اسلام آباد: پاکستانی دفترخارجہ نے امریکی وزیر خارجہ مائیک پومپیو کے ٹیلی فون سے متعلق امریکی انتظامیہ کا بیان مسترد کردیا.
تفصیلات کے مطابق دفتر خارجہ کے ترجمان محمد فیصل نے اپنے ٹویٹ میں واضح کیا کہ امریکی انتظامیہ نے مائیک پومپیو کی ٹیلی فون کال کوغلط رنگ دینی کی کوشش کی.
دفتر خارجہ کے ترجمان نے کہا کہ امریکی اسٹیٹ ڈیپارٹمنٹ نے حقائق کے منافی بیان جاری کیا، گفتگو میں دہشت گردوں کے پاکستان میں سرگرم ہونے کا ذکر نہیں.
ترجمان دفتر خارجہ محمد فیصل نے کہا کہ امریکی اسٹیٹ ڈیپارٹمنٹ اپنےبیان کوفوری درست کرے.
Pakistan takes exception to the factually incorrect statement issued by US State Dept on today’s phone call btwn PM Khan & Sec Pompeo. There was no mention at all in the conversation about terrorists operating in Pakistan. This shd be immediately corrected.
— Dr Mohammad Faisal (@ForeignOfficePk) August 23, 2018
واضح رہے کہ آج امریکی وزیر خارجہ مائیک پومپیو نے وزیراعظم عمران خان سے ٹیلی فونک رابطہ کیا تھا.
گفتگو میںامریکی وزیرخارجہ کی جانب سے دو طرفہ تعمیری تعلقات کے لئے نئی حکومت سےمل کر کام کرنےکی خواہش کا اظہار کیا گیا۔
امریکی وزیرخارجہ کا وزیراعظم کو فون، کامیابی پرمبارک باد، مل کر کام کرنے کی خواہش کا اظہار
اس موقع پر مائیک پومپیو نے وزیراعظم عمران خان کو الیکشن میں کامیابی پرمبارک باد دی. دونوں رہنماؤں کی گفتگو میں افغان امن عمل میں پاکستان کے کلیدی کردارپر بات کی گئی.
البتہ امریکی اسٹیٹ ڈیپارٹمنٹ نے اپنے بیان میں یہ موقف اختیار کیا کہ گفتگو میں دہشت گردوں کے پاکستان میں سرگرم کا معاملہ بھی زیر بحث آیا تھا، جس کی دفتر خارجہ کی جانب سے تردید کی گئی ہے.
