برلن: نواز شریف نے کہا ہے کہ دھرنے ترقی کا راستہ نہیں دکھاسکتے، جوڈیشل کمیشن میں ایم آئی،آئی ایس آئی کی شملویت کا مطالبہ عجیب ہے۔
جرمنی سے لندن پہنچنے پر وزیراعظم نواز شریف کا کہنا تھا کہ قومی اداروں کو سیاست میں نہیں گھیسٹنا چاہیئے، ان کا کہنا تھاکہ اقتصادی خوشحالی کی رفتار تیز کرنا حکومت کا فرض ہے، ملک کو اپنی منزل کی جانب چلنے دینا چاہئے، نواز شریف نے کہا کہ دھرنوں نے ملک کو نقصان پہنچایا ہے جس کے باعث کئی سربراہان مملکت پاکستان کو دورہ نہ کر سکے۔
برلن: وزیراعظم نواشریف نےانرجی فورم کے قیام پرجرمن چانسلر اینجلا مرکل کاشکریہ ادا کیا،جرمن چانسلر نے وزیراعظم نوازشریف سے ملاقات کومفید قرار دے دیا۔
برلن میں جرمن چانسلر کے ساتھ مشترکہ پریس کانفرنس میں وزیراعظم کاکہنا تھا کہ پاکستان کی خارجہ پالیسی میں جرمنی کوخاص مقام حاصل ہے، دونوں ممالک کے تعلقات کئی دہائیوں پرمشتمل ہیں، وزیراعظم نے توانائی سمیت مختلف شعبوں میں جرمن تاجروں کو سرمایہ کاری کی دعوت دی ۔
جرمن چانسلرنے ملاقات کومفید قرار دیتے ہوئے کہاپاکستان کےساتھ معاشی تعاون مزیدمضبوط بنائیں گے،اینجلا مرکل کاکہناتھا امیدہے پاک بھارت مذاکراتی عمل بہتر ہوگا،افغانستان کو دوبارہ خطرے میں نہیں ڈالنا چاہتے،افغانستان کا استحکام پاکستان کے لیے بھی اہم ہوگا،جرمن چانسلر نے ملالہ یوسف زئی کو نوبل امن انعام ملنے پر پاکستان کو مبارکباد بھی دی، جب کہ وزیراعظم نوازشریف نے جرمن چانسلر کودورہ پاکستان کی دعوت دی۔
برلن: وزیراعظم نوازشریف جرمن چانسلرسے ملاقات کیلئے ان کی رہائشگاہ پہنچ گئے۔ وزیراعظم نے گارڈ آف آنرکامعائنہ بھی کیا۔
وزیراعظم نوازشریف جو آج کل جرمنی کے سرکاری دورے پرہیں، اپنی میزبان جرمن چانسلر سے ملاقات کیلئے چانسلرآفس برلن پہنچ گئے، جہاں اینجلا مرکل نے ان کا پرتپاک استقبال کیا۔
وزیراعظم کے استقبالیہ کیلئےچانسلر آفس آف برلن میں ایک پروقار تقریب ہوئی، جرمن مسلح افواج کے چاک چوبند دستے نے وزیراعظم کوسلامی دی۔
وزیراعظم نوازشریف نے گارڈآف آنرکا معائنہ کیا، اس موقع پردونوں ممالک کے ترانے بھی بجائے گئے،استقبالیہ تقریب کے بعد وزیراعظم نوازشریف اور جرمن چانسلراینجلا مرکل کی ملاقات ہوئی، جس میں دونوں رہنماؤں نے باہمی دلچسپی کے امور اوردوطرفہ تعلقات پرتبادلہ خیال کیا۔
اسلام آباد: وزیراعظم نواشریف نےمیاں بیوی کو زندہ جلائے جانے کے واقعے کا نوٹس لےلیا، اوراقلیتوں کے تحفظ کو یقینی بنانےکی ہدایت کی۔
کوٹ رادھا کشن میں میاں بیوی کو جلانے کے واقعے کا سخت نوٹس لیتےہوئے وزیراعطم نوازشریف نے وزیراعلی پنجاب شہبازشریف کو ملزمان کے خلاف کارروائی کی ہدایت کی۔
نوازشریف نےکہاحکومت اقلیتوں کے تحفظ کو یقینی بنائے گی مسیحی برادری سمیت اقلیتوں کےساتھ ا متیازی سلوک برداشت نہیں کیا جائےگا،ذمہ داروں کوقانون کی گرفت سےبچنے نہیں دینگے، میاں بیوی کو زندہ جلائے جانے کے واقعے پر پولیس نے ایف آئی آر درج کر لی ہے۔پولیس کے مطابق بھٹے کے مالک یوسف گجر، منشی شکیل اور ڈرائیوررمضان کوبھی نامزد کیاگیا ہے۔
کراچی: ایم کیو ایم کا اعلی سطحی وفد آج اسلام آباد میں وزیراعظم میاں محمد نواز شریف سے اہم ملاقات کرے گا،، ملاقات میں وفد کی سربراہی ڈاکٹر فاروق ستار کریں گے۔
ملاقات میں ایم کیو ایم کے سینئر رہنما بھی شریک ہوں گے، وزیراعظم نواز شریف سے ہونے والی ملاقات میں ملک کی سیاسی صورتحال، مسلم لیگ نواز اور ایم کیو ایم ورکنگ ریلیشن شپ اور کراچی کے میگا پراجیکٹ کے حوالے سے تفصیلی بات چیت کی جائے گی،، ذرائع کے مطابق ملاقات میں ایم کیو ایم، لیڈر آف دی اپوزیشن خورشید شاہ کی تبدیلی اور ان کے بیان کے حوالے سے اپنا موقف وزیراعظم کے سامنے رکھے گی۔
لاہور: وزیراعظم نوازشریف اور وزیراعلیٰ پنجاب شہباز شریف کے دوران ملاقت میں پنجاب کابینہ کی توسیع کے حوالے سے مختلف ناموں پر غور کیا گیا۔
وزیراعظم میاں محمد نواز شریف سے وزیراعلیٰ پنجاب شہباز شریف کی ملاقات کے دوران صوبائی کابینہ کی توسیع کے حوالے سے مختلف ناموں پر غور کیا گیا،ذرائع کے مطابق پنجاب کابینہ میں رواں ماہ کے دوران توسیع کا امکان ہے، چار نئے وزراء کابینہ میں شامل کئے جاسکتے ہیں،ملاقات میں ملکی سیاسی صورتحال، دھرنوں اور دہشتگردوں کیخلاف جاری آپریشن پر بھی تبادلہ خیال کیا گیا۔
لاہور: وزیراعظم نواز شریف کہتے ہیں حکومت خطےمیں تبدیلیوں سےبےخبر نہیں، حکومت قومی مقاصدحاصل کرنے کےلیےپوری طرح کوشاں ہے۔
وزیراعظم نوازشریف نےنیول وارکالج کی نئی عمارت کاافتتاح کردیا، وزیراعظم نےنیول وار کالج کی تقریب سےخطاب کرتےہوئےکہا کہ پاکستان نیوی سمندری حدودکی حفاظت کویقینی بنارہی ہے، پاکستان کےدفاع میں پاک بحریہ کاکردار اہم ہے،ایک موثر بحریہ ملک کے دفاع کاایک اہم جزوہے۔
وزیراعظم کاکہنا تھا کہ شپ یارڈمیں بحری جہازوں کی تیاری خوش آئندہے۔خوشی کی بات ہےکہ پاکستان نیوی نےاپنی حیثیت منوالی ہے،پاکستان بحریہ نےملک کےدفاع کےلیے بہت قربانیاں دی ہیں نواز شریف نےکہاکہ حکومت خطےمیں تبدیلیوں سےبےخبرنہیں ہے،حکومت تیزی سے گوادرکوبندرگارہ کادرجہ دینےکاکام کررہی ہے، وزیراعظم نواز شریف کا کہنا تھا کہ پاکستان داخلی اور خارجی امن کا خواہاں ہے۔
اسلام آباد: وزیراعظم کی صدارت میں قومی سلامتی سے متعلق اجلاس میں اس عزم کا اظہار کیا گیا کہ ملک کی سلامتی اور خود مختاری پر کوئی حرف نہیں آنے دیا جائے گا ملکی سرحدوں کے تحفظ کے لیئے تمام وسائل بروئے کار لائے جائیں گے۔
اجلاس میں وزیر داخلہ ،وزیر دفاع ،وزیراعظم کی قومی سلامتی کے مشیر سرتاج عزیز ،آرمی چیف جنرل راحیل شریف ڈی جی آئی ایس آئی نے شرکت کی اجلاس میں ملک کی داخلی سلامتی ،ایل او سی ،ورکنگ باونڈری کی صورتحال بھی زیر غور آئی۔
اجلاس میں قومی سلامتی کمیٹی کے فیصلوں پر عمل درآمد کا بھی جائزہ لیا گیا اجلاس کو ایل او سی پر بھارتی جارحیت سے پیدا ہو نے والی صورتحال سے آگاہ کیا گیا مشیر قومی سلامتی نے اس حوالے سے سفارتی سطح پر کی جانے والی کوششوں سے آگاہ کیا اجلاس کو آپریشن ضرب عضب کی تازہ صورتحال سے بھی آگاہ کیا گیا اجلاس میں اتفاق کیا گیا کہ پاکستان کسی کی اجارہ داری تسلیم نہیں کرے گا ملک کی داکلی سلامتی کے ساتھ کسی کو کھیلنے کی اجازت نہیں دی جائے گی اور قومی سلامتی کو ہر حال میں مقدم رکھا جائے گا۔
اسلام آباد: صدرممنون حسین اور وزیر اعظم نواز شریف نے قوم کوعیدالاضحی کی مبارکباد دی ہے، اپنے الگ الگ پیغامات میں صدر مملکت اور وزیر اعظم کا کہنا ہے کہ مسائل سے نمٹنے کیلئے اخوت اور ہمدردی کے جذبے کی ضرورت ہے۔
عید الاضحی کے موقع پر اپنے پیغام میں صدر ممنون حسین کا کہنا ہےکہ سنت ابراہیمی ایثارو قربانی کا درست دیتی ہے،جس کی زندگیوں میںعملی مثال قائم کرناہوگی۔ ان کا کہنا ہے کہ مسائل سے نمٹنے کیلئےاخوت اورہمدردی کےجذبےکی ضرورت ہے۔
اپنے پیغام میں وزیر اعظم نواز شریف کا کہنا ہے کہ ترقی کے مشن کیلئے کوششیں جاری رکھیں گےاورسیلاب متاثرین کومشکل کی گھڑی میں تنہانہیں چھوڑیں گے،متاثرین کی بحالی کیلئےتمام وسائل بروئےکار لائے جائیں گے۔ وزیراعظم کا کہنا ہے کہ پاک فوج نےدہشتگردی اور انتہا پسندی کا ڈٹ کر مقابلہ کیا،ملکی خوشحالی وعزت کیلئےافسران اور جوانوں نےبہت قربانیاں دیں۔
وزیراعظم کا کہنا ہے کہ قوم ضرب عضب سے بےگھرافرادکی قربانیوں سےبخوبی آگاہ ہےاور متاثرین کی مشکلات کے حل کیلئےکوئی غفلت نہیں برتی جائےگی۔ ان کا کہنا ہے کہ جمہوری قوتوں نےدانشمندی کامظاہرہ کیا اور ملکی خوشحالی کاایجنڈاجاری رکھنےکیلئےاعتماد پرقوم کےمشکورہیں۔
وزیرآباد: وزیراعظم نوازشریف نے کہا کہ سیلاب کی روک تھام کیلئے مربوط حکمت عملی وضع کرنا ہوگی۔
سیلاب متاثرین سے خطاب کے دوران وزیر اعظم میاں نواز شریف کا کہنا تھا کہ سیلاب کی روک تھام کیلئے اقدامات ضروری ہیں، ماحولیاتی تبدیلی سے خطہ متاثر ہورہا ہے، سیلاب سے بچاؤ کیلئےقومی سطح پر کمیٹی تشکیل دی جانی چاہئے۔
نواز شریف نے کہا کہ محدود وسائل کے باعث ہمیں اپنی ترجیحات طےکرناہوں گی،سیلاب متاثرین کے دکھ اور تکلیف کا احساس ہے، سیلاب متاثرین خود کو تنہا نہ سمجھیں حکومت ان کیساتھ ہے۔
وزیراعظم کا کہنا تھا کہ وزیراعلیٰ پنجاب کی کارکردگی قابل تحسین ہے،سیلاب سے گھروں کو نقصان پہنچا لوگ بےگھر ہوگئے،متاثرین کی مکمل بحالی تک چین سے نہیں بیٹھیں گے، فوج کے افسروں،جوانوں نے سیلاب متاثرین کی مدد کی ہے، پولیس کے جوانوں نے بھی سیلاب متاثرین کی بہت مدد کی ہے، زیادہ جانی نقصان چھتیں،دیواریں گرنےسےہوا، سیلابی پانی اترنے سے پہلے متاثرین کی امداد کی جارہی ہے، متاثرین کو25ہزار کی پہلی قسط آج سے دینا شروع کردی ہے۔،