Tag: وزیراعظم

وزیراعظم شہباز شریف فیلڈ مارشل عاصم نے وفد کے ہمراہ عمرے کی سعادت حاصل کر لی اور خانہ کعبہ کے اندر نوافل ادا کیے۔

اے آر وائی نیوز کے مطابق وزیراعظم شہباز شریف اور فلڈ مارشل سید عاصم منیر جو ولی عہد شہزادہ محمد بن سلمان کی خصوصی دعوت پر سعودی عرب کے دورے پر ہیں۔

گزشتہ شب وزیراعظم شہباز شریف، فیلڈ مارشل عاصم منیر نے وفد کے ہمراہ عمرہ ادا کیا۔ ملک وقوم کی ترقی اور خوشحالی کے ساتھ امت مسلمہ بالخصوص کشمیریوں، فلسطینیوں کیلئے خصوصی دعائیں کی گئیں۔

پی ایم آفس سے جاری بیان میں کہا گیا ہے کہ وزیراعظم شہباز شریف اور فیلڈ مارشل عاصم منیر کے لیے خانہ کعبہ کا دروازہ خصوصی طور پر کھولا گیا۔ دونوں شخصیات نے وفد کے ہمراہ خانہ کعبہ کے اندر جا کر نوافل ادا کیے اور آپریشن بنیان مرصوص کی فتح پر اللہ تعالیٰ کا شکر ادا کیا۔

وفد میں نائب وزیراعظم و وزیر خارجہ اسحاق ڈار، وفاقی وزیر داخلہ محسن نقوی، وزیر اطلاعات ونشریات عطا تارڑ بھی شامل تھے۔ وفد نے معاشی میدان اور عوامی فلاحی اقدامات میں حکومت کی کامیابیوں پر بھی اللہ تعالیٰ کا شکر ادا کیا۔

کوئٹہ: وزیر اعظم محمد شہباز شریف ایک روزہ دورے پر کوئٹہ پہنچ گئے ۔

وزیرِ اعظم شہباز شریف اپنے دورے کے دوران کوئٹہ میں ہونے والے اہم جرگے میں شرکت کریں گے، ان کے ہمراہ وفاقی وزرا احسن اقبال، عطاتارڑ، رکن قومی اسمبلی جمال شاہ کاکڑ بھی ہے۔

وزیراعلیٰ بلوچستان سرفراز بگٹی، قائم مقام گورنر نے وزیراعظم کا استقبال کیا، وزیراعظم شہبازشریف آج اہم جرگے میں شرکت کریں گے۔

ذرائع کے مطابق جرگے میں گورنر بلوچستان، وزیر اعلیٰ بلوچستان، صوبائی وزرا کو مدعو کیا گیا ہے، جرگے میں ارکان اسمبلی، قبائلی و سیاسی عمائدین بھی مدعو ہیں۔

ذرائع کا کہنا ہے کہ جرگے میں بلوچستان کی امن وامان سمیت مجموعی صورتحال پر تبادلہ خیال ہوگا اور عمائدین کو مختلف امور پر اعتماد میں لیا جائے گا۔

اسلام آباد : آئی ایم ایف نے وزیراعظم کی جانب سے ریلیف اقدامات پر اعتراضات اٹھادیے اور بجٹ میں سستی بجلی دینے کے لیے اضافی سبسڈی نہ دی جائے۔

تفصیلات کے مطابق پاکستان اور آئی ایم ایف کے درمیان بجٹ مذاکرات کی اندرونی کہانی سامنے آگئی، ذرائع نے بتایا کہ پاکستان اور آئی ایم ایف کے درمیان بجٹ مذاکرات پر اتفاق نہ ہوسکا۔

ذرائع کا کہنا تھا کہ آئی ایم ایف نے وزیراعظم کی جانب سے ریلیف اقدامات پر اعتراضات اٹھادیے اور وزیراعظم کے عوام کیلئے بجلی کی اضافی سبسڈی دینے کی تجویز پر راضی نہ ہوا۔

آئی ایم ایف نے مطالبہ کیا کہ آئندہ بجٹ میں عوام کو سستی بجلی دینے کیلئے اضافی پاور سبسڈی نہ دی جائے۔

اس کے ساتھ عالمی مالیاتی فنڈ نے صنعتی صارفین کیلئے بجلی ریٹ کم کرنے کی حکومتی تجویزبھی مستردکردی اور کہا آئندہ مالی سال کے دوران بجلی ٹیرف میں بروقت اضافہ کرنا ہوگا جبکہ نیپراسہ ماہی ٹیرف ایڈجسٹمنٹ ،ماہانہ فیول کاسٹ ایڈجسٹمنٹ بروقت کرنے کا پابند ہوگا۔

مزید پڑھیں : وفاقی حکومت نے بجلی سستی کرنے کا پلان آئی ایم ایف سے شیئر کردیا

عالمی مالیاتی فنڈ نے واضح کیا کہ آئندہ مالی سال گردشی قرضہ ختم کرنےکیلئے جو پلان دیا گیا اس پرعملدرآمد کرنا ہوگا۔

ذرائع نے بتایا کہ آئی پی پیز سےبات چیت کرکےسرکلرڈیٹ میں 348 ارب روپےکلیئرکمی کی جائے گی اور سرکلرڈیٹ کم کرنے کیلئے 387 ارب روپے سود کی اضافی رقم ختم کرکے ایڈجسٹ کیے جائیں گے۔

ذرائع کا کہنا تھا کہ گردشی قرضہ ختم کرنے کیلئے 254ارب روپے کی اضافی بجٹ کی سبسڈی سے کلیئر دی جائے گی اور کمرشل بینکوں سے قرض لیکر 1252 ارب روپے کا گردشی قرضہ ختم کیا جائے گا۔

عالمی مالیاتی فنڈ نے مطالبہ کیا پاور سیکٹر کا گردشی قرض آئندہ مالی سال زیروان فلو پر رکھا جائے۔

ذرائع کے مطابق مذاکرات میں ایف بی آر نے 14 ہزار 307 ارب روپے ہدف پرنظرثانی کی درخواست کی ، جس پر آئی ایم ایف ایف بی آر ٹارگٹ 14050 سے 14100 ارب روپے تک مقرر کرنے پر جزوی راضی ہوا۔

عالمی مالیاتی فنڈ نے اعتراض اٹھایا کہ ایک جانب ایف بی آر ٹیکس اہداف نہیں بڑھا رہادوسری جانب اخراجات بڑھارہےہیں، اخراجات مقررہ ہدف سے بڑھائے گئے تو پرائمری بیلنس کاہدف حاصل نہیں ہوسکے گا، پرائمری بیلنس کا سرپلس ہدف حاصل کرنا موجودہ قرض پروگرام کی انتہائی اہم شرط ہے۔