Tag: وزیراعظم

اسلام آباد: وزیراعظم نوازشریف کی زیرصدارت قومی سلامتی کمیٹی کا اجلاس شروع ہوگیا جس میں پاک بھارت کشیدگی کے حوالے سے بریفنگ دی جائے گی۔

تفصیلات کےمطابق وزیراعظم نوازشریف کی زیرصدارت قومی سلامتی کمیٹی کا اجلاس کا آغاز ہوگیا جس میں تینوں مسلح افواج کے سربراہان،چیئرمین جوائنٹ چیفس آف اسٹاف کمیٹی، ڈی جی آئی ایس آئی لیفٹیننٹ جنرل رضوان اختر، قومی سلامتی کے مشیر ناصر جنجوعہ، مشیر خارجہ سرتاج عزیز،وفاقی وزراءاسحاق ڈار، چوہدری نثار اور پرویزرشید بھی شریک ہیں۔

اجلاس میں سیکریٹری خارجہ اعزاز چوہدری وزیراعظم کے دورہ امریکہ واقوام متحدہ اورپاک بھارت کشیدگی کے حوالے سے بریفنگ بھی دیں گے۔

قومی سلامتی کے اجلاس میں چاروں صوبائی وزرائے اعلیٰ ،و زیراعلیٰ گلگت بلتستان کو بھی شرکت کی خصوصی دعوت دی گئی ہے۔

مزید پڑھیں: قوم کو توقع ہے ہم معاشرےکےشیطانوں سےچھٹکارہ حاصل کریں،وزیراعظم

واضح رے کہ اس سے قبل اسلام آباد میں وزیراعظم کی زیرصدارت نیشنل ایکشن پلان کا اجلاس ہوا تھا جس میں وزیراعظم کا کہنا تھا کہ ہ قوم کو توقع ہے کہ ہم معاشرے کے شیطانوں سے چھٹکارہ حاصل کریں۔

اسلام آباد: وزیراعظم نوازشریف نے سابق صدر آصف علی زرداری سے ٹیلی فونک رابطہ کیا ہے اور سابق انہیں پارلیمانی جماعتوں کے سربراہی اجلاس میں شرکت کی دعوت دی ہے۔

تفصیلات کےمطابق وزیراعظم نے آصف زرداری کو پیر کو وزیراعظم سیکریٹریٹ میں ہونے والے پارلیمانی جماعتوں کے سربراہی اجلاس میں شرکت کی دعوت دی ہے۔

فرحت اللہ بابر کے مطابق آصف زرداری نے وزیراعظم کو بتایا کہ بلاول بھٹو زرداری اب پارٹی کے سربراہ ہیں وہ سربراہی اجلاس میں شرکت کریں گے۔

مزید پڑھیں: وفاقی کابینہ نے سرجیکل اسٹرائیک کا بھارتی دعویٰ مسترد کردیا

یاد رہے کہ گزشتہ روز وفاقی کابینہ اہم اجلاس وزیر اعظم کی زیر صدارت منعقد ہواتھا جس میں پاکستان میں سرجیکل اسٹرائیک کا بھارتی دعویٰ اور اڑی حملے کا الزام مسترد کردیاتھا۔

مزیدپڑھیں:اقوام متحدہ برصغیر کی تقسیم کا نامکمل ایجنڈا مکمل کرے، آصف زرداری

اجلاس میں وفاقی کابینہ نے بھارت کو سخت پیغام دے دیا،اپنے خطاب میں وزیراعظم کا کہنا تھا کہ قوم بہادر مسلح افواج کے شانہ بشانہ ہے۔ دفاع وطن کےلیے قوم کا بچہ بچہ تیار ہے۔کسی کو پاک سرزمین پر میلی نگاہ ڈالنے کی اجازت نہیں دی جائےگی۔

واضح رہے کہ وزیراعظم نواز شریف کا کہنا تھاکہ کشمیر تقسیم برصغیر کا نامکمل ایجنڈا ہے جسے نظر انداز نہیں کیا جا سکتا۔بھارتی مظالم کشمیریوں کےجذبہ حریت کونہیں کچل سکتے۔

اسلام آباد: تحریک انصاف کے سربراہ عمران خان کا کہنا ہے کہ سرحدوں پر کشیدگی ہے اور وزیراعظم لندن میں شاپنگ اورچھٹیاں منارہے ہیں۔

تفصیلات کےمطابق پی ٹی آئی کےچیئرمین عمران خان نے سماجی رابطے کی ویب سائٹ ٹوئٹر پر ٹویٹ کیا کہ سرحدوں پر کشیدگی ہےاور وزیراعظم لندن میں چھٹیاں منارہے ہیں۔

While tensions rising on eastern border & along LoC, PM holidaying and shopping in London.

— Imran Khan (@ImranKhanPTI) September 27, 2016

خیال رہے کہ گزشتہ روز تحریک انصاف کے سربراہ عمران خان نے 28 ستمبر کو لاہور میں ریلی نکالنے کا اعلان کیا تھا۔

مزید پڑھیں: پاکستان کا آئین پُرامن احتجاج کا حق دیتا ہے،عمران خان

اس سے قبل عمران خان نے اسلام آباد میں اپنی رہاہش گاہ بنی گالہ پر میڈیا سے گفتگو کرتے ہوئے کہا تھا کہ پاکستان کا آئین پُرامن احتجاج کا حق دیتا ہے۔

تحریک انصاف کے سربراہ کا کہنا تھا کہ اگررائے ونڈ مارچ کی راہ میں رکاوٹیں ڈالی گئیں تو اس کا ردعمل آئے گا جو حکومت برداشت نہیں کر پائے گی۔

چیئرمین تحریک انصاف کا کہنا تھا کہ ہم نے ہر ادارے کے در پر دستک دی لیکن کسی ادارے نے ہماری بات نہیں سنی اس لیے احتجاج کا فیصلہ کیا اگر کسی نے روکا تو آئین کے اندر رہتے ہوئے ہر قدم ممکنہ اُٹھائیں گے۔

واضح رہے کہ عمران خان کا کہنا تھا کہ کرپشن کی وجہ سے مزدوراور کسان کا کوئی پرسان حال نہیں کیوں کہ ادارے کمزور ہیں اور جب ادارے کمزور ہوں تو کرپشن عام ہوتی ہے اور جتنی کرپشن زیادہ ہوگی غربت اتنی ہی بڑھے گی۔