Tag: وزیراعظم

وزیراعظم شہباز شریف نے 4 رینجرز اہلکاروں کی شہادت کے واقعے میں ملوث افراد کی فوری نشاندہی اور قرار واقعی سزا دلانے کی ہدایت کی ہے۔

اے آر وائی نیوز کے مطابق وزیراعظم شہباز شریف نے سری نگر ہائی وے پر شرپسندوں کے ہاتھوں 4 رینجرز اہلکاروں کی شہادت کے واقعے کی شدید مذمت کرتے ہوئے اس واقعے میں ملوث افراد کی فوری نشاندہی کر کے قرار واقعی سزا دلوانے کی ہدایت کر دی ہے۔

وزیراعظم نے کہا نام نہاد پُر امن احتجاج کی آڑ میں پولیس اور رینجرز پر حملے قابل مذمت ہیں۔ پولیس، رینجرز کے اہلکار شہر میں امن و امان کے نفاذ کیلیے مامور ہیں لیکن انتشاری ٹولہ قانون نافذ کرنے والے اداروں کو دانستہ طور پر نشانہ بنا رہا ہے۔

شہباز شریف نے شرپسندوں کے حملے میں گاڑی سے کچلے گئے رینجرز اہلکاروں کی شہادت پر گہرے دکھ کا اظہار کرتے ہوئے ان کے بلند درجات کی اور اہل خانہ کے لیے صبر جمیل کی دعا کی اور زخمی اہلکاروں کو بہترین علاج معالجے کی بہترین سہولتیں فراہم کرنے کی بھی ہدایت کی۔

واضح رہے کہ پیر اور منگل کی درمیانی شب سری نگر ہائی وے پر شرپسندوں نے گاڑی رینجرز اہلکاروں پر چڑھا دی، جس کے نتیجے میں 4 رینجرز اہلکار شہید جبکہ رینجرز اور پولیس کے 5 جوان شدید زخمی ہو گئے، جنہیں طبی امداد کیلیے اسپتال منتقل کیا گیا۔

اس شر پسند واقعے کے بعد حکومت نے آرٹیکل 245 کے تحت پاک فوج کو طلب کر لیا ہے اور اس کے ساتھ ہی شرپسندوں سے نمٹنے اور موقع پر گولی مارنے کے بھی واضح احکامات جاری کر دیے گئے ہیں۔

سیکیورٹی ذرائع نے مزید بتایا کہ شرپسندوں کے مختلف حملوں میں پولیس کے دو جوان بھی شہید ہو چکے ہیں جب کہ 100 سے زائد اہلکار زخمی ہیں۔

https://urdu.arynews.tv/04-soldiers-martyred-poice-and-rangers-injured-pak-army-order-to-shoot/

اسلام آباد : حریت رہنماء یاسین ملک کی اہلیہ مشعال ملک کا وزیراعظم کے جنرل اسمبلی میں خطاب کا خیر مقدم کرتے ہوئے کہا عالمی برادری کو مسئلہ کشمیر پر نوٹس لینا چاہیے۔

تفصیلات کے مطابق حریت رہنماء یاسین ملک کی اہلیہ مشعال ملک نے اپنے بیان میں کہا کہ وزیراعظم شہباز شریف کے جنرل اسمبلی خطاب کا خیر مقدم کرتے ہیں، انھوں نے بھارت کی کشمیر میں دہشت گردی کو دنیا کے سامنے بے نقاب کیا۔

حریت رہنماء کی اہلیہ کا کہنا تھا کہ کشمیرمیں ظلم وبربریت،10لاکھ فوج کی واپسی اورکالےقوانین ختم کریں، 5اگست کےغیرقانونی اقدام کی واپسی تک حالات ٹھیک کاتصورنہیں کیا جا سکتا، عالمی برداری کومسئلہ کشمیر پر نوٹس لینا چاہیے۔

انھوں نے کہا کہ بھارت دنیا کی سب سےبڑی ریاستی دہشتگردی کررہاہے، بھارت مقبوضہ کشمیرمیں عالمی اورانسانی حقوق کی خلاف ورزی اور کشمیریوں کی نسل کشی کررہا ہے۔

یاسین ملک کی اہلیہ کا مزید کہنا تھا کہ اکھنڈ بھارت کا بیانہ پورے خطے کو جنگ کی لپیٹ میں لے جا سکتا ہے، دنیا نےمسئلہ کشمیرپرتوجہ نہ دی تویہ کشمیریوں کےساتھ ناانصافی ہو گی، مسئلہ کشمیر فلیش پوائنٹ ہےجس سے پورا خطہ متاثر ہوسکتا ہے۔

اسلام آباد: وزیراعظم نے بھاری معاوضے پرپیشہ ورسیکرٹری آئی ٹی کی تلاش شروع کردی اور بھرتی کیلئے اشتہار جاری بھی جاری کردیا۔

تفصیلات کے مطابق حکومت نے بیوروکریسی سے سیکرٹری آئی ٹی تعینات نہ کرنے کا فیصلہ کرلیا۔

جس کے بعد وزیراعظم نے بھاری معاوضے پر پیشہ ور سیکرٹری آئی ٹی کی تلاش شروع کردی، مسابقتی عمل کے ذریعے بھرتی کیلئے اشتہار جاری کردیا گیا۔

جس میں عہدے کے لئے آئی ٹی شعبے میں کم ازکم 20 سالہ تجربہ لازمی قراردیا گیا ہے اور عمر کی بالائی حد 60 سال تک رکھی گئی ہے۔

تعیناتی کنٹریکٹ پر دوسال کے لیے اورقابل توسیع ہوگی جبکہ تنخواہ سپیشل پروفیشنل پے اسکیل پر 15 سے 20 لاکھ تک ہوگی۔

اسلام آباد: وزیراعظم نے فیڈرل بورڈ آف ریونیو(ایف بی آر) کی ڈیجیٹلائزیشن کیلئے دس رکنی ٹاسک فورس قائم کردی ہے۔

تفصیلات کے مطابق وزیراعظم نے فیڈرل بورڈ آف ریونیو(ایف بی آر) کی ڈیجیٹلائزیشن کیلئے وزیر مملکت برائے خزانہ علی پرویز ملک اور ڈی جی سی 41 میجر جنرل سید علی رضا کی مشترکہ سربراہی میں دس رکنی ٹاسک فورس قائم کردی ہے۔

وزیراعظم کی جانب سے قائم کردہ اس ٹاسک فورس میں ٹاسک فورس میں نجی شعبے سے تعلق رکھنے افراد بھی شامل ہوں گے، تاہم ذرائع کا کہنا ہے کہ وزیراعظم کی جانب سے قائم کردہ اس ٹاسک فورس میں شامل نجی شعبہ کے صنعتکاروں پر کچھ لوگوں کی طرف سے اعتراض بھی کیا گیا ہے۔

ٹاسک فورس ایف بی آر میں جدت لانے ٹیکس کے دائرہ کار بڑھانے سے متلعق اقدامات تجویز کرے گی، کمیٹی ایف بی آر میں ڈیجیٹلائزیشن کے حوالے سے سفارشات دے گی، ٹاسک فورس ایک ماہ کے اندر اپنی سفارشات وزیراعظم کو پیش کرے گی۔