Tag: وزیراعظم عمران خان

اسلام آباد : وزیراعظم عمران خان کی زیرصدارت نیشنل ایکشن پلان پراجلاس آج ہوگا ، جس میں افغانستان کی موجودہ صورت حال اور دیگر امور پر غور ہوگا۔

تفصیلات کے وزیراعظم عمران خان کی زیرصدارت نیشنل ایکشن پلان پراجلاس آج ہوگا، جس میں قومی ایکشن پلان کے مختلف حصوں پر پیشرفت کاجائزہ لیا جائے گا۔

ذرائع کا کہنا ہے کہ اجلاس میں ملکی سکیورٹی صورتحال پربریفنگ دی جائے گی اور افغانستان کی موجودہ صورتحال اور دیگرامور پر غور ہوگا۔

یاد رہے گذشتہ ہفتے وزیراعظم عمران خان کی زیر صدارت ہونے والے سکیورٹی امور سے متعلق اجلاس میں قومی سلامتی امور سے متعلق مشاورت کی گئی تھی اور ملکی سیکیورٹی صورتحال کا جائزہ لیا گیا۔

اجلاس میں آرمی چیف جنرل قمر جاوید باجوہ بھی شریک ہوئے تھے ، اس دوران خطے کی صورتحال کے پیش نظر عالمی سطح پر حکمت عملی پربھی مشاورت کی گئی۔

اس سے قبل وزیراعظم سے آرمی چیف کی ملاقات پرائم منسٹر ہاؤس میں ہوئی تھی ، جس میں پاک فوج کے پیشہ ورانہ امور پر تبادلہ خیال کیا گیا جب کہ ملکی سلامتی، سیکیورٹی اور امن و امان کی صورتحال پر بھی گفتگو کی گئی تھی۔

اسلام آباد : وزیراعظم عمران خان نے دعویٰ کیا ہے کہ تحریک عدم اعتماد پر ہوم ورک مکمل ہے اور نمبر گیم پورے ہیں۔

تفصیلات کے مطابق وزیراعظم عمران خان سےپی ٹی آئی ارکان قومی اسمبلی کی ملاقات ہوئی ، ملاقات میں کرنے والوں میں ریاض فتیانہ اور نصراللہ ریشک شامل تھے۔

ذرائع نے بتایا کہ ملاقات کےدوران ممکنہ تحریک عدم اعتماد پرگفتگو کی گئی ، اس موقع پر وزیراعظم نے اپنے مؤقف میں کہا کہ ارکان پراعتماد رہیں،سب کچھ ٹھیک ہے۔

عمران خان کا کہنا تھا کہ تحریک عدم اعتماد پر ہوم ورک مکمل ہے، نمبر گیم پورے ہیں، اس دوران ارکان نے یقین دہانی کرائی کہیں نہیں جارہے ایسا سوچا بھی نہیں،آپ مطمئن رہیں۔

ذرائع کے مطابق ارکان نے وزیر اعظم سے گفتگو میں کہا کہ ہم آپ کی ٹیم کاحصہ ہیں، جس پر عمران خان کا کہنا تھا کہ آپ کی وفاداری پر یقین ہے اور پی ٹی آئی کے سب ارکان سے متحدہیں۔

وزیر اعظم نے ارکان سے گفتگو میں کہا کہ تمام اتحادی بھی ہمارے ساتھ ہیں، اپوزیشن تحریک عدم اعتمادکاشوق پوراکرکےدیکھ لےاندازہ ہوجائے گا۔

یاد رہے گذشتہ ماہ وزیراعظم عمران خان نے اجلاس میں ملکی سیاسی صورتحال پر ترجمانوں کو آل از ویل کا پیغام دیتے ہوئے کہا تھا کہ تحریک عدم اعتماد پر کسی کو گھبرانے کی ضرورت نہیں، اب اپوزیشن سے بھی کہتا ہوں کہ وہ بھی نہ گھبرائے۔

اسلام آباد : وزیراعظم عمران خان نے سیکیورٹی صورتحال پر اہم اجلاس طلب کرلیا، جس میں خطے کی صورتحال کے پیش نظر عالمی سطح پر حکمت عملی پر غور کیا جائے گا۔

تفصیلات کے مطابق وزیراعظم عمران خان کی زیرصدارت سیکیورٹی امور سے متعلق اہم اجلاس آج سہ پہر ہوگا، جس میں سول اور عسکری حکام شریک ہوں گے۔

ذرائع نے بتایا کہ اجلاس میں قومی سلامتی امور سمیت خطے کی صورتحال کے پیش نظر عالمی سطح پر حکمت عملی پر مشاورت ہو گی اور ملک کی سیکورٹی صورتحال کا جائزہ لیا جائے گا۔

یاد رہے 2 روز قبل وزیراعظم سے آرمی چیف کی ملاقات پرائم منسٹر ہاؤس میں ہوئی تھی ، جس میں پاک فوج کے پیشہ ورانہ امور پر تبادلہ خیال کیا گیا جب کہ ملکی سلامتی، سیکیورٹی اور امن و امان کی صورتحال پر بھی گفتگو کی گئی تھی۔

اس سے قبل وزیراعظم نے قوم سے خطاب میں کہا تھا کہ زو دنیا میں بڑی تیزی سےصورتحال بدل رہی ہے پاکستان پر بھی دنیاکی تیزی سے بدلتی صورتحال کے اثرات پڑ رہے ہیں۔

ماسکو: وزیراعظم عمران خان کی روسی صدر پیوٹن سے ون آن ون ملاقات جاری ہے ، جس میں دوطرفہ تعلقات اور اہم امور پر تبادلہ خیال کیا گیا۔

تفصیلات کے مطابق وزیراعظم عمران خان کی روسی صدر پیوٹن سے ملاقات جاری ہے ، جس میں پاکستان اور روس کے دوطرفہ تعلقات اور اہم امورپرتبادلہ خیال کیا جارہا ہے۔

اس موقع پر وزیرخارجہ شاہ محمود قریشی اور مشیر قومی سلامتی معید یوسف بھی موجود ہیں۔

دونوں رہنماؤں کے درمیان ملاقات کریملن میں ہورہی ہے، ملاقات میں توانائی،اقتصادی،تجارتی شعبوں میں تعاون پر گفتگو کی گئی اور افغانستان کی صورتحال اوراسلاموفوبیا کا موضوع بھی زیرغور آیا۔

ملاقات میں دونوں رہنماؤں نے علاقائی اور بین الاقوامی مسائل پر بھی تبادلہ خیال کیا۔

ملاقات میں پاکستان فیٹف میں روس سے مدد کے لیے بات کرے گا جبکہ نیوکلیئر سپلائرز گروپ میں پاکستان کی رکنیت ، اوراقوام متحدہ سمیت فیٹف میں دوطرفہ تعاون پر بھی گفتگو کی جائے گی۔

ذرائع کے مطابق خطے میں امن کیلئے پاکستان کی دفاعی ضروریات پر بھی بات ہوگی جبکہ دفاعی ساز و سامان اور بھارت کو دیے گئے روسی میزائل ایس فور ہنڈریڈ پر بھی گفتگو کا امکان ہے۔

دونوں رہنماؤں کے درمیان ملاقات میں پاکستان اسٹریم گیس پائپ لائن منصوبے میں شیئر ہولڈرز معاہدے کو حتمی شکل دی جائے گی۔

اس سے قبل وزیراعظم عمران خان نے ماسکو میں جنگ عظیم دوئم کے سپاہیوں کی یادگار پر حاضری دی اور یادگار پر پھول رکھے۔