Tag: وزیراعلیٰ پنجاب

لاہور: وزیراعلیٰ پنجاب سردار عثمان بزادر نے کہا کہ کیا شریف برادران 30 سال میں ایک اسپتال بھی نہ بنا سکے جہاں ان کا علاج ہو؟۔

تفصیلات کے مطابق وزیراعلیٰ پنجاب نے سماجی رابطے کی ویب سائٹ ٹویٹر پر اپنے پیغام میں کہا کہ شہبازشریف کہتے ہیں نواز شریف کو کچھ ہوا تو حکومت ذمے دار ہوگی، کیا حکومت نے انہیں من پسند جگہ پرعلاج کی پیشکش نہیں کی؟۔

سردار عثمان بزدار نے کہا کہ نواز شریف کو اپنے بھائی کے بنائے اور ذاتی 2 اسپتالوں پر بھی اعتبار نہیں؟ کیا شریف میڈیکل سٹی اور اتفاق اسپتال بھی ناقص علاج کرتے ہیں؟۔

وزیراعلیٰ پنجاب نے کہا کہ کیا نواز شریف محض ضمانت کے لیے اسپتال نہ جانے کا دباؤ نہیں ڈال رہے؟۔

انہوں نے کہا کہ وزیراعظم نے ہمیشہ اپنا علاج شوکت خانم سے کرایا، ان کے والد کا علاج بھی وہیں ہوا، کیا شریف برادران 30 سال میں ایک اسپتال بھی نہ بنا سکے جہاں ان کا علاج ہو؟۔

یاد رہے کہ گزشتہ روز لاہور میں میڈیا سے گفتگو کرتے ہوئے شہبازشریف کا کہنا تھا کہ حکومت نوازشریف کی صحت کے مسائل کو سنجیدہ نہیں لے رہی۔

شہبازشریف کا کہنا تھا کہ نوازشریف کی طبعیت ٹھیک نہیں ہے، اگر سابق وزیراعظم کو کچھ ہوا تو اس کی ذمہ دار حکومت اور وزیراعظم ہوں گے۔

ملتان: وزیراعلیٰ پنجاب سردار عثمان بزدارآج پولیس موبائل خدمت مرکز وین کا افتتاح کریں گے۔

تفصیلات کے مطابق وزیراعلیٰ پنجاب عثمان بزدار ترقیاتی منصوبوں سے متعلق آج اجلاس کی صدارت کریں گے۔

سردارعثمان بزدار پولیس موبائل خدمت مرکزوین کا افتتاح بھی کریں گے، سرکٹ ہاؤس میں ہونے والی تقریب میں آرپی او وزیراعلیٰ پنجاب کو بریفنگ دیں گے۔

یاد ریے کہ 4 روز قبل وزیراعلیٰ پنجاب سردار عثمان بزدار کا کہنا تھا کہ شعبہ زراعت کی ترقی، کسانوں کی خوشحالی ہمارا مشن ہے۔

کسان خوشحال ہوگا توملک ترقی کرے گا‘ وزیراعلیٰ پنجاب

سردار عثمان بزدارکا کہنا تھا کہ زرعی شعبہ معیشت کی مضبوطی کے لیے ریڑھ کی ہڈی کی حیثیت رکھتا ہے، کسان خوشحال ہوگا تو ملک ترقی کرے گا۔

وزیراعلیٰ پنجاب کا کہنا تھا کہ ملکی معیشت کی ترقی کسان کی خوشحالی سے وابستہ ہے، زرعی شعبے کے لیے لانگ ٹرم منصوبہ بندی کی جا رہی ہے۔

سردار عثمان بزدار کا کہنا تھا کہ جعلی زرعی ادویات تیاروفروخت کرنے والوں کے خلاف ایکشن ہوگا، جعلی زرعی ادویات کے ناسورکو ختم کریں گے۔