ARYNews.tv | Urdu – Har Lamha Bakhabar

Tag: وزیراعلیٰ سندھ

  • نقد 41 ہزار روپے! خواتین کے لئے بڑی خوشخبری آگئی

    نقد 41 ہزار روپے! خواتین کے لئے بڑی خوشخبری آگئی

    کراچی: وزیراعلیٰ سندھ مراد علی شاہ نے ممتا پروگرام میں خواتین کو نقد امداد 30 ہزار سے بڑھا کر 41 ہزارروپے کرنے کی ہدایت کردی۔

    تفصیلات کے مطابق وزیراعلیٰ سندھ مراد علی شاہ کی زیر صدارت سندھ سوشل پروٹیکشن اتھارٹی کا اجلاس منعقد ہوا، جس میں صوبے میں جاری سماجی تحفظ کے پروگرامز پر بریفنگ دی گئی۔

    وزیراعلیٰ سندھ نے اجلاس سے خطاب کرتے ہوئے کہا کہ سندھ حکومت نے ورلڈ بینک کے تعاون سے سوشل پروٹیکشن ڈلیوری سسٹم کا آغاز کیا ہے، جو 2023 میں شروع ہوا اور 2027 میں مکمل ہوگا۔

    انہوں نے بتایا کہ صوبائی حکومت کا نمایاں منصوبہ "ممتا پروگرام” اس وقت 15 اضلاع میں جاری ہے، جس سے اب تک 7 لاکھ 70 ہزار خواتین مستفید ہو رہی ہیں۔

    وزیراعلیٰ کا کہنا تھا کہ خواتین کو علاج معالجے کی سہولت فراہم کرنے کے لیے صوبے کے 800 اسپتالوں اور ڈسپینسریز کو اس پروگرام سے منسلک کیا گیا ہے۔

    اجلاس کو بتایا گیا کہ رجسٹرڈ خواتین کو تین سال کے دوران 30 ہزار روپے نقد امداد فراہم کی جا رہی ہے۔

    وزیراعلیٰ سندھ نے ہدایت دی کہ یہ امداد بڑھا کر 41 ہزار روپے کر دی جائے تاکہ خواتین کو زیادہ فائدہ پہنچ سکے۔

    مزید برآں، وزیراعلیٰ نے مزید 7 اضلاع کو "ممتا پروگرام” میں شامل کرنے کی منظوری بھی دے دی،

     پاکستان میں آج ڈالر اور دیگر کرنسیوں کی قیمت

  • وزیراعلیٰ سندھ کا لیاری میں رہائشی عمارت گرنے کا نوٹس، اہم ہدایات جاری

    وزیراعلیٰ سندھ کا لیاری میں رہائشی عمارت گرنے کا نوٹس، اہم ہدایات جاری

    کراچی: وزیراعلیٰ سندھ مراد علی شاہ کا لیاری میں رہائشی عمارت گرنے کا نوٹس لیتے ہوئے خستہ حال عمارتوں کی فوری تفصیلات مانگ لیں۔

    تفصیلات کے مطابق وزیراعلیٰ سندھ مراد علی شاہ نے لیاری میں عمارت گرنے کے واقعے کا نوٹس لے لیا۔

    مراد علی شاہ نے کہا کہ یہ انتہائی افسوسناک واقعہ ہےمتعلقہ حکام فوری رپورٹ پیش کریں اور ریسکیو ٹیمیں ملبے سےمتاثرین کوفوری نکالنے یلئےاقدامات کریں ساتھ ہی زخمیوں کو فوری طبی امداد فراہم کی جائے۔

    وزیراعلیٰ سندھ کو بریفنگ میں بتایا گیا کہ لیاری میں عمارت گرنے کے بعد ریسکیو آپریشن جاری ہے اور ملبے سے اب تک 6زخمی افراد کو نکالا گیا ہے۔

    وزیراعلیٰ سندھ نے ایس بی سی اے سے شہری کی خستہ حال عمارتوں کی فوری تفصیلات مانگ لیں اور کہا کہ خطرناک عمارتوں کی فوری نشاندہی اور شہریوں کی حفاظت کیلئےاقدامات کریں، غفلت یاکوتاہی برداشت نہیں ہوگی، انسانی جانوں کا تحفظ اولین ترجیح ہے۔

    مزید پڑھیں : کراچی میں 6 منزلہ رہائشی عمارت گرگئی ، 5 افراد جاں بحق ، متعدد زخمی

    خیال رہے کراچی کے علاقے لیاری بغدادی میں چھے منزلہ رہائشی عمارت گرگئی تھی ، جس کے نتیجے میں اب تک پانچ افراد دب کر جاں بحق اور تین خواتین سمیت آٹھ افراد زخمی ہوگئے۔

    زخمیوں کو اسپتال منتقل کردیا گیا اور ملبے میں دبے دیگر افراد کو نکالنے کیلئے امدادی کارروائیاں جاری ہیں۔

    خستہ حال عمارت گرنے کے باعث اطراف کی عمارتوں کو بھی نقصان پہنچا، دیواروں میں دراڑیں پڑگئیں، جس کے باعث عمارت کو خالی کرالیا گیا ہے۔

  • پولیو مہم: وزیراعلیٰ سندھ کا ایم این ایز، ایم پی ایز، میئر کراچی ودیگر کو خط

    پولیو مہم: وزیراعلیٰ سندھ کا ایم این ایز، ایم پی ایز، میئر کراچی ودیگر کو خط

    وزیراعلیٰ سندھ مراد علی شاہ نے پولیو مہم موثر بنانے کے لیے تمام ایم این ایز ایم پی ایز میئر کراچی اور چیئرمین ڈسٹرکٹ کونسلز کو خط لکھ دیا ہے۔

    اے آر وائی نیوز کے مطابق وزیراعلیٰ سندھ مراد علی شاہ نے صوبے سے منتخب تمام ایم این ایز، ایم پی ایز، میئر کراچی، چیئرمین ڈسٹرکٹ کونسلز، چیئرمین میونسپل کمیٹیز اور چیئرمین ٹاؤن کمیٹیز کو خط لکھا ہے جس میں تمام منتخب نمائندوں بشمول حزب اختلاف پولیو مہم کی اونر شپ لینے کی درخواست کی ہے۔

    وزیراعلیٰ نے کہا ہےکہ پولیو کا خاتمہ ہم سبکی قومی ذمہ داری ہے اور خط لکھنے کا مقصد پولیو جیسی مہلک بیماری کے خلاف مزید موثر اقدامات اٹھانے ہیں۔ میں سندھ اور پورے پاکستان کو پولیو سے پاک دیکھنا چاہتا ہوں۔

    مراد علی شاہ کا کہنا ہےکہ پولیو ایک انتہائی خطرناک اور مہلک بیماری ہے جو زندگی بھر کے لیے معذور کر دیتی ہے۔ اس لیے ہمیں اپنی آئندہ نسل کو اس بیماری سے بچانا ہے۔ پولیو پو جتنی جلد ہو سکے، قابو پانے کی ضرورت ہے۔

    ان کا کہنا ہے کہ تمام وسائل کو بروئے کار لاتے ہوئے بھی پولیو کا خاتمہ نہ ہوسکا۔ اس سلسلے میں والدین کو بھی ذمہ داری کا مظاہرہ کرنا اور پولیو ٹیموں کے ساتھ تعاون کرنا ہوگا۔

    وزیراعلیٰ سندھ نے خط میں لکھا ہے کہ دنیا میں اب صرف دو ممالک ہی بچے ہیں جہاں پولیو وبا پائی جاتی ہے۔ انمیں ایک ملک پاکستان ہے۔ 2024 میں پاکستان میں پولیو کے 74 کیسز رپورٹ ہوئے اور انتہائی خطرناک صورتحال ہے۔

    مراد علی شاہ نے کہا کہ 26 مئی سے شروع ہونے والی انسداد پولیو مہم اتنی موثر ہونی چاہیے کہ کوئی بچہ پولیو سے بچاؤ کے قطرے پینے سے محروم نہ رہے۔ علاقے کے با اثر اور پڑھے لکھے افراد کو بھی اس مہم کا حصہ بنایا جائے جو لوگوں کو پولیو ویکسین کی اہمیت سے آگاہ کریں۔

    ان کا کہنا تھا کہ ہمیں پولیو کے خلاف تیز اور فیصلہ کن اقدام کرنے ہیں اور ہر صورت اس مہم کو کامیاب بنانا ہے۔ بس اسٹاپ، ریلوے اسٹیشنز، پکنک پوائنٹس اور دیگر مقامات پر پولیو سے بچاؤ کے قطرے پلانے کا انتظام کریں۔ 5 سال تک کی عمر کے بچوں کو پولیو سے بچاؤ کے ضرور پلائیں، تاکہ ان کا مستقبل محفوظ رہے۔

    واضح رہے کہ رواں سال کی تیسری انسداد پولیو قومی مہم 26 مئی سے ملک بھر میں شروع کی جا رہی ہے جو یکم جون تک جاری رہے گی۔

    https://urdu.arynews.tv/national-polio-campaign-of-2025-begin-from-this-month/

  • پانی کی لائن کیوں پھٹتی ہیں؟ وزیراعلیٰ سندھ نے سوال اٹھایا

    پانی کی لائن کیوں پھٹتی ہیں؟ وزیراعلیٰ سندھ نے سوال اٹھایا

    کراچی : وزیراعلیٰ سندھ مراد علی شاہ نے شہر میں پانی کی قلت کا نوٹس لیتے ہوئے سوال اٹھایا کہ پانی کی لائن کیوں پھٹتی ہیں؟

    تفصیلات کے مطابق وزیراعلیٰ سندھ مراد علی شاہ کی زیرصدارت کے فور پراجیکٹ پر اجلاس ہوا، اجلاس میں وزیراعلیٰ سندھ نے کے فور منصوبے کی توسیع کے حوالے سے پیش رفت کا جائزہ لیا اور کہا کے فور کی توسیع شہر کی پانی کی ضرورتیں پوری کرنے کیلئے ضروری ہے۔

    وزیراعلیٰ سندھ نے شہر میں پانی کی قلت کا نوٹس لے لیا اور اجلاس میں سوال کیا کہ پانی کی لائن کیوں پھٹتی ہیں؟ جس پر انھیں بتایا گیا کہ پانی کی لائن تقریباً 50 سال پرانی تھی، پانی کی پھٹنے سے شہر میں پانی کی قلت کا مسئلہ ہوا، لائن کی مرمت ہوچکی ہے۔

    مراد علی شاہ نے آج سے پانی کی سپلائی ہر صورت شروع کرنے کی ہدایت کرتے ہوئے کہا کہ شہر کی تمام پرانی پانی کی لائنوں کی مرمت کی جائے۔

    وزیراعلیٰ سندھ کو اجلاس میں بریفنگ دیتے ہوئے کہا کہ کے فور کی توسیع کا منصوبہ محکمہ بلدیات کر رہی ہے، کے فورکی توسیع کامنصوبہ 71بلین روپےکی فنڈنگ سےکررہے ہیں، یہ منصوبہ سندھ حکومت، ایشین انفرا اسٹرکچر بینک ملکر کر رہےہیں۔

    بریفنگ میں کہنا تھا کہ کے فور کا ڈزائن مکمل ہوچکا ہے، ٹینڈر ہو چکا ہے اب کنٹریکٹ سائن ہونے والا ہے، کے فور کے کےبی فیڈر کی لائننگ پرکام تیزی سے جاری ہے جبکہ کے بی فیڈر کی لائننگ کا کام 2027تک مکمل ہوگا۔

    وزیراعلیٰ سندھ نے کے فور توسیع کے کاموں کو تیز کرنے کی ہدایت کرتے ہوئے کہا مجھے کام معیاری اور بروقت چاہئے

  • وزیراعلیٰ سندھ نے موٹر سائیکل سواروں کو خبردار کردیا

    وزیراعلیٰ سندھ نے موٹر سائیکل سواروں کو خبردار کردیا

    کراچی : وزیراعلیٰ سندھ مراد علی شاہ نے موٹرسائیکل سواروں کو خبردار کرتے ہوئے ہیلمٹ نہ پہننے والوں کیخلاف سخت کارروائی کا حکم دے دیا۔

    تفصیلات کے مطابق وزیراعلیٰ سندھ مراد علی شاہ کی ہدایت پر ٹریفک قوانین کی خلاف ورزیوں پر کریک ڈاؤن جاری ہے، ٹریفک پولیس کی 9 تا 16 اپریل تک کی پیش رفت رپورٹ وزیراعلیٰ کو پیش کردی گئی۔

    رپورٹ میں بتایا گیا ہیلمٹ نہ ہونے اور ٹریفک قوانین کی خلاف ورزیوں پر 11276 موٹرسائیکلیں ضبط کی گئیں جبکہ فینسی نمبر پلیٹس اور کالے شیشوں پر831 گاڑیوں کےخلاف کارروائی کی گئی۔

    کراچی:فٹنس نہ ہونے اور اووراسپیڈنگ پر193 ڈمپر اور ٹینکرز تحویل میں لیے گئے، ٹریفک پولیس نےگاڑیوں کی فٹنس نہ ہونےپررجسٹریشن منسوخی کی سفارش کی ہے۔

    وزیراعلیٰ سندھ نے بائیک رائیڈرز کو ہدایت کی ہیلمٹ پہنو، محفوظ رہو اور ہیلمٹ نہ پہننے والے موٹرسائیکل سواروں کیخلاف سخت کارروائی کا حکم دے دیا۔

    مراد علی شاہ کا کہنا تھا کہ شہریوں کے تحفظ کے لیے سخت اقدامات جاری رہیں گے، ان فٹ و غیر رجسٹرڈ گاڑیوں پر زیرو ٹالرنس ہے، فینسی نمبر پلیٹس و کالے شیشے پر فوری چالان کیا جائے۔

  • 70 ہزار سے 16 لاکھ روپے ماہانہ کمانے کا موقع ! پاکستانی نوجوانوں کے لئے بڑی خبر

    70 ہزار سے 16 لاکھ روپے ماہانہ کمانے کا موقع ! پاکستانی نوجوانوں کے لئے بڑی خبر

    کراچی : وزیراعلیٰ سندھ مراد علی شاہ نے 30 ہزار طلبہ کو گوگل اسکالر شپس دینے کا اعلان کردیا، جس سے طلبا کو 70 ہزار سے 16 لاکھ روپے ماہانہ کمانے کا موقع ملے گا۔

    تفصیلات کے مطابق سندھ حکومت، گوگل اور ٹیچ ویلی کے درمیان معاہدے کی تقریب وزیراعلیٰ ہاؤس میں منعقد کی گئی ، جس میں وزیراعلیٰ سندھ نے 30 جامعات کے 30 ہزار طلبہ کو اسکالر شپ دینے کا اعلان کردیا۔

    وزیراعلیٰ سندھ نے 30000 گوگل کیرئیر سرٹیفکیٹ اسکالر شپس کا افتتاح کیا اور گوگل کیریئر سرٹیفکیٹ کی تقریب سے خطاب کرتے ہوئے کہا کہ سندھ حکومت ڈیجیٹل تعلیم اورہنرمندی میں انقلابی اقدامات کررہی ہے، اسکالر شپس نوجوانوں کے روشن مستقبل میں سرمایہ کاری ہے، جس سے ڈیجیٹل مہارتوں سے سندھ کی سماجی و اقتصادی ترقی کو فروغ ملے گا۔

    Currency Rates in Pakistan Today- پاکستان میں آج ڈالر کی قیمت

    مراد علی شاہ کا کہنا تھا کہ سندھ حکومت اور گوگل کے درمیان اہم معاہدہ کیاگیاہے، کم مراعات یافتہ طبقات اور خواتین کیلئےخصوصی کوٹہ مختص کیا گیا ہے، کورسز گوگل کے ماہرین نے تیار کیے ہیں اور انہیں آن لائن مکمل کیا جا سکتا ہے۔

    انھوں نے بتایا کہ گوگل کیریئر سرٹیفکیٹ 3 سے 6 ماہ کی مدت کے کورسز ہیں، چاہتے ہیں سندھ کے طلبہ عالمی معیار کی تربیت حاصل کریں، اسکالر شپ میں 30 فیصدخواتین کاہدف رکھا گیا اور ساتھ پسماندہ طبقات پر توجہ دی جائیگی۔

    وزیراعلیٰ سندھ نے کہا کہ گوگل اسکالر شپ یافتہ طلبہ 70 ہزار سے 16 لاکھ روپے ماہانہ تنخواہ حاصل کر رہے ہیں، کم از کم 30 فیصد خواتین کو ڈیجیٹل تعلیم کے مواقع دیے جائیں گے، سندھ کے ہر نوجوان کے لیے مساوی تعلیمی مواقع یقینی بنائیں گے۔

  • یوم پاکستان پر گورنر سندھ اور وزیر اعلیٰ کی مزار قائد پر حاضری

    یوم پاکستان پر گورنر سندھ اور وزیر اعلیٰ کی مزار قائد پر حاضری

    یوم پاکستان پر کراچی میں اہم شخصیات نے مزار قائد پر حاضری دی اور بابائے قوم کو خراج عقیدت پیش کیا جن میں کامران ٹیسوری ، وزیر اعلیٰ سندھ سید مراد علی شاہ اور سندھ کابینہ کے دیگر وزرا شامل ہیں۔

     85 ویں یوم پاکستان کے موقع پر گورنر سندھ کامران ٹیسوری اور وزیراعلیٰ مراد علی شاہ نے مزار قائد پر حاضری دی، فاتحہ خوانی کی اور پھول بھی چڑھائے۔

    اس موقعے پر وزیر اعلیٰ سندھ مراد علی شاہ نے کہا کہ پاکستان میں ہر شخص کو مذہبی آزادی حاصل ہے، پاکستان میں ہم سب بھائیوں کی طرح رہتے ہیں، آج کا دن بھائی چارے اور ایک دوسرے سے تعاون کا درس دیتا ہے۔

    انہوں نے کہا کہ اپنے رہنماؤں کی قربانیوں کو کبھی فراموش نہیں کریں گے، پاکستان کو امن کا گہوارہ بنائیں گے، پاکستان کی معاشی ترقی کیلئے ہم سب نے ملکر کام کرنا ہے۔

    وزیراعلیٰ سندھ نے کہا کہ جعفر ایکسپریس، قلات، نوشکی، بنوں میں واقعات ہوئے ہیں، قومی سلامتی پارلیمانی کمیٹی کا اجلاس بھی کیا گیا، پی ٹی آئی کا قومی سلامتی کی پارلیمانی کمیٹی اجلاس میں شرکت نہ کرنا افسوس ناک ہے، بانی پی ٹی آئی بھی اپنی حکومت میں سلامتی کمیٹی اجلاس میں شرکت نہیں کرتے تھے۔

    دوسری جانب گورنر سندھ کامران ٹیسوری نے کہا کہ دعا ہے اللہ تعالیٰ پاکستان کو رہتی دنیا تک قائم رکھے، لگتا ہے پاکستان کی قدر کھوتے جارہے ہیں، اللہ سب کی زندگی میں اتحاد کے ساتھ احساس بھی پیدا کرے۔

    گورنر سندھ نے کہا کہ اللہ سب کو اس ملک میں رہتے ہوئے اس کی خدمت کی توفیق فرمائے، ملک میں آزادی سے رہ تو رہے ہیں، معاشی اور معاشرتی مسائل سے گزر رہے ہیں، دشمن چاہتا ہے ہم سے کوئی ایک غلطی ہو وہ ہمیں معاشی طور پر غیر مستحکم کرسکے۔

  • قومی جونیئر شطرنج چیمپئن مہک مقبول نے وزیراعلیٰ سندھ کو شطرنج میں ہرادیا

    قومی جونیئر شطرنج چیمپئن مہک مقبول نے وزیراعلیٰ سندھ کو شطرنج میں ہرادیا

    کراچی: قومی جونیئر شطرنج چیمپئن مہک مقبول نے وزیراعلیٰ سندھ مراد علی شاہ کو شطرنج میں ہرادیا۔

    تفصیلات کے مطابق انڈر 18قومی شطرنج چیمپئن مہک مقبول نے 15چالوں میں وزیراعلیٰ مراد علی شاہ کو ہرایا، مراد علی شاہ نے انڈر  18 قومی شطرنج چیمپئن مہک مقبول کو مبارکباد دی۔

    وزیراعلیٰ مراد علی شاہ نے کہا کہ مہک مقبول نے سرکاری اسکول کی بہتر تعلیم کیساتھ کھیل میں بھی شاندار کارکردگی دکھائی ہے۔

    واضح رہے کہ وزیراعلیٰ سندھ مراد علی شاہ نے انڈر 18 قومی جونیئر شطرنج چیمپئن مہک مقبول کو مقابلے کی دعوت دی تھی۔

    مہک مقبول گلوکار شہزاد رائے کے زندگی ٹرسٹ کے ایس ایم بی فاطمہ جناح اسکول کی طالبہ ہیں اور انہوں نے انڈر 18 ٹائٹل جیت کر قومی جونیئر چیمپئن کا اعزاز اپنے نام کیا ہے۔

  • شطرنج کا چیمپئن کون ہوگا ؟ وزیراعلیٰ سندھ اور مہک مقبول کے درمیان بڑا معرکہ آج ہوگا

    شطرنج کا چیمپئن کون ہوگا ؟ وزیراعلیٰ سندھ اور مہک مقبول کے درمیان بڑا معرکہ آج ہوگا

    کراچی : وزیراعلیٰ سندھ مراد علی شاہ اور پاکستان کی انڈر 18 شطرنج چیمپئن مہک مقبول بڑے معرکے میں آج مدمقابل ہوں گے۔

    تفصیلات کے مطابق وزیراعلیٰ سندھ مراد علی شاہ اور مہک مقبول کےدرمیان شطرنج کابڑا معرکہ آج ہوگا۔

    ترجمان وزیراعلیٰ سندھ نے کہا کہ دلچسپ مقابلہ پہر 3 بجےوزیراعلیٰ ہاؤس سے براہ راست نشر کیا جائے گا۔

    جس دوران شطرنج کے تخت پر ذہانت کی جنگ کیلئے تجربہ اورابھرتی ہوئی صلاحیتیں آمنے سامنے ہوں گی۔

    پاکستان کی انڈر 18 شطرنج چیمپئن مہک مقبول نے حال ہی میں نیشنل یوتھ چیس چیمپیئن شپ جیتی ہے۔

    مہک مقبول سندھ حکومت کے ایس ایم بی فاطمہ جناح گورنمنٹ اسکول کی طالبہ ہیں۔

    واضح رہے کہ سندھ حکومت کے ایس ایم بی فاطمہ جناح گورنمنٹ اسکول کو زندگی ٹرسٹ نے اپنایا ہے۔

  • ڈومیسائل معاملے پر غلطی کرنیوالے کو سزا دینگے: وزیراعلیٰ سندھ

    ڈومیسائل معاملے پر غلطی کرنیوالے کو سزا دینگے: وزیراعلیٰ سندھ

    کراچی: وزیراعلیٰ سندھ سید مراد علی شاہ نے کہا ہے کہ ڈومیسائل معاملے پر غلطی کرنیوالے کو سزا دینگے۔

    تفصیلات کے مطابق وزیراعلیٰ سندھ سید مراد علی شاہ نے کراچی میں میڈیا سے گفتگو میں کہا کہ ڈومیسائل کے معاملے پر تحقیقات کر رہے ہیں، غلطی کرنیوالے کو سخت سزا دینگے۔

    وزیراعلیٰ سندھ سید مراد علی شاہ نے مزید کہا کہ ایف بی آر کی کلیکشن پر مجھے تحفظات ہیں، شکایت ہے جو رقم وقت پر جمع ہوتی ہے اسے بروقت منتقل نہیں کیا جاتا ہے۔

    وزیراعلیٰ سندھ نے کہا کہ وفاقی حکومت سےگزارش ہے رقم کو بروقت منتقل کیا جائے،گزشتہ سال میرے خیال میں 80 ارب روپے سے زائد کی رقم تھی، گزشتہ سال کی رقم ہمیں اس سال ملتی ہے۔

    کراچی کے میڈیکل کالجوں میں کئی امیدواروں کے پاس دہرے ڈومیسائل ہونے کا انکشاف

    واضح رہے کہ گزشتہ دنوں کراچی کے میڈیکل کالجوں میں اندرون سندھ، پنجاب اور وفاق کے 100 سے زائد ایسے امیدواروں کے داخلے لینے کا انکشاف ہوا تھا جو دہرے ڈومیسائل کے حامل ہیں۔

    ذرائع نے اس حوالے نے بتایا تھا کہ کراچی کے میڈیکل کالجوں میں 100 سے زائد امیدواروں کے پاس دہرے ڈومیسائل ہونے کا انکشاف ہوا ہے، امیدوار گزشتہ سال اندرون سندھ میں داخلہ نہ ملنے پر اس سال کراچی کا ڈومیسائل بنا کر کامیاب ہوگئے۔