Tag: وزیراعظم

  • صدرپاکستان وزیراعظم، آرمی چیف ودیگر کی اسلام آباد یونائیٹڈ کو مبارکباد

    صدرپاکستان وزیراعظم، آرمی چیف ودیگر کی اسلام آباد یونائیٹڈ کو مبارکباد

    کراچی : پی ایس ایل تھری میں اسلام آباد یونائیٹڈ کی شاندار کامیابی پر صدر و وزیر اعظم، آرمی چیف، چاروں گورنرز، وزرائے اعلیٰ اورسیاسی رہنماؤں نے فاتح ٹیم کو مبارکباد پیش کی ہے ان کا کہنا ہے کہ آج پاکستان جیت گیا۔

    تفصیلات کے مطابق پاکستان سپر لیگ کے تیسرے ایڈیشن کا ٹائٹل اپنے نام کرنے والی اسلام آباد یونائیٹڈ کی ٹیم کو مبارکباد دینےکا سلسلہ جاری ہے۔

    صدر پاکستان ممنون حسین نے فاتح ٹیم اور پوری قوم کو مبارکباد پیش کرتے ہوئے کہا کہ دونوں ٹیموں نے اچھا کھیل پیش کیا، پی ایس ایل کی کامیابی پوری قوم کی کامیابی ہے۔

    وزیر اعظم پاکستان شاہد خاقان عباسی نے اسلام آباد یونائیٹڈ کو پی ایس ایل کا چیمپئن بننے پر مبارکباد دیتے ہوئے کہا کہ پشاورزلمی نے بھی اچھا کھیل پیش کیا۔

    اس کے علاوہ آرمی چیف جنرل قمر جاوید باجوہ نے کہا کہ اسلام آباد یونائیٹڈ کو جیت مبارک ہو، آج پاکستان جیت گیا، آرمی چیف نے کہا کہ ہمارے قومی جذبے کو شکست نہیں دی جاسکتی، کراچی کے شائقین کا نظم وضبط مثالی رہا۔

    وزیراعلیٰ سندھ سید مراد علی شاہ کا کہنا تھا کہ اسلام آباد یونائیٹڈ کو جیت مبارک ہو، یہ کامیابی پاکستان اور کراچی کے عوام کی ہے، سندھ کےعوام نے جوش و جذبے کے ساتھ پی ایس ایل کا فائنل دیکھا، نیشنل اسٹیڈیم کو کھچا کھچ بھرا ہوا دیکھ کر بہت خوشی ہوئی، کراچی کےعوام اب اگلے انٹرنیشنل کرکٹ ایونٹ کی تیاری کریں۔

    چیئرمین تحریک انصاف عمران خان نے اسلام آباد یونائیٹڈ کو جیت پرمبارکباد دیتے ہوئے کہا کہ عمدہ کھیل پیش کرنے پرپشاور زلمی بھی شاباشی کی مستحق ہے، شائقین کرکٹ کو اچھا مقابلہ دیکھنے کو ملا۔

    آصف علی زرداری نے بھی اسلام آباد یونائیٹڈ کو مبارکباد دی ان کا کہنا تھا کہ تمام ٹیمیں پاکستان کی تھیں لہٰذا جیت بھی پاکستان کی ہوئی، شہید محترمہ بینظیربھٹو کا خون رنگ لایا کراچی میں کھیل کے میدان آباد ہوئے۔

    انہوں نے ایونٹ کے کامیاب انعقاد پر پی بی سی کو بھی مبارکباد اور وزیراعلیٰ سندھ مراد علی شاہ کوبہترین انتظامات پر شاباش دی۔ آصف زرداری نے کراچی میں امن کیلئے پولیس، قانون نافذ کرنے والے اداروں کا بھی شکریہ ادا کیا۔

    گورنر سندھ محمد زبیر کا کہنا تھا کہ کراچی کی رونقیں بحال ہوگئیں، جوکام چند سال پہلے سوچا بھی نہیں جاسکتاتھا وہ کر دکھایا، کراچی کی خوشیوں کےلئے ہم سب کو قربانی دینے کی ضرورت ہے۔

    پی ایس ایل کے کامیاب گرینڈ شو کا کریڈٹ کرکٹ بورڈ کو جاتا ہے، سیکیورٹی اداروں کے تعاون سے کامیاب اور پرامن ایونٹ کا انعقاد ممکن ہوا،پی سی بی نے کہا ہے کہ آئندہ میچز بھی پاکستان میں ہوں گے۔

    میئرکراچی وسیم اختر نے اسلام آباد یونا ئیٹڈ کو پی ایس ایل میں کامیابی پر مبارکباد پیش کرتے ہوئے کہا کہ پی ایس ایل کے کراچی میں کامیاب انعقاد ٹیم ورک کا نتیجہ ہے، کراچی کے کھیل کے میدان اسی طرح آباد رکھیں گے۔

    وزیرداخلہ سندھ سہیل انورسیال نے بھی اسلام آباد یونائیٹڈ کو پی ایس ایل فائنل جیتنے پر مبارکباد دی ہے ان کا کہنا ہے کہ ایونٹ کا کامیاب اختتام پرامن پاکستان اور عوام کے خلوص کا ثبوت ہے، سہیل انورسیال نے پولیس، رینجرز اور سیکیورٹی اداروں کو سیکیورٹی کے غیر معمولی اقدامات پر خراج تحسین پیش کیا ہے۔

    کراچی کنگز کے صدر شاہد آفریدی نے اپنے ٹوئٹر پیغام میں کہاہے کہ اسلام آباد یونائیٹڈ کو دلی مبارک باد دیتا ہوں جبکہ نجم سیٹھی، پاک فوج، حکومت، پولیس، رینجرز نے بہترین کام کیا، جس سے پاکستان کے عوام کو خوشی کا زبردست موقع ملا۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • اہل پاکستان اور اہل کشمیر کے دل ایک ساتھ دھڑکتے ہیں،وزیراعظم

    اہل پاکستان اور اہل کشمیر کے دل ایک ساتھ دھڑکتے ہیں،وزیراعظم

    مظفر آباد : وزیراعظم شاہدخاقان عباسی کا کہنا ہے کہ پاکستان مقبوضہ کشمیر سے متعلق اپنے مؤقف سے پیچھے نہیں ہٹے گا، 70 سال سےآزادی کی جنگ لڑنےوالوں کادرد سمجھتے ہیں ، اہل پاکستان اور اہل کشمیر کے دل ایک ساتھ دھڑکتے ہیں، پاکستان کےتمام لیڈر کشمیر کے معاملے پر متفق ہیں اور رہیں گے۔

    تفصیلات کے مطابق وزیراعظم شاہد خاقان عباسی نے آزاد کشمیر قانون ساز اسمبلی اور کشمیر کونسل کے مشترکہ اجلاس سے خطاب کرتے ہوئے کہا کہ کشمیری قوم نے آزادی کیلئے بڑی قربانیاں دی ہیں، ملک میں بہت اختلافات ہیں لیکن کشمیرکازپرسب متفق ہیں، پاکستان مقبوضہ کشمیرسےمتعلق اپنےمؤقف سے پیچھےنہیں ہٹےگا، پاکستان کشمیریوں کی سیاسی،سفارتی اوراخلاقی حمایت جاری رکھے گا۔

    شاہد خاقان عباسی کا کہنا تھا کہ کشمیرکے معاملے پر تمام جماعتیں اور قوم متحد ہے، کشمیری ہمارے بھائی ہیں، دل ان کیلئے دھڑکتے ہیں، پاکستان کےتمام لیڈر کشمیر کے معاملے پر متفق ہیں اوررہیں گے، کشمیری اکیلے نہیں پاکستان کی20کروڑ عوام آپ کے ساتھ ہے۔

    وزیراعظم نے کہا کہ ایل اوسی پر پاکستانی شہری اور پاک فوج قربانیاں دے رہی ہے، مقبوضہ کشمیر میں بھی ہمارے بھائی قربانیاں دے رہے ہیں، ہم متحد رہے تو کشمیری بھائیوں کی جدوجہد کو تقویت ملے گی،کشمیرمیں مسلمان بھارتی مظالم برداشت کر رہے ہیں۔

    انکا کہنا تھا کہ 70سال سے آزادی کی جنگ لڑنے والوں کا درد سمجھتے ہیں ، سی پیک آزاد کشمیر کی عوام کےلئےسنگ میل ثابت ہوگا، ایل اوسی پر بنکرز کی تعمیر کے لئے حکومت فنڈز مہیا کرے گی، جہاں ساری دنیا فیل ہوئی پاکستانی فوج نےفتح حاصل کی۔


    مزید پڑھیں :  کشمیر کی ہرصورت حمایت جاری رکھیں گے: وزیراعظم


    شاہد خاقان عباسی نے کہا کہ آزاد کشمیرانتخابات میں وفاقی حکومت نےکوئی مداخلت نہیں کی، نوازشریف نے کہا جو کشمیری عوام کا فیصلہ ہوگا قبول کرینگے، آزاد کشمیر کی ترقی کے لئے جو وسائل چاہئے وہ فراہم کرینگے، مسئلہ کشمیر کےپرامن حل کیلئےکل بھی کوشاں تھے آج بھی ہیں۔

    وزیراعظم کا کہنا تھا کہ آزادکشمیر کےعوام کوبہترگورننس دینا حکومت کی ذمےداری ہے، مسئلہ کشمیرکو عالمی سطح پر اجاگر کرتے رہنا بھی ہماری ذمے داری ہے، اہل پاکستان اور اہل کشمیر کے دل ایک ساتھ دھڑکتے ہیں۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

  • ٹیلی کام کی ترقی سےملک کےتمام حصوں کومستفید کرنا ہے‘ وزیراعظم

    ٹیلی کام کی ترقی سےملک کےتمام حصوں کومستفید کرنا ہے‘ وزیراعظم

    اسلام آباد : وزیراعظم شاہد خاقان عباسی کا کہنا ہے کہ قبائلی علاقوں میں پائیدار ترقی کے لیے براڈ بینڈ کی سہولت فراہم کی جارہی ہے۔

    تفصیلات کے مطابق وفاقی دارالحکومت اسلام آباد میں وزیراعظم شاہد خاقان عباسی نے براڈ بینڈ منصوبوں کے معاہدے کی تقریب میں بطور مہمان خصوصی شرکت کی۔

    وزیراعظم پاکستان نے تقریب سے خطاب کرتے ہوئے کہا کہ ٹیلی کام کی ترقی سے ملک کے تمام حصوں کومستفید کرنا ہے، معاہدوں کے لیے یو ایس ایف خدمات فراہم کررہا ہے۔

    شاہدخاقان عباسی نے کہا کہ ٹیلی مواصلات کے شعبے نے ملک میں انقلاب برپا کردیا ہے، ملک کے دور دراز علاقوں میں بھی براڈ بینڈ سہولت فراہم کی جارہی ہے۔

    انہوں نے کہا کہ حکومت آئی ٹی کے شعبے میں ہرممکن سہولت فراہم کررہی ہے، سرمایہ کاری کے مواقع بہت زیادہ ہیں۔

    خیال رہے کہ اس وقت ملک کے 5 ہزار دیہاتوں کو براڈ بینڈ کی سہولت فراہم کی جارہی ہے جبکہ اس نئے منصوبے سے خیبر ایجنسی، مہمند ایجنسی اور ڈی آئی خان کے علاقے مستفید ہوں گے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ثنااللہ زہری کی کرسی بچانے کیلئے وزیراعظم  کی آج کوئٹہ آمد متوقع

    ثنااللہ زہری کی کرسی بچانے کیلئے وزیراعظم کی آج کوئٹہ آمد متوقع

    کوئٹہ : وزیراعلیٰ بلوچستان کی کرسی بچانے کیلئے وزیراعظم شاہد خاقان عباسی کی کوئٹہ آمد متوقع ہے، ذرائع کا کہنا ہے کہ تحریک ناکام بنانے کیلئے جے یو آئی کو وزارتوں کی پیش کش کی جاسکتی ہے۔

    تفصیلات کے مطابق وفاق نے سیاسی طوفان میں پھنسے ثنااللہ زہری کو ریسکیو کرنے کا فیصلہ کرلیا، وزیراعظم سمیت ن لیگ کی اہم شخصیات کی آج کوئٹہ آمد متوقع ہیں۔

    ذرائع کا کہنا ہے شاہد خاقان عباسی ناراض لیگی اراکان کے تحفظات اورشکایات دور کریں گے جبکہ وزیراعظم عدم اعتماد ناکام بنانے کیلئے اتحادی جماعتوں کو بھی منائیں گے۔سیاسی طوفان سے نمٹنے کیلئے جمعیت علما اسلام کو وزارتوں کی پیش کش کی جاسکتی ہے۔

    گزشتہ روز وزیراعظم شاہد خاقان عباسی اور سردار ثنا اللہ زہری میں ٹیلی فونک رابطہ کیا اور تحریک عدم اعتمادسے نمٹنے کی حکمت عملی پر تبادلہ خیال کیا گیا۔

    وزیراعظم کا کہنا تھا کہ بلوچستان میں بھی جمہوریت مخالف سازش ناکام ہوگی، اتحادی جماعتوں کے تعاون سے جمہوریت مخالف عناصر کو ناکام بنایا جائے جبکہ وفاقی وزراخرم دستگیراورعبدالقادر بلوچ نے وزیراعلی بلوچستان سےملاقات میں حمایت کی یقین دہانی کرائی تھی۔


    مزید پڑھیں :  بلوچستان سیاسی بحران: ثنا اللہ زہری اور نوازشریف کا رابطہ


    دوسری جانب ارکان کی جوڑتوڑعروج پر ہے، حکومتی اتحاد میں پانچ جماعتیں شامل ہیں، ن لیگ کے اکیس،پشونخواہ ملی عوامی پارٹی کے  14 ،نیشنل پارٹی کے  11 ،ق لیگ کے 5  اور مجلس وحدت المسلمین کا ایک رکن حکومت میں شامل ہیں جبکہ عوامی نیشنل پارٹی،بلوچستان نیشنل پارٹی او جے یو آئی پر مشتمل اپویزشن کا گیارہ رکنی اتحاد حکومت کو ٹف ٹائم دینے میں مصروف ہے۔

    اپوزیشن کا کہنا ہے کہ اس کے پاس ثنااللہ کو وزیراعلیٰ ہاؤس نکلوانے کیلئے اکثریت ہے جبکہ ثنااللہ زہری بھی سینتالیس ارکان کی حمایت کادعویٰ کررہے ہیں۔

    یاد رہے کہ تحریک عدم اعتماد کے بعد سے اب تک بلوچستان کابینہ سے دو وزراء سرفراز چاکر ڈومکی اور راحت جمالی اور دومعاون خصوصی ماجد ابڑو، پرنس احمد علی مستعفی ہوچکے ہیں جبکہ وزیرداخلہ سرفراز بگٹی اور معاون خصوصی میر امان اللہ کووزیراعلیٰ عہدوں سے برطرف کر چکے ہیں، اب کابینہ میں ن لیگ کا صرف ایک ہی وزیر بچا ہے۔


    مزید پڑھیں :  بلوچستان میں سیاسی بحران، مزید دو اراکین اسمبلی مستعفی


    قدوس بزنجو کا کہنا ہے کہ ہمیں40سےزائداراکین کی حمایت حاصل ہے۔

    زمرگ خان اچکزئی کا کہنا ہے کہ جےیوآئی(ف)سےمتعلق کوئی شک نہیں ہونا چاہیے، جےیوآئی (ف)اراکین اسمبلی ہمارےساتھ ہیں، ہم وزیراعلیٰ کی ناانصافیوں کیخلاف کھڑےہیں۔

    واضح چودہ ارکان کی دستخط سے تحریک عدم اعتماد کل پیش جائے گی، رائےشماری اگلے اجلاس میں ہوگی، پینسٹھ میں سے تینتیس ارکان جس طرف ہوئے وہ بازی جیت جائے گا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئرکریں۔

  • صدرمملکت اور وزیراعظم کی مسیحی برادری کو کرسمس کی مبارکباد

    صدرمملکت اور وزیراعظم کی مسیحی برادری کو کرسمس کی مبارکباد

    اسلام آباد : صدرمملکت ممنون حسین اوروزیراعظم شاہدخاقان عباسی نےکرسمس کےموقع پراپنے پیغام میں کہا کہ کرسمس ہمیں انسانیت کی فلاح کا پیغام دیتی ہے۔

    تفصیلات کے مطابق کرسمس کے موقع پرصدرممنون حسین نے مسیحی برادری کو مبارکباد دیتے ہوئے کہا کہ مسیحی برادری کی ملک کی ترقی واستحکام کے لیے گرانقدرخدمات ہیں۔

    صدرمملکت نے کہا کہ آئین پاکستان تمام اقلیتوں کوبرابرکے حقوق کی ضمانت دیتا ہے۔


    وزیراعظم کا کرسمس پر پیغام


    وزیراعظم شاہدخاقان عباسی نے مسیحی برادری کو کرسمس پرمبارکباد دیتے ہوئے کہا کہ کرسمس ہمیں انسانیت کی فلاح کا پیغام دیتی ہے۔

    شاہد خاقان عباسی نے کہا کہ ملکی اقتصادی ومعاشرتی ترقی میں مسیحی برادری کا بڑا کردار ہے، مسیحی برادری کی مثبت کاوشیں ملکی ترقی کیلئےکارآمدہوں گی۔


    پاکستان سمیت دنیا بھرمیں مسیحی برادری آج کرسمس کا تہوارمنارہی ہے


    وزیراعظم پاکستان نے کہا کہ حکومت پاکستان مذہب، عقیدے سے بالاترآزادی پریقین رکھتی ہے، مسیحی برادری نے دہشت گردی کے خلاف جنگ میں بھی کردارادا کیا۔

    ‌واضح رہے کہ پاکستان سمیت دنیا بھر میں مسیحی برادری نے آج کرسمس کا تہوار مذہبی جوش وجذبے کے ساتھ منا رہی ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شمالی وزیرستان حملہ : وزیراعظم سمیت سیاسی رہنماؤں کی مذمت

    شمالی وزیرستان حملہ : وزیراعظم سمیت سیاسی رہنماؤں کی مذمت

    اسلام آباد : وزیراعظم شاہدخاقان عباسی سمیت سیاسی رہنماؤں نے شمالی وزیرستان میں سیکورٹی فورسز پر حملے کی شدید مذمت کی ہے۔

    تفصیلات کے مطابق وزیراعظم شاہدخاقان عباسی نے شمالی وزیرستان میں سیکیورٹی فورسزپرحملےکی مذمت کرتے ہوئے شہدا کے درجات کی بلندی کے لیے دعا کی ہے۔

    وزیراعظم پاکستان نے غمزدہ خاندانوں سے تعزیت کرتے ہوئے کہا کہ شہدانے وطن کے لیے سب سے قیمتی اثاثے کی قربانی دی۔

    انہوں نے کہا کہ دشمن عناصرکے خلاف بہادر افواج کی خدمات قوم کبھی نہیں بھلاسکتی، پاکستان نے دہشت گردی کے ناسور کو شکست دی ہے۔


    شمالی وزیرستان حملہ: وزیراعلیٰ پنجاب کی مذمت


    وزیراعلیٰ پنجاب شہبازشریف نے شمالی وزیرستان میں سیکیورٹی فورسزپرحملےکی مذمت کرتے ہوئے شہدا کے لواحقین سے دلی ہمدردی اوراظہار تعزیت کی۔

    شہبازشریف نے کہا کہ قوم کوشہید عبدالمعید اورشہید بشارت کی بہادری پرفخرہے، پوری قوم شہدا کی عظیم قربانیوں کو سلیوٹ کرتی ہے۔


    شمالی وزیرستان حملہ: وزیردفاع کی مذمت


    وزیردفاع نے بھی شمالی وزیرستان میں سیکورٹی فورسزکی گاڑی پرحملےکی مذمت کرتے ہوئے شہدا کی بہادری اورجرت کوسلام اورلواحقین سے اظہارتعزیت کی۔

    خرم دستگیر نے کہا کہ دہشت گردوں کو مذموم مقاصد میں کامیاب نہیں ہونےدیں گے جبکہ بزدلانہ کارروائیاں بہادرجوانوں کےعزم کومتزلزل نہیں کرسکتیں۔

    وزیردفاع خرم دستگیر نے کہا کہ قوم دہشت گردی کے خلاف پاک فوج کے ساتھ ہے۔


    شمالی وزیرستان حملہ: وزیراعلیٰ بلوچستان کی مذمت


    وزیراعلیٰ بلوچستان ثنااللہ زہری نے شمالی وزیرستان میں فورسزپرحملے کی مذمت کرتے ہوئے جوانوں کی شہادت پرافسوس کا اظہاراورشہداکے خاندانوں سے تعزیت کی ہے۔

    وزیراعلیٰ ثنااللہ زہری نے کہا کہ ہمارےشہید ہماری قوم کے ہیرو ہیں۔


    شمالی وزیرستان حملہ: آصف علی زرداری کی مذمت


    سابق صدرآصف علی زرداری نے سیکیورٹی فورسزپرحملے کی مذمت کرتے ہوئے شہید اہلکاروں کے لواحقین سے اظہارا فسوس کیا۔

    آصف علی زرداری نے کہا کہ دہشت گردی کے منصوبہ سازوں کونشانہ عبرت بنایا جائے۔


    شمالی وزیرستان حملہ: گورنر بلوچستان کی مذمت


    گورنر بلوچستان محمد خان اچکزئی نے شمالی وزیرستان میں فورسزپرحملے کی مذمت کرتے ہوئے کہا کہ بہادرجوانوں کی قربانیاں رائیگاں نہیں جائیں گی۔


    شمالی وزیرستان حملہ: وزیرداخلہ سندھ کی مذمت


    وزیرداخلہ سندھ سہیل انورسیال نےشمالی وزیرستان میں فورسزپرحملےکی مذمت کرتے ہوئے کہا کہ افسران وجوانوں کی قربانیاں رائیگاں نہیں جائیں گی۔

    سہیل انور سیال نے کہا کہ شہداکے ورثا کےغم میں قوم برابرکی شریک ہے۔


    شمالی وزیرستان: دہشتگردوں کی فائرنگ


    واضح رہے کہ شمالی وزیرستان میں فورسز کی گاڑی پر دہشت گردوں کی فائرنگ کے نتیجے میں 21سالہ سیکنڈ لیفٹیننٹ عبدالمعیداور سپاہی بشارت شہید ہوگئے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • تیل وگیس کے ذخائرسے بھرپورفائدہ حاصل کررہے ہیں، وزیراعظم

    تیل وگیس کے ذخائرسے بھرپورفائدہ حاصل کررہے ہیں، وزیراعظم

    اسلام آباد : وزیر اعظم شاھد خاقان عباسی نے کہا ہے کہ ساڑھے چار سال میں پاکستان نےتیل و گیس کے ذخائر سے فائدہ اٹھایا اور تیل و گیس کی کمپنیوں کو بہترین مواقع میسر ہیں۔

    ان خیالات کا اظہار انہوں نے اسلام آباد میں تیل و گیس سے متعلق کانفرنس سے خطاب کرتے ہوئے کیا، وزیر اعظم نے کہا کہ ہم تمام وسائل کا بھرپور استعمال کررہے ہیں۔

    ان کا کہنا تھا کہ ترقی کے ہدف کو پورا کرنے کیلئےتیل وگیس کے زیادہ وسائل درکار ہیں، تیل کے شعبے میں دس فیصد سے زائد کا ہدف حاصل کرنا چاہتے ہیں، اقتصادی شرح نمو کا ہدف چھ فیصد رکھا گیا ہے، پراعتماد ہوں تیل وگیس کی نئی کمپنیاں کارکردگی دکھائیں گی۔

    ان کا کہنا تھا کہ نو ملین ٹن ایل این جی درآمد کی جارہی ہے، اگلے تین سال میں بیس ملین ٹن ایل این جی درآمد کرینگے، وزیر اعظم شاھد خاقان عباسی نے مزید کہا کہ سلامتی کے شعبے میں پاکستان نے بڑی کامیابیاں حاصل کی ہیں، سلامتی کی صورتحال بہتر ہونے سے ترقی کے مواقع بڑھیں گے۔


    مزید پڑھیں: گوادرکا اقتصادی زون رواں سال مکمل ہوجائے گا، وزیر اعظم


    علاوہ ازیں وزیراعظم شاہدخاقان عباسی کی زیرصدارت وفاقی کابینہ کا اجلاس جاری ہے، اجلاس میں ممنوعہ اسلحے پرعائد پابندی سےمتعلق امور کا بھی جائزہ ليا جائے گا، اس کے علاوہ پی او ايف بورڈ ميں فنانشنل ايڈوائزر کی تعيناتی کی منظوری متوقع ہے، اجلاس میں مختلف ممالک کے ساتھ معاہدوں اورايم او يوز کی توثيق کی جائےگی۔

  • اسحاق ڈار نے وزارت سے سبکدوشی کیلئے وزیراعظم کو آگاہ کردیا

    اسحاق ڈار نے وزارت سے سبکدوشی کیلئے وزیراعظم کو آگاہ کردیا

    لندن : وزیر خزانہ اسحاق ڈار نے اپنی ذمہ داریوں سے سبکدوش ہونے کیلئے وزیراعظم کو خط لکھ دیا ہے، ان کا کہنا ہے کہ بیماری کے سبب وزارت خزانہ کے فرائض انجام نہیں دے سکتا۔

    تفصیلات کے مطابق اےآروائی نیوزکی خبرکی تصدیق ہوگئی، اپنی تجوریاں بھرنے کے بعد اسحاق ڈار نے قومی خزانہ کی چابی واپس کردی۔

    ذرائع کا کہنا ہے کہ وزیر خزانہ اسحاق ڈار نے وزیراعظم شاہد خاقان عباسی کو خط لکھا ہے، جس میں کہا گیا ہے کہ میں اپنی بیماری کی وجہ سے وزارت خزانہ کی ذمہ داریاں نہیں سنبھا ل نہیں سکتا لہٰذا مجھے اس ذمہ داری سے سبکدوش کر دیا جائے۔

    اسحاق ڈار نے استعفی کا خط لکھنے سے پہلے نواز شریف کو بھی اعتماد میں لیا، خط میں ذمہ داریوں سے الگ ہونے کی وجہ خرابی صحت بیان کی گئی۔

    یاد رہے کہ کرپشن الزامات کے بوجھ تلے دبے اسحاق ڈار کو شدید تنقید کا سامنا تھا، اس کے باوجود کئی عرصے تک عہدے سےچپکے رہے۔ استعفٰی کے بعد ایک اور تنازع کھڑا ہو گیا۔

    ذرائع کا کہنا ہے کہ نئے وزیر خزانہ کے انتخاب پر سابق نااہل وزیر اعظم نواز شریف اور شاہد خاقان عباسی میں اختلاف ہیں، جب تک کوئی حتمی نام سامنے نہیں آتا، وزیر اعظم شاہد خاقان عباسی یہ قلمدان اپنے پاس رکھ سکتے ہیں۔

    اس حوالے سے اے آر وائی نیوز سے گفتگو کرتے ہوئے سینیئر سیاستدان شیخ رشید نے کہا کہ اسحاق ڈار کا کیس نااہل وزیراعظم اور وزیراعظم کے درمیان تنازع ہے۔

    وزیراعظم شاہد خاقان کئی دن سے کہہ رہے ہیں نیا وزیر خزانہ لانا ہے، نیا وزیر خزانہ لانے میں صرف اور صرف نواز شریف رکاوٹ ہیں۔


    مزید پڑھیں: اسحاق ڈار کا استعفی، فیصلے پر سیاستدانوں کا ردعمل


    ان کا مزید کہنا تھا کہ اسحاق ڈار کا استعفیٰ جلدی منظور کر لینا چاہیئے، مسلم لیگ ن کی حکومت سے کوئی چیزنہیں سنبھل رہی، شاہد خاقان کے پاس وزیرخزانہ کیلئے اوربھی کئی نام موجود ہیں، دیکھتے ہیں نوازشریف کسی اور کو وزیرخزانہ آنے دیں گے یا نہیں۔

  • پاکستانی معیشت آئی ایم ایف کے بغیر بھی چل سکتی ہے، وزیراعظم

    پاکستانی معیشت آئی ایم ایف کے بغیر بھی چل سکتی ہے، وزیراعظم

    کراچی : وزیر اعظم شاہد خاقان عباسی نے کہا ہے کہ پاکستانی معیشت آئی ایم ایف کے بغیر بھی چل سکتی ہے، اب کوئی نیا قرض یا پروگرام نہیں لیں گے اور نہ ہی روپے کی قدر گرانےکا کوئی ارادہ ہے۔

    ان خیالات کا اظہار انہوں نے کراچی میں سینئراسٹاک بروکرزاورصنعتکاروں سےملاقات کے موقع پر کیا، وزیراعظم نے سرمایہ کاروں اور اسٹاک ایکسچینج کے عہدےداروں کی ملاقات میں اقتصادی صورتحال پر تفصیلی گفتگو کی۔

    اس موقع پر شاہد خاقان عباسی کو پاکستان اسٹاک ایکسچینج کی گذشتہ چار سال کی مجموعی کارکردگی سے آگاہ کیا گیا، وزیراعظم کو اسٹاک ایکسچینج عہدےداروں نے انڈیکس میں حالیہ کمی کی وجوہات کے بارے میں تفصیلی بریفنگ دی۔

    بروکرز نے مارکیٹ کی بحالی کیلئے وزیر اعظم کومتعدد تجاویز بھی دیں، ملاقات میں پاکستان اسٹاک ایکسجینج کی ترقی اوراس میں مزید بہتری اور سرمایہ کاروں کے اعتماد میں اضافہ کے اقدامات کا جائزہ بھی لیا گیا۔

    وزیر اعظم کا کہنا تھا کہ پاکستانی معیشت آئی ایم ایف کے بغیر چل سکتی ہے، آئی ایم ایف سے کوئی نیا قرض پروگرام نہیں لینگے اور حکومت کا  روپے کی قدر گرانےکا کوئی ارادہ نہیں ہے، اس کے علاوہ اسٹاک مارکیٹ پر عائد ٹیکسوں پر نظرثانی کی جائے گی۔

    وزیراعظم نے اسٹاک مارکیٹ کے مسائل پر اعلیٰ اختیاراتی کمیٹی بنا دی، کمیٹی کے سربراہ گورنر سندھ محمد زبیر ہونگے۔


    مزید پڑھیں: جو کام نہیں کرے گا وہ گھر جائے گا: وزیر اعظم


     ملاقات میں بروکرز نے وزیر اعظم سے مطالبہ کیا کہ سال2008کی طرح این آئی ٹی کا اسٹاک مارکیٹ فنڈ بحال کیا جائے، شیئرزکی خریدو فروخت پرعائد کیپٹل گین ٹیکس میں کمی کی جائے اور بونس شیئرز پر عائد ٹیکس بھی واپس لیا جائے، وزیر اعظم نے ان کے مطالبات کو غور سے سنا اور ان پر عمل درآمد کی یقین دہانی بھی کروائی۔

  • وزیر اعظم شاہد خاقان عباسی آج انٹرنیشنل بلک ٹرمینل پورٹ قاسم کا افتتاح کریں گے

    وزیر اعظم شاہد خاقان عباسی آج انٹرنیشنل بلک ٹرمینل پورٹ قاسم کا افتتاح کریں گے

    کراچی : وزیر اعظم شاہد خاقان عباسی آج انٹرنیشنل بلک ٹرمینل پورٹ قاسم کا افتتاح کریں گے۔

    تفصیلات کے مطابق زیر اعظم شاہد خاقان عباسی آج ایک روزہ دورے پرکراچی پہنچیں گے، جہاں انٹرنیشنل بلک ٹرمینل پورٹ قاسم کا افتتاح کریں گے جبکہ پاکستان اسٹاک ایکسچینج کے عہدیداروں سے بھی ملاقات کریں گے۔

    دورے کے دوران وزیراعظم کو وفاق کے تعاون سے چلنے والے منصوبوں پربریفنگ بھی دی جائے گی۔

    گذشتہ روز وزیراعظم شاہدخاقان نے جھنڈیال ون منصوبے کا افتتاح کیا تھا اور افتتاحی تقریب سے خطاب کرتے ہوئے کہا تھا کہ منصوبےسےتیل وگیس علاوہ50ٹن ایل پی جی بھی ملےگی، منصوبےکی دریافت .بہترمستقبل کی نوید ہے، گزشتہ4سال میں ساڑھے300دریافت کی گئیں، نواز شریف کی پالیسیوں کوآگےبڑھارہےہیں، ملک میں آج ہرشعبےکوگیس فراہم کی جارہی ہے۔


    مزید پڑھیں : وزیراعظم شاہد خاقان عباسی نے پورٹ قاسم پرایل این جی ٹرمینل کاافتتاح کردیا


    شاہدخاقان کا کہنا تھا کہ  جمہوریت پروان چڑھےگی تومعیشت بھی ترقی کرےگی ، فیصلہ کرلیں ہم نے جمہوریت کومضبوط کرناہے، فیصلہ عوام کے پاس ہے، اگست2018میں فیصلہ کریں گے۔

    یاد رہے اس سے قبل دورے میں وزیراعظم شاہد خاقان عباسی نے پورٹ قاسم پر ایل این جی ٹرمینل کا افتتاح کیا تھا اور کہا تھا کہ یراعظم شاہد خاقان عباسی کا کہنا تھا کہ ایل این جی ٹرمینل پاکستان کا گیس سپلائی کا بڑاذریعہ ہے۔


    مزید پڑھیں : وزیراعظم کا کراچی کے لیے 25 ارب کے ترقیاتی پیکیج کا اعلان


    وزیراعظم شاہد خاقان عباسی نے کراچی کے لیے 25 ارب روپے اورحیدرآباد کے لیے 5 ارب روپے جب کہ کراچی یونیورسٹی میں میڈیکل کالج اور اسپتال کے قیام کا بھی اعلان کرتے ہوئے کراچی میں رینجرز آپریشن برقرار رکھنے اور وفاق کی جانب سے ہرقسم کے تعاون کی فراہمی کا یقین دلایا تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں