Tag: وزیراعلیٰ سندھ

کراچی : وزیراعلیٰ سندھ سید مراد علی شاہ نے اے آر وائی نیوز پر پابندی کی مخالفت کرتے ہوئے کہا کہ کسی بھی چینل پر پابندی کے خلاف ہوں۔

تفصیلات کے مطابق وزیراعلیٰ سندھ نے بچوں کو پولیو کے قطرے پلاکر مہم کا آغاز کیا ، اس موقع پر میڈیا سے گفتگو کرتے ہوئے کہا کہ جولائی 2020 کے بعد سندھ میں کوئی بھی پولیوکاکیس نہیں آیا، ایک سال سے زائد عرصہ ہوگیا پولیو وائرس کے تمام سیمپل نیگٹو آئے۔

صحافی کی جانب سے اے آر وائی نیوز پر پابندی کے سوال پر مراد علی شاہ نے کہا کہ کسی بھی چینل پر پابندی کے خلاف ہوں، چینل بند نہیں ہونا چاہیے اور ہماری سپورٹ ہمیشہ رہے گی۔

اے آروائی نیوز براہِ راست دیکھیں live.arynews.tv پر

وزیراعلیٰ سندھ کا کہنا تھا کہ آصف زرداری اوربلاول بھٹوزرداری آزادی اظہاررائےکےحق میں ہیں، پیپلزپارٹی میڈیا کی آزادی کیلئے ہمیشہ جدوجہد کرتی رہی ہے کرتی رہے گی۔

انھوں نے کہا کہ کسی بھی صحافی پرکوئی بھی قدغن پابندی نہیں ہونی چاہئے تاہم صحافیوں اور میڈیا ہاؤسز کو بھی آئین اورقانون کی پاسداری ضرور کرنا چاہئے۔

مراد علی شاہ کا کہنا تھا کہ ایسا ماحول بنا دیا گیا ہے کہ ملک پتا نہیں کہاں جارہا ہے، صوبے کے لوگوں نے پیپلزپارٹی کو گزشتہ 3الیکشنز میں بڑی کامیابیاں دلائیں، انشااللہ 2023 کے الیکشن میں بھی سندھ کے لوگ پی پی کو کامیاب کرائیں گے۔

سندھ بلدیاتی الیکشن کے حوالے وزیراعلیٰ سندھ نے بتایا کہ ضابطہ اخلاق کےتحت چلیں الیکشن بھی ہوجائیں گے، 21تاریخ کوبائے الیکشن اور28اگست کولوکل گورنمنٹ الیکشن کا سیکنڈ فیز ہے۔

خیال رہے یہاں یہ بات قابل ذکر ہے کہ سندھ ہائی کورٹ کی جانب سے پاکستان الیکٹرانک میڈیا ریگولیٹری اتھارٹی (پیمرا) اور کیبل آپریٹرز کو احکامات کے باوجود اے آر وائی نیوز کی نشریات تاحال بحال نہیں ہو سکی۔

کراچی : وزیراعلیٰ سندھ مراد علی شاہ نے کورونا کے پھیلاؤ کے پیش نظر شہریو‌ں پر ہاتھ ملانے پر پابندی لگادی اور کہا عوام احتیاطی تدابیراپنائیں۔

تفصیلات کے مطابق وزیراعلیٰ سندھ مرادعلی شاہ کی زیر صدارت کورونا ٹاسک فورس کااجلاس ہوا ، جس میں سیکریٹری صحت نے بریفنگ دیتے ہوئے کہا کہ کورونا کیسز کا ٹرینڈ 24 جون سےبڑھناشروع ہوا ہے۔

سیکریٹری صحت نے بتایا کہ 24جون کو کیسز کی تعداد 248 تھی، 26 جون کو 337 ہوئی اور 28 جون کو 431 اور 30جون کو 465 کورونا کیسز ہوگئے۔

وزیراعلیٰ سندھ مراد علی شاہ نے کہا کہ کورونا مریضوں کی تعداد 4059 ہےاور اسپتال میں 63 داخل ہیں، جس سے ظاہر ہوتا ہے اسپتالوں میں داخلہ کی شرح کم ہے، عوام ویکسی نیشن اور بوسٹر لگوائیں۔

کورونا ٹاسک فورس کے اجلاس میں کورونا سے بچنے کے لیے ہاتھ ملانے پر پابندی کا فیصلہ کیا گیا۔

مراد علی شاہ نے روز دیا کہ عیدالاضحیٰ اورمحرم کے بڑے ایونٹس آرہے ہیں، ان ایونٹس سے پہلے ہی ہمیں کورونا کی شرح کو نیچےلانا ہے۔

وزیراعلیٰ سندھ نے کورونا ٹیسٹنگ بڑھانے کی ہدایت دیتے ہوئے کہا کہ عوام احتیاطی تدابیراپنائیں اورکوروناکےشرح کوکم کریں ، عوام ماسک پہنے، سماجی دوری کو یقینی بنائیں۔

اسلام آباد : وزیر اعلیٰ سندھ مراد علی شاہ نے حکومت کو چیلینج کیا ہے کہ آج قومی اسمبلی اجلاس بلالیں پتا چل جائے گا نمبر پورے ہیں یا نہیں۔

تفصیلات کے مطابق وزیر اعلیٰ سندھ مراد علی شاہ نے احتساب عدالت میں پیشی کے موقع پر میڈیا سے گفتگو کرتے ہوئے کہا کہ کیس میں ہم 20سے25پیشیاں بھگت چکےہیں، کیس میں حاضری لگانے کیلئے کراچی سے آتے ہیں ، اب نوری آباد کیس کی آئندہ سماعت رمضان میں ہونی ہے۔

ایم کیو ایم کے حوالے سے مراد علی شاہ کا کہنا تھا کہ ایم کیو ایم کے مطالبات جائز ہیں ، ان کے مطالبات پر بلاول بھٹو کواعتراض نہیں ہے۔

عدم اعتماد سے متعلق وزیراعلیٰ سندھ نے کہا کہ 172سےزائد لوگ عدم اعتماد کی حمایت کریں گے، عدم اعتماد کے پیچھے پاکستان کے کروڑوں عوام ہیں ، عمران خان نے اگر1کروڑ نوکریاں،50لاکھ گھر دیئے تو ہی لوگ آئیں گے۔

فصل الرحمان کے اعلان پر ان کا کہنا تھا کہ کل رات فضل الرحمان نے کہا 25 مارچ کو اسلام آباد پہنچیں، کراچی سے مارچ نکلا تو پی ڈی ایم نے شرکت کی تھی ، 25مارچ سے متعلق فیصلہ پارٹی قیادت ملکر کرے گی۔

مراد علیٰ شاہ نے مزید کہا میں تو سمجھا تھا عمران خان الیکٹڈ ہے آپ کہہ رہے ہیں کہ وہ سلیکٹڈ ہے، ساراکام دوسروں سےکراتے رہے خود کچھ نہ سیکھا۔

وزیراعلیٰ سندھ کا کہنا تھا کہ ہفتے10دن میں اگلی حکومت آرہی ہے، جوحکومت آئی ان سے کہوں گا ، گورنر ہاؤس اور وزیراعظم ہاؤس کی یونیورسٹیز کو بند نہ کریں۔

انھوں نے کہا کہ ایمپائر کے فیصلے پر اعتراض کیا جاتا ہے ، یہی حال ابھی وفاقی حکومت کاہے، کھیل میں جب ٹیم ہار رہی ہو تو میدان چھوڑنے کی دھمکی دی جاتی ہے، ان کا مقصد صرف ایک تھاملکی عوام کو تکلیف دیں۔

حکومت کے حوالے سے مراد علی شاہ کا کہنا تھا کہ یہ جتنا مرضی دیر کرلیں 28 مارچ سے آگے جا نہیں سکتے، یہ کہتے ہیں فضل الرحمان جلسے کا اس لئے بول رہے ہیں کہ نمبرز پورے نہیں، چیلنج کرتا ہوں آج قومی اسمبلی اجلاس بلالیں پتاچل جائے گا نمبر پورے ہیں یا نہیں۔