Tag: وزیراعظم عمران خان

لاہور : وزیراعظم عمران خان نے نیا پاکستان اپارٹمنٹس کا سنگ بنیاد رکھ دیا اور کہا کرائے کی رقم بینکوں کی قسطوں میں ادا کر کے گھرکے مالک بن سکتے ہیں، انشا اللہ ہماری کوششوں سے پاکستان فلاحی ریاست بنے گا۔

تفصیلات کے مطابق وزیراعظم عمران خان نے لاہورمیں 35ہزارا پارٹمنٹس کی تعمیر کا سنگ بنیاد رکھ دیا ، تقریب سے خطاب کرتے ہوئے وزیراعظم نے کہا کہ وزیراعلیٰ پنجاب اور حکومت پنجاب کو خراج تحسین پیش کرتاہوں، آج ہم جس جگہ پہنچیں ہیں اس کی پیچھے کافی محنت ہے۔

عمران خان کا کہنا تھا کہ فورکلوژر قانون کی بدولت کی بینک فنانسنگ کرتا ہے، پاکستان میں مورگیج فنانسنگ نہ ہونے کے برابر تھی اور پاکستان میں مکان کیلئے بینکوں کا قرضہ دینے کارواج کم تھا، ایک سسٹم بن گیا تھا کہ رشوت دیں گے تو کام ہوگا۔

وزیراعظم نے کہا کہ اسٹیٹس کو تبدیلیاں رکاوٹیں لے کر آتا ہے ، ہم نے پورے سسٹم کو خراب ہوتے ہوئے دیکھا ہے، سسٹم میں برائی اور کرپشن ہوتو سسٹم کو ٹھیک کرنے میں وقت لگتا ہے۔

کنسٹرکشن سیکٹر کے حوالے سے ان کا کہنا تھا کہ کنسٹرکشن سیکٹر اب آگے بڑھنا شروع ہوگیا ہے ، کنسٹرکشن انڈسٹری سے مزید 30 انڈسٹریاں جڑتی ہیں، دنیا میں کئی ملکوں نے اپنی سمت کو درست کیا ہے ، ایل ڈی اے نے اپنے نظام کو بہتر کیا ہے، ہم نے اس منزل تک پہنچنے کیلئے کئی مرحلے طے کئے ہیں اور عدلیہ کا شکریہ جن کی بدولت اقدامات کوعملی جامہ پہنانےمیں مدد ملی۔

عمران خان نے ملک میں قانون کی بالادستی سے متعلق کہا کہ بڑے بڑے سیاسی مافیا قانون کی خلاف ورزیاں کرتے ہیں، ہم ملک میں قانون کی عملداری  لارہےہیں، برطانیہ میں کوئی یہ نہیں کہتا کہ میں قانون سے بالا ہوں، یہاں بڑے سیاسی مافیاز قانون کی بالادستی کیخلاف مزاحمت کررہے ہیں، پاکستان میں آج قانون کی بالادستی کی جنگ چل رہی ہے، لوگ کہتے ہیں کہاں ہے نیا پاکستان ، کہاں ہے مدینہ کی ریاست۔

نیا پاکستان ہاؤسنگ منصوبے کے حوالے سے وزیراعظم کا کہنا تھا کہ کرائے کی رقم بینکوں کی قسطوں میں ادا کر کے گھرکے مالک بن سکتے ہیں، نئے پاکستان کےلیے ماڈل مدینہ کی ریاست ہے، جون تک پورے پاکستان کا ڈیٹا ہمارے پاس ہوگا، ڈیٹا کے مطابق ہم غریب گھرانوں کو براہ راست سبسڈی دیں گے۔

انھوں نے مزید کہا کہ احساس پروگرام کےذریعے ڈیڑھ کروڑ خاندانوں کو پیسےدیئے، کسانوں کو کھاد کیلئے بھی براہ راست سبسڈی دیں گے ، ہماری کوششوں  سے پاکستان فلاحی ریاست بننے جارہاہے، ملک میں کوئی بھی قانون سے بالاتر نہیں ہے۔

عمران خان کا کہنا تھا کہ پنجاب کے ہرشہرمیں رواں سال صحت انصاف کارڈ کی سہولت میسر ہوگی اور کوئی بھوکا نہ سوئے منصوبے کا آغاز اتوار کو کررہے ہیں۔

اسلام آباد:وزیراعظم عمران خان کا کہنا ہے کہ کورونا نے ترقی پذیرممالک کو زیادہ نقصان پہنچایا ، ترقی پذیرممالک سے قرضے کا بوجھ ہٹانے کیلئے اقدامات کئے جائیں۔

تفصیلات کے مطابق وزیراعظم عمران خان نے 10ویں ڈی ایٹ ورچوئل سمٹ سے خطاب کرتے ہوئے کہا ہے کہ کورونا وبا کی وجہ سے کروڑوں افراد مقروض اور لاکھوں افراد بےروزگارہوگئے جبکہ عالمی معیشت کوبہت نقصان پہنچا۔

وزیراعظم کا کہنا تھا کہ لوگوں کو صرف کورونا سے نہیں بلکہ بیروزگاری سے بھی بچانا ہے، ڈی ایٹ4سال سے مثبت کردار ادا کررہاہے، ہمیں نوجوانوں کو نئے پلیٹ فارمز فراہم کرنا ہوں گے ، پاکستان میں نوجوانوں کیلئے کامیاب جوان سمیت دیگر منصوبے شروع کئے۔

عمران خان نے کہا کہ کوئی ملک تنہا کورونا جیسے چیلنجز کا سامنا نہیں کرسکتا ہے، دنیا کے ممالک کا ایک دوسرے کیساتھ کام کرنا ضروری ہے۔

ان کا کہنا تھا کہ ٹیکنالوجی کے حوالے سے ڈی ایٹ کو نئے اقدامات کرنا ہوں گےاور ٹیکنالوجی دورمیں عالمی سپلائی چین کیلئے ملکر کام کرنا ہوگا۔

ترقی پذیرممالک کے حوالے سے وزیراعظم نے مزید کہا کہ کورونا نے ترقی پذیرممالک کو زیادہ نقصان پہنچایا ہے ، ترقی پذیر ممالک میں ٹیکنالوجی کے فروغ پرتوجہ دینا ہوگی۔

عمران خان کا کہنا تھا کہ ہمیں نوجوانوں کو تعلیم کیساتھ ہنر سکھانا ہوگا اور عالمی دنیا کو تجارت کے نئے مواقع پیداکرنا ہوں گے ، ٹیکنالوجی سے مزدوروں کی بے روزگاری کا خدشہ ہے، ان کا خیال رکھنا ہوگا۔

انھوں نے کہا کہ ترقی پذیر ممالک کوکورونا وبا سے نمٹنے کیلئے 5نکاتی منصوبہ پہلے ہی دے چکاہوں، ترقی پذیر ممالک سے قرضے کا بوجھ ہٹانے کیلئے اقدامات کئے جائیں۔