ARYNews.tv | Urdu – Har Lamha Bakhabar

Tag: وزیراعظم

  • کمزور طبقوں کا سماجی تحفظ، وزیراعظم نے لائحہ عمل کی منظوری دے دی

    کمزور طبقوں کا سماجی تحفظ، وزیراعظم نے لائحہ عمل کی منظوری دے دی

    اسلام آباد: وزیراعظم عمران خان کی زیر صدارت اکنامک ایڈوائزری کونسل کا اجلاس ہوا جس میں وزیراعظم نے معاشی اصلاحات کے فریم ورک کی منظوری دے دی۔

    تفصیلات کے مطابق وزیراعظم عمران خان کی زیر صدارت اقتصادی مشاورتی کونسل اجلاس میں وفاقی وزیر خزانہ اسد عمر، وزیر منصوبہ بندی خسرو بختیار، وزیراعظم مشیر خصوصی، سابق گورنر اسٹیٹ بینک اور اقتصادی ماہرین نے شرکت کی۔

    اجلاس میں ملکی برآمدات بڑھانے اور ٹیکس اصلاحات پر غور کیا گیا، روزگار میں اضافے، اقتصادی ترقی کے لیے اکنامک ایڈوائزری کی سفارشات پر مشاورت کی گئی۔

    وزیراعظم عمران خان نے معاشی اصلاحات کے فریم ورک سمیت سماجی تحفظ کے فریم ورک کی بھی منظوری دے دی، اجلاس میں تجارتی نظام میں شفافیت کے لیے ٹیکنالوجی کے استعمال پر اتفاق کیا گیا۔

    اقتصادی مشاورتی کونسل اجلاس میں زراعت، صنعت، ہاؤسنگ، درمیانی صنعتوں کی بہتری کی تجاویز پر تبادلہ خیال کیا گیا، ٹیکس ریفارمز، ایس ایم ایز، سوشل پروٹیکشن ترجیحات زیر غور آئیں۔

    اجلاس میں تجارت، کاروباری سرگرمیاں بڑھانے کے لیے سہولتیں دینے کا فیصلہ کیا گیا اور کونسل ممبران کی جانب سے مختلف شعبوں سے متعلق تجاویز کو حتمی شکل دی گئی، درآمد و برآمد کنندگان کو سہولتیں فراہم کرنے کے اقدامات بھی زیر غور آئے۔

    بعدازاں جاری ہونے والے اعلامیہ کے مطابق وزیراعظم نے ملکی معیشت میں بہتری کے لیے مڈٹرم فریم ورک کی منظوری دی، عمران خان نے محروم طبقے کے لیے سوشل پروٹیکشن فریم ورک کی بھی منظوری دی۔

    اعلامیے کے مطابق سوشل پروٹیکشن میں غربت، صحت، تعلیم کے چیلنجز سے نمٹنے کے اقدامات شامل ہیں، پالیسیوں کو حتمی شکل دینا حکومت کے 100 روزہ پلان کی بنیاد ہے۔

  • ملائیشیا کا دورہ کرنے پر عمران خان کا شکر گزار ہوں، مہاتیر محمد

    ملائیشیا کا دورہ کرنے پر عمران خان کا شکر گزار ہوں، مہاتیر محمد

    کوالالمپور: وزیراعظم ملائیشیا مہاتیر محمد نے وزیراعظم عمران خان کا ملائیشیا کا دورہ کرنے پر شکریہ ادا کیا ہے۔

    ملائیشین وزیراعظم مہاتیر محمد نے سماجی رابطے کی ویب سائٹ ٹویٹر پر عمران کا ملائیشیا کا دورہ کرنے پر شکریہ ادا کرتے ہوئے کہا کہ عمران خان کا وفد کے ہمراہ دورہ سود مند ثابت ہوگا۔

    وزیراعظم ملائیشیا مہاتیر محمد نے کہا کہ امید ہے دورہ دونوں ممالک کے درمیان تعاون کو مزید فروغ دے گا۔

    خیال رہے وزیراعظم عمران خان ملائیشیا کا دو روزہ دورہ مکمل کرکے وطن واپس پہنچ گئے، وزیر اعظم کو ملائشین ہم منصب مہاتیر محمد نے رخصت کیا اور انہیں واپسی پر بھی گارڈ آف آنر پیش کیا گیا۔

    مزید پڑھیں: ملائیشیا کی خاتون اول وزیراعظم عمران خان کی مداح

    گذشتہ روز وزیراعظم عمران خان کے دورہ ملائیشیا کا مشترکہ اعلامیہ جاری کیا گیا تھا، جس میں کہا گیا تھا کہ دونوں وزرائےاعظم نے دوطرفہ ،علاقائی،بین الاقوامی امورپرتبادلہ خیال کیا، ملائیشیا نے دہشتگردی کے خاتمے کیلئے پاکستان کی کامیاب کوششوں کو سراہا جبکہ وزیر اعظم عمران خان نے مقبوضہ کشمیر میں انسانی حقوق کی خلاف ورزیوں سے مہاتیر محمد کو آگاہ کیا۔

    مشترکہ اعلامیہ کے مطابق پاک ملائیشاء وزرائے اعظم کی ملاقات کے دوران دو طرفہ تعلقات کو مزید مضبوط کرنےکے لیے ہر سطح پر روابط بڑھانے کی ضرورت پر زور دیا گیا اور دونوں ممالک کے درمیان ویزوں کے جزوی خاتمے کا معاہدہ ہوا۔

    عمران خان نے ایل این جی، پن بجلی اور قابل تجدید توانائی میں ملائیشیا کے تعاون کا خیر مقدم کیا اور ملائیشین کمپنیوں کو پاکستان میں خصوصی اقتصادی زون میں سرمایہ کاری کی دعوت بھی دی، دونوں ممالک نے دفاعی تعاون کیلئے مفاہمت کی یاد داشت کا اعادہ کیا ۔

  • مذاہب اور مقدس ہستیوں کی توہین روکنے پراقدامات کرنے ہوں گے‘ ملیحہ لودھی

    مذاہب اور مقدس ہستیوں کی توہین روکنے پراقدامات کرنے ہوں گے‘ ملیحہ لودھی

    نیویارک : اقوام متحدہ میں پاکستان کی مستقل مندوب ملیحہ لودھی نے کہا کہ عدم برداشت عصر حاضر کے بڑے مسائل میں شامل ہیں۔

    تفصیلات کے مطابق اقوام متحدہ میں پاکستانی سفیر ملیحہ لودھی نے الائنس آف سیولائزیشن کے فورم سے خطاب کرتے ہوئے اقوام متحدہ کووزیراعظم عمران خان کی توہین مذہب کے خلاف مہم سے آگاہ کیا۔

    پاکستانی سفیر نے کہا کہ مذاہب اور مقدس ہستیوں کی توہین روکنے پراقدامات کرنے ہوں گے، تہذیبوں اورمذاہب کے باہمی روابط سے ہی عالمی امن ممکن ہے۔

    اقوام متحدہ میں پاکستان کی مستقل مندوب کا کہنا تھا کہ عدم برداشت عصرحاضر کے بڑے مسائل میں شامل ہیں۔

    آزادی اظہار کے نام پر سوا ارب مسلمانوں کو تکلیف نہیں ہونی چاہیئے: وزیر اعظم

    یاد رہے کہ دو روز قبل وزیراعظم عمران خان کا کہنا تھا گستاخانہ خاکوں کے معاملے پر ایک قرارداد پاس کروائیں گے اور اسے دنیا بھر میں پھیلائیں گے، آزادی اظہار کے نام پر سوا ارب مسلمانوں کو تکلیف نہیں ہونی چاہیے۔

    وزیراعظم کا کہنا تھا کہ نبی کریم ﷺ کی شان میں گستاخی کسی صورت برداشت نہیں کی جاسکتی۔ قرارداد کے ذریعے بتائیں گے نبی کریم ﷺ کی شان میں گستاخی جرم ہے۔

  • ایس پی طاہر داوڑ کی شہادت سے محکمہ پولیس فرض شناس افسرسے محروم ہوگیا: وزیراعظم

    ایس پی طاہر داوڑ کی شہادت سے محکمہ پولیس فرض شناس افسرسے محروم ہوگیا: وزیراعظم

    اسلام آباد: وزیراعظم عمران خان نے کہا ہے کہ ایس پی طاہر داوڑ کی شہادت سے محکمہ پولیس فرض شناس افسرسے محروم ہوگیا.

    ان خیالات کا اظہارا نھوں نے شہید ایس پی طاہر داوڑکے اہل خانہ سے ملاقات کے موقع پر کیا، وزیرمملکت شہریارآفریدی، معاون خصوصی افتخاردرانی، آئی جی کے پی بھی اس موقع پر موجود تھے.

    وزیراعظم عمران خان نے کہا کہ طاہر داوڑ کی فرض شناسی، بہادری پولیس کے لئے باعث افتخار ہے، ان کے قتل سے پولیس فرض شناس افسرسے محروم ہوگئی.

    وزیراعظم عمران خان نے ایس پی طاہرداوڑ شہید کےغم زدہ خاندان سے اظہارہمدردی کرتے ہوئے ان کے ایصال ثواب اور درجات کی بلندی کے لئےدعا کی.

    وزیراعظم عمران خان نے ایس پی طاہرداوڑ کےخاندان کوہرممکن تعاون کی یقین دہانی کروائی.

    یاد رہے کہ ایس پی طاہر داوڑ کو اسلام آباد سے اغوا کیا گیا تھا، بعد ازاں افغانستان سے ان کی تشدد زدہ لاش ملی. ان کی میت کی حوالگی کے موقع پر افغان حکام نے انتہائی منفی اور غیرسفارتی رویہ اختیار کیا.

    واضح رہے کہ ایس پی طاہر داوڑ کے اغوا اور قتل کی تحقیقات کے لیے سات رکنی جے آئی تشکیل دے دی گئی ہے، جس کے ایس پی انویسٹی گیشن سربراہ ہوں گے، جے آئی ٹی میں آئی ایس آئی، آئی بی اور ایم آئی کے نمائندے شامل ہیں۔

  • پنجاب میں‌ سینیٹ‌ الیکشن: وزیراعظم کی رہنماؤں کو بھرپور تیاری کی ہدایت

    پنجاب میں‌ سینیٹ‌ الیکشن: وزیراعظم کی رہنماؤں کو بھرپور تیاری کی ہدایت

    اسلام آباد: پنجاب میں سینیٹ انتخابات سے متعلق حکومتی بڑوں کی بیٹھک ہوئی، جس میں اہم فیصلے کیے گئے۔

    تفصیلات کے مطابق اس اہم اجلاس میں‌ وزیراعظم نے وزیر اعلیٰ پنجاب، گورنر پنجاب اور جہانگیر ترین سے سینیٹ انتخابات سے متعلق مشاورت کی.

    وزیراعظم نے پارٹی رہنماؤں اور عہدے داروں‌ کو سینیٹ انتخاب کے حوالے سے بھر پور تیاری کی ہدایت کر دی.

    عمران خان نے کہا کہ سینیٹ انتخاب کو سنجیدگی سے لیا جائے، اتحادی جماعتوں‌ سے رابطے کیے جائیں، وزیر اعظم کا کہنا تھا کہ سینیٹ الیکشن کو کسی طور آسان نہ سمجھا جائے.

    وزیر اعظم نے ہدایت کی کہ سینیٹ انتخاب سے متعلق پارٹی رہنما مل کر حکمت عملی طے کریں، وزیر اعلیٰ، گورنر کو مل کر سینیٹ انتخاب میں پارٹی کی کامیابی کے لئے کام کریں.

    مزید پڑھیں: ایک تاثرتھا وزیراعلیٰ بادشاہ ہوتا ہے، جسے عثمان بزدار نے ختم کیا، وزیراعظم

    وزیراعظم عمران خان نے کہا کہ ڈویژن کی سطح پر ارکان اسمبلی سے سینیٹ کے لئے رابطے کیے جارہے ہیں، وزیراعظم نے 14 نومبر کو اتحادیوں کی پنجاب کی پارلیمانی پارٹی کا اجلاس لاہور میں طلب کر لیا.

    یاد رہے کہ آج وزیراعظم عمران خان نے لاہور کا دورہ کیا تھا، جہاں‌ انھوں نے شیلٹر ہوم پراجیکٹ کا افتتاح کیا. اس موقع پر انھوں نے وزیراعلیٰ پنجاب عثمان بزدار کی قیادت پر مکمل اعتماد کا اظہار کیا.

  • جہانگیر ترین اور اتحادیوں کی گفتگو، وزیراعظم کا نوٹس، اجلاس بلانے پر غور

    جہانگیر ترین اور اتحادیوں کی گفتگو، وزیراعظم کا نوٹس، اجلاس بلانے پر غور

    لاہور:‌ وزیراعظم نے پی ٹی آئی کے  مرکزی رہنما جہانگیر ترین اور اتحادی جماعت مسلم لیگ ق کے اراکین کی گفتگو کا نوٹس لے لیا.

    پارٹی ذرائع کے مطابق وزیراعظم نے جہانگیر ترین اور اتحادی جماعت کی سامنے آنے والی ویڈیو کا نوٹس لیتے ہوئے اتحادی جماعتوں اورپی ٹی آئی اراکین کا اہم اجلاس بلانے کا فیصلہ کیا ہے.

    پارٹی ذرائع کے مطابق وزیراعظم عمران خان لاہور میں قیام بڑھانے پر غور کر رہے ہیں، امکان ظاہر کیا جارہا ہے کہ وہ دونوں فریق کو بٹھا کر تحفظات دور کریں گے.

    واضح رہے کہ آج اسپیکر پنجاب اسمبلی چوہدری پرویز الہیٰ کی رہائش گاہ پر پی ٹی آئی کے مرکزی رہنما جہانگیر ترین، وفاقی وزیر طارق بشیر چیمہ اور پنجاب کے وزیر معدنیات حافظ عمار کی ملاقات ہوئی.

    اس ملاقات میں سینیٹ انتخابات سے متعلق بات چیت کی گئی، جس کی ایک ویڈیو منظر عام پر آئی، جس میں‌ گورنر پنجاب پر کچھ تحفظات کا اظہار کیا گیا.

    مزید پڑھیں: ایک تاثرتھا وزیراعلیٰ بادشاہ ہوتا ہے، جسے عثمان بزدار نے ختم کیا، وزیراعظم

     اب وزیر اعظم عمران خان نے اس ویڈیو کا نوٹس لے لیا ہے، امکان ہے کہ وہ اس ضمن میں اجلاس طلب کریں گے.

    فیاض الحسن چوہان کا موقف

    وڈیو لیک پر وزیراطلاعات پنجاب فیاض الحسن کا کہنا ہے کہ یہ ویڈیو ایڈیٹنگ کرکے چلائی گئی، سنسنی پھیلانے کی کوشش کی جارہی ہے.

    فیاض‌ چوہان نے کہا کہ گورنراوراسپیکرکی اپنی ڈومین ہے، ایک دوسرے کے محکموں میں مداخلت نہیں کرتی.

    سربراہ بھی گھرمیں نہ ہوتو چھوٹی موٹی نوک جھونک ہوجاتی ہے.

  • وزیراعظم کل لاہور میں شیلٹر ہوم پراجیکٹ کا سنگ بنیاد رکھیں گے

    وزیراعظم کل لاہور میں شیلٹر ہوم پراجیکٹ کا سنگ بنیاد رکھیں گے

    اسلام آباد: وزیر اعظم عمران خان کل لاہور میں شیلٹر ہوم پراجیکٹ کا سنگ بنیاد رکھیں گے.

    تفصیلات کے مطابق وزیر اعظم پاکستان ہفتے کے روز لاہور کا دورہ کریں‌ گے، اس موقع پر شیلٹر ہوم پراجیکٹ کا سنگ بنیاد رکھا جائے گا.

    اس منصوبے کے تحت وفاقی حکومت ملک کے بڑے شہروں میں پانچ شیلٹر ہوم قائم کرے گی. دورے کے موقع پر وزیراعظم گورنر، وزیراعلیٰ پنجاب، کابینہ ارکان سے ملاقاتیں بھی کریں گے.

    دورہ لاہور میں وزیراعظم عمران خان اعلیٰ سطح کے اجلاس کی صدارت بھی کریں گے، وزیراعظم کو احتجاج کے دوران توڑ پھوڑ پر بریفنگ دی جائے گی.

    پارٹی ذرائع کے مطابق وزیراعظم متاثرین کو معاوضہ ادا کرنے کے لئے صوبائی حکومت سے مشاورت کریں گے، وزیر اعظم کو 100 روزہ پلان سے متعلق بریفنگ بھی دی جائے گی.

    مزید پڑھیں: کوئی کام ناممکن نہیں،  یہ قوم عظیم بن سکتی ہے: وزیراعظم کا ویڈیو پیغام

    اس موقع  پر وزیراعظم پاکستان صوبائی حکومت کی کارکردگی کا جائزہ بھی لیں گے.

    یاد رہے کہ وزیر اعظم نے یوم اقبال پر اپنے خصوصی ویڈیو پیغام میں تھا کہ اقبال کا شاہین خوف اور ذہنی دباؤ سے آزاد تھا، کوئی کام ناممکن نہیں، یہ قوم عظیم بن سکتی ہے.

  • کوئی کام ناممکن نہیں،  یہ قوم عظیم بن سکتی ہے: وزیراعظم کا ویڈیو پیغام

    کوئی کام ناممکن نہیں،  یہ قوم عظیم بن سکتی ہے: وزیراعظم کا ویڈیو پیغام

    اسلام آباد: وزیر اعظم عمران خان نے کہا ہے کہ کوئی کام ناممکن نہیں،  یہ قوم عظیم بن سکتی ہے.

    ان خیالات کا اظہار انھوں نے یوم اقبال پر اپنے خصوصی ویڈیو پیغام میں کیا. ان کا کہنا تھا کہ اقبال کا شاہین خوف اور ذہنی دباؤ سے آزاد تھا.

    وزیراعظم عمران خان نے کہا کہ اقبال کے شاہین وہ تھے، جو بڑی سوچ کے حامل اور انسانیت کے علم بردار تھے، علامہ اقبال کی سوچ کا محور وہ افراد تھے، جو عقل کی غلامی سے آزاد ہوگئے، انھوں نے اپنی ذات کا سوچنے کے بجائے خوف کی زنجیریں توڑدی تھیں.

    وزیراعظم عمران خان نے کہا ہے کہ انسان میں عشق اور جنون ہو ،تو ناممکن کو ممکن بنا سکتا ہے، عقل کی غلامی سے آزاد شخص ایک کے بعد ایک منزل طے کرتا جاتا ہے.

    انھوں نے کہا کہ اللہ نے انسان کو بے پناہ طاقت دی ہے، انسان اپنی طاقت کو جتنا آزماتا ہے، اتنا اوپر جاتا ہے، نبی کریم ﷺنےجوکام کئے، وہ انسانی تاریخ میں کبھی کسی نےنہیں کیے.

    ان کاکہنا تھا کہ پاکستانیوں سے کہتا ہوں، ہمارے لیے کوئی چیزنا ممکن نہیں، اللہ نے پاکستان اور پاکستانیوں کو بے شمار وسائل مہیا کئے ہیں، قائداعظم اورعلامہ اقبال جیسے لوگ عظیم تھے.

    مزید پڑھیں: پاکستان کوپولیو فری ملک بنانے کیلئے ہر ممکن اقدامات کیے جائیں گے، وزیراعظم عمران خان

    عمران خان نے کہا کہ علامہ اقبال نے پاکستان کا جو خواب دیکھا تھا، اسے پورا کر دکھایا، ہم پاکستان کو ویسا ملک بنائیں گے، جیساعلامہ اقبال نےسوچا تھا.، بس یہ چیز ذہن نشین ہونی چاہیے کہ کوئی چیز ناممکن نہیں، یہ قوم عظیم بن سکتی ہے اورایک دن ہم ضروربنیں گے.

    اپنے ویڈیو پیغام میں انھوں نے ماؤنٹ ایوریسٹ سر کرنے والے ایڈمن ہیلری کے عزم اور جذبے کا بھی ذکر کیا.

  • پاکستان انسانی ہمدردی کے تحت یمن تنازع میں‌ کردار ادا کرنے کے لیے تیار ہے، وزیراعظم

    پاکستان انسانی ہمدردی کے تحت یمن تنازع میں‌ کردار ادا کرنے کے لیے تیار ہے، وزیراعظم

    اسلام آباد: وزیراعظم عمران خان نے کہا ہے کہ یمن میں بدامنی کا خاتمہ خطے، عالمی امن کے لیے ضروری ہے، پاکستان یمنی صدر کی قانونی حکومت کی بحالی کے لیے تعاون کرتا رہے گا۔

    تفصیلات کے مطابق وزیراعظم عمران خان سے یمن کے سفیر نے ملاقات کی جس میں دو طرفہ امور، خطے کی صورتحال پر تبادلہ خیال کیا گیا، یمنی قیادت کی جانب سے وزیراعظم کو مبارکباد، نیک خواہشات کا اظہار کیا گیا، وزیراعظم نے بھی یمنی قیادت کے لیے نیک خواہشات کا اظہار کیا، یمنی سفیر نے وزیراعظم کو یمن کی موجودہ صورتحال سے آگاہ کیا۔

    [bs-quote quote=”یمن کی مشکلات ختم کرنے کے لیے عالمی سطح پر کوششوں کی ضرورت ہے” style=”style-6″ align=”left” author_name=”وزیراعظم”][/bs-quote]

    وزیراعظم عمران خان نے کہا کہ پاکستان فریقین میں تنازع کے سیاسی حل کے لیے کردار ادا کرے گا، تمام فریقین کو مذاکرات کی میز پر آنا چاہئے۔

    عمران خان نے کہا کہ پاکستان یو این قرارداد کے مطابق یمن مسئلے کا حل چاہتا ہے، یمن تنازع کا حل طاقت کے استعمال میں نہیں، یمن تنازع علاقائی امن اور استحکام پر اثر انداز ہوتا ہے۔

    وزیراعظم نے کہا کہ پاکستان تنازع کے حل کے لیے غیرمتزلزل مدد فراہم کرے گا، پاکستانی انسانی ہمدردی کے تحت مدد کے لیے تیار ہے، یمن کی مشکلات ختم کرنے کے لیے عالمی سطح پر کوششوں کی ضرورت ہے۔

  • پاکستان کی خوش حالی اور امن قانون کی عمل داری میں ہے: قومی سلامتی کمیٹی

    پاکستان کی خوش حالی اور امن قانون کی عمل داری میں ہے: قومی سلامتی کمیٹی

    اسلام آباد: وزیراعظم عمران خان کی زیر صدارت قومی سلامتی کمیٹی کے اہم اجلاس میں‌ ملکی سلامتی اور داخلی صورتحال پر تبادلہ خیال کیا گیا.

    تفصیلات کے مطابق آج 6 اکتوبر کو ہونے والا قومی سلامتی کمیٹی کا اجلاس تین گھنٹے جاری رہا.

    اجلاس کے اعلامیہ کے مطابق وزیراعظم نے دورہ چین سے متعلق کمیٹی ارکان کو آگاہ کیا، اجلاس میں ملکی سلامتی اوردفاع کے عزم کا اظہار کیا گیا.

    سلامتی کمیٹی نے کہا کہ پاکستان کی خوش حالی امن و استحکام اور قانون کی عمل داری میں ہے، ملکی سلامتی و ترقی امن اور  استحکام سے مشروط ہے.

    تین گھنٹے جاری رہنے والے اس طویل اجلاس میں ملک کی داخلی سلامتی کی صورتحال پر اطمینان کا اظہار کیا گیا اور امن وسلامتی سے متعلق سیکیورٹی اداروں کو خراج تحسین پیش کیا گیا.

    اجلاس میں آرمی چیف جنرل قمر جاوید باجوہ، چیئرمین جوائنٹ چیفس آف اسٹاف کمیٹی جنرل زبیر محمود حیات، ڈی جی آئی ایس آئی اور ڈی جی آئی ایس پی آر نے بھی شرکت کی.

    اجلاس میں وفاقی وزرا پرویز خٹک، شاہ محمود قریشی ،اسد عمر، فوادچوہدری اور وزیر مملکت برائے داخلہ شہر یارآفریدی بھی موجود تھے.

    یاد رہے کہ سلامتی کمیٹی کے اجلاس سے قبل وزیراعظم عمران خان اور آرمی چیف جنرل قمر جاوید باجوہ میں ون ٹو ون ملاقات ہوئی، جس میں اہم امور پر تبادلہ خیال ہوا۔