ARYNews.tv | Urdu – Har Lamha Bakhabar

Tag: وزیراعظم

  • وزیراعظم عمران خان 19 ستمبر کو سعودی عرب کا دورہ کریں گے

    وزیراعظم عمران خان 19 ستمبر کو سعودی عرب کا دورہ کریں گے

    اسلام آباد: وزیراعظم عمران خان 19 ستمبر کو دو روزہ اہم دورے پر سعودی عرب جائیں گے، جہاں دوطرفہ تعلقات اور خطے کی سلامتی سمیت دیگر امور پر تبادلہ خیال کیا جائے گا۔

    تفصیلات کے مطابق سعودی ولی عہد محمد بن سلمان کی دعوت پر وزیراعظم عمران خان انیس ستمبر کو ریاض پہنچیں گے جہاں اعلی قیادت سے ملاقاتیں ہوں گی۔

    وزیرخارجہ شاہ محمود قریشی، مشیرخزانہ عبدالحفیظ شیخ اور مشیر تجارت عبدالرزاق داؤد بھی وزیراعظم کے ہمراہ ہوں گے، وزیر اعظم عمران خان یہ دورہ سعودی ولی عہد محمد بن سلمان کی دعوت پر کررہے ہیں۔

    وزیراعظم سعودی عرب سے ہی یو این اجلاس میں شرکت کے لیے امریکا روانہ ہوں گے، جہاں وہ مظلوم کشمیریوں کی آواز بنیں گے اور بھارتی جارحیت دنیا کے سامنے بے نقاب کریں گے۔

    ذرائع کے مطابق وزیراعظم کا دورہ خطے کی موجودہ صورتحال کے پیش نظر انتہائی اہم ہوگا۔

    وزیراعظم کا دورہ سعودی عرب: پاکستان نے 12 ارب ڈالرز کا امدادی پیکج حاصل کرلیا

    یاد رہے رواں ماہ کے آغاز میں پاکستان کے دورے پر آئے ہوئے سعودی اور یو اے ای وزرائے خارجہ عادل بن احمد الجبیر اور اور شیخ عبد اللہ بن زاید بن سلطان النہیان کی عمران خان سے ملاقات ہوئی تھی۔

    ملاقات کے بعد جاری اعلامیے میں کہا گیا تھا کہ وزیر اعظم اور وزرائے خارجہ کے درمیان مقبوضہ کشمیر میں بھارتی غیر قانونی اور یک طرفہ فیصلے پر بات چیت ہوئی، وزیر اعظم عمران خان نے کرفیو اور بلیک آؤٹ پر شدید تشویش کا اظہار کرتے ہوئے کرفیو کے خاتمے، نقل و حرکت پر پابندی اٹھانے کا مطالبہ کیا، انھوں نے کشمیری عوام کے بنیادی حقوق کا احترام کرنے پر زور دیا تھا۔

  • وزیراعظم کا ہیومن رائٹس کونسل میں یورپی یونین کی حمایت کا خیر مقدم

    وزیراعظم کا ہیومن رائٹس کونسل میں یورپی یونین کی حمایت کا خیر مقدم

    اسلام آباد : وزیراعظم عمران خان نے ہیومن رائٹس کونسل میں یورپی یونین کی حمایت کا خیر مقدم کرتے ہوئے کہا 58 ملکوں کا انسانی حقوق کونسل میں ہمارا ساتھ دینا قابل ستائش ہے۔

    تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پراپنے پیغام میں ہیومن رائٹس کونسل میں یورپی یونین کی حمایت کا خیر مقدم کرتے ہوئے کہا 58 ملکوں کا انسانی حقوق کونسل میں ہمارا ساتھ دینا قابل ستائش ہے، بھارت مقبوضہ کشمیر میں فوجی جارحیت ختم ،کرفیو اور پابندیاں ہٹائے ، کشمیریوں کے حقوق کا تحفظ کیا جائے، مقبوضہ کشمیر کا مسئلہ یو این قراردادوں کے مطابق حل کیا جائے۔

    وزیراعظم کا کہنا تھا کہ یورپی یونین کی کشمیرتنازع کے پر امن حل کی حمایت خوش آئند ہے، کشمیر تنازع عالمی قوانین، دو طرفہ معاہدوں کی روشنی میں حل ہونا چاہیے۔

    یاد رہے وزیر خارجہ شاہ محمود قریشی نے جنیوا کے کامیاب دورے سے وزیراعظم کو آگاہ کیا، شاہ محمودقریشی نے ملاقات کے بعد گفتگو کرتے ہوئے کہا وزیراعظم کواپنے3روزہ دورے سے متعلق بریف کیا اور 58 ممالک کی طرف سے بڑی پیشرفت سے آگاہ کیا، 58 ممالک کی پاکستان کے مؤقف کی حمایت معمولی بات نہیں۔

    شاہ محمودقریشی کا کہنا تھا کہ وزیراعظم نے غیرمعمولی کامیابی پرخوشی کا اظہارکیا ہے، یورپی یونین نے اپنے بیان میں یواین قرارداد کا تذکرہ کیا، یہ ہمارے مؤقف کی تائید اور بڑی سفارتی کامیابی ہے، 58ممالک کاہمارےمؤقف کو سراہنا بھارت کیلئے لمحہ فکریہ ہے۔

  • کراچی کے مسائل کے حل کیلیے وزیراعظم کی بنائی گئی اسٹرٹیجک کمیٹی نے کام شروع کردیا

    کراچی کے مسائل کے حل کیلیے وزیراعظم کی بنائی گئی اسٹرٹیجک کمیٹی نے کام شروع کردیا

    کراچی : کراچی کے مسائل  کے لیے قائم کردہ اسٹریٹجک کمیٹی نے کام شروع کردیا، ایم کیو ایم اہم تجاویز ڈرافٹ کی صورت میں کمیٹی کو دے گی جسے وزیراعظم کے سامنے رکھا جائے گا۔

    تفصیلات کے مطابق کراچی کے مسائل حل کے لیے وزیراعظم کی جانب سےبنائی گئی اسٹریٹجک کمیٹی نے کام کا آغاز کردیا ہے ، ذرائع نے بتایا ایم کیوایم اور تحریک انصاف نے مسائل کےحل کے لیے ڈرافٹ کی تیاری شروع کردی ہے۔

    اسٹرٹیجک کمیٹی ایم کیو ایم اور تحریک انصاف کے 6،6 اراکین پر مشتمل ہیں، ایم کیو ایم کمیٹی میں ڈاکٹر خالد مقبول، کنورنوید،وسیم اختر، امین الحق ،ارشد حسن اور پی ٹی آئی کی جانب سے فیصل واوڈا، علی زیدی ، فردوس شمیم،حلیم عادل، خرم شیرزمان کمیٹی میں شامل ہیں۔

    ذرائع کا کہنا ہے کہ ایم کیو ایم نے ڈرافٹ میں کراچی کو انتظامی بنیادوں پر چلانے کے لیے ایک چین اف کمانڈ اور این ایف سی کے ساتھ صوبائی فنانس کمیشن پر بھی عمل درآمد یقینی بنانے کی تجویز دی ہے۔

    ذرائع کے مطابق ایم کیو ایم چاہتی ہے کہ پی ایف سی کے تحت ڈسٹرکٹ ، ٹاؤن اور یوسی میں ترقیاتی کاموں کے لیے فنڈز کی نچلی سطح پر منتقلی اور آرٹیکل 140 اے کے تحت فنانشل اور ایڈمنسٹریٹر کنٹرول کا نفاذ مسائل کے حل کے لیے ضروری ہے۔

    ذرائع کا کہنا ہے کہ ایم کیو ایم کمیٹی نے کمیٹی کو تجویز میں گیارہ سال میں کتنے پیسے صوبے کو ملے اور کتنے خرچ ہوئے اسکا آڈٹ کرانے کا مطالبہ بھی رکھا ہے جبکہ کنونمنٹ بورڈ ، کے پی ٹی ، ایل ڈی اے ، ایم ڈی اے سمیت تمام اٹھارٹیز کو سنگل اٹھارٹی میں تبدیل کرکے مئیر کے ماتحت کرنا بھی تجویز میں شامل ہے۔

    یاد رہے گذشتہ روز کراچی کے مسائل حل کرنے کے لیے وفاقی حکومت نے بڑا فیصلہ کیا تھا، وفاقی وزیر قانون فروغ نسیم نے کہا تھا کہ کراچی میں آرٹیکل 149(4) نافذ کیا جائے گا۔

    مزید پڑھیں : کراچی کے بڑھتے مسائل: وفاق کا آئینی کردار ادا کرنے کا فیصلہ، آرٹیکل 149 نافذ کرنے کا اعلان

    فروغ نسیم کا کہنا تھا کہ وہ آرٹیکل 149(4) کے نفاذ کے حق میں ہیں، کراچی میں آئین کے آرٹیکل 140 اے کا نفاذ بھی ضروری بن گیا ہے، دیکھنا ہوگا لوکل ایکٹ 2013 آرٹیکل 140 اے سے کتنا تضاد رکھتا ہے۔

    انھوں نے مزید کہا تھا آرٹیکل 149(4) گورنر راج کی بات نہیں کرتا، یہ وفاقی حکومت کو خصوصی اختیار دیتا ہے، اس سے متعلق شکایت کرنا پی پی کا حق ہے، ساری باتیں ابھی نہیں بتا سکتا، وقت آنے پر چیزیں سامنے آ جائیں گی۔

    خیال رہے وزیراعظم عمران خان کی زیرصدارت کراچی کے مسائل سے متعلق اجلاس ہوا تھا، وزیراعظم نے کراچی کے مسائل کیلئے وزیرقانون فروغ نسیم کی سربراہی میں اعلیٰ سطح کمیٹی تشکیل دی تھی ، کمیٹی میں فروغ نسیم، علی زیدی، خسروبختیار، ڈی جی ایف ڈبلیو او اور دیگر ممبران شامل کیا تھا۔

  • وزیراعظم طورخم بارڈر کو 24 گھنٹے کھلا رکھنے کے منصوبے کا افتتاح 14 ستمبر کو کریں گے

    وزیراعظم طورخم بارڈر کو 24 گھنٹے کھلا رکھنے کے منصوبے کا افتتاح 14 ستمبر کو کریں گے

    پشاور : وزیراعظم عمران خان طورخم بارڈر کو 24 گھنٹے کھلا رکھنے کے منصوبے کا افتتاح 14 ستمبر کو کریں گے ، اقدام دونوں ممالک میں ٹرانزٹ، ٹریڈ بڑھانے کی طرف اہم پیشرفت ہے۔

    تفصیلات کے مطابق ذرائع کےپی حکومت کا کہنا ہے کہ پاک افغان سرحد طور خم 24 گھنٹے کھلا رکھنے کے انتظامات مکمل کرلئے گئے ہیں، وزیراعظم عمران خان اس منصوبے کا 14 ستمبر کو افتتاح کریں گے۔

    ذرائع کا کہنا ہے کہ اقدام دونوں ممالک میں ٹرانزٹ، ٹریڈ بڑھانےکی طرف اہم پیشرفت ہے، دونوں طرف کاؤنٹرز 20 سے زائد اور حکام کی تعداد بھی بڑھا دی گئی ہے۔

    یاد رہے وزیراعلیٰ خیبرپختونخوا محمود خان نے کہا تھا پاک اٖفغان بارڈر کو 24گھنٹے کھولے رکھیں گے، بارڈرکھلے رہنے سے ٹرانزٹ بڑھے گی ، طور خم بارڈر کو جدید سہولتوں سےآراستہ کررہے ہیں، کوشش ہے بارڈر کے دونوں طرف مشکلات کاخاتمہ ہو۔

    محمودخان کا کہنا تھا کہ پاک افغان بارڈر پر امیگریشن کا عمل تیز بنانے کے لئے مزید کاؤنٹر بنائے جائیں گے، تجارت کے فروغ سے تعلقات میں بہتری آئےگی۔

    خیال رہے رواں سال جنوری میں وزیراعظم عمران خان نے اعلان کیا تھا کہ میں نے متعلقہ افسران کو احکامات جاری کر دیے ہیں کہ 6 ماہ کے اندر طور خم بارڈر کو مکمل طور پر کھلا رکھنے کے لیے انتظامات مکمل کیے جائیں۔

    وزیراعظم کا کہنا تھا کہ طورخم بارڈر کا کھلا رہنا دونوں ملکوں کے درمیان تجارتی تعلقات اور بارڈر کے دونوں طرف رہائش پذیر افراد کے روزمرہ نجی تعلقات کے لیے بہت فائدہ مند ہوگا۔

  • یوم دفاع پرکشمیریوں سے اظہار یکجہتی ، وزیراعظم کا کل آزاد کشمیر کے دورے کا امکان

    یوم دفاع پرکشمیریوں سے اظہار یکجہتی ، وزیراعظم کا کل آزاد کشمیر کے دورے کا امکان

    اسلام آباد : وزیراعظم عمران خان کا یوم دفاع پر کشمیریوں سے اظہار یکجہتی کے لئے آزاد کشمیر مظفر آباد جانے کا امکان ہے ، روانگی کے حتمی فیصلے لے لئے وزیراعظم آفس میں اجلاس طلب کرلیا گیا ہے۔

    تفصیلات کے مطابق یوم دفاع پر کشمیریوں سے اظہار یکجہتی کے لئے وزیراعظم عمران خان کا کل آزاد کشمیرمظفر آباد کے دورے کا امکان ہے ، جہاں عمران خان شہدا کے لواحقین سے ملاقات اور کشمیریوں سے اظہار یکجہتی کریں گے۔

    عمران خان کے دورے کی حتمی تیاریوں کےلئے وزیراعظم آفس میں اجلاس طلب کرلیا گیا ہے ، اجلاس آج شام 4 بجےہو گا، کشمیر آورکے لئےتجاویز پر مشاورت ہو گی۔

    وزیراعظم عمران خان کی آزاد کشمیر روانگی کا حتمی فیصلہ اجلاس میں کیا جائے گا۔

    مزید پڑھیں : وزیراعظم کا 6ستمبر کو کشمیر ڈیفنس ڈے کے طور پر منانے کا فیصلہ

    یاد رہے معاون خصوصی برائے اطلاعات فردوس عاشق اعوان نے کہا تھا کہ وزیراعظم نے 6ستمبر کو کشمیر ڈیفنس ڈے کے طور پر منانے کا فیصلہ کیا ہے، ہم یوم دفاع کشمیر کے شہیدوں کے نام کرتے ہیں، کشمیریوں کے لیے ہر سطح پر آوازبلند کرتے رہیں گے۔

    خیال رہے مقبوضہ کشمیرمیں بھارت کی ریاستی دہشتگردی جاری ہے، بتیس روز سے جاری کرفیو کے باعث کشمیری گھروں میں اسیری کی زندگی گزارنے پر مجبور ہیں۔ کھانے پینے کی اشیااوردوائیں ختم ہونے سے بحران سنگین ہوگیا جبکہ مواصلاتی ذرائع کی بندش سے مقبوضہ وادی کا رابطہ دنیا سے بدستورمنقطع ہے۔

    قابض بھارتی فوجی گھرگھرتلاشی کے دوران کشمیری نوجوانوں کوگرفتاراورخواتین سے بدسلوکی کررہے ہیں۔ نیٹ سید علی گیلانی، میرواعظ عمرفاروق،یاسین ملک سمیت حریت رہنما یا توگرفتارہیں یاپھرنظربندہیں۔

  • وزیراعظم نے وفاقی کابینہ کا اجلاس کل طلب کرلیا

    وزیراعظم نے وفاقی کابینہ کا اجلاس کل طلب کرلیا

    اسلام آباد: وزیر اعظم عمران خان نے وفاقی کابینہ کا اجلاس کل طلب کرلیا، اجلاس میں مقبوضہ کشمیر کی صورت حال کا جائزہ لیا جائے گا۔

    تفصیلات کے مطابق وزیراعظم عمران خان نے وفاقی کابینہ کا اجلاس کل کو طلب کرلیا جس میں مقبوضہ کشمیر کی صورت حال کا جائزہ لیا جائے گا۔

    اجلاس میں بھارت کے لیے فضائی حدود بند کرنے کی تجویز بھی زیر غور آئے گی، وفاقی وزیر فہمیدہ مرزا کو چیئرپرسن فیڈرل لینڈ کمیشن نامزد کرنے کی منظوری دی جائے گی۔

    وفاقی کابینہ کے اجلاس میں وفاقی تعلیمی اداروں میں ہزاروں ڈیلی ویجز ملازمین کو مستقل کرنے کی تجویز کا جائزہ لیا جائے گا، ریلوے بورڈ میں پرائیویٹ ممبران کی تعیناتی کی منطوری دی جائے گی۔

    اجلاس میں پاکستان ہیلتھ ریسرچ کونسل کے ایگزیکٹیو ڈائریکٹر کی تعیناتی اور ریئل اسٹیٹ ریگولیشن اینڈ ڈویلپمنٹ آرڈیننس 2019 کی منظوری دی جائے گی۔

    وزیراعظم کی زیرصدارت اجلاس میں پہلے اسلامی کلینڈر کو حتمی شکل دینے کے لیے کمیٹی قائم کرنے کی منظوری دی جائے گی، کشمیر پر پارلیمانی کمیٹی کے چیئرمین فخر امام کو کابینہ اجلاس میں شرکت کی خصوصی دعوت دی گئی ہے۔

    وفاقی کابینہ اجلاس، کشمیر سمیت اہم ایشوز پر تبادلہ خیال

    یاد رہے کہ گزشتہ ہفتے وزیراعظم عمران خان کی زیرصدارت جاری وفاقی کابینہ کا اجلاس میں کشمیر سمیت اہم امور پر تبادلہ خیال ہوا تھا۔

  • وزیراعظم کا روڈٹومکہ پروجیکٹ اور حجاج کوبہترین سہولتوں کیلئے سعودی حکومت کا شکریہ

    وزیراعظم کا روڈٹومکہ پروجیکٹ اور حجاج کوبہترین سہولتوں کیلئے سعودی حکومت کا شکریہ

    اسلام آباد : وزیراعظم عمران خان نے روڈٹومکہ پروجیکٹ اور حجاج کوبہترین سہولتوں  کی فراہمی کیلئے سعودی حکومت کا شکریہ ادا کرتے ہوئے حج انتظامات سے متعلق تجاویز کی اصولی منظوری دے دی۔

    تفصیلات کے مطابق وزیراعظم عمران خان کی زیرصدارت حج آپریشنز2019 کا جائزہ اجلاس ہوا ، اجلاس میں وزیر مذہبی امورنورالحق قادری، وزیراعظم کے مشیر شہزاد ارباب شریک ہوئے ، سیکرٹری وزارت مذہبی امور اور سیکرٹری خارجہ و دیگر سینئر افسران کی شرکت کی۔

    اجلاس میں وزیراعظم عمران خان کو حج سے پہلے، دوران اور حجاج کی واپسی کے انتظامات پر بریفنگ دی گئی اور حج انتظامات اورسہولتوں کی فراہمی کیلئے وزیراعظم کو تجاویز پیش کی گئیں۔

    وزیراعظم نےتجاویزکی اصولی منظوری دیتے ہوئے کہا تجاویز کو ایک ماہ میں کابینہ کے سامنے پیش کیا جائے۔

    اس موقع پر وزیراعظم عمران خان روڈٹو  مکہ پروجیکٹ اور حجاج کوبہترین سہولتوں کیلئے سعودی حکومت کا شکریہ ادا کیا۔

    دوسری جانب ترجمان مذہبی امورکا کہنا ہے کہ 66 ہزار سے زائد حجاج  وطن واپس پہنچےہیں، جن میں  41 ہزار سرکاری اور 25 ہزار  نجی حج اسکیم کے حجاج شامل ہیں۔

    ترجمان کے مطابق  35 ہزار سے زائدحجاج مدینہ پہنچ گئے،8 دن قیام کےبعدوطن واپس پہنچیں گے، جدہ اورمدینہ ایئرپورٹ سےوطن واپسی کی پروازیں جاری ہیں جبکہ  سرکاری حج اسکیم کے47 ہزارحجاج ابھی مکہ میں موجودہیں۔

  • وزیراعظم کی قیادت میں کل پوری قوم گھروں سے باہرنکلے گی، فردوس عاشق اعوان

    وزیراعظم کی قیادت میں کل پوری قوم گھروں سے باہرنکلے گی، فردوس عاشق اعوان

    اسلام آباد: معاون خصوصی برائے اطلاعات ونشریات فردوس عاشق اعوان کا کہنا ہے کہ وزیراعظم عمران خان کی قیادت میں کل پوری قوم گھروں سے باہرنکلے گی۔

    تفصیلات کے مطابق سماجی رابطے کی ویب سائٹ ٹویٹر پر فردوس عاشق اعوان نے اپنے پیغام میں کہا کہ انتہا پسند مودی دنیا کے امن کو تباہ کررہا ہے، مودی نفرت، ظلم اور جبر پھیلا کر انسانی زندگی کو برباد کرنا چاہتا ہے۔

    فردوس عاشق اعوان نے کہا کہ کشمیرمیں ظلم انسانی تاریخ میں بدقسمت باب کا اضافہ ہے، وزیراعظم کی قیادت میں کل پوری قوم گھروں سے باہرنکلے گی۔

    معاون خصوصی برائے اطلاعات نے کہا کہ وزیراعظم کی قیادت میں کل پوری قوم گھروں سے باہرنکلے گی، کشمیریوں سے یکجہتی کا آغاز پاکستان اورکشمیرکے قومی ترانوں سے ہوگا۔

    انہوں نے اپنے پیغام میں مزید کہا کہ وزیراعظم عمران خان مظلوم کشمیریوں کے قومی جذبات دنیا تک پہنچائیں گے۔

    کشمیر کی آزادی تک کشمیر کامقدمہ لڑتا رہوں گا، وزیراعظم عمران خان

    یاد رہے کہ تین روز قبل وزیراعظم عمران خان کا کہنا تھا کہ قوم سے وعدہ کرتا ہوں جب تک کشمیر آزاد نہیں ہوتا ہر فورم پر آواز اٹھاؤں گا اور دنیا بھر میں کشمیر کا کیس لڑوں گا۔

  • وزیراعظم نے گوشوارے الیکشن کمیشن میں جمع کروانے کی منظوری دے دی

    وزیراعظم نے گوشوارے الیکشن کمیشن میں جمع کروانے کی منظوری دے دی

    اسلام آباد : وزیراعظم عمران خان  نے گوشوارے الیکشن کمیشن میں جمع کروانےکی منظوری دیدی ، قوانین کے مطابق سیاسی جماعتیں آمدن و اخراجات کی تفصیلات الیکشن کمیشن میں جمع کروانے کی پابند ہیں۔

    تفصیلات کے مطابق وزیراعظم عمران خان سے پی ٹی آئی کے مالیاتی وفد نےملاقات کی ، ملاقات کے دوران وزیراعظم کو تحریک انصاف کے سالانہ گوشواروں کی تفصیلات پر بریفنگ دی گئی۔

    وزیراعظم نے گوشوارے الیکشن کمیشن میں جمع کروانے کی منظوری دے دی، قوانین کے مطابق سیاسی جماعتیں آمدن و اخراجات کی تفصیلات الیکشن کمیشن میں جمع کروانے کی پابند ہیں۔

    مرکزی سیکریٹری مالیات کی جانب سے وزیراعظم کو بریفنگ میں بتایاگیا کہ تحریک انصاف کے مالیات حساب کتاب کی پڑتال ملک کی صف اول کی آڈٹ کمپنی کرتی ہے، وزیراعظم نےتحریک انصاف کوایک ادارہ بنانےکا ویژن دیا، پارٹی کے مالیات کو شفاف ترین رکھا گیا ہے۔

    اس موقع پروزیراعظم عمران خان نے تحریک انصاف کو ایک مربوط ادارہ بنانے کی ہدایت کی۔

    یاد رہے الیکشن کمیشن نے سیاسی جماعتوں سے مالی سال 2018 – 19 کے گوشواروں کی تفصیلات 29 اگست تک طلب کیں تھیں۔

    الیکشن ایکٹ 2017 کے مطابق ہر نئے مالی سال کے ابتدائی ساٹھ روز میں الیکشن کمیشن کے پاس رجسٹرڈ سیاسی جماعتوں کو اپنے گوشواروں کی تفصیلات جمع کرانا قانونی ذمہ داری ہے اس ضمن میں الیکشن کمیشن کی طرف سے سیاسی جماعتوں کی طرف سے نوٹس جاری کیا گیا تھا۔

  • وزیراعظم عمران خان 27 ستمبر کو اقوام متحدہ کی جنرل اسمبلی سے خطاب کریں گے

    وزیراعظم عمران خان 27 ستمبر کو اقوام متحدہ کی جنرل اسمبلی سے خطاب کریں گے

    اسلام آباد: اقوام متحدہ کی جنرل اسمبلی کے اجلاس سے متعلق وزیر اعظم عمران خان کا ابتدائی شیڈول تیار کر لیا گیا۔

    تفصیلات کے مطابق اقوام متحدہ کے اجلاس میں شرکت کے لیے وزیر اعظم عمران خان 23 ستمبر کو نیویارک روانہ ہوں گے۔

    وزیراعظم عمران خان کا دورہ چار روز پرمشتمل ہوگا، وہ نجی طیارے امریکا جائیں گے، وزیراعظم اقوام متحدہ کی جنرل اسمبلی کے اجلاس میں شرکت کریں گے۔

    اس موقع پر وزیر اعظم کی ملائیشین ہم منصب سمیت متعددعالمی رہنماوں سے ملاقاتیں ہوں گی، ان کی امریکا میں مقیم پاکستانی سرمایہ کاروں، تاجروں سے ملاقاتیں بھی شیڈول کا حصہ ہیں.

    وزیراعظم عمران خان 27ستمبرکواقوام متحدہ کی جنرل اسمبلی سےخطاب کریں گے، اپنے خطاب میں وہ مقبوضہ کشمیرمیں بھارتی بربریت کے معاملے کو اٹھائیں گے.

    مزید پڑھیں: وزیراعظم سے آرمی چیف کی ملاقات، مقبوضہ کشمیر کی صورتحال پر تبادلہ خیال

    وزیراعظم عمران خان 27 ستمبرکی رات امریکا سے واپس وطن روانہ ہوں گے. وزیرخارجہ شاہ محمود قریشی وزیر اعظم عمران خان کی آمد سے پہلےامریکا پہنچیں گے.

    خیال رہے کہ گزشتہ دنوں پاکستان نے سفارتی محاذ پر بڑی کامیابی حاصل کی تھی، پچاس برس بعد سلامتی کونسل میں کشمیر پر اجلاس بلایا گیا، جہاں ارکان ممالک کو اس مسئلے پر بریفنگ دی گئی۔