Tag: وزیراعلیٰ پنجاب

لاہور : وزیراعلیٰ پنجاب سردارعثمان بزدار نے ایک لاکھ نوکریوں کا اعلان ٹاپ ٹرینڈ بن گیا ، مشکل معاشی حالات میں ایک لاکھ نوکریوں کااعلان عوام کے لیے تحفہ ہے۔

تفصیلات کے مطابق ترجمان پنجاب حکومت حسان خاور کی جانب سے بیان میں کہا گیا ہے کہ سماجی رابطوں کی ویب سائٹ پر ہیش ٹیگ "ایک لاکھ نوکریاں” سب سے اوپر ہے، ہزاروں لوگوں نے سوشل میڈیا پر وزیراعلیٰ پنجاب کے ایک لاکھ نوکریوں کے اعلان کو سراہا۔

حسان خاور کا کہنا تھا کہ مشکل معاشی حالات میں ایک لاکھ نوکریوں کااعلان عوام کے لیے تحفہ ہے، ان نوکریوں سے لاکھوں گھرانوں میں خوشحالی آئے گی۔

ترجمان نے مزید کہا ہمارا اولین مقصد تعلیم، تجربے اور شفافیت کو فوقیت دینا ہے، ایک لاکھ نوکریوں سےاداروں کی سروس ڈیلیوری میں بھی بہتری آئےگی، حکومت پنجاب خدمت کی سیاست پرعمل پیرا ہے۔

یاد رہے وزیراعلیٰ پنجاب سردار عثمان بزدار نے صوبے بھر کے مختلف محکموں میں ایک لاکھ آسامیوں پر بھرتیوں کی منظوری دی تھی اور ہدایت کی ریکروٹمنٹ پالیسی کے مطابق بھرتی کا عمل شفاف اور خالصتاً میرٹ کی بنیاد پر ہوگا۔

پہلے مرحلے میں محکمہ تعلیم میں 33 ہزار خالی آسامیوں میں سے 16 ہزار کو پر کیا جائے گا، محکمہ پرائمری ہیلتھ کیئر میں 1200 خالی آسامیاں، سپیشلائزڈ ہیلتھ کیئر 2900، ہائر ایجوکیشن 2600، کالج ٹیچرز انٹرنز 3500، سول ڈیفنس 1200، محکمہ جیل خانہ جات میں 4300 اور پٹواریوں کی 4800 آسامیاں مرحلہ وار پر کی جائیں گی۔

انہوں نے کہا کہ بھرتیوں کا میرٹ تعلیم اور تجربہ ہے، عوام کو پتہ ہے کہ وزیراعلیٰ نے ٹھوس بنیاد پر حکمت عملی بنائی اور بات چیت سے مسائل حل ہوئے، اگر کوئی پرفارم نہیں کرے گا تو وہ تبدیل ہوگا، اگر پچیس بار تبدیل کرنا پڑے تو یہ کیا جائے گا

لاہور : وزیراعلیٰ عثمان بزدار نے سعودی سفیر کی جانب سے دورہ سعودی عرب کی دعوت قبول کرلی اور کہا تعمیر وترقی میں سعودی حکومت کے تعاون کو قدر سے دیکھتے ہیں۔

تفصیلات کے مطابق وزیر اعلی پنجاب عثمان بزدار سے سعودی عرب کےسفیر نواف بن سعید احمد المالکی کی ملاقات ہوئی ، ملاقات میں باہمی تعلقات کے فروغ اور مختلف شعبوں میں تعاون بڑھانے پرتبادلہ خیال کیا گیا۔

دوران ملاقات دبئی ایکسپو میں باہمی تجارت کے فروغ کے لیےایم او یو سائن کرنے پر اتفاق کیا گیا ، عثمان بزدار نے کہا کہ اسپیشل اکنامک زون میں زیرواین او سی کی پالیسی لارہے ہیں ، پنجاب میں بزنس کوفرینڈلی اور رسک فری بنا رہے ہیں۔

وزیراعلیٰ پنجاب کا کہنا تھا کہ سرمایہ کاروں کےلیےسی ایم آفس میں خصوصی ڈیسک بنارہے ہیں ، سعودی عرب نےہر مشکل گھڑی میں معاونت کر کے تعلق نبھایا، پاکستان او رسعودی عرب کےعوام اسلامی اخوت میں بندھے ہیں ، تعمیر وترقی میں سعودی حکومت کے تعاون کو قدر سے دیکھتے ہیں۔

سعودی سفیر نے وزیراعلیٰ عثمان بزدار کوسعودی عرب کا دورہ کرنے کی دعوت دی ، وزیراعلیٰ عثمان بزدار نے شکریےکے ساتھ دورہ سعودی عرب کی دعوت قبول کرلی۔

سعودی عرب کے سفیر نے پنجاب میں بزنس فرینڈلی ماحول پرحکومت کوسراہتے ہوئے کہا پاکستان کےلوگ محبت کرنے والے اور منفرد ہیں ، پاکستان ہر نعمت اور قدرتی وسائل سے مالا مال ہے، بیرون ملک سےسیاحوں کےآنے سے پاکستان کا امیج بہتر ہوسکتا ہے۔

لاہور : وزیراعلیٰ پنجاب عثمان بزدار نے بہاولنگردھماکے کے متاثرین کیلئے 10،10لاکھ روپے امدادکااعلان کرتے ہوئے کہا پنجاب حکومت کی ہمدردیاں لواحقین،زخمیوں کےساتھ ہیں۔

تفصیلات کے مطابق وزیراعلیٰ پنجاب عثمان بزدار نے بہاولنگردھماکے کے متاثرین کیلئے امدادکااعلان کردیا ، عثمان بزدار نے کہا کہ پنجاب حکومت لواحقین کو10،10لاکھ روپے اور شدید زخمیوں کو5،5لاکھ روپے مالی امداد دے گی جبکہ دیگر11زخمیوں کوایک،ایک لاکھ روپےمالی امداددی جائےگی۔

وزیراعلیٰ پنجاب کا کہنا تھا کہ مالی امدادانسانی جان کانعم البدل نہیں، جن کےپیارےدنیاسےچلےگئےان کاغم وہی جانتےہیں، پنجاب حکومت کی ہمدردیاں لواحقین،زخمیوں کےساتھ ہیں۔

یاد رہے وزیر اعلیٰ پنجاب نے بہاولنگر میں دستی بم حملے کا نوٹس لیتے ہوئے واقعے کی تفصیلات طلب کیں تھیں اور ملزمان کو فوری گرفتار کرنے کی ہدایت کی، دستی بم حملے میں 2 افراد جاں بحق اور متعدد زخمی ہوئے۔

آئی جی پنجاب نے کہا تھا کہ واقعہ کاملزم سی ٹی ڈی نے گرفتار کر لیا اور تحقیقات جاری ہیں، ملزم کیساتھ کوئی اوربھی ملوث پایاگیاتواسےبھی کیفرکردارتک پہنچایاجائے گا۔

آئی جی پنجاب نے ایڈیشنل آئی جی جنوبی پنجاب اور آر پی اوبہاولپورکوموقع پرپہنچنے کا حکم دیتے ہوئے کہا عوام پرامن رہیں اور شرپسندوں کی سازش کو ناکام بنائیں۔