Tag: وزیراعظم

  • آئی بی  کا خط جعلی ہے، حکومت کو بدنام کیا گیا، ایف آئی آر درج کرادی، وزیراعظم

    آئی بی کا خط جعلی ہے، حکومت کو بدنام کیا گیا، ایف آئی آر درج کرادی، وزیراعظم

    اسلام آباد: وزیرا عظم شاہد خاقان عباسی نے کہا ہے کہ دنیا بھر کے مدمقابل پاکستان میں پیٹرولیم مصنوعات کی قیمتیں کم ہیں، آئی بی کا لیٹر جعلی ہے، کسی نے جاری کیا تحقیقات جاری ہیں، ایف آئی آر درج کرادی۔

    قومی اسمبلی میں بات کرتے ہوئے وزیراعظم کا کہنا تھا کہ پیٹرولیم مصنوعات کی قیمتوں کا تعین فارمولے کے تحت ہوتا ہے، دیگر ممالک کے مقابلے میں پاکستان میں پیٹرولیم قیمتیں اس وقت دنیا میں سب سے کم ہیں، پیٹرولیم قیمتیں پڑوسی ممالک میں پاکستان سے 30 فیصد زائد ہیں۔

    انہوں نے آگاہ کیا کہ اوگرا نے مٹی کے تیل کی قیمت 20 روپے فی لیٹر بڑھانے کی سفارش کی لیکن ہم نے صرف 4 روپے فی لیٹر اضافہ کیا۔

    آئی بی لیٹر جعلی ہے، حکومت کو بدنام کیا گیا، ایف آئی آر درج کرادی، وزیراعظم

    آئی بی لیٹر کے معاملے پر وزیراعظم نے کہا کہ آئی بی اور حکومت کو بدنام کرنے کے لیے یہ بات پھیلائی گئی، آئی بی لیٹر میں جن ارکان اسمبلی کا نام آیا، وہ شکایت داخل کردیں، تحقیقات کررہے ہیں، آئی بی کو ہدایت دی ہے کہ اس جعلی ڈاکیومنٹ کے خلاف ایف آئی آر درج کرے کہ اس کے نام پر ایسی دستاویز کیسے نکلی؟ ایف آئی آر درج ہوچکی پیمرا بھی اس پر کارروائی کررہا ہے ایسے جعلی دستاویز سے حکومت اور ایوان کا وقار مجروح ہوا۔

    انہوں نے کہا کہ خط سامنے آنے پر کابینہ کو یقین دلایا کہ وزیراعظم ہاؤس سے کوئی خط جاری نہیں ہوا،جعلی خط کس نے بنایا اس کی تحقیقات ہورہی ہیں لیکن ہماری تحقیقات کا ہدف میڈیا نہیں،میڈیا کے معاملے پر پیمرا کا فورم موجود ہے۔

    انہوں نے مزید کہا کہ مجھے بتایا گیا ہے کہ کچھ ارکان پارلیمنٹ نے تحریک استحقاق پیش کی ہے، اسپیکر قوانین کے مطابق کارروائی کریں۔

  • درگاہ فتح پور پرخودکش حملہ: صدر وزیراعظم سمیت سیاسی رہنماؤں کی شدید مذمت

    درگاہ فتح پور پرخودکش حملہ: صدر وزیراعظم سمیت سیاسی رہنماؤں کی شدید مذمت

    اسلام آباد: صدرپاکستان اور وزیراعظم شاہد خاقان عباسی سمیت سیاسی رہنماؤں نے درگاہ فتح پور شریف میں خودکش حملے کی شدید مذمت کی ہے۔

    تفصیلات کے مطابق صدر مملکت ممنون حسین نے بلوچستان کی معروف درگاہ فتح پور شریف میں عرس کے دوران خودکش حملے کی شدید مذمت کرتے ہوئے کہا کہ دہشت گرد ہمارے عزم کو کمزور نہیں کرسکتے۔

    وزیراعظم شاہد خاقان عباسی نے درگاہ فتح پور پر خودکش حملے کی مذمت کی اور شہدا کے لواحقین سے اظہارہمدردی کرتے ہوئے زخمیوں کو بہترین طبی سہولیات فراہم کرنے کی ہدایت کی۔

    وزیرداخلہ احسن اقبال نے خودکش حملے کی مذمت کرتے ہوئے کہا کہ دہشت گرد ملک، امن اوراسلام کےدشمن ہیں، قوم دہشت گردی کے خلاف متحد ہے۔

    وزیراعلیٰ بلوچستان نے بھی درگاہ فتح پور شریف پرخودکش حملےکی مذمت کرتے ہوئے دھماکے کے زخمیوں کو تمام طبی سہولیات فراہم کرنے کی بھی ہدایت کی۔


    درگاہ فتح پور پر خودکش حملہ، جاں بحق افراد کی تعداد 20 ہوگئی


    سابق صدر اور پاکستان پیپلزپارٹی کے شریک چیئرمین آصف علی زرداری نے خودکش حملے کی مذمت کرتے ہوئے وزیراعلیٰ سندھ کو ہدایت کی ہے کہ زخمیوں کوکراچی اور لاڑکانہ منتقل کریں۔

    پاکستان عوامی تحریک کے سربراہ ڈاکٹر طاہرالقادری نے جھل مگسی درگاہ فتح پور پر خودکش حملے کی شدید مذمت کرتے ہوئےدھماکے میں قمیتی جانوں کے ضیاع پر دکھ کا اظہار کیا اور زخمیوں کی جلد صحت یابی کی دعا کی۔

    گورنرخیبر پختونخواہ اقبال ظفر جھگڑا نے جھل مگسی درگاہ فتح پور شریف میں خودکش دھماکے کی شدید مذمت کی ہے اور دھماکے میں قیمتی جانوں کے ضیاع پر دلی دکھ اور افسوس کا اظہار کیا ہے۔

    چیئرمین پاکستان تحریک انصاف عمران خان نے درگاہ فتح پور شریف میں خودکش دھماکے کی مذمت کی اور قیمتی جانوں کے ضیاع پرگہرے رنج اور دکھ کا اظہار کیا ہے۔

    وزیراعلیٰ سندھ مراد علی شاہ نے بھی دھماکےکی مذمت کرتے ہوئے کہا ہے کہ مشکل گھڑی میں بلوچستان کے بھائیوں کے ساتھ ہیں۔

    واضح رہے کہ گزشتہ شب بلوچستان کی معروف درگاہ فتح پور شریف میں عرس کے دوران خودکش حملے کے سبب کانسٹیبل سمیت 20 افراد شہید اور درجنوں زخمی ہوگئے تھے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • فاٹا کوقومی دھارے میں لانےکیلئے قانون سازی تیزکی جائے، وزیراعظم

    فاٹا کوقومی دھارے میں لانےکیلئے قانون سازی تیزکی جائے، وزیراعظم

    اسلام آباد : وزیراعظم شاھد خاقان عباسی نے کہا ہے کہ فاٹا کو قومی دھارے میں لانےکیلئے قانون سازی تیز کی جائے، اصلاحات کا مقصد فاٹا کے عوام کی زندگی میں بہتری لانا ہے۔

    ان خیالات کا اظہار انہوں نے اسلام آباد میں فاٹا اصلاحات پر عملدرآمد کی قومی کمیٹی کے اہم اجلاس کی صدارت کرتے ہوئے کیا۔

    وزیراعظم نے کہا کہ اصلاحات کا مقصد فاٹا کے عوام کی زندگی میں بہتری لانا ہے، اجلاس میں آرمی چیف جنرل قمر جاوید باجوہ، گورنر خیبرپختونخوا پرویز خٹک، وفاقی وزیرسیفران عبدالقادر بلوچ، وزیرقانون زاہدحامد، ڈپٹی چیئرمین پلاننگ کمیشن سرتاج عزیز، عسکری وسول حکام اور دیگر شخصیات نے شرکت کی۔

    اجلا س میں یہ بھی فیصلہ کیا گیا کہ فاٹامیں ایک مناسب انتظامی میکنزم کو برقرار رکھنے اور منتقلی کی مدت کے دوران چیف آپریٹنگ آفیسر کی حیثیت سے تعیناتی کی جائے۔

    فاٹا اصلاحات پیکج پرمثبت ردعمل پر کمیٹی نے اطمینان کا اظہار کیا، اس موقع پر فاٹااصلاحات پرعملدرآمد تیز کرنے کیلئےکمیٹی نے متعدد فیصلےکئے.

    کمیٹی کا کہنا تھا کہ فاٹااصلاحات پر پارلیمنٹ، قبائلی عوام نے مثبت رائےکااظہارکیا ہے، یاد رہے کہ کابینہ نے فاٹااصلاحات پیکج کی منظوری مارچ2017میں دی تھی۔

    اجلاس میں کمیٹی کی تربیت کے بعد ایف سی کی تعیناتی کی بھی منظوری دی گئی اور اصلاحات کے نفاذ تک مناسب انتظامی طریقہ کار وضع کرنے کا فیصلہ کیا گیا۔

    اجلاس میں آرمی چیف جنرل قمر جاوید باجو ہ نے فاٹا میں حکومتی رٹ کی بحالی میں کامیابیوں پربریفنگ دی، انہوں نے فاٹا بھر میں ریاست کی رٹ کو قائم کرنے اور گزشتہ چند سالوں کے دوران سیکورٹی، سرحدی بنیادی ڈھانچے اور ترقیاتی کوششوں کو مضبوط کرنے کے لئے کئے جانے والے اقدامات پر حاصل ہونی والی کامیابیوں پر کمیٹی کو آگاہ کیا۔

  • خواجہ اظہارالحسن پرحملہ: صدر،وزیراعظم سمیت سیاسی رہنماؤں کی شدید مذمت

    خواجہ اظہارالحسن پرحملہ: صدر،وزیراعظم سمیت سیاسی رہنماؤں کی شدید مذمت

    کراچی : ایم کیو ایم پاکستان کے رہنما اور سندھ اسمبلی میں قائد حزب اختلاف خواجہ اظہار الحسن پر حملے کی صدر، وزیراعظم سمیت دیگر سیاسی رہنماؤں نے شدید مذمت کی ہے۔

    تفصیلات کے مطابق کراچی میں ایم کیو ایم پاکستان کے رہنما اور سندھ اسمبلی میں اپوزیشن لیڈر خواجہ اظہارالحسن قاتلانہ حملے میں محفوظ رہے جبکہ فائرنگ کی زد میں آکرخواجہ اظہار الحسن کا گارڈ اور ایک بچہ جاں بحق جبکہ 5 افراد زخمی ہوگئے۔

    صدر پاکستان ممنون حسین نے ایم کیو ایم کے رہنما پر قاتلانہ حملے کی مذمت کرتے ہوئے کہا کہ دہشت گردوں کو عوام کے جان ومال سے کھیلنے کی اجازت نہیں دیں گے۔

    صدر مملکت ممنون حسین نے کہا کہ دہشت گردوں کو عبرت کا نشان بنادیا جائے گا۔

    وزیراعظم پاکستان شاہد خاقان عباسی نے خواجہ اظہار الحسن پر حملے کی شدید مذمت کرتے ہوئے عید کے موقع پرقیمتی جانوں کے ضیاع پر اظہار افسوس کیا۔ انہوں نے متعلقہ اداروں سے واقعے پررپورٹ طلب کرلی۔

    چیئرمین سینیٹ رضا ربانی نے خواجہ اظہارالحسن پرقاتلانہ حملےکی شدید مذمت کرتےہوئے کہا کہ بزدلانہ کارروائیوں سےحوصلے پست نہیں کیے جا سکتے۔ انہوں نے شہید افراد کےاہلخانہ سےتعزیت، زخمیوں کی صحت یابی کی دعا کی۔


    ایم کیو ایم رہنما خواجہ اظہار الحسن قاتلانہ حملے میں بچ گئے، گارڈ جاں بحق


    پیپلز پارٹی چیئرمین بلاول بھٹو نے خواجہ اظہارالحسن پر حملےکی مذمت کرتے ہوئے کہا کہ دہشت گردی کو ہر صورت میں کچلنا ہوگا۔ انہوں نے کہا کہ عوام اور منتخب نمائندگان کو تحفظ مہیا کیا جائے۔

    گورنر سندھ محمد زبیرنے خواجہ اظہار الحسن پر قاتلانہ حملےکی مذمت کرتے ہوئے حملےمیں ملوث ملزمان کو گرفتار کرنے کی ہدایت ہے۔ انہوں نے کہا کہ عوام دہشت گردوں اورامن دشمنوں کےخلاف متحد ہیں۔

    وزیرداخلہ احسن اقبال نے سربراہ ایم کیوایم پاکستان فاروق ستارکوٹیلیفون کرکے خواجہ اظہارالحسن پر حملے کی مذمت کی اور پولیس اہلکار اور شہری کے جانی نقصان پر افسوس کا اظہار کیا۔

    احسن اقبال نے کہا کہ ملزمان کو جلد پکڑا جائے اور اس حوالے سے وفاقی ادارے مکمل تعاون کریں گے۔

    وزیراعلیٰ سندھ مراد علی شاہ نے خواجہ اظہارالحسن کو فون کرکے ان پر ہونے والے حملے کی مذمت کی کرتے ہوئے کہا کہ جلد قاتلوں تک پہنچ جائیں گے۔

    واضح رہے کہ کراچی میں آج صبح ایم کیو ایم پاکستان کے رہنما اور سندھ اسمبلی میں اپوزیشن لیڈر خواجہ اظہارالحسن قاتلانہ حملے میں محفوظ رہےجبکہ فائرنگ کی زد میں آکرخواجہ اظہار الحسن کا گارڈ اور ایک بچہ جاں بحق جبکہ 5 افراد زخمی ہوگئے تھے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • وزیراعظم آج لواری ٹنل منصوبےکا افتتاح کریں گے

    وزیراعظم آج لواری ٹنل منصوبےکا افتتاح کریں گے

    چترال : وزیراعظم نواز شریف آج لواری ٹنل منصوبے کا افتتاح کریں گے۔ لواری ٹنل نوشہرہ، مردان، ملاکنڈ، چکدرہ، چترال شاہراہ پر تعمیر کی گئی ہے۔

    تفصیلات کےمطابق وزیراعظم 27ارب کی لاگت سے تعمیرکی گئی لواری ٹنل کا آج افتتاح کریں گے،جس کے بعد ٹنل کو ٹریفک کے لیے کھول دیا جائے گا ۔

    منصوبے کے بڑی ٹنل کی لمبائی 8.5 کلومیٹر ہے۔ اس کے ساتھ 1.9 کلومیٹر دوسری ٹنل بھی تعمیر کی گئی ہے،جبکہ ٹنل کے دونوں اطراف35 کلومیٹر رسائی سڑکوں کی تعمیر بھی اس منصوبے کا حصہ ہیں۔

    لواری ٹنل چترال اور ملک کے تمام حصوں کے درمیان پورا سال مسلسل رابطہ مہیا کرنے کےعلاوہ بالخصوص دیر اورچترال کے درمیان معاشی سرگرمیوں اورمسافروں کی آمدورفت میں روانی پیدا کرے گی۔

    یاد رہےکہ لواری ٹنل کی تعمیر پر2005 میں کام شروع کیا گیا تھا،لیکن گزشتہ کئی سالوں میں اس منصوبے پر کام جاری نہ رہ سکا۔


    آج میرا احتساب ہورہا ہے تو کل کسی اورکا بھی ہوگا، نوازشریف


    واضح رہےکہ گزشتہ روزسیالکوٹ میں لیگی کارکنان سے خطاب کرتے ہوئے وزیر اعظم نے کہا تھا کہ4سال تک ہماری ٹانگیں کھینچی گئیں اس کے باوجود ملک میں لوڈشیڈنگ کا خاتمہ ہورہا ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • وزیراعظم کواستعفیٰ دینا ہوگا، اپوزیشن جماعتوں کا مشترکہ کا مطالبہ

    وزیراعظم کواستعفیٰ دینا ہوگا، اپوزیشن جماعتوں کا مشترکہ کا مطالبہ

    اسلام آباد: :اپوزیشن رہنماؤں کا کہنا ہے کہ وزیراعظم مستعفی ہوں، سپریم کورٹ کے ساتھ کھڑے ہیں فیصلے کا احترام کریں گے۔

    تفصیلات کے مطابق خورشیدشاہ کی زیرصدارت اپوزیشن رہنماؤں کا اجلاس ہوا، جس میں اپوزیشن ارکان نے وزیر اعظم سے استعفی سے متعلق حکمت عملی پر غور کیا گیا، اجلاس میں اپوزیشن رہنماؤں نے مشترکہ مطالبہ کیا کہ وزیراعظم کو استعفیٰ دینا ہوگا جبکہ پیر کو سینیٹ میں وزیراعظم نواز شریف کے استعفیٰ کی قرارداد منظور کرانے پر بھی اتفاق کیا گیا۔

    اے این پی اور قومی وطن پارٹی کے رہنماؤں کا کہنا تھا کہ عدالتی فیصلے پر وزیراعظم کے استعفے کا مطالبہ کرینگے جبکہ قومی اسمبلی کا اجلاس طلب کرنے سے متعلق تمام اختیار اپوزیشن لیڈر سید خورشید شاہ کو دیدیا۔

    اجلاس میں شاہ محمود قریشی ، سراج الحق، شیخ رشید ، پرویز الہی، آفتاب شیر پاؤ،طارق بشیر چیمہ، شیری رحمان سمیت ایم کیو ایم پاکستان کے سربراہ فاروق ستار بھی شریک تھے۔

    میاں صاحب جھوٹ بولنےوالاصادق اورامین نہیں رہتا، خورشیدشاہ

    اجلاس کے بعد اپوزیشن لیڈر خورشید شاہ نے میڈیا سے گفتگو کرتے ہوئے کہا کہ میاں صاحب جھوٹ بولنے والاصادق اور امین نہیں رہتا، جےآئی ٹی کی رپورٹ سب کے سامنے ہے، حالات انتہائی سنجیدہ ہیں، بھارت نوازشریف سے متعلق پریشان ہے، بھارت پریشان ہے کہ نوازشریف کیخلاف سب کچھ ثبوت کیساتھ آیا۔

    خورشیدشاہ نے کہا کہ حکومت نے جے آئی ٹی اور پھر رپورٹ کو بھی متنازع بنانے کی کوشش کی، وزیراعظم نے خود کہا تھا کہ استعفیٰ دے دوں گا، وزیراعظم نے وعدہ خلافی کرتے ہوئے مستعفی نہ ہونے کا اعلان کر رہےہیں، اپوزیشن چاہتی ہے اسمبلیاں تحلیل نہ ہوں، سب کی خواہش ہے حکومت اپنی مدت پوری کرے۔

    فیصلہ جو بھی ہو ہم سپریم کورٹ کا بھرپور ساتھ دیں گے، شاہ محمود قریشی

    پاکستان تحریک انصاف کے رہنما شاہ محمودقریشی نے میڈیا سے بات کرتے ہوئے کہا کہ فیصلہ جو بھی ہو ہم سپریم کورٹ کا بھرپور ساتھ دیں گے، جےآئی ٹی کو انکشافات پیش کرنے پر خراج تحسین پیش کرتے ہیں، آئین اورجمہوریت کیساتھ ہے، سسٹم کو ڈی ریل کرنا مقصد نہیں، وزیراعظم نوازشریف کے استعفے کیلئے پوری اپوزیشن متحد ہے۔

    شاہ محمودقریشی نے کہا کہ ہماری لڑائی کسی جماعت سے نہیں،نوازشریف مستعفی ہوں، مسلم لیگ ن کےاندر سے بھی آوازیں اٹھ رہی ہیں کہ استعفیٰ دو۔

    وزیراعظم نوازشریف سنگینی کو سمجھیں اور عہدے کو چھوڑدیں، سراج الحق

    امیر جماعت اسلامی سراج الحق نے بھی میڈیا سے گفتگو کرتے ہوئے کہا کہ جےآئی ٹی نے پوسٹ مارٹم کیا کرپشن کی رپورٹ مثبت ہے،مریض مستعفی ہو، جمہوریت کے ساتھ ہیں،احتساب اور جمہوریت ساتھ چلیں گے، وزیراعظم نوازشریف سنگینی کو سمجھیں اور عہدے کو چھوڑدیں۔


    وزیراعظم نوازشریف کا مستعفی نہ ہونےکادوٹوک اعلان


    یاد رہے کہ گزشتہ روزوزیراعظم کی زیر صدارت کابینہ کے اجلاس میں وزیر اعظم کی جانب سے استعفی نہ دینے کا فیصلہ کیا گیاتھا،وزیراعظم نوازشریف کے اس فیصلے پر وفاقی کابینہ نے بھی مکمل اعتماد کا اظہارکیا تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

     

  • ایک خاندان کوبچانےکےلیےپوری حکومت لگی ہوئی ہے‘ بابراعوان

    ایک خاندان کوبچانےکےلیےپوری حکومت لگی ہوئی ہے‘ بابراعوان

    اسلام آباد: پاکستان تحریک انصاف کےوکیل بابراعوان کاکہناہےکہ نوازشر یف اورعمران خان میں بہت فرق ہے،عمران خان کےخاندان پر ناجائزاثاثےبنانےکاکوئی الزام نہیں ہے۔

    تفصیلات کےمطابق عمران خان نا اہلی کیس کی سماعت کے دوران عمران خان کی جانب سے ڈاکٹر بابر اعوان بطور وکیل پیش ہوئے۔انہوں نے اپنے دلائل کے دوران الیکشن کمیشن کے دائرہ اختیار کو چیلنج کردیا۔

    بابراعوان نے دلائل کےدوران کہاکہعمران خان توہین عدالت کے مرتکب نہیں ہورہےالیکشن کمیشن کو متعصب قراردیناان پر الزام ہے۔

    انہوں نے کہا کہ میں بنیادی آئینی حقوق کی بات کرنا چاہتاہوں،توہین عدالت کی کارروائی کا اختیارسپریم کورٹ اور ہائی کورٹ کے جج صاحبان کے پاس ہے۔

    تحریک انصاف کےوکیل بابر اعوان کے دلائل کے بعد الیکشن کمیشن آف پاکستان نے عمران خان نا اہلی کیس کی مزید سماعت 19 جولائی تک ملتوی کردی۔

    الیکشن کمیشن میں عمران خان نااہلی کیس کی سماعت کےبعدمیڈیا سے بات کرتےہوئےبابراعوان نےکہاکہ ایسا نہیں ہوسکتاہےضیادورکےقانون اپنےمفادکےلیےاستعمال کیےجائیں۔ ضیادورکےقوانین ختم ہوچکےہیں۔

    بابراعوان کا کہناتھاکہ جےآئی ٹی نے13سوالوں کےعلاوہ کچھ اورپوچھاہےتوبتائیں۔ انہوں نےکہاکہ جےآئی ٹی نےکوئی غلط سوال پوچھاہےتوپھراس کی مذمت کرنی چاہیے۔

    واضح رہےکہ تحریک انصاف کےوکیل بابراعوان نےکہاکہ ایک چورکےپکڑےجانےپرجس جس کی گھبراہٹ ہوگی وہ بھی پکڑاجائےگا۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • وزیراعظم کےصاحبزادےحسین نوازلندن سےاسلام آباد پہنچ  گئے

    وزیراعظم کےصاحبزادےحسین نوازلندن سےاسلام آباد پہنچ گئے

    اسلام آباد: وزیراعظم میاں محمد نوازشریف کےبڑے صاحبزادے حسین نواز لندن سے وطن واپس پہنچ گئے۔

    تفصیلات کےمطابق جے آئی ٹی کی جانب سے پانماما لیکس تحقیقاتی رپورٹ سپریم کورٹ میں جمع کرانےسےچند گھنٹےقبل وزیراعظم کے صاحبزادے حسین نواز اسلام آباد پہنچ گئے۔

    حسین نوازپی آئی اے کی پرواز پی کے786کےذریعےلندن سےوطن واپس پہنچے،ان کی آمد پربینظیر بھٹو انٹرنیشنل ایئر پورٹ پرسیکیورٹی کے سخت ترین انتظامات کیےگئے تھے۔

    ذرائع کا کہنا ہےکہ حسین نواز نے پاناما لیکس کیس کےحوالےسےلندن میں اہم شخصیات سےملاقاتیں اورمشاورت کی جس کے بعد وہ آج وطن واپس پہنچے ہیں۔


    پاناماکیس:جےآئی ٹی آج رپورٹ سپریم کورٹ میں جمع کرائے گی


    دوسری جانب پاناماکیس کی مشترکہ تحقیقاتی ٹیم کی جانب سے ملکی تاریخ کے سب سے بڑے کیس کی تحقیقاتی رپورٹ آج سپریم کورٹ میں جمع کرائی جائے گی۔

    واضح رہے کہ جسٹس اعجازافضل کی سربراہی میں 3رکنی جے آئی ٹی عملدرآمد بینچ آج دوپہرایک بجےسماعت کرےگا۔خصوصی بینچ میں جسٹس عظمت سعید شیخ اورجسٹس اعجازالاحسن شامل ہیں۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • ہمیں احسان نہیں انصاف چاہیے‘ آصف کرمانی

    ہمیں احسان نہیں انصاف چاہیے‘ آصف کرمانی

    اسلام آباد: وزیراعظم نوازشریف کے معاون خصوصی آصف کرمانی کا کہناہےکہ قطری شہزادےکےبیان تک جےآئی ٹی رپورٹ نامکمل ہے۔

    تفصیلات کےمطابق اسلام آباد میں جوڈیشل اکیڈمی کےباہر میڈیاسےگفتگوکرتےہوئےوزیراعظم نوازشریف کےمعاون خصوصی آصف کرمانی نےکہاکہ عجیب کہانیاں چل رہی ہیں،لوگوں کوالجھایاجارہاہے۔

    آصف کرمانی نےکہاکہ عمران خان کےپاس پہلےکچھ تھااورنہ ہی اب ہے۔انہوں نےکہاکہ انصاف کےتقاضے پورے ہوتے نظر آنےچاہیے۔

    وزیراعظم کےمعاون خصوصی نےکہاکہ قطرکےشہزادےنےجےآئی ٹی سے کہاسوال نامہ بھجوادیں۔انہوں نےکہاکہ ہمیں احسان نہیں انصاف چاہیے۔

    مسلم لیگ ن کےرہنما آصف کرمانی نےکہاکہ جمہوریت کےخلاف سازش کرنےوالوں کی خواہش پوری نہ ہونےپرمٹھایاں تقسیم کیں۔


    جے آئی ٹی قطرنہ گئی تون لیگ کےشدید تحفظات ہوں گے‘ آصف کرمانی


    یاد رہےکہ گزشتہ روزوزیراعظم کےمعاون خصوصی آصف کرمانی کاکہناتھاکہ قطری شہزادےکی تصدیق جے آئی ٹی رپورٹ کاحصہ بننےتک تفتیش نامکمل ہوگی۔

    آصف کرمانی کا کہناتھاکہ ہمیں انصاف دیاجائے کھیل مت کھیلا جائے، یہ دھمکی نہیں،کروڑوں ورکرزکےجذبات سےآگاہ کررہاہوں۔


    وزیراعظم نوازشریف پربچوں کےذریعےدباؤڈالا جارہاہے‘ حسن نواز


    واضح رہےکہ گزشتہ جے آئی ٹی کےسامنے پیشی کےبعد میڈیا سے بات کرتےہوئےوزوزیراعظم نوازشریف کے صاحبزادے حسن نواز کا کہنا تھاکہ مسئلہ ہم نہیں صرف نوازشریف ہیں،ہمارےذریعےٹارگٹ کیاجارہاہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

     

  • حسین نوازجےآئی ٹی میں پیشی کےلیے جوڈیشل اکیڈمی پہنچ گئے

    حسین نوازجےآئی ٹی میں پیشی کےلیے جوڈیشل اکیڈمی پہنچ گئے

    اسلام آباد: وزیراعظم نوازشریف کےبڑےصاحبزادے حسین نواز پاناما کیس کی مشترکہ تحقیقاتی ٹیم کےسامنے آج اپنابیان ریکارڈ کرانے کےلیےجوڈیشل اکیڈمی پہنچ گئے۔

    تفصیلات کےمطابق پاناماکیس کی جے آئی ٹی کےسامنےپیشی کےلیے وزیراعظم نوازشریف کےبڑے بیٹےحسین نوازجوڈیشل اکیڈمی پہنچ گئےجہاں وہ مشترکہ تحقیقاتی ٹیم کےسوالوں کے جواب دیں گے۔

    وزیراعظم میاں محمدنوازشریف کےبڑے صاحبزادے حسین نواز اس سے قبل پانچ مرتبہ پاناماکیس کی مشترکہ تحقیقاتی ٹیم کے سامنے پیش ہوچکے ہیں۔


    وزیراعظم نوازشریف پربچوں کےذریعےدباؤڈالا جارہاہے‘ حسن نواز


    یاد رہےکہ گزشتہ روز وزیراعظم کےچھوٹےصاحبزادے حسن نواز نےتیسری مرتبہ جے آئی ٹی کےسامنے پیشی کےبعد جوڈیشل اکیڈمی کےباہر میڈیاسے بات کرتےہوئےکہاتھاکہ مسئلہ ہم نہیں صرف نوازشریف ہیں،ہمارےذریعےٹارگٹ کیا جارہاہے۔

    وزیراعظم کےچھوٹےبیٹے حسن نوازکاکہناتھاکہ پاکستان کی ترقی روکنےکےلیےنوازشریف پردباؤڈالاجارہاہے۔ انہوں نےکہاتھا کہ ایسےسوالات پوچھےجارہےہیں جن کاکوئی سرہےنہ پاؤں ہے۔


    مریم نواز کو طلب کرنے کے بجائے سوالنامہ گھر بھجوایا جائے: اسحاق ڈار


    بعدازاں گزشتہ روز جے آئی ٹی کی جانب سے 5 جولائی کو وزیر اعظم کی صاحبزادی مریم نواز کی طلبی پر وفاقی وزیر کا کہنا تھا کہ مریم نواز صرف وزیر اعظم ہی نہیں میری اور قوم کی بیٹی بھی ہیں۔مریم نواز کو بلایا جا رہا ہے مجھے برا لگ رہا ہے۔

    انہوں نےدرخواست کی تھی کہ سوالنامہ بنا کر وزیر اعظم کی فیملی کو بھیجا جائے۔ مریم نواز کا سوالنامہ بھی ان کے گھر پر بھجوایا جائے۔

    واضح رہےکہ جے آئی ٹی نے پہلی باروزیراعظم نوازشریف کی بیٹی مریم نواز5 جولائی کوطلب کررکھاہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔