کویت سٹی : وزیراعظم نوازشریف نے کویت میں جاں بحق پاکستانیوں کی میتیں وطن لانے کی ہدایت کردی، پاکستان میں بد قسمت خاندان اپنے پیاروں کی لاشوں کا منتظر ہے۔
تفصیلات کے مطابق کویت میں گزشتہہ روز آتشزدگی کے واقعے میں پاکستان کے ایک ہی خاندان کے نو افراد لقمہ اجل بن گئے تھے ۔
وزیر اعظم نواز شریف نے متعلقہ حکام کو میتیں فوری وطن واپس لانے اور تین روز میں معاوضہ ادا کرنے کی ہدایت کی ہے۔
Pakistani ambassador says injured Pakistanis to… by arynews
متوفی آصف کے سسر اور ماموں محمد شمشاد ملک بہن ، بیٹی ، داماد اور نواسے نواسیوں کی ہلاکت پر اپنے جذبات پر قابو نہ رکھ سکے۔ محمد شمشاد ملک کے بیٹے شہزاد نے کویت سے سکائپ پر اے آروائی نیوز کو بتایا کہ میتوں کی حالت ایسی نہیں کہ انہیں پاکستان لایا جا سکے۔
ملک آصف ان کی والدہ،اہلیہ اور بچوں کوکویت میں ہی سپردخاک کیا جائے گا جبکہ سانحہ میں جاں بحق ہونے والی نسرین بی بی کی دوسری بہو ریحانہ اور پوتے ماجد کی میتیں فیصل آباد لائی جائیں گی۔
کویت میں پاکستانی سفیر غلام دستگیر کا کہنا ہے کہ تین بچوں کی حالت خطرے سے باہر ہے، انہوں نے بتایا کہ میتیں پاکستان منتقل کرنے کے لئے کاغذات مکمل کررہے ہیں۔
مزید پڑھیں : کویت: گھرمیں آگ لگنے سے ایک ہی خاندان کے 9 پاکستانی جاں بحق
واضح رہے کہ واقعہ کویت کے علاقے فراوانیا میں پیش آیا جبکہ اس افسوسناک واقعے میں 24 افراد زخمی بھی ہوئے۔ زخمیوں میں خواتین اور بچے بھی شامل ہیں، خاندان کا ایک شخص گھرسےباہر ہونے کی وجہ سےبچ گیاتھا۔
گلف نیوزکے مطابق آگ لگنے کا واقعہ شارٹ سرکٹ کےباعث پیش آیا، جس نے دیکھتے ہی دیکھتے پورے گھر کو اپنی لپیٹ میں لے لیا۔
آگ لگنے سے چوبیس افراد زخمی ہوئے،پانچ زخمیوں کی حالت تشویشناک بتائی جا رہی ہے،زخمی ہونے والوں میں 4 فائر فائٹرز بھی شامل ہیں۔
