لاہور : وزیراعلیٰ پنجاب شہباز شریف کا کہنا ہے کہ میری ایک دھیلےکی کرپشن بھی ثابت ہوئی توقصور وار ہوں گا،کرپشن کا خاتمہ پورے ملک میں ہونا چاہیے، ڈبل اسٹینڈرڈ نہیں چلے گا، سب کا احتساب ہونا چاہیے، آئندہ حکومت کا موقع ملا تو پاکستان میں کوئی بے روزگار نہیں ہوگا۔
تفصیلات کے مطابق وزیراعلیٰ پنجاب شہباز شریف نے تقریب سے خطاب کرتے ہوئے کہا کہ مزدوروں کو سلام پیش کرتا ہوں، بغیر کسی خود غرضی کے کام انجام دینا ولایت نہیں تو کیا ہے ، عظیم قوم کے بیٹوں اور بیٹیوں کو بلاسود قر ضہ دیئے گئے ، 20 لاکھ افراد کو قر ضے دیے گئے ہیں۔
شہباز شریف کا کہنا تھا پنجاب انڈومنٹ فنڈمیں کسی سیاسی شخص نے سفارش نہیں کی، ایک کروڑ 20 لاکھ افراد قر ضوں سے فائدہ اٹھائیں گے ، 46ارب روپے کے قرضے دیئے،99فیصد واپس آئے، ماضی میں اشرافیہ نے اربوں روپے کے قرضے لے کرمعاف کرائے۔
[bs-quote quote=” میری ایک دھیلے کی کرپشن بھی ثابت ہوئی توقصوروار ہوں گا” style=”default” align=”left” author_name=”شہباز شریف” author_job=”مسلم لیگ ن” author_avatar=”https://arynewsudweb.wpengine.com/wp-content/uploads/2018/05/Shahbaz60x60.jpg”][/bs-quote]
وزیراعلیٰ پنجاب نے کہا کہ لگژری گاڑیاں او رمحلات والوں کوکوئی پوچھنے والا نہیں، اس سے بڑا اور کوئی جرم ہو سکتا ہے؟ بوسیدہ نظام کو بدلنے کے لیے عوام کو کھڑے ہونا ہوگا، غریبوں کوقرضے دیئے امانت سمجھ کرانہوں نے واپس کیے۔
ان کا کہنا تھا کہ میں نمائش پریقین نہیں رکھتا، گناہ گار آدمی ہوں اور اللہ سے معافی مانگتا ہوں، جب بھی خدمت کا موقع ملا،عوام کی بھرپور خدمت کی، نیب کا سورج آج کل پنجاب کی دھرتی پربہت چمک رہا ہے، پنجاب پر عقابی نظریں لگائے بیٹھے ہیں۔
شہباز شریف نے کہا کہ پنجاب بھرمیں بہترین منصوبے بنائے آپ دیکھ سکتے ہیں، آج پھر کہتا ہوں ایک دھیلے کی کرپشن بھی ثابت نہیں کرسکتے، میری ایک دھیلے کی کرپشن بھی ثابت ہوئی توقصوروار ہوں گا، میں نےعوام کا مستقبل بدلنے کیلئے دن رات محنت کی ہے۔
وزیراعلیٰ پنجاب کا کہنا تھا کہ سب جانتے ہیں کس نے اربوں کےقرضے لے کرمعاف کرائے، آپ نے کرپشن کے خاتمے کا ٹھیکہ اٹھایا ہے تواچھی بات ہے، کرپشن کے خاتمے کی ذمہ داری اٹھائی ہے تو یکساں ہونا چاہیے، کرپشن کا خاتمہ پورے ملک میں ہونا چاہیے، ڈبل اسٹینڈرڈ نہیں چلے گا سب کا احتساب ہونا چاہیے۔
انھوں نے مزید کہا کہ یہ نہیں کہتا پنجاب میں کرپشن ختم ہوگئی ہے، چین نے ترقی کیلئے ماضی میں پاکستان کوقرضہ دیا، نیب اور دیگراداروں کو ویلکم کرتے ہیں مگردہرا معیار نہیں چلےگا، میری ٹیم نے منصوبوں میں کئی سو ارب روپے کی بچت کی۔
[bs-quote quote=”آئندہ حکومت کا موقع ملا تو پاکستان میں کوئی بے روزگار نہیں ہوگا” style=”default” align=”left” author_name=”شہباز شریف ” author_job=”مسلم لیگ ن ” author_avatar=”https://arynewsudweb.wpengine.com/wp-content/uploads/2018/05/Shahbaz60x60.jpg”][/bs-quote]
شہباز شریف کا کہنا تھا کہ اورنج لائن چین کا منصوبہ ہے، پی ٹی آئی نےاس منصوبے میں22 ماہ کی تا خیر کرائی ، عوام کوبتانے کیلئے کہ قر ضہ کتنا سستا ہے بولی کرائی گئی، 200 ارب روپے سب سے کم بولی لگائی گئی، قیمت کم کرانے کیلئے 7ماہ انتظار کیا اسے165ارب روپے پر لایا، بولی کےبعد165ارب میں سے9 ارب روپے اور کم کرائے،اس سے زیادہ میں اور کیا کرسکتا ہوں؟
ان کا کہنا تھا کہ ہر وقت جلدی میں عوام کو وقت پر سہولتیں دینےکیلئے ہوتا ہوں، اب چین پاکستان میں تمام منصوبوں کی ٹینڈرنگ ہوا کرے گی۔
عمران خان پر تنقید کرتے ہوئے وزیراعلیٰ پنجاب نے کہا کہ خان صاحب کا دھرنا کام نہ کرنا، وہ مرسوں مرسوں کام نہ کرسوں، کے پی کے میں نہ اسپتال بنایانہ یونیورسٹی، جنگلابس بھی نہ بنی۔
شہباز شریف کا کہنا تھا کہ عوام کی خدمت کا موقع، قوم کا پیشہ قوم کے قدموں میں ڈالا، آئندہ حکومت کا موقع ملا تو پاکستان میں کوئی بے روزگار نہیں ہوگا، آئندہ حکومت کا موقع پر ملک کو قائداعظم کا پاکستان بنائیں گے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
