ARYNews.tv | Urdu – Har Lamha Bakhabar

Tag: وزیراعظم نواز شریف

  • وزیر اعظم نواز شریف آج قوم سے خطاب کریں گے

    وزیر اعظم نواز شریف آج قوم سے خطاب کریں گے

    اسلام آباد : وزیراعظم نواز شریف آج قوم سے خطاب کریں گے، جس میں وزیراعظم ملک کی سیاسی صورتحال پر قوم کو اعتماد میں لیں گے۔

    وزیراعظم پاکستان کے معاون خصوصی عرفان صدیقی کا کہنا ہے کہ وزیر اعظم اپنے خطاب میں حکومت کی کارکردگی قوم کے سامنے رکھیں گے اور سیاسی صورتحال پر قوم کو اعتماد میں لیں گے، وزیر اعظم کے خطاب کا وقت رات آٹھ بجے طے ہوا ہے، وزیر اعظم یہ خطاب ایسے وقت کر رہے ہیں جب پاکستان تحریک انصاف اور پاکستان عوامی تحریک آزادی اور انقلاب مارچ کرنے جا رہی ہیں۔ عمران خان نے وزیراعظم کے استعفے اور وسط مدتی انتخابات کا مطالبہ کر رکھا ہے۔ اور حکومت کی جانب سے بات چیت کی پیشکش مسترد کر رکھی ہے۔

  • عمران خان سے بات ہوگی،علامہ طاہر القادری سےنہیں،وزیراعظم

    عمران خان سے بات ہوگی،علامہ طاہر القادری سےنہیں،وزیراعظم

    اسلام آباد : وزیر اعظم نواز شریف نے کہا ہے کہ عمران خان سے بات ہوگی،علامہ طاہر القادری سےنہیں، وزیر اعظم نواز شریف نے قومی سلامتی کانفرنس میں تحریک انصاف کو مذاکرات کی پیشکش کردی، وزیراعظم نے عمران خان کو پیغام دے دیا کہ مطالبات پر کوئی بھی فارمولا نکالنے کو تیار ہے۔

    دوسری جانب وزیر اعظم نواز شریف نے واضح اشارہ دے دیا ہے کہ ڈاکٹر طاہر القادری سے مذاکرات نہیں ہوں گے، انھوں نے کہا کہ  انقلاب کی وضاحت کی جائے، ملک کسی بھی محاذ آرائی کا متحمل نہیں ہوسکتا۔

    وزیر اعظم کی جانب سے سیاسی ماحول میں گرما گرمی کم کرنے کیلئے بلائی گئی قومی سلامتی کانفرنس میں قائد حزب اختلاف خورشید شاہ، مولانا فضل الرحمٰن،سراج الحق، آرمی چیف راحیل شریف،ڈی جی آئی ایس آئی حکومتی وُزراء اور دیگر سیاسی رہنما شامل ہیں۔

    وزیر اعظم خطاب کرتے ہوئے تحریک انصاف کو مذاکرات کی دعوت دیدی اور کہا کہ دس نشستوں سے متعلق مطالبات پر کوئی بھی فارمولا نکالنے کو تیار ہیں۔ وزیر اعظم نوز شریف نے قومی سلامتی کانفرنس میں خوب لچک کا مظاہرہ کیا کہا کہ عمران خان کی دعوت پر اُن کے پاس چل کر گیا، ملک کے لئے کسی کے پاس بھی جانے کو تیار ہوں۔

    وزیر اعظم نواز شریف نے کہا کہ ملک میں خوشحالی کیلئے ایک دست تعاون بڑھانا چاہئے۔

  • وزیراعظم نے قومی سلامتی کا اجلاس کل طلب کر لیا

    وزیراعظم نے قومی سلامتی کا اجلاس کل طلب کر لیا

    اسلام آباد: وزیراعظم نواز شریف نے قومی سلامتی کا اجلاس کل طلب کرلیا ہے، اجلاس میں چاروں وزراء اعلی، عسکری قیادت اور تمام پالیمانی جماعتوں کے رہنما کوبھی مدعو کیا جائے گا۔

    وزیراعظم نواز شریف نے قومی سلامتی سے متعلق اہم اجلاس کل طلب کرلیا ہے، اجلاس میں مسلح افواج کے سربراہان، ڈی جی آئی ایس آئی سمیت چاروں وزرا اعلی اور تمام پارلیمانی جماعتوں کے رہنما شرکت کریں گے۔

    قومی سلامتی کانفرنس کے اجلاس کی صدارت وزیر اعظم نواز شریف کریں گے، ذرائع کے مطابق اجلاس میں ملک کی سیاسی صورتحال کے تناؤ کو کم کرنے کے علاوہ آپریشن ضرب عضب اور قومی سلامتی کے امور زیر غور آئیں گے۔

  • وزیر اعظم نواز شریف کے قومی اسمبلی سے خطاب کا امکان

    وزیر اعظم نواز شریف کے قومی اسمبلی سے خطاب کا امکان

    اسلام آباد: وزیر اعظم نواز شریف کے قومی اسمبلی سے خطاب کا امکان ہے جس میں وہ موجودہ صورتحال پر پارلیمنٹ کو اعتماد میں لیں گے۔

    حکومتی ذرائع کے مطابق ملک میں جاری سیاسی ہلچل پر حکومت کے موقف کی حمایت حاصل کرنے کے لیے وزیر اعظم نواز شریف پارلیمنٹ کو اعتماد میں لیں گے۔۔ اس لیے قومی امکان ہے کہ وزیر اعظم قومی اسمبلی سے خطاب کریں گے۔۔۔ جس میں وہ ن لیگ کی حکومت کے موقف سے اراکین اسمبلی کو آگاہ کریں گے۔

  • احتجاجی سیاست مناسب نہیں، وزیراعلیٰ پنجاب

    احتجاجی سیاست مناسب نہیں، وزیراعلیٰ پنجاب

    اسلام آباد: وزیراعلیٰ پنجاب شہباز شریف کا کہنا ہے کہ یہ انتشار کی سیاست کا وقت نہیں ہے، پرویز رشید کہتے ہیں عمران خان کا اصل ایجنڈہ انتخابی اصلاحات نہیں بلکہ جمہوری حکومت کا تختہ الٹنا ہے۔

    وزیراعلیٰ پنجاب شہبازشریف سے مری میں مسلم لیگ ن کے وفود نے ملاقات کی، ملاقات کے دوران شہباز شریف کا کہنا تھا کہ ملک اس وقت جن حالات سے گزر رہاہے ان کو مدنظر رکھتے ہوئے احتجاجی سیاست کسی صورت مناسب نہیں، ملک کسی بھی صورت میں احتجاجی سیاست کامتحمل نہیں ہو سکتا، یہ وقت اتحاد اوراتفاق کا ہے،وزیر اعظم محمد نواز شریف کی قیاد ت میں ملک ترقی اورخوشحالی کی راہ پر گامزن ہو چکا ہے لیکن بعض عناصر ترقی کا سفر روکنے کے درپے ہیں۔

    وفاقی وزیراطلاعات پرویز رشید کا کہنا ہے کہ عمران خان کا اصل ایجنڈہ انتخابی اصلاحات نہیں بلکہ جمہوری حکومت کا تختہ الٹنا ہے،عمران خان تمام صوبوں کی اسمبلیاں توڑ کر اقتدار حاصل کرنا چاہیتے ہیں۔

  • آج ملک بھرمیں یوم القدس منایا جارہا ہے

    آج ملک بھرمیں یوم القدس منایا جارہا ہے

    اسلام آباد:  غزہ میں اسرئیلی جارحیت کیخلاف وزیراعظم نواز شریف نے آج یوم سوگ کا اعلان کیا ہے،  یوم سوگ کے موقع پر پاکستان کا پرچم سرنگوں رہے گا، پاکستان علماء کونسل نے یوم سوگ کے اعلان کا خیر مقدم کیا ہے۔

    غزہ میں اسرائیل کی وحشیانہ کارروائیاں جاری ہیں، جس کے خلاف وزیراعظم نواز شریف نے آج یوم سوگ منانے کا اعلان کیا ہے، وزیراعظم غزہ کے عوام کیلئے دس لاکھ ڈالر امداد کا اعلان بھی کیا ہے، وزیراعظم کا کہنا تھا کہ غزہ کے معصوم شہری اسرائیلی دہشت گردی کا نشانہ بن رہے ہیں، اسرائیلی جارحیت کی جتنی بھی مذمت کی جائے کم ہے۔

    دوسری جانب پاکستان کے سیکریٹری خارجہ اعزاز چوہدری نے غزہ پر اسرائیلی جارحیت کی پُر زور مذمت کرتے ہوئے کہا کہ پاکستان اسرائیل سے فوری جنگ بندی کا مطالبہ کرتا ہے، اعزاز چوہدری کا کہنا تھا کہ اسرائیل نہتے فلسطینیوں کوقتل کر رہا ہے، پاکستان نےاقوام متحدہ میں اسرائیلی جارحیت پر آواز اٹھائی ہے، پاکستان او آئی سی میں بھی فلسطینی مسئلے کےحل کیلئے کوششیں جاری رکھے گا۔

  • وزیراعظم میاں نواز شریف عمرے کی ادائیگی کیلئے جدہ پہنچ گئے

    وزیراعظم میاں نواز شریف عمرے کی ادائیگی کیلئے جدہ پہنچ گئے

    لاہور: وزیراعظم میاں نواز شریف عمرے کی ادائیگی کیلئے جدہ روانہ ہو گئے، فلائٹ کو وی وی آئی پی کا درجہ دیا گیا، اس پرواز کے دیگر عمرہ زائرین کو دوپہر بارہ بجے سے ہی لاہور ائیر پورٹ بلوا لیا گیا تھا۔

    وزیر اعظم نواز شریف پینتیس رکنی وفد کے ہمراہ پی آئی اے کی پرواز پی کے سیون فائیو نائین سے لاہور سے جدہ کیلئے روانہ ہوئے۔ وزیراعظم کیلئے بوئنگ ٹرپل سیون میں وی وی آئی پی نشستیں لگوائی گئیں اور پرواز کو وی وی آئی پی کا درجہ دے دیا گیا، وزیر اعظم کے ہمراہ وزیر خزانہ اسحا ق ڈار،ان کی اہلیہ، مشیر خارجہ سرتاج عزیز اور دیگر خاص افراد شامل ہیں۔

    طیارے کو لاہور کے چیف پائلٹ فرخ چیمہ اور فرسٹ آفیسر قاسم نے آپریٹ کیا، اے آر وائی نیوز نے وزیراعظم کے ٹریول ٹکٹ کی کاپی حاصل کر لی، پرواز کی سیٹیں ٹریول ایجنٹ کے ذریعے بک کرائی گئیں، ٹکٹوں کے پیسے پندرہ روز بعد دیے جائیں گے، اس وی وی آئی پی پرواز میں آم کی دو سو اکتیس پیٹیاں بھی رکھی گئیں، پرواز کے فضائی میزبانوں کی کلیئرنس میں بھی کافی وقت لگا۔

  • پاکستان انٹرنیشنل ایئرلائنز کی نجکاری کا عمل 22جولائی سے شروع

    پاکستان انٹرنیشنل ایئرلائنز کی نجکاری کا عمل 22جولائی سے شروع

    اسلام آباد : حکومت نے پاکستان انٹرنیشنل ایئرلائنز کی نجکاری کیلئے تاریخیں دیدیں، قومی ادارے کے قیمتی اثاثے ہی نجی تحویل میں نہیں جائیں گے ہزاروں ملازمین بے روزگار ہوجائیں گے۔

    قومی فضائی ادارے پی آئی اے کو نیلام کردیا جائے گا، حکومت نے اصولی فیصلہ کرلیا، وزیرنجکاری محمد زبیر کا کہنا ہےقومی مفاد میں سخت معاشی فیصلے کرنے سے گریز نہیں کیا جائے گا، غیر ملکی ادارے کو انٹرویو میں ان کا کہنا ہے، پی آئی کی نجکاری کاعمل بائیس جولائی سے شروع ہوگا، جب نجکاری کے لئے مالیاتی مشیران کی تقرری ہوگی۔

    آئندہ سال جون تک نجکاری کا مکمل کر لیا جائے گا، وزیرنجکاری کا کہناہےادارےمیں پچاس فیصد ملازمین اضافی ہیں،جن کی نجکاری سے پہلے چھانٹی ہوگی، محمدزبیرکہتےہیں اس وقت پی آئی اے میں سولہ ہزار چھ سو ملازمین ہیں، یعنی ایک طیارے کےلئےچھ سو ملازمین، حالانکہ دنیا بھر میں ایک طیارے پردوسوتک ملازمین ہوتے ہیں، محمد زبیر کا کہنا تھا کہ نجکاری سے پہلے پی آی اے کی ری استرکچرنگ کی جائے گی،ملازمتوں سےعلیحدہ کئےجانے والوں کیلئے بھی پلاننگ کی گئی ہے۔

  • پاکستان میں اب منفی سیاست کی کوئی گنجائش نہیں، نواز شریف

    پاکستان میں اب منفی سیاست کی کوئی گنجائش نہیں، نواز شریف

    اسلام آباد:  وزیراعظم نواز شریف کا کہنا ہے کہ پاکستان کو مشکلات سے نکالنے کے لئے قوم نے مینڈیٹ دیا،پاکستان میں اب منفی سیاست کی کوئی گنجائش نہیں، کسی کو اسی اور نوے کی سیاست کی اجازت نہیں دے سکتے۔

    اسلام آباد میں بہترین ٹیکس دہندگان میں اعزازی کارڈ کی تقسیم کی تقریب سے خطاب کرتے ہوئے وزیراعظم نواز شریف نے کہا کہ راتوں رات تبدیلی نہیں آتی، مسلسل محنت کی ضرورت ہوتی ہے، پاکستان میں اب منفی سیاست کی کوئی گنجائش نہیں، ہم نے کسی حکومت کا تختہ الٹنے کے لئے کوئی کام نہیں کیا۔

    وزیراعظم نواز شریف کا کہنا تھا کہ بجلی کامسئلہ پرانا ہے، اپنے دور میں حل کرنے کی کوشش کرینگے، بجلی کے متعدد منصوبوں پر تیزی سے کام جاری ہے، موجودہ عمل میں کسی کو رکاوٹ ڈالنے کی اجازت نہیں دے سکتے۔

    وزیراعظم نے مزید کہا کہ زرمبادلہ کے ذخائر چودہ ارب ڈالرز تک پہنچ گئے ہیں اور مالیاتی خسارہ بھی کم ہوکرچار فی صد ہوگیا۔

  • وزیراعظم نواز شریف کا پارٹی رہنماؤں کا اہم اجلاس آج طلب

    وزیراعظم نواز شریف کا پارٹی رہنماؤں کا اہم اجلاس آج طلب

    اسلام آباد:  وزیراعظم نواز شریف نے وفاقی وزراء اور پارٹی رہنماوں کا مشاورتی اجلاس آ ج طلب کر لیا ہے، اجلاس میں تحریک انصاف کے دھرنوں سے نمٹنے کے طریقوں پر غور کیا جائیگا۔

    وزیراعظم نواز شریف کی زیرصدارت ہونے والے اجلاس میں ن لیگ کے وزراء اور اہم پارٹی رہنما شرکت کرینگے، وزیر اعظم ہاوس میں ہونے والے اجلاس میں آئی ڈی پیز کی صورتحال ، شمالی وزیرستان آپریشن اور یوم آذادی کی تقریبات سے متعلق امور زیرغور آئیں گے۔

    اجلاس کے دوران اسلام آباد ڈی چوک میں ہونے والی ریلی پر حکمت عملی بنائی جائیگی، پیپلز پارٹی اور ایم کیو ایم کو چودہ اگست کی تقریب میں شامل کرنے پر پارٹی رہنماؤں کو اعتماد میں لیا جائیگا، اجلاس میں حکومتی سطح پر دو ہفتے کی یوم آذادی کی تقریبات کی تیاریوں سے متعلق حکمت عملی تیار کی جائے گی۔

    اس سے قبل اسلام آباد میں صدر ممنون حسین اور وزیر اعظم نواز شریف کی ملاقات ہوئی، ملاقات میں آئی ڈی پیز اور ملک کے مجموعی امورکے حوالے سے تبادلہ خیال کیا گیا۔