ARYNews.tv | Urdu – Har Lamha Bakhabar

Tag: وزیراعظم

  • وزیراعظم کےکزن طارق شفیع کی جے آئی ٹی کے سامنے دوسری پیشی

    وزیراعظم کےکزن طارق شفیع کی جے آئی ٹی کے سامنے دوسری پیشی

    اسلام آباد: وزیراعظم نوازشریف کے کزن طارق شفیع نے پاناماکیس کی مشترکہ تحقیقاتی ٹیم کے سامنے پیشی کے بعد میڈیا سے بات کرتے ہوئے کہا کہ آج کوئی نئی دستاویز جمع طلب نہیں کی گئی نہ ہی دوبارہ پیشی کے لیے کا کہا گیا ہے۔

    وزیراعظم نواز شریف کے کزن طارق شفیع نے اپنی پیشی کی تفصیلات بتاتے ہوئے کہا کہ آج کی پیشی میں کوئی نئی دستاویز جمع نہیں کرائی ہے اور نہ ہی پچھلے بیان سے منحرف ہوا، وہ صبح 12 بجے اپنا بیان ریکارڈ کرانے کے لیے جوڈیشل اکیڈمی پہنچ تھے۔

    انہوں نے اپنی مختصر گفتگو میں کہا کہ جے آئی ٹی نے دوبارہ طلب نہیں کیا ہے اور نہ ہی کوئی سمن جاری کیا ہے تاہم اگر دوبارہ طلب کیا گیا تو ضرور حاضر ہوں گا

    جے آئی ٹی ارکان کے رویے کے حوالے سے پوچھے گئے سوال کے جواب میں وزیراعظم نواز شریف کے کزن طارق شفیع نے کاموشی اختیار کی اور بغیر جواب دیے روانہ ہو گئے

    قبل ازیں 15مئی کو اپنی پہلی پیشی کے موقع پر طارق شفیع نے جے آئی ٹی ارکان کی رویے کی شکایت کرتے ہوئے وزیراعظم کے خلاف وعدہ معاف گواہ بننے کے لیے دباؤ ڈالنے کا الزام عائد کیا تھا۔

    خیال رہے وزیراعظم کے کزن طارق شفیع سے حدیبیہ پیپرزملز اور 90 کی دہائی میں ہونےوالے کاروباری معاملات پرپوچھ گچھ کا عمل جا ری ہے اور شریف خاندان کی جائیداد سے متعلق دستاویزات کی جانچ پڑتال کا کام جاری ہے۔

    دوسری جانب جے آئی نے 25 جون کو جاری کیے گئے سمن جاری میں حسن نواز کو3 جولائی ، حسین نواز کو4 جولائی اور مریم نواز کو 5 جولائی کو طلب کیا ہے، حسین نوازکی یہ چھٹی اورحسن نواز کی تیسری پیشی ہوگی جب کہ مریم نواز کی پہلی بار پیش ہوں گی۔

    شریفوں کو بچانے کےلیے ریکارڈ میں ردوبدل انصاف کی راہ میں مداخلت ہے‘ عمران خان

    یاد رہےکہ دو روزقبل سماجی رابطے کی ویب سائٹ ٹویٹرپرتحریک انصاف کےسربراہ عمران خان نے اپنے پیغام میں کہاتھاکہ شریفوں کو بچانے کے لیے ریکارڈ میں ردوبدل کی رپورٹس آ رہی ہیں اوراگررپورٹس درست ہیں تویہ فراہمی انصاف کی راہ میں سوچی سمجھی مداخلت ہے۔

    واضح رہےکہ چیئرمین تحریک انصاف عمران خان نے اپنی ایک اور ٹویٹ میں کہاتھا کہ اس جرم میں ملوث افراد کو جیل میں ہونا چاہیے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مشرف دورمیں بھی کچھ نہیں ملا تھا،ہم پرہمیشہ جھوٹے مقدمات بنائےجاتے ہیں، حسین نواز

    مشرف دورمیں بھی کچھ نہیں ملا تھا،ہم پرہمیشہ جھوٹے مقدمات بنائےجاتے ہیں، حسین نواز

    اسلام آباد: وزیراعظم کے صاحبزادے حسین نواز نے کہا کہ نواز شریف نے ہمیشہ قانون کی پاسداری کا درس دیا ہے اور قانون و اداروں کے تقدس کے لیے جان کی بازی بھی داؤ پر لگائی ہے۔

    وہ جوڈیشل اکیڈمی اسلام آباد میں جے آئی ٹی کے سامنے مسلسل چوتھی بار تفتیش کے لیے پیش ہونے کے بعد میڈیا سے گفتگو کر رہے تھے انہوں نے کہا کہ سپریم کورٹ اور عوام تک سچ پہنچانے کے لیے اگر جے آئی ٹی دوبارہ بھی بلائے گی تو ضرور آؤں گا۔

    حسین نواز نے ایک سوال کے جواب میں بتایا کہ جے آئی ٹی کے تمام سوالات کے جوابات دیئے اور دستاویزات پیش کیں جب کہ جے آئی ٹی نے دیگر گواہوں کو طلب کیا ہے جس کا مجھے پتہ نہیں کیوں کہ یہ جے آئی ٹی کی صوابدید ہے میری نہیں۔

    انہوں نے کہا کہ لندن فلیٹس متنازع نہیں، موقف سپریم کورٹ میں دیا جا چکا ہے فلیٹس پرسپریم کورٹ میں دیئے گئے اپنے موقف پرآج بھی قائم ہیں، ہم چاہتے ہیں کہ یہ مرحلہ بھی خوش اسلوبی سے طے ہو لیکن اگر کوئی مسئلہ ہوتا ہے تو سپریم کورٹ سے رجوع کرنے میں کوئی ہچکچاہٹ محسوس نہیں کریں گے۔

    حسین نواز نے کہا کہ ہمارے خلاف پہلے بھی باتیں کی گئیں لیکن کسی کا ثبوت پیش نہیں کیا جا سکا اب بھی ایسا ہی ہوگا جیسا مشرف دور میں طیارہ کیس میں ہوا تھا جس میں سے کچھ برآمد نہیں ہواتھا اور اب بھی ایسا ہی ہوگا کیوں کہ کچھ غلط کیا ہی نہیں تو ثبوت کہاں سے آئیں گے۔

    خیال رہےکہ اس سے قبل 1جون 2017 کو جے آئی ٹی کے سامنے پیش ہونے کے بعد جوڈیشل اکیڈمی کے باہرمیڈیا سے بات کرتے ہوئے حسین نواز نے کہاتھا کہ جے آئی ٹی کی جانب سے 2 گھنٹے انتظار بھی کرایا گیا ہے اوروکیل کو ساتھ بٹھانے کی اجازت نہیں دی گئی تاہم مجھ سے جتنے سوالات کیے گئے میں نے جوابات دے دیے ہیں۔

    حسین شہید سہروردی سے لیکرآج تک صرف ہمارا احتساب ہوا ہے، حسین نواز

    حسین نواز کا کہنا تھا کہ میں نے تمام سوالات کے جوابات دے دیے ہیں اب میرے جوابات سے جے آئی ٹی کے اراکین مطمئن ہوئے یا نہیں ہوئے یہ اُن سے پوچھا جائے۔

    وزیراعظم کے بڑے صاحبزادےکاکہناتھاکہ ہمیں یہاں کسی کے رویے پر بات کرنے نہیں آیا تاہم اگر کوئی رکن جے آئی ٹی فیئرہوکر نہیں چلا تو اس پر سپریم کورٹ سے رجوع کیا جا ئے گا۔

    حسن نوازسے جےآئی ٹی کی 7 گھنٹے پوچھ گچھ

    یاد رہےکہ گزشتہ روزوزیراعظم میاں محمد نواز شریف کے چھوٹے صاحبزادے حسن نواز پہلی بار پاناما کیس کی جے آئی ٹی کے سامنے بیان ریکارڈ کرانے کے لیےپیش ہوئےتھےجبکہ ساڑھے چھ گھنٹے تک جے آئی ٹی افسران نے اُن سے پوچھ گچھ کی تھی۔

    واضح رہےکہ 30مئی کوحسین نوازکے علاوہ نیشنل بینک کے صدر سعید احمد بھی پیش ہوئے تھے اور ان سے 13 گھنٹے تک پوچھ گچھ کی گئی تھی۔

  • وزیراعظم،آرمی چیف ملاقات میں سجن جندال پربات نہیں ہوئی‘مریم اورنگزیب

    وزیراعظم،آرمی چیف ملاقات میں سجن جندال پربات نہیں ہوئی‘مریم اورنگزیب

    اسلام آباد: وزیرمملکت مریم اورنگزیب کا کہناہےکہ وزیراعظم نوازشریف اور آرمی چیف کی ملاقات میں سجن جندال سے متعلق کوئی بات نہیں ہوئی۔

    تفصیلات کےمطابق وزیرمملکت برائے اطلاعات ونشریات مریم اورنگزیب کاکہناہےکہ وزیراعظم،آرمی چیف ملاقات میں سجن جندال پربات نہیں ہوئی۔

    مریم اورنگزیب کا کہناتھاکہ وزیراعظم سے آرمی چیف کی ملاقات میں سجن جندال سے متعلق بات کی خبر غلط ہے۔

    وزیرمملکت برائے اطلاعات ونشریات کاکہناتھاکہ بھارتی اسٹیل ٹائیکون سجن جندال وزیراعظم کےدوست ہیں اور ان سے ذاتی حیثیت میں ملے۔

    مریم نواز نے بھارتی تاجر اور وزیراعظم کے درمیان ملاقات کی تصدیق کردی

    یاد رہےکہ ملاقات کے بعد دفتر خارجہ نے اس غیر رسمی ملاقات کو نجی قرار دیا تھا۔ بعد ازاں وزیر اعظم کی صاحبزادی نے سماجی رابطوں کی ویب سائٹ ٹوئٹر پر اپنے پیغام میں کہا کہ یہ دو دوستوں کی ملاقات ہے، اسے غلط رنگ نہ دیا جائے۔

    واضح رہےکہ 27 اپریل کو بھارتی اسٹیل ٹائیکون سجن جندال سمیت بھارت کا 3 رکنی وفد خصوصی طیارے کے ذریعے کابل سے اسلام آباد پہنچا تھا۔بھارتی وفد میں سجن جندال، سوکیت سنگال، وریندر ببر سنگھ شامل تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • فیصلے کی گھڑی آ گئی‘وزیراعظم مستعفی ہوجائیں‘فاروق ستار

    فیصلے کی گھڑی آ گئی‘وزیراعظم مستعفی ہوجائیں‘فاروق ستار

    لاہور: ایم کیو ایم پاکستان کے سربراہ ڈاکٹر فاروق ستارکاکہناہے کہ پاکستان کے لیے بھی فیصلے کی گھڑی آ گئی ہے،نواز شریف مستعفی ہوجائیں۔

    تفصیلات کےمطابق لاہور ہائی کورٹ بار میں خطاب کرتے ہوئے ایم کیو ایم پاکستان کے سربراہ ڈاکٹر فاروق ستار کا کہنا تھا کہ مشکل حالات کے باوجود بھی ایم کیو ایم پاکستان لاہور میں قائم ہے۔

    فاروق ستار نےکہاکہ22اگست کی تقریر کےبعدہمارے لیے فیصلے کی گھڑی آئی،ہم نےفیصلہ کیا اورپیچھےمڑکرنہیں دیکھا،آج پاکستان کےلئے بھی فیصلے کی گھڑی آ گئی ہے،نواز شریف کےلیےمشورہ ہے کہ وہ مستعفی ہو جائیں۔

    انہوں نے ہائی کورٹ بار کے موقف کی مکمل حمایت کرتے ہوئے کہا کہ انکوائری کو شفاف بنانے کے لیے وزیر اعظم کا مستعفی ہونا ضروری ہے۔

    ایم کیو ایم پاکستان کےسربراہ کا کہناتھاکہ سیاست میں بادشاہت ایک عرصے سے قائم ہے،کسی بھی منتخب حکومت پر لازم ہےکہ آئین کی بالادستی کو قائم رکھے۔

    فاروق ستار کا کہناتھاکہ مردم شماری کا فیصلہ سپریم کورٹ نےکیا،حکومتوں کا کام عدالتیں کررہی ہیں،اس لیے وفاقی حکومت کو مستعفی ہو جانا چاہیے تھا۔

    اب نواز شریف ان کے کہنے پر استعفیٰ دے گا؟

    ڈاکٹر فاروق ستار نے کہا کہ صوبائی حکومتیں بھی بلدیاتی انتخابات کروانےکےلیے ٹال مٹول کرتی رہیں،اس پر بھی سپریم کورٹ کو آنا پڑا۔

    واضح رہےکہ ایم کیو ایم پاکستان کےسربراہ کا کہناتھاکہ حکومت کے سارے کام اگر سپریم کورٹ نے کرنے ہیں تو پھر حکومت گھر جائے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • وزیراعظم کا خواتین سے متعلق بیان قابل افسوس ہے‘عمران خان

    وزیراعظم کا خواتین سے متعلق بیان قابل افسوس ہے‘عمران خان

    اسلام آباد : تحریک انصاف کےسربراہ عمران خان کاکہناہےکہ نوازشریف پردباؤ پڑنےسے اسے کےاندر کا فاشسٹ بے نقاب ہو گیا ہے۔

    تفصیلات کےمطابق سماجی رابطے کی ویب سائٹ ٹویٹر پر اپنے پیغام میں تحریک انصاف کےسربراہ عمران خان نےکہاکہ خواتین سے متعلق نوازشریف کا بیان قابل مذمت ہے۔

    چیئرمین پی ٹی آئی عمران خان نے اپنی ایک اور ٹویٹ میں کہاکہ نوازشریف بھول گئےکےان کےحق میں کھڑ ی ہونےوالی ایک خاتون تھی۔

    عمران خان کاکہناتھاکہ نوازشریف کی گرفتاری کےخلاف احتجاج کرنےوالی ان کی اہلیہ تھیں،ان کی اہلیہ نے ان کا ساتھ اس وقت دیا جب کوئی اور نظر نہیں آرہاتھا۔

    وزیراعظم نے معافی نہ مانگی تو ہم بھی مریم پر حملہ کریں گے، شیریں مزاری

    یاد رہےکہ گزشتہ روز وزیراعظم نوازشریف کی جانب سے تحریک انصاف کی خواتین کارکنوں پر تنقید کے بعد پی ٹی آئی رہنما شیری مزاری کا کہناتھاکہ وزیراعظم نے معافی نہ مانگی تو ہم بھی ان کی بیٹی پر تنقید کریں گے۔

    ملک چلانا مخالفین کا کام نہیں، وہ صرف کرکٹ ہی کھیل سکتے ہیں، نواز شریف

    واضح رہےکہ گزشتہ روز اوکاڑہ میں وزیراعظم نواز شریف نے تحریک انصاف کے جلسے میں موجود خواتین پر بھی تنقید کرتےہوئےکہاتھاکہ آج اس طرح کا جلسہ نہیں ہے جیسا مخالفین کا ہوتا ہے، یہاں موجود بہنوں کا شکریہ جو کونے میں کھڑی ہیں۔

    وزیراعظم کا خواتین سے متعلق بیان‘معروف سیاسی شخصیات کی مذمت

     

  • بھارتی تاجر کی وزیراعظم سے خفیہ ملاقات حساس معاملہ ہے، شیخ رشید

    بھارتی تاجر کی وزیراعظم سے خفیہ ملاقات حساس معاملہ ہے، شیخ رشید

    راولپنڈی : سربراہ عوامی مسلم لیگ شیخ رشید نے کہا ہے کہ سجن جندال جیسے لوگ شاپنگ کے لیے نہیں بلکہ وزیراعظم سے ملنے آئے ہیں جسے خفیہ رکھنا مزید شکوک و شبہات پیدا کر رہا ہے۔

    شیخ رشید اے آر وائی نیوز کی اینکرز سے گفتگو کے دوران معروف بھارتی تاجر سجن جندال اور وزیراعظم شریف کے درمیان خفیہ ملاقات پر ردعمل دے رہے تھے۔

    انہوں نے کہا کہ نواز شریف کیا کر رہے ہیں یہ میری سمجھ میں نہیں آرہا وہ ایسے کام کر رہے ہیں جو چھپائے نہیں جا سکتے اور اس سے نوازشریف بند گلی میں داخل ہوکر اپنے لیے مسائل کھڑے کر رہے ہیں۔

    *وزیراعظم نوازشریف سےبھارتی اسٹیل ٹائیکون کی ملاقات

    شیخ رشید نے کہا کہ ملکی حالات کیسے ہیں اور سجن جندال جیسے لوگوں کا آنا سمجھ سے باہر ہے اور ایسے معاملات خفیہ نہیں رکھے جا سکتے کیوں کہ میڈیا آزاد ہے اور پاکستانی باخبر قوم ہیں۔

    انہوں نے کہا کہ وزیراعظم نوازشریف اس وقت ضد کے عالم میں ہیں اور پاناما لیکس پر نوازشریف عالمی حمایت حاصل کرنے کے لیے پر تول رہے ہیں کہیں یہ خفیہ ملاقات اسی کا شاخسانہ تو نہیں ؟ لیکن میں انہیں کہنا چاہتا ہوں کہ پاناماکیس میں عالمی حمایت کے باوجود نہیں نکل سکتے۔

    واضح رہے کہ معروف بھارتی بزنس مین سجن جندال اپنے اہل خانہ کے ہمراہ وزیراعظم سے ملنے پاکستان آئے ہیں تاہم اس بات کی کسی کو کان و کان خبر نہ ہونے دی گئی تھی بعد ازاں میڈیا نے اس خفیہ ملاقات بھانڈہ پھوڑا تو وزیراعظم کی صاحبزادی مریم نواز کو ٹوئٹ میں تصدیق کرنا پڑی۔

  • وزیراعظم نےقانون اورآئین کوہمیشہ سربلند رکھا‘مریم اورنگزیب

    وزیراعظم نےقانون اورآئین کوہمیشہ سربلند رکھا‘مریم اورنگزیب

     

    اسلام آباد: وزیرمملکت اطلاعات ونشریات مریم اورنگریب کا کہناہےکہ وزیراعظم میاں محمد نوازشریف نے ہمیشہ قانون اور آئین کو سربلندرکھاہے۔

    تفصیلات کےمطابق وزیرمملکت برائے اطلاعات ونشریات مریم اورنگزیب نےا یک انٹرویو کےدوران کہاکہ پاناماکیس میں وزیراعظم نوازشریف نے استثنیٰ کی کوئی اپیل نہیں کی۔

    مریم اورنگزیب کاکہناتھاکہوزیرداخلہ چوہدری نثارعلی خان ڈان لیکس کےمعاملےپروزیراعظم میاں محمد نوازشریف کو رپورٹ پیش کرچکے ہیں اور وزیراعظم رپورٹ میں کی گئی سفارشات کےمطابق فیصلہ کریں گے۔

    وزیرمملکت کاکہناتھاکہ پاکستان دہشت گردوں اور ان کے سہولیات کاروں کو ہرگز برداشت نہیں کرے گا۔

    مریم اورنگزیب کا کہناتھاکہ ملک میں دہشت گردوں کا نیٹ ورک ٹور دیاگیا ہےاور آپریشن ضرب عضب اور ردالفساد کےمثبت نتائج برآمدہورہے ہیں۔

    عمران خان آپ کو 2018میں عوام کےامتحان کا سامنا کرناپڑے گا‘مریم اورنگزیب

    یاد رہےکہ گزشتہ ہفتے وزیرمملکت اطلاعات ونشریات مریم اورنگزیب کاکہنا تھا کہ عمران خان روتے رہیں گے اور وزیراعظم سرخرو ہوتے رہیں گے۔

    وزیرمملکت برائے اطلاعات ونشریات مریم اورنگزیب کا کہنا تھاکہ عمران خان آپ کو 2018 میں عوام کے امتحان کا سامنا کرنا پڑے گا۔

    وزیراعظم کی قیادت پر عوام نےمکمل اعتماد کا اظہارکیا ہے‘خواجہ آصف

    واضح رہےکہ اس سے قبل وزیردفاع خواجہ محمد آصفکاکہنا تھاکہ عوام نے وزیراعظم میاں محمدنوازشریف کی قیادت پرمکمل اعتماد کا اظہارکیاہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • قطری شہزادےکی بھی رسوائی ہوئی‘خط رائیگاں گیا‘مولابخش چانڈیو

    قطری شہزادےکی بھی رسوائی ہوئی‘خط رائیگاں گیا‘مولابخش چانڈیو

    کراچی: پیپلزپارٹی کےرہنما مولابخش چانڈیو کاکہناہےکہ وزیراعظم میاں محمد نوازشریف کو شرم سے خود چلے جانا چاہیے۔

    تفصیلات کےمطابق لاڑکانہ میں مولابخش چانڈیو نے مسلم لیگ ن کے خلاف نعرے لگاتے ہوئےکہاکہ چوروں اور جھوٹوں کی سرکار کو ایک دھکا اور دو۔

    مولابخش چانڈیو کاکہناتھاکہ پاناماکیس میں نوازشریف کو جھوٹا قراردے دیاگیا، 2ججز نےکہاکہ وزیراعظم نااہل ہیں گھر بھیجا جائےجبکہ دیگر تین نے یہ نہیں کہاکہ وہ اہل ہیں۔

    انہوں نےکہاکہ آج نہیں توکل آپ کو جاناپڑے گا ،ان کاکہناتھاکہ وزیرداخلہ کیوں نہیں کہتے کہ عدالت نے وزیراعظم کو بری کردیا۔

    پیپلزپارٹی کےرہنما کاکہناتھاکہ ملک چلاناہےتواداروں کااحترام کرےیاحکومت چھوڑدیں،وزیراعظم کاعہدےپررہنےکااخلاقی جوازختم ہوگیا۔

    مولابخش چانڈیو نےکہاکہ جوکل حمایت کررہےتھےآج وہ استعفےکامطالبہ کررہےہیں،کسی بھی حالت میں بھی وزیراعظم کوجانا ہوگا۔

    انہوں نےکہاکہ قطری شہزادے کی بھی رسوائی ہوئی خط رائیگاں گیا،ان کا کہناتھاکہ وزیراعظم کی عزت اب استعفیٰ میں ہی ہے۔

    دوسری جانب پانی دو بجلی دو گونوازگو نعرے لگاتے ہوئے پیپلزپارٹی کے جیالے سڑکوں پرآنا شروع ہوگئے۔نیشنل ہائی وے پرمرکزی دھرنےکےساتھ شہرکےچھ اضلاع سےپیپلزپارٹی کی جانب سے ریلیاں نکالی جارہی ہیں۔

    کراچی: ایم کیو ایم پاکستان آج حقوق ریلی نکالے گی

    ادھر اختیارات کےحصول اورشہریوں کےحقوق کےلیےایم کیوایم پاکستان ڈاک خانےسےگرومندراور مزارقائدتک ریلی نکال رہی ہے۔

    واضح رہےکہ کراچی میں حکمراں جماعت پانامافیصلے پرمسرت کااظہارکرنےسڑک پرآرہی ہے۔ن لیگ کایوم تشکرآج کارسازروڈسے شروع ہوکر کراچی پریس کلب تک ریلی کی شکل میں ہوگا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • مالدیپ کے وزیر خارجہ آج اسلام آبادپہنچ رہے ہیں

    مالدیپ کے وزیر خارجہ آج اسلام آبادپہنچ رہے ہیں

    اسلام آباد :مالدیپ کےوزیرخارجہ ڈاکٹر محمد عاصم چار روزہ دورے پر آج پاکستان پہنچ رہے ہیں۔

    تفصیلات کےمطابق مالدیپ کےوزیرخارجہ آج اسلام آباد پہنچ رہے ہیں جہاں وہ وزیراعظم میاں محمد نوازشریف سمیت پاکستانی قیادت سے ملاقاتیں کریں گے۔

    وزیرخارجہ ڈاکٹرمحمد عاصم چار روزہ دورے میں دو طرفہ تعلقات اور باہمی دلچسپی کےامور پرتبادلہ خیال کیاجائے گا۔

    مالدیپ کےوزیرخارجہ کے دورہ پاکستان سےدونوں ملکوں کےدرمیان دوطرفہ تعلقات کو مضبوط بنانے میں مدد ملےگی۔

    آذر بائیجان کے صدر اسلام آباد پہنچ گئے

    خیال رہےکہ رواں سال 28فروری کو آذر بائیجان کےصدر الہام علی یوف کی اسلام آباد آمد پر وفاقی وزیربرائے دفاعی پیدوار راناتنویز حسین نے ان کا شاندار استقبال کیاتھا۔

    اس موقع پر آذربائیجان کے صدر الہاف علی یوف کو 21توپوں کی سلامی دی گئی تھی۔

    وزیراعظم نوازشریف سے امریکی قومی سلامتی کے مشیر کی ملاقات

    یاد رہےکہ گزشتہ دنوں  وزیراعظم نوازشریف سے امریکی قومی سلامتی کے مشیر ایچ آرمک ماسٹر نے ملاقات کی تھی۔ملاقات میں پاک امریکا تعلقات اور   خطے کی صورتحال پر گفتگو کی گئی تھی۔

    واضح رہےکہ وزیراعظم میاں محمد نوازشریف کا اس موقع پر کہناتھاکہ عالمی برادری پاکستان میں ترقی کےعمل کا اعتراف کرتی ہے اور پاکستان امریکہ کےساتھ مضبوط باہمی اعتماد پرشراکت داری چاپتاہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

     

     

  • وزیراعظم کی قیادت پر عوام نےمکمل اعتماد کا اظہارکیا ہے‘خواجہ آصف

    وزیراعظم کی قیادت پر عوام نےمکمل اعتماد کا اظہارکیا ہے‘خواجہ آصف

     

    اسلام آباد: وزیردفاع خواجہ محمد آصف کاکہناہےکہ عوام نے وزیراعظم میاں محمدنوازشریف کی قیادت پرمکمل اعتماد کا اظہارکیاہے۔

    تفصیلات کےمطابق ایک انٹرویو کےدوران وزیردفاع خواجہ محمدآصف نےکہاکہ وزیراعظم نوازشریف پانامادستاویزات میں اپنے خلاف بے بنیاد عائدکردہ الزامات کی تحقیقات کے لیے تیارہیں۔

    خواجہ آصف کاکہناتھاکہ مسلم لیگ ن مشترکہ تحقیقاتی ٹیم سے تعاون کرے گی اور معاملے کی تحقیقات کےلیے اس کے تمام سوالات کےثبوت بھی فراہم کرےگی۔

    وزیردفاع کاکہناتھاکہ مسلم لیگ ن نوازشریف کی قیادت میں 2018 کےعام انتخابات میں بھاری اکثریت سے کامیابی حاصل کرےگی۔

    انہوں نےکہاکہ چیئرمین تحریک انصاف عمران خان ملک میں احتجاج کی سیاست کررہے ہیں جوا نکے اپنے لیےنقصان دہ ہے۔

    خواجہ آصف کاکہناتھاکہ پیپلزپارٹی کی قیادت بھی مختلف معاملات پر مسلسل اپناموقف تبدیل کررہی ہےتاہم مسلم لیگ نواز دونوں سیاسی پارٹیوں کی سیاست سے ہرگز پریشان نہیں ہے۔

    اللہ کاجتنا شکر ادا کریں کم ہے، خواجہ آصف

    واضح رہےکہ دوروز قبل وزیردفاع خواجہ آصف کا کہناتھاکہ اللہ کا جتنا شکر ادا کریں کم ہے۔انہوں نےکہاکہ نوازشریف آئندہ انتخابات جیت کربھی وزیراعظم ہوں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں