Tag: وزیراعظم

لاہور: وزیراعظم عمران خان کا کہنا ہے کہ پاکستان اپنے اسٹریٹیجک محل وقوع کی وجہ سے ہمسایوں کا مرکز بنے گا۔

تفصیلات کے مطابق وزیراعظم عمران خان نے عالمی اقتصادی فورم ’پاکستان اسٹریٹیجی ڈائیلاگ‘ سے خطاب کرتے ہوئے کہا کہ سی پیک ملکوں کے درمیان روابط کے فروغ کا منصوبہ ہے، سی پیک کے ذریعے پاکستان کو چین کی بڑی منڈی تک رسائی ملے گی۔

وزیراعظم نے کہا کہ سی پیک کے دوسرے مرحلے میں اقتصادی زونز پر توجہ دی جارہی ہے، سی پیک کے تحت ریلوے کو بھی اپ گریڈ کیا جارہا ہے، پاکستان اپنے اسٹریٹیجک محل وقوع کی وجہ سے ہمسایوں کا مرکز بنے گا۔

عمران خان نے کہا کہ افغانستان میں امن سے پاکستان کے قبائلی علاقوں کو زیادہ فائدہ ہے، پاکستان کی وجہ سے امریکا اور طالبان مذاکرات کی میز پر آئے، ہم نے افغان امن عمل میں اہم کردار ادا کیا، پاکستان افغانستان میں امن کا سب سے بڑا حامی ہے۔

انہوں ںے کہا کہ افغان امن عمل کے لیے پاکستان کلیدی کردار ادا کررہا ہے، افغان امن عمل شروع کرنا امریکی صدر ٹرمپ کا اہم کارنامہ ہے، امید ہے نو منتخب امریکی صدر جوبائیڈن بھی افغان امن عمل پر توجہ دیں گے۔

وزیراعظم نے کہا کہ پاکستان برآمدات پر خصوصی توجہ دے رہا ہے، غیرملکی سرمایہ کاری میں بہتری آرہی ہے، خوش قسمت ہیں کہ کاروباری برادری کو ہم پر اعتماد ہے، زرعی ترقی اور گورننس کے نظام کے نظام کو بہتر کرنے پر توجہ دے رہے ہیں، چاہتے ہیں کسانوں کو ان کی محنت کا بھرپور حصہ ملے۔

عمران خان نے بتایا کہ درآمدات اور برآمدات میں 40 ارب ڈالر کا فرق ہے، کاروبار میں آسانی سے متعلق انڈیکس میں بہتری آئی ہے، چاہتے ہیں سرمایہ کاروں کو یہاں مواقع اور فائدہ ملے، ہماری حکومت نے سرمایہ کاروں کے لیے بہترین پالیسیاں دی ہیں۔

اسلام آباد: وزیراعظم عمران خان کا کہنا ہے کہ گلگت بلتستان میں حکومت بنا کر مسائل حل کریں گے۔

اے آر وائی نیوز کی رپورٹ کے مطابق وزیراعظم عمران خان کی زیر صدارت پارٹی رہنماؤں اور ترجمانوں کا اجلاس ہوا جس میں ملکی معاشی اور سیاسی صورتحال پر مشاورت کی گئی۔

وزیراعظم نے کہا کہ گلگت بلتستان کی عوام نے پی ڈی ایم کا بیانیہ مسترد کردیا، گلگت بلتستان میں حکومت بنا کر عوام کے مسائل حل کریں گے۔

عمران خان نے کہا کہ اپوزیشن کو ملک سے کوئی غرض نہیں ہے، اپوزیشن کو صرف اپنے مفادات کی فکر ہے۔

واضح رہے کہ گلگت بلتستان قانون ساز اسمبلی کے انتخابات کے تمام غیر سرکاری اور غیر حتمی نتائج موصول ہو گئے، جن کے مطابق پی ٹی آئی پہلی، آزاد امیدواروں نے دوسری اور پیپلز پارٹی نے تیسری پوزیشن حاصل کی۔

مزید پڑھیں: گلگت بلتستان انتخابات : پی ٹی آئی کی شاندار فتح، ن لیگ کی چوتھی پوزیشن

الیکشن کمیشن کے غیر حتمی اور غیر سرکاری نتیجے کے مطابق انتخابات میں تحریک انصاف 10 نشستوں کے ساتھ سرفہرست ہے۔

اس کے علاوہ سیاسی جماعتوں کی مناسبت سے پیپلز پارٹی 3 نشستوں کے ساتھ دوسرے اور (ن) لیگ دو نشستوں کے ساتھ تیسرے نمبر پر ہے، 7 نشستوں پر آزاد امیدوار فتح یاب ہوئے جبکہ جبکہ ایم ڈبلیو ایم نے ایک نشست پر کامیابی حاصل کی۔

یاد رہے کہ الیکشن کا عمل بغیر کسی وقفے کے صبح 8 بجے سے شام 5 بجے تک جاری رہا تھا۔ دس اضلاع کے 23 حلقوں سے 7لاکھ سے زائد ووٹرز نے اپنا حقِ رائے دہی استعمال کیا تھا۔