Tag: وزیراعلیٰ پنجاب

لاہور: وزیراعلیٰ پنجاب عثمان بزدار نے یوم فضائیہ پر اپنے پیغام میں کہا کہ آج پاک فضائیہ کی قربانیوں کوخراج تحسین پیش کرنے کا دن ہے۔

تفصیلات کے مطابق یوم فضائیہ کے موقع پر وزیراعلیٰ پنجاب سردار عثمان بزدار نے کہا کہ 7 ستمبر پاک فضائیہ کی تاریخ میں امتیازی حیثیت رکھتا ہے۔

سردار عثمان بزدار نے کہا کہ شاہینوں نے شجاعت وبہادری کی عظیم داستان رقم کی، پاک فصائیہ نے جرات سے ملکی دفاع کیا اوردشمن کو شکست دی۔

انہوں نے کہا کہ آج پاک فضائیہ کی قربانیوں کوخراج تحسین پیش کرنے کا دن ہے، 7ستمبرکوپاک فضائیہ نے دشمن کی فضائی طاقت کو نیست ونابود کیا۔

وزیراعلیٰ پنجاب نے کہا کہ 1965 کی جنگ میں پاک فضائیہ کا کرداردفاعی تاریخ میں یاد رکھا جائے گا، وطن کے لیے جانیں نچھاورکرنے والے جانبازقوم کے ہیرو ہیں۔

سردار عثمان بزدار نے مزید کہا کہ پاک فضائیہ کا شماردنیا کی بہترین فضائی فورسز میں ہوتا ہے، آج بھی پاک فضائیہ دشمن کی ہرچال کاجواب دینے کے لیے تیار ہے۔

یوم فضائیہ آج ملک بھرمیں ملی جوش وجذبے سے منایا جا رہا ہے

واضح رہے کہ ملک بھر میں ائیرفورس کے شہیدوں اورغازیوں کوخراج عقیدت پیش کرنے کے لیے آج یوم فضائیہ ملی جوش وجذبے سے منایا جا رہا ہے۔

لاہور: وزیراعلیٰ پنجاب سردارعثمان بزدار سے اسٹیشن کمانڈرپاکستان نیوی لاہورڈاکٹر ساجد نے ملاقات کی اور انہیں وزیراعلیٰ بننے پرمبارکباد دی۔

تفصیلات کے مطابق وزیراعلیٰ پنجاب سے اسٹیشن کمانڈرپاکستان نیوی لاہورڈاکٹر ساجد نے ملاقات کی جس میں باہمی دلچسپی کے امور اور پاکستان نیوی کی پیشہ ورانہ سرگرمیوں پر تبادلہ خیال کیا گیا۔

اسٹیشن کمانڈرڈاکٹرساجد محمود نے عثمان بزدارکو وزیراعلیٰ بننے پرمبارکباد دی اور نیک تمناؤں کا اظہار کیا گیا۔

وزیراعلیٰ پنجاب نے پاکستان نیوی کے بہادرسپوتوں کی شجاعت کوخراج تحسین پیش کرتے ہوئے کہا کہ سمندری حدود کی حفا ظت کے لیے پاک نیوی کے کردارکی دنیا معترف ہے۔

سردارعثمان بزدار کا کہنا تھا کہ پاکستان نیوی بہترین پیشہ ورانہ بحری قوت ہے، پاکستان نیوی دشمن کو منہ توڑ جواب دینے کی صلاحیت رکھتی ہے۔

وزیراعلیٰ پنجاب کا کہنا تھا کہ پاکستان نیوی نےملکی دفاع کے لیے گرانقدرخدمات انجام دی ہیں، قوم کو پاکستان نیوی کی بہادری وشجاعت پر فخر ہے۔

انہوں نے مزید کہا کہ پاکستان نیوی نے قدرتی آفات میں بھی عوام کی بے لوث خدمت کی، تعلیم وصحت کے میدان میں پاکستان نیوی کی خدمات لائق تحسین ہیں۔

لاہور: وزیراعلیٰ پنجاب سردار عثمان بزدار کا کہنا ہے کہ پولیس نظام میں وہی تبدیلیا ں لائیں گے جو خیبرپختونخواہ پولیس میں لائی گئیں۔

تفصیلات کے مطابق وزیراعلیٰ پنجاب سردارعثمان بزدار سے ڈیرہ غازی خان کےعمائدین کے وفد نے ملاقات کی اورانہیں وزیراعلیٰ کا منصب سنبھالنے پر مبارکباد دی۔

اس موقع پرسردار عثمان بزدار کا کہنا تھا کہ جنوبی پنجاب کےعوام کو ان کے حقوق ملیں گے، ڈی جی خان میں مویشی چوری سمیت اسٹریٹ کرائم کنٹرول کریں گے۔

وزیراعلیٰ پنجاب کا یہ بھی کہنا تھا کہ وزیراعظم عمران خان کی ٹیم ان کی توقعا ت پرپوری اترے گی ان کا مزید کہنا تھا کہ پولیس نظام میں وہی تبدیلیا ں لائیں گے جوکے پی پولیس میں لائی گئیں۔

عمران خان کے نئے پاکستان کے خواب کو حقیقت میں بدلنا ہے‘ عثمان بزدار

خیال رہے کہ گزشتہ روز وزیراعلیٰ پنجاب عثمان بزدارکا کہنا تھا کہ عمران خان کے نئے پاکستان کے خواب کو حقیقت میں بدلنا ہے، گڈ گورننس کو فروغ دیں گے، کرپشن برداشت نہیں کروں گا۔

عثمان بزدارکا یہ بھی کہنا تھا کہ سب کو ساتھ لے کر چلیں گے اور مشاورت سے فیصلے ہوں گے، جب بھی نئی حکومت آتی ہے تو ردوبدل ہوتا ہے، یقین دلاتا ہوں ہم نے ردوبدل نہیں کرنا ہے۔

پنجاب میں کرپشن کسی صورت برداشت نہیں کریں گے‘ وزیراعلیٰ پنجاب

واضح رہے کہ تین روز قبل وزیراعلیٰ پنجاب کا کہنا تھا کہ ہمارا مقصد صرف کام کام اور صرف کام ہے، ہمیں تبدیلی لانی ہے جو آسان کام نہیں، اس کے لیے بھرپور محنت کریں گے۔