Tag: وزیراعظم

اسلام آباد: وزیراعظم عمران خان نے کہا ہے کہ نوجوانوں کے لیے ضروری ہے تعلیم کے حصول میں آسانیاں فراہم کی جائیں۔

تفصیلات کے مطابق وزیراعظم کی زیرصدارت ملک میں ٹیلی کام شعبے سے متعلقہ ایشوز سے متعلق اجلاس ہوا جس میں ملک میں انٹرنیٹ کی وسیع اور بہتر کوریج کو یقینی بنانےسے متعلق تبادلہ خیال کیا گیا۔

اجلاس میں وفاقی وزرا شفقت محمود، حماد اظہر، امین الحق، اسد عمر، عبدالحفیظ شیخ، معاون خصوصی تانیہ ایدرس، سیکریٹری انفارمیش ٹیکنالوجی ڈویژن، چیئرمین پی ٹی اے ، سی ای او یونیورسل سروس فنڈ و دیگر حکام نے شرکت کی۔

وزیراعظم کے زیر صدارت اجلاس میں ٹیلی کام سیکٹر سے متعلق ایشوز کے حل اور یونیورسل سروس فنڈ یو ایس ایف کے مختلف منصوبوں پر بھی تبادلہ خیال کیا گیا۔

اس موقع پر وزیراعظم عمران خان نے تعلیم کے فروغ کے لیے ٹیلی اسکولنگ کی فراہمی کے اقدامات کو سراہتے ہوئے کہا کہ نوجوانوں کے لیے ضروری ہے تعلیم کے حصول میں آسانیاں فراہم کی جائیں۔

وزیراعظم پاکستان نے ہدایت کی کہ تعلیم کو یو ایس ایف کے دائرے میں شامل کرنے کے لیے اقدامات کو تیز کیا جائے۔

اسلام آباد: وزیراعظم عمران خان نے اسمال اینڈ میڈیم انڈسٹری کے فروغ کی ضرورت پر زور دیا ہے۔

تفصیلات کے مطابق وزیراعظم عمران خان کی زیر صدارت معاشی تھنک ٹینک کا اہم اجلاس ہوا جس میں مشیرخزانہ،گورنر اسٹیٹ بینک، سابق فنانس سیکریٹری، رزاق داؤد،سلطان علانہ،عارف حبیب اور اعجاز نبی نے شرکت کی۔

اجلاس میں تھنک ٹینک نے وزیراعظم عمران خان کو ملک کی معاشی صورت حال پر بریفنگ دی۔ وزیراعظم عمران خان نے معیشت کے لیے آؤٹ آٖف دی باکس تجاویز پر زور دیا۔

وزیراعظم پاکستان کا کہنا تھا کہ مشکل صورت حال میں معاشی ترقی کے لیے اہم فیصلے کرنا ہوں گے، کرونا صورت حال نے پاکستانی معیشت کو متاثر کیا ہے۔

انہوں نے کہا کہ پہلے دن سے معاشی معاملات اور وبا سے بچاؤ کے لیے توازن کی کوشش کی،حکومت کی اولین ترجیح غریب کو ریلیف فراہم کرنا ہے،تعمیراتی سیکٹر کے لیے پیکج کا اعلان کر دیاگیا ہے، پیکج سے غریب افراد کی رہائش اور معاشی سرگرمیوں میں بہتری آئےگی۔

وزیراعظم عمران خان نے اجلاس کے دوران اسمال اینڈ میڈیم انڈسٹری کے فروغ کی ضرورت پر زور دیا۔

اسلام آباد: صدر مملکت اور وزیراعظم پاکستان نے شاہ محمود قریشی کے لیے نیک خواہشات کا اظہار کیا۔

تفصیلات کے مطابق صدرِ پاکستان عارف علوی، وزیراعظم عمران خان، چیئرمین،ڈپٹی چیئرمین سینیٹ،شہبازشریف اور اراکین قومی وصوبائی اسمبلی نے شاہ محمود قریشی کو فون کر کے خیریت دریافت کی اور نیک خواہشات کا اظہار کیا۔

انہوں نے بتایا کہ مختلف ممالک کے وزرائے خارجہ کے بھی ٹیلیفون کالز پیغامات موصول ہو رہے ہیں، سماجی رابطے کے ذریعے دعائیہ پیغامات تواتر کےساتھ موصول ہو رہے ہیں۔

شاہ محمود قریشی کا کہنا تھا کہ ملک اور پاکستان سے باہر تمام احباب ،شخصیات کا فرداً فرداً شکر گزار ہوں،جنہوں نے بذریعہ کالز، میسجز خیریت دریافت کی اور نیک خواہشات کااظہار کیا،ان شخصیات کا بھی شکرگزار ہوں جو ملک بھر میں دعائیں کر رہے ہیں۔

وزیر خارجہ کا مزید کہنا تھا کہ اللہ تعالیٰ پاکستان کواور یہاں بسنے والے ہر شخص کو اپنی حفظ و امان میں رکھے،اللہ تعالیٰ پوری انسانیت کو کرونا وائرس سے نجات عطا فرمائے۔

یاد رہے کہ دو روز قبل وزیر خارجہ شاہ محمود قریشی نے کرونا ٹیسٹ مثبت آنے پر خود کو قرنطینہ کر لیا تھا۔

لاہور: گورنرپنجاب چوہدری محمد سرور کا کہنا ہے کہ بجٹ پاس نہ ہونے دینے کا دعویٰ کرنے والی اپوزیشن کہاں ہے ؟ بجٹ منظوری پر وزیراعظم اور ٹیم کو مبارکباد دیتا ہوں۔

تفصیلات کے مطابق گورنرپنجاب چوہدری محمدسرور سے وزیر توانائی ڈاکٹر اختر ملک نے ملاقات کی۔ اس موقع پر چوہدری سرور کا کہنا تھا کہ وزیر اعظم عمران ملک کو آگے اور اپوزیشن پیچھے لے جانا چاہتی ہے۔

انہوں نے کہا کہ اپوزیشن کا ایجنڈا احتساب رکوانے کے سوا کچھ نہیں مگر یہ کبھی نہیں ہوگا، ہم اصولوں اور نظریے کی سیاست کررہے ہیں پیچھے نہیں ہٹیں گے، سیاسی پوائنٹ اسکور نگ کرنے کا رویہ اپوزیشن کو ترک کرنا چاہیے۔

کرونا سے بچاؤ کے لیے عوام کوگھروں میں رکھنے کے لیے سختی کریں گے، گورنر پنجاب

گورنر کا یہ بھی کہنا تھا کہ کرونا کے خلاف جنگ حکومت 22کروڑ پاکستانیوں کی جنگ ہے، ماسک سمیت دیگر حفاظتی اقدامات سے ہی کرونا سے بچا جاسکتا ہے۔

یاد رہے کہ حالیہ دنوں گورنر پنجاب چوہدری محمد سرور نے میڈیا سے گفتگو کرتے ہوئے کہا تھا کہ کرونا سے بچاؤ کے لیے عوام کوگھروں میں رکھنے کے لیے سختی کریں گے، خدا کے لیے عوام حالات کو سنجیدہ لیں، کوتاہی کی گنجائش نہیں ہے، 10 ہزار سینی ٹائزر، 12 ہزار کلوروکوئن انجکشن ڈاکٹرز کو دیے جا رہے ہیں۔

لاہور: وزیراعظم عمران خان 13 جون کو پنجاب کے دارالحکومت کا دورہ کریں گے، ممکنہ دورے کے موقع پر عمران خان کرونا صورت حال سمیت صوبائی بجٹ سے متعلق اجلاس کی صدارت کریں گے۔

تفصیلات کے مطابق وزیراعظم کا 13جون کو دورہ لاہور کا امکان ہے، عمران خان کرونا صورت حال سے متعلق اہم اجلاس کی صدارت کریں گے، انہیں پنجاب کے اگلے مالی سال کے بجٹ پربر یفنگ دی جائے گی۔

اجلاس کے دوران پنجاب میں کرونا کے بڑھتے کیسز، اسپتال انتظامیہ کے کردار، لاک ڈاؤن میں نرمی کے بعد کی صورت حال سمیت دیگر اہم پہلوؤں پر تبادلہ خیال کیا جائے گا۔ وزیراعظم کو پنجاب کے وزرا کی کارکردگی رپورٹ بھی پیش کی جائے گی۔ اس دورہ کے موقع پر اہم فیصلے بھی ممکن ہیں۔

بجٹ سے قبل وفاقی کابینہ کا خصوصی اجلاس طلب

صوبہ پنجاب میں لاک ڈاؤن میں نرمی کے بعد مارکیٹوں اور کاروباری دفاتر میں ایس او پیز کی سیکڑوں خلاف ورزیاں ریکارڈ کی گئی ہیں، اجلاس میں مذکورہ پہلو بھی زیرغور آسکتا ہے۔

خیال رہے کہ وزیر اعظم عمران خان نے بجٹ سے قبل وفاقی کابینہ کا خصوصی اجلاس طلب کرلیا ہے، اجلاس میں مشیرخزانہ حفیظ شیخ بجٹ اخراجات، بجٹ خسارہ اور ریلیف پیکج پر بریفنگ دیں گے، وفاقی کابینہ کا اجلاس جمعہ 12 جون کو بجٹ سے پہلے ہوگا، مشیرخزانہ بریفنگ دیں گے۔

وفاقی و صوبائی ترقیاتی بجٹ میں 18 فی صد کمی ہوگی: ذرائع

دوسری جانب ذرائع کا کہنا ہے کہ وفاقی ترقیاتی پروگرام کے لیے اضافی 100 اور 630 ارب مختص کرنے کی تجویز ہے، جب کہ صوبوں کے ترقیاتی بجٹ 14 فی صد کمی کے ساتھ 783 ارب روپے تجویز کیا گیا ہے، ذرائع کا کہنا ہے کہ رواں مالی سال کے بجٹ میں مجموعی ترقیاتی فنڈز کا حجم 1600 ارب تھا۔