسلام کی اطاعت خداوندی اور حضرت اسماعیل علیہ اسلام کی تسلیم ورضا کی یاد گار ہے۔

    صدر مملکت نے کہا کہ آج کے دن ان عظیم انبیائے کرام نے اطاعت وایثار اور قربانی کی لازوال مثال پیش کی تھی۔

    انہوں نے اپنے پیغام میں کہا کہ اللہ تعالیٰ ہم سب کو عیدالاضحیٰ کی حقیقی خوشیوں سے ہمکنار کرے اور قربانی جیسی عبادت کو اس کی روح کے مطابق سمجھ کرعمل کرنے کی توفیق عطا فرمائے۔

    عید الاضحیٰ کے موقع پروزیراعظم عمران خان نے اپنے پیغام میں عید کی مبارک باد پیش کرتے ہوئے کہا کہ اللہ تعالیٰ سے دعا ہے کہ وہ ہماری عبادات اور قربانیاں قبول فرمائے۔

    انہوں نے کہا کہ قربانی کا جذبہ ایک عالمگیر حیثیت کا حامل ہے، کوئی بھی قوم ایثار وقربانی کے جذبے کے بغیرترقی نہیں کرسکتی۔

    وزیراعظم پاکستان نے کہا کہ قربانی کا مقصد خود کو رب کریم کے حکم کے تابع کرنا ہے، اس کا مقصد خواہشات ومفادات کو اعلیٰ مقاصد کے لیے قربان کرنا ہے۔

    انہوں نے کہا کہ سنت ابراہیمی کا تقاضا ہے کہ ہم زندگی کے ہرشعبے میں ایثار وقربانی کا مظاہرہ کریں، ہمیں ملک وقوم کی ترقی وخوشحالی اور اجتماع فلاح وبہبود کے لیے کام کرنا چاہیے۔

    وزیراعظم عمران خان نے کہا کہ عید کی خوشیوں میں معاشی طور پرپیچھے رہ جانے والوں کا خاص خیال رکھنا چاہیے۔

  • وزیراعظم کا عون چوہدری کو پنجاب میں اہم ذمہ داریاں دینے کا فیصلہ

    وزیراعظم کا عون چوہدری کو پنجاب میں اہم ذمہ داریاں دینے کا فیصلہ

    اسلام آباد: وزیر اعظم عمران خان نے عون چوہدری کو پنجاب میں اہم ذمہ داریاں دینے کا فیصلہ کرلیا ہے، ذرائع کا کہنا ہے کہ شمالی اور وسطی پنجاب کے پی ٹی آئی ارکان کو کابینہ میں زیادہ نمائندگی ملے گی۔

    تفصیلات کے مطابق پنجاب کی کابینہ میں کون شامل ہوگا، مشاورت اور رابطے جاری ہیں، ذرائع کے مطابق شمالی اور وسطی پنجاب کے پی ٹی آئی ارکان کو کابینہ میں زیادہ نمائندگی ملے گی۔

    وزراء میں علیم خان، محمود الرشید، یاسمین راشد، راجہ یاسر ہمایوں، میاں اسلم، سردار عارف نکئی، سبطین خان، محسن لغاری، حامد یار ہراج شامل ہوسکتے ہیں جبکہ عون چوہدری کو پنجاب میں اہم ذمہ داریاں دینے کا فیصلہ کیا گیا ہے۔

    پنجاب کے وزرا کے ناموں کی بھی حتمی منظوری وزیراعٓظم عمران خان دیں گے، عمران خان سے پی ٹی آئی رہنما عون چوہدری کی ملاقات بھی ہوئی ہے جس میں سیاسی صورتحال اور حکومت سازی پر تبادلہ خیال کیا گیا ہے۔

    دوسری جانب وزیراعظم عمران خان پرائم منسٹر سیکریٹریٹ سے بنی گالا پہنچ گئے ہیں، عمران خان کی زیر صدارت پی ٹی آئی خیبرپختونخوا پارلیمانی پارٹی کا اجلاس شروع ہوگیا ہے، وزیراعظم صوبائی کابینہ سے متعلق اراکین کو اعتماد میں لیں گے۔

    یاد رہے کہ گذشتہ روز وزیراعظم نے یہ اجلاس طلب کیا تھا، اس ضمن میں و زیراعلیٰ محمود خان اور نامزد گورنر شاہ فرمان کو اسلام آباد طلب کیا گیا۔

    ذرائع کا کہنا تھا کہ کابینہ کے لئے تئیس ممبران کا انٹرویو ہوگا،ابتدائی کابینہ دس وزرا اور پانچ مشیروں پر مشتمل ہوگی، تیمور جھگڑا، عاطف خان، شہرام ترکئی کو اہم ذمے داری ملنے کا امکان ہے۔

  • وزیراعظم عمران خان کی کینسر میں مبتلا ٹیبل ٹینس اسٹار کے علاج کیلئے انتظامات کی ہدایت

    وزیراعظم عمران خان کی کینسر میں مبتلا ٹیبل ٹینس اسٹار کے علاج کیلئے انتظامات کی ہدایت

    اسلام آباد : وزیراعظم عمران خان نے پہلا نوٹس لیتے ہوئے کینسر کے مرض میں مبتلا ٹیبل ٹینس اسٹار مہک انور کے علاج کیلئے انتظامات کی ہدایت جاری کردیں۔

    تفصیلات کے مطابق وزیراطلاعات فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ بحثیت وزیر اعظم عمران خان نے پہلا نوٹس لیتے ہوئے ہدایت جاری کی ہے کہ کینسر کے مرض میں مبتلا بچی کے علاج کے انتظامات کئے جائیں۔

    فواد چوہدری کا کہنا ہے کہ نوٹس میڈیا پر چلنے والی خبروں پر لیا گیا، مہک انور کے والد نے وزیراعظم سے بچی کاعلاج کرانے کی اپیل کی تھی، مہک انور ٹیبل ٹینس کی قومی کھلاڑی ہیں اور کراچی کے نجی اسپتال میں زیرِعلاج ہیں۔

  • پنجاب کی عوام نے نئے پاکستان کی آواز پر لبیک کہا ہے ،وزیراعظم عمران خان

    پنجاب کی عوام نے نئے پاکستان کی آواز پر لبیک کہا ہے ،وزیراعظم عمران خان

    اسلام آباد : وزیراعظم عمران خان نے کہا کہ پنجاب کی عوام نےنئےپاکستان کی آواز پر لبیک کہا ہے ،امید ہے عثمان بزدار اعتماد پر پورا اتریں گے۔

    تفصیلات کے مطابق وزیراعظم عمران خان سے وزیراعلیٰ پنجاب سردار عثمان بزدار کی ملاقات کی، ملاقات میں عمران خان نے وزیراعلیٰ منتخب ہونے پر عثمان بزدار کو مبارکباد دی۔

    ملاقات میں پنجاب کابینہ کی تشکیل پر مشاورت ہوئی اور رکن پنجاب اسمبلی علیم خان بھی ملاقات میں موجود تھے۔

    وزیراعلیٰ پنجاب کی کابینہ عیدالاضحی کے بعد حلف اٹھائے گی۔

    اسس موقع پر وزیراعظم کا کہنا تھا کہ عثمان بزدار کا انتخاب پنجاب میں ایک نئے دور کا آغاز ہے پنجاب بھرخصوصاً پسماندہ علاقوں میں تعمیرو ترقی پرزور دیا جائے گا۔

    عمران خان نے مزید کہا کہ پنجاب کی عوام نے نئے پاکستان کی آواز پر لبیک کہا ہے ، امید ہے عثمان بزدار اعتماد پر پورا اتریں گے۔

    گذشتہ روز عثمان بزدار نے وزیراعلیٰ پنجاب کےعہدے کا حلف اٹھایا تھا، قائم مقام گورنر پنجاب چوہدری پرویزالہیٰ نے عثمان بزدار سے حلف لیا۔

    مزید پڑھیں : سردارعثمان بزدار نے وزیراعلیٰ پنجاب کے عہدے کا حلف اٹھالیا

    میڈیا سے گفتگو کرتے ہوئے وزیراعلیٰ پنجاب کا کہنا تھا کہ اب قوم کا پیسہ قوم پرہی خرچ ہوگا، سرکاری وسائل کو قوم کی امانت سمجھ کر خرچ کریں گے۔

    پنجاب اسمبلی میں ہونے والے انتخاب میں پی ٹی آئی کے عثمان بزدار186ووٹ حاصل کرکے وزارت اعلیٰ کے حقدار قرار پائے جبکہ ان کے مدمقابل ن لیگ کے حمزہ شہباز159ووٹ لے کر دوسرے نمبر پر رہے۔

  • وزیراعظم عمران خان نے نوجوت سنگھ سدھو کوامن کا سفیرقراردے دیا

    وزیراعظم عمران خان نے نوجوت سنگھ سدھو کوامن کا سفیرقراردے دیا

    اسلام آباد : وزیراعظم عمران خان نے نوجوت سنگھ سدھو کوامن کا سفیر قراردیتے ہوئے کہا کہ تقریب حلف برداری میں شرکت پر سدھو کا شکریہ ادا کرتا ہوں، سدھو کو نشانہ بنانے والے امن کونقصان پہنچا رہے ہیں۔

    تفصیلات کے مطابق بھارت میں سدھو کو تنقید کا نشانہ بنانے پر وزیراعظم عمران خان نے سماجی رابطے کی ویب سائٹ ٹوئٹر پر ردعمل دیتے ہوئے نوجوت سنگھ سدھو کو امن کا سفیر قرار دے دیا۔

    وزیراعظم عمران خان کا کہنا تھا کہ نوجوت سنگھ سدھو کی پاکستان آمد اور تقریب حلف برداری میں شرکت پر شکریہ ادا کرتا ہوں، سدھو امن کے سفیر ہیں، انہیں پاکستان کے لوگوں نے محبت دی، بھارت میں سدھوکو نشانہ بنانے والے امن کو نقصان پہنچا رہے ہیں۔

    عمران خان نے مزید کہا کہ امن کے بغیر خطے کے عوام ترقی نہیں کرسکتے، آگے بڑھنے کیلئے پاک بھارت مذاکرات ضروری ہیں، کشمیر سمیت تمام تمام تنازعات کا حل نکالنا ہوگا۔ غربت کے خاتمے اور اختلافات ختم کرنے کیلئے آسان ترین نسخہ ہے کہ بات چیت کے ذریعے تنازعات حل کئے جائیں اور باہم تجارت کا آغاز کیا جائے۔

    یاد رہے نوجوت سدھو کے عمران خان کی تقریب حلف برداری میں شرکت اور آرمی چیف جنرل جاوید باجوہ سے گلے ملنے اور صدر آزاد کشمیر مسعود خان کے ساتھ بیٹھنے پر بھارتی میڈیا اور انتہا پسند آگ بگولہ ہوگئے تھے۔

    مزید پڑھیں : سدھو کی تقریب حلف برداری میں شرکت، بھارتی میڈیا بھڑک اٹھا

    جس کے بعد لدھیانہ میں مشتعل افراد نے سدھو کے پوسٹر اور پتلے کو آگ لگائی گئی جبکہ انتہا پسند جماعتوں نے بھارت کے مختلف علاقوں میں مظاہرے کیے، جس میں سدھو کے پتلے کو بھی نذر آتش کیا گیا تھا۔

    انتہا پسند تنظیم بجرنگ دل نے سدھو کے سر کی قیمت مقرر کردی ہے اور کہا ہے کہ سدھوکا سر لانے والے کو 5 لاکھ روپے انعام دیا جائے گا۔

  • وزیراعظم عمران خان کا عید کے دنوں میں چھٹی نہ کرنے کا اعلان

    وزیراعظم عمران خان کا عید کے دنوں میں چھٹی نہ کرنے کا اعلان

    اسلام آباد : وزیراعظم عمران خان نے عید کے دنوں میں بھی چھٹی نہ کرنے کا فیصلہ کرکے ایک اور نئی تبدیلی کی بنیاد رکھ دی جبکہ وفاقی وزرا کو بھی زیادہ چھٹیاں نہ کرنے کی ہدایت کی ہے۔

    تفصیلات کے مطابق کام کام اور بس کام، بابائے قوم کے فلسفے پر عمران خان نے عمل کرنے کی ٹھان لی، وزیراعظم نے عید الاضحیٰ کی چھٹیاں نہ کرنے کا اعلان کیا، وہ عید کے دنوں میں بھی امور مملکت چلائیں گے۔

    وزیراعظم عمران خان عید کی چھٹیاں شہر اقتدارمیں ہی گزاریں گے، نماز عید اور قربانی کے بعد سرکاری امور کا جائزہ لیں گے۔

    وزیراعظم نے وفاقی وزرا کو بھی زیادہ چھٹیاں نہ کرنے کی ہدایت کرتے ہوئے کہا ہے کہ چھٹیوں کے دوران ضروری امور مملکت نمٹائے جائیں۔

    گذشتہ روز وزیراعظم عمران خان نے کابینہ اجلاس میں وزرا سے خطاب کرتے ہوئے کہا تھا کہ اب آپ عمران خان کی وفاقی کابینہ کا حصہ ہیں لہٰذا اپنے خاندان کو بھول جائیں کیوں کہ میں روزانہ 16 گھنٹے کام کروں گا اور آپ کو 14 گھنٹے کام کرنا ہوگا۔

    انھوں نے ٹیم کو واضح پیغام دیا تھا کہ کارکردگی دکھائیں گے تو ہی وزارتوں پر رہیں گے۔

    کابینہ اجلاس کے بعد وفاقی وزیراطلاعات و نشریات فواد چوہدری کا کہنا تھا کہ آئندہ کسی وزیر کا سرکاری خرچ پر بیرون ملک علاج نہیں ہوگا احتساب کا عمل وزیراعظم اور کابینہ سے شروع کرنے کا فیصلہ ہوا ہے۔

    خیال رہے وزیراعظم عمران خان کی کابینہ نے حلف اٹھایا تھا، جس میں 16 وزیر اور 5 مشیر شامل ہیں۔

    وفاقی کابینہ میں شاہ محمود قریشی، اسد عمر، پرویز خٹک، فروغ نسیم، خالد مقبول صدیقی، شریں مزاری، شیخ رشید، فواد چوہدری، زبیدہ جلال، غلام سرور خان، فہمیدہ مرزا، طارق بشیرچیمہ، عامر کیانی، شفقت محمود، خسرو بختیار اور مولانا نورالحق قادری شامل ہیں۔

    وزیراعظم عمران خان کی کابینہ کے مشیروں میں بابراعوان پارلیمانی امور، ملک امین اسلم ماحولیاتی تبدیلی اور ڈاکٹرعشرت حسین ادارہ جاتی اصلاحات، عبدالرزاق داؤد صنعت وتجارت جبکہ محمد شہزاد ارباب کواسٹیبلشمنٹ ڈویژن ہیں۔

  • وزیراعظم عمران خان کا خیبرپختونخوا کابینہ کی تشکیل کیلئے آج اجلاس طلب

    وزیراعظم عمران خان کا خیبرپختونخوا کابینہ کی تشکیل کیلئے آج اجلاس طلب

    اسلام آباد : وزیراعظم عمران خان نے خیبرپختونخوا کابینہ کی تشکیل کے لیے آج  اجلاس بلا لیا، جس میں کابینہ کی حتمی منظوری دی جائے گی جبکہ و زیراعلیٰ محمود خان اور نامزد گورنر شاہ فرمان کو بھی اسلام آباد طلب کرلیا گیا ہے۔

    تفصیلات کے مطابق حکومت سازی کی تشکیل آخری مراحل میں داخل ہوگئی ہے، وزیراعظم عمران خان نے کے پی کابینہ کی تشکیل کے لیے اجلاس آج طلب کرلیا ہے۔

    اجلاس میں کابینہ کی حتمی منظوری دی جائے گی جبکہ خیبرپختونخوا کے وزیراعلیٰ محمود خان اور نامزد گورنر شاہ فرمان بھی شریک ہوں گے۔

    ذرائع کا کہنا ہے کہ کابینہ کیلئے تئیس ممبران کا انٹرویو ہوگا،ابتدائی کابینہ دس وزرا اور پانچ مشیروں پر مشتمل ہوگی، تیمور جھگڑا، عاطف خان، شہرام ترکئی کو اہم ذمے داری ملے گی۔

    مزید پڑھیں : خیبر پختونخوا: محمود خان نے وزیرِ اعلیٰ ہاؤس میں نہ رہنے کا اعلان

    یاد رہے گذشتہ روز ترجمان کے پی حکومت کا کہنا ہے کہ وزیرِ اعلیٰ محمود خان نے فیصلہ کیا ہے کہ ان کی نقل و حرکت کے دوران سڑکیں بند نہیں ہوں گی، وہ وزیرِ اعلیٰ ہاؤس میں بھی نہیں رہیں گے۔

    خیال رہے خیال رہے کہ وزیراعظم عمران خان کی 16 رکنی وفاقی کابینہ نے حلف اٹھا لیا جبکہ کابینہ ڈویژن کی جانب سے 5 مشیروں کا بھی نوٹیفکیشن جاری کردیا گیا۔

    ایوان صدر میں صدر ممنون حسین نے 16 رکنی کابینہ سے حلف لیا، اس موقع پروزیراعظم عمران خان موجود تھے۔

    وفاقی کابینہ میں شاہ محمود قریشی، اسد عمر، پرویز خٹک، فروغ نسیم، خالد مقبول صدیقی، شریں مزاری، شیخ رشید، فواد چوہدری، زبیدہ جلال، غلام سرور خان، فہمیدہ مرزا، طارق بشیرچیمہ، عامر کیانی، شفقت محمود، خسرو بختیار اور مولانا نورالحق قادری شامل ہیں۔

    وزیراعظم عمران خان کی کابینہ میں 5 مشیر بھی شامل ہیں جن میں بابراعوان پارلیمانی امور، ملک امین اسلم ماحولیاتی تبدیلی اور ڈاکٹرعشرت حسین ادارہ جاتی اصلاحات، عبدالرزاق داؤد صنعت وتجارت جبکہ محمد شہزاد ارباب کواسٹیبلشمنٹ ڈویژن کا مشیرلگایا گیا ہے۔

    واضح رہے کہ ملک میں ہونے والے حالیہ عام انتخابات میں تحریک انصاف نے وفاق اور تین صوبوں میں واضح اکثریت حاصل کی۔

  • آج پاکستان اورعوام کے تحفظ کیلئے قربانیاں دینے والوں کا دن ہے، وزیراعظم عمران خان

    آج پاکستان اورعوام کے تحفظ کیلئے قربانیاں دینے والوں کا دن ہے، وزیراعظم عمران خان

    اسلام آباد : وزیراعظم عمران خان نے کہا ہے کہ پاکستان دہشت گردی سے سب سے زیادہ متاثر ہونے والے ممالک میں شامل ہے، آج پاکستان اورعوام کے تحفظ کیلئے بے پناہ قربانیاں دینے والوں کا دن ہے۔

    یہ بات وزیر اعظم عمران خان نے دہشت گردی کے متاثرین کے عالمی دن پر اپنے پیغام میں کہی، وزیراعظم نے کہا کہ دہشت گردی کیخلاف جنگ میں ہزاروں شہری اور سیکیورٹی اہلکار شہید ہوئے۔

    وزیراعظم نے کہا کہ پشاور اے پی ایس حملے کے130شہداء کو کبھی بھلایا نہیں جاسکتا،نقصانات کے باوجود ہمارا دہشت گردی کیخلاف جنگ کاعزم پختہ ہے، دہشت گردی کے متاثرین کی مدد کے لئے اقدامات کا اعادہ کرتے ہیں۔

    انہوں نے کہا کہ آج قانون نافذ کرنیوالےاداروں، مسلح افواج کو سراہنے کا بھی دن ہے، پاکستان دہشت گردی کی لعنت کے خاتمے میں عالمی برادری کے ساتھ ہے، عالمی برادری مل کر دہشت گردی کے متاثرین کی مدد کیلئےاقدامات کرے۔

    وزیر اعظم عمران خان نے مزید کہا کہ حکومت پاکستان نے دہشت گردی کے متاثرین کیلئے متعدد اقدامات کیے ہیں، اس سلسلے میں عارضی نقل مکانی کرنے والے افراد کی بحالی کی گئی اور بنیادی ڈھانچے کی تعمیرنو، لواحقین کی مالی معاونت کی گئی۔

  • خیبرپختونخوا میں کابینہ کی تشکیل، وزیراعظم عمران خان نے اہم اجلاس طلب کرلیا

    خیبرپختونخوا میں کابینہ کی تشکیل، وزیراعظم عمران خان نے اہم اجلاس طلب کرلیا

    پشاور : وزیراعظم عمران خان نے خیبر پختونخوا میں کابینہ کی تشکیل کیلئے اجلاس طلب کرلیا، اجلاس میں کابینہ ممبران کے ناموں کی حتمی منظوری دی جائے گی۔

    تفصیلات کے مطابق خیبر پخنونخوا میں وزیر اعلیٰ کی حلف برداری کے بعد کابینہ تشکیل دینے کی تیاریاں کی جاررہی ہیں، اس حوالے سے پی ٹی آئی ذرائع نے بتایا ہے کہ کے پی کابینہ کی تشکیل سے متعلق مشاورت کیلئے وزیراعظم عمران خان نے صوبائی سطح پرکل اجلاس طلب کرلیا ہے۔

    مزید پڑھیں: خیبرپختونخوا اسمبلی میں نومنتخب اراکین نے حلف اٹھالیا

    کابینہ کیلئے 23ممبران اسمبلی کو انٹرویو کے لئے اجلاس میں بلایا گیا ہے، اجلاس میں کابینہ ممبران کے ناموں کی حتمی منظوری دی جائے گی۔

    مزید پڑھیں: کرپشن کے الزامات بے بنیاد ہیں، کے پی کے نامزد وزیر اعلیٰ کی وضاحت

    ذرائع پی ٹی آئی کے مطابق اجلاس میں وزیراعلیٰ محمود خان، متوقع گورنرشاہ فرمان ودیگرشرکت کرینگے، ابتدائی کے پی کابینہ10وزراء اور5مشیروں پر مشتمل ہوگی، طلب کئے گئے ممبران میں تیمور جھگڑا، عاطف خان ، شہرام ترکئی، ضیااللہ بنگش، سلطان خان، فضل حکیم، ڈاکٹر امجد ودیگر شامل ہیں۔