ARYNews.tv | Urdu – Har Lamha Bakhabar

Tag: وزیراعلیٰ پنجاب

  • وزیراعلیٰ پنجاب کا عظمیٰ بخاری کو 25 کروڑ روپے ہرجانے کا قانونی نوٹس

    وزیراعلیٰ پنجاب کا عظمیٰ بخاری کو 25 کروڑ روپے ہرجانے کا قانونی نوٹس

    لاہور : وزیراعلیٰ پنجاب عثمان بزدار نے مسلم لیگ ن کی رہنما عظمیٰ بخاری کو 25کروڑ روپے ہرجانے کا قانونی نوٹس بھجوا دیا، جس میں کہا ہے کہ 14دن میں بے بنیادالزامات پر معافی مانگیں یا قانونی کارروائی کا سامنا کرنا ہوگا۔

    تفصیلات کے مطابق وزیراعلیٰ پنجاب عثمان بزدار نے مسلم لیگ ن پنجاب کی ترجمان عظمیٰ بخاری کو 25کروڑ روپے ہرجانے کا قانونی نوٹس بھجوا دیا، وزیراعلیٰ کی قانونی ٹیم کی جانب سے عظمیٰ بخاری کو ہتک عزت کالیگل نوٹس بھجوایاگیا۔

    لیگل نوٹس میں وزیراعلیٰ اور پرنسپل سیکریٹری کیخلاف الزامات من گھڑت اور بے بنیاد قرار دیتے ہوئے کہا گیا ہے کہ عظمیٰ بخاری نےپریس کانفرنس میں شرانگیز ،گمراہ کن الزامات لگائے۔

    نوٹس کے متن میں کہا ہے کہ عظمیٰ بخاری نےوزیراعلیٰ آفس پرپوسٹنگ ٹرانسفرپیسےلیکر کرنےکے الزامات لگائےتھے ، وہ 14دن میں بےبنیادالزامات پر معافی مانگیں یا قانونی کارروائی کاسامناکرنا ہوگا۔

    وزیراعلیٰ پنجاب کی جانب سے لیگل نوٹس میں عظمیٰ بخاری کی پریس کانفرنس کا متن بھی لف کیا گیا۔

  • بڑے وعدے ، وزیراعلیٰ پنجاب سے جہانگیر خان ترین گروپ کی ملاقات کی اندرونی کہانی سامنے آگئی

    بڑے وعدے ، وزیراعلیٰ پنجاب سے جہانگیر خان ترین گروپ کی ملاقات کی اندرونی کہانی سامنے آگئی

    لاہور : وزیراعلیٰ پنجاب عثمان بزدار نے جہانگیر خان ترین گروپ کے ارکان سے آئندہ بجٹ میں ترقیاتی اسکیمیں دینے کا وعدہ کرلیا اور تمام مسائل ایک ماہ میں حل کرانے کی یقین دہانی کرادی۔

    تفصیلات کے مطابق  وزیراعلیٰ پنجاب عثمان بزدار سے جہانگیر خان ترین گروپ کی ملاقات کی اندرونی کہانی سامنے آگئی ، ذرائع کا کہنا ہے کہ ملاقات میں ترین گروپ کے ارکان اپنے دکھڑے وزیراعلیٰ کو بتاتے رہے۔

    ذرائع نے بتایا کہ وزیراعلیٰ پنجاب نے ارکان اسمبلی کو آئندہ بجٹ میں ترقیاتی اسکیمیں دینےکا وعدہ کیا ، جہانگیر ترین گروپ کےارکان بدھ تک حلقوں سے  وابستہ ترقیاتی اسکیمیں جمع کرائیں گے۔

    ذرائع کے مطابق ترین گروپ کے ارکان اسمبلی کے حامیوں پر درج مقدمات فوری واپس لئے جائیں اور گروپ سے وابستہ وزرا،معاونین کےکاموں کوترجیحی بنیاد پر حل کیا جائے گا۔

    ذرائع کا کہنا تھا کہ وزیراعلیٰ سے ملنے والے 11 ارکان نے پولیس،محکمہ مال افسران کے تبادلوں کی سفارشات کیں، جس پر وزیراعلیٰ کی جانب سے مسائل ایک ماہ میں ترجیحی بنیادوں پر حل کرنے کی یقین دہانی کرادی گئی ہے۔

    ذرائع نے کہا ہے کہ وزیراعلیٰ کی جانب سے بیان بازی کرنیوالے وزرا کو بھی خاموش کرانے کی یقین دہانی کرائی گئی۔

  • بڑا بریک تھرو ، جہانگیر ترین گروپ کا وزیراعلیٰ پنجاب کی قیادت پر مکمل اعتماد کا اظہار

    بڑا بریک تھرو ، جہانگیر ترین گروپ کا وزیراعلیٰ پنجاب کی قیادت پر مکمل اعتماد کا اظہار

    لاہور : جہانگیرترین گروپ کے اراکین نے وزیراعلیٰ پنجاب سردار عثمان بزدار کی قیادت پر مکمل اعتماد کا اظہار کیا، رکن سعیداکبرنوانی نے کہا ہم ایک تھے،ایک ہیں اور ایک رہیں گے۔

    تفصیلات کے مطابق وزیر اعلیٰ پنجاب عثمان بزدار سے جہانگیر ترین گروپ کے وفد کی ملاقات ہوئی ، سعید اکبر نوانی، اجمل چیمہ، نعمان لنگڑیال،زوار وڑائچ،نذیر چوہان ، عمر آفتاب اور عون چوہدری جہانگیرترین گروپ کے وفد میں شامل تھے۔

    وفد نے وزیراعلیٰ پنجاب عثمان بزدار کو تحفظات سے آگاہ کرتے ہوئے بیوروکریسی،حلقوں کےمسائل اور پالیسی سازی پرمؤقف پیش کیا۔

    جہانگیرترین گروپ کے اراکین نے وزیراعلیٰ پنجاب سردار عثمان بزدار کی قیادت پر مکمل اعتماد کا اظہار کیا، رکن سعیداکبرنوانی نے کہا ہم ایک تھے،ایک ہیں اور ایک رہیں گے ، آپ کی قیادت پر پورا اعتماد ہے۔

    سعید اکبر نوانی کا کہنا تھا کہ آپ ہمارے وزیراعلیٰ ہیں اور آپ کے پاس مسائل کےحل کیلئےآئےہیں، پی ٹی آئی ہماری جماعت ہے اور اس سےغیر مشروط وابستگی برقراررہے گی۔

    اس موقع پر وزیراعلیٰ پنجاب نے کہا میرے دروازے آپ سب کےلیے کھلے ہیں ، وزیر اعظم عمران خان کی قیادت میں متحد ہیں ، کبھی کسی سے ناانصافی نہیں کی اور نہ کریں گے۔

    عثمان بزدار کا کہنا تھا کہ انتقام کی سیاست ہمارا شیوہ نہیں ، آپ کے جائز تحفظات کا ازالہ کیا جائے گا ، پارٹی کانام تحریک انصاف ہے اورہم انصاف کی عملداری پر یقین رکھتے ہیں۔

  • وزیراعلیٰ پنجاب کی قیادت میں محکمہ اسپیشل ایجوکیشن کے انقلابی اقدامات

    وزیراعلیٰ پنجاب کی قیادت میں محکمہ اسپیشل ایجوکیشن کے انقلابی اقدامات

    لاہور : وزیراعلیٰ پنجاب کی قیادت میں محکمہ اسپیشل ایجوکیشن نے انقلابی اقدامات اٹھاتے ہوئے خصوصی بچوں کیلئے 500ملین کی لاگت سے اسپیشل ویلیج کی منظوری دے دی۔

    تفصیلات کے مطابق معاون خصوصی اطلاعات پنجاب فردوس عاشق اعوان نے سماجی رابطے کی ویب سائٹ ٹوئٹر پر اپنے پیغام میں کہا ہے کہ وزیراعلیٰ پنجاب کی قیادت میں محکمہ اسپیشل ایجوکیشن نے انقلابی اقدامات کرتے ہوئے 40 سال بعد شرقپورمیں ادارے کی104کنال اراضی واگزار کرالی،واگزارزمین کی چاردیواری کیلئے 2کروڑ کافنڈفوری جاری کردیا گیا اور خصوصی بچوں کیلئے 500ملین کی لاگت سے اسپیشل ویلیج کی منظوری دے دی۔

    فردوس عاشق اعوان کا کہنا تھا کہ اسپیشل ویلیج میں بچوں کی ضروریات کےمطابق تفریح کےمواقع فراہم کیےجائیں گے ،اسپیشل ویلیج میں بچوں کوقیام، کھانااورتمام تفریحی سہولیات مفت دستیاب ہوں گی ،پہلی اسپیشل ایجوکیشن پالیسی متعارف کرائی گئی جبکہ سی سی ٹی وی کیمروں اورجدیدتکنیکی سہولیات سےآراستہ 51بسوں کی فراہمی بھی گئی۔

    معاون خصوصی نے مزید کہا کہ جدیدٹیکنالوجی کوبروئےکارلاتےہوئے ری اسٹرکچرنگ کرتے ہوئے ہیلپ لائن1162 فعال کی گئی، ماضی کےحکمرانوں نےخصوصی بچوں کوانکےحق سےمحروم کرنےکےسوا کچھ نہ کیا، عثمان بزدار اسپیشل بچوں کومعاشرےکافعال شہری بنانےکیلئےپرعزم ہیں۔

  • کورونا کی بگڑتی صورتحال، وزیراعلیٰ پنجاب نے وارننگ دے دی

    کورونا کی بگڑتی صورتحال، وزیراعلیٰ پنجاب نے وارننگ دے دی

    لاہور :  کورونا کی تیسری لہر کےباعث صورتحال سنگین ہونے لگی ہے، وزیراعلیٰ پنجاب نے کورونا ایس اوپیز پر سختی سے عملدرآمد کی ہدایت کرتے ہوئے کہا کوروناایس اوپیزپرعملدرآمد میں کوتاہی برداشت نہیں کی جائے گی۔

    تفصیلات کے مطابق پنجاب میں کورونا وائرس کی تیسری لہر کے پیش ںظر وزیراعلیٰ پنجاب عثمان بزدار نے ملتان سے ویڈیولنک کے ذریعے اہم اجلاس کیا، جس میں صوبے میں کورونا صورتحال، حفاظتی اقدامات پرعملدرآمد کا جائزہ لیا گیا اور چیف سیکرٹری نے کورونا کی صورتحال سمیت حفاظتی اقدامات پر بریفنگ دی۔

    اجلاس میں کورونا کے بڑھتے ہوئے کیسز پر گہری تشویش کا اظہار کیا گیا ، وزیراعلیٰ پنجاب نے کورونا ایس اوپیز پر سختی سے عملدرآمد کی ہدایت کرتے ہوئے کہا کوروناایس اوپیزپرعملدرآمد میں کوتاہی برداشت نہیں کی جائے گی۔

    عثمان بزدار کا کہنا تھا کہ انتظامیہ عوام کے تحفظ کیلئے ایس اوپیز پرعملدرآمد یقینی بنائے اور عوام کی صحت کے پیش نظر احتیاطی تدابیر اختیار  کی جائیں۔

    وزیراعلیٰ پنجاب نے کہا کہ  کوروناکی تیسری لہرخطرناک ہے، عوام کےتعاون سےہی کوروناپرقابوپایاجاسکےگا، شہری باہرنکلتےوقت ماسک لازمی پہنیں۔

    اعدادو شمار کے حوالے سے ان کا کہنا تھا کہ پنجاب میں24گھنٹےمیں کوروناکے2330 نئےمریض سامنےآئے، 24گھنٹےمیں پنجاب میں کورونا کے43 مریضوں کاانتقال ہوا، پنجاب میں اب تک کوروناکے6188 مریض انتقال کرچکےہیں،عثمان بزدار

    عثمان بزدار نے مزید بتایا پنجاب میں کوروناکےایکٹومریضوں کی تعداد21311 ہوچکی، گزشتہ 24گھنٹےمیں کوروناکے16473ٹیسٹ کیےگئے، پنجاب میں اب تک3735705کوروناٹیسٹ کیےجاچکے۔

  • ورلڈ ہیلتھ آرگنائزیشن کا پاکستان کو ایمبولینس گاڑیوں اور موٹر سائیکلیوں کا عطیہ

    ورلڈ ہیلتھ آرگنائزیشن کا پاکستان کو ایمبولینس گاڑیوں اور موٹر سائیکلیوں کا عطیہ

    لاہور : ورلڈ ہیلتھ آرگنائزیشن نے پاکستان کو 8 ایمبولینس گاڑیاں اور15موٹر سائیکلیں عطیہ کردیں، وزیراعلیٰ پنجاب نے ڈبلیو ایچ او کے تعاون کا شکریہ ادا کیا۔

    تفصیلات کے مطابق ورلڈ ہیلتھ آرگنائزیشن کی جانب سے پنجاب حکومت کیلئے 8 ایمبولینس گاڑیوں اور15 موٹر سائیکلوں کا عطیہ دیا گیا۔

    وزیراعلی آفس لاہور میں ایمبولینس گاڑیاں اور موٹر سائیکلیں پنجاب حکومت کے سپرد کرنے کی تقریب ہوئی، تقریب میں وزیراعلیٰ عثمان بزدار کوڈبلیو ایچ او کے کنٹری ہیڈ ڈاکٹر الپتھاماہی پالا نے ایمبولینس گاڑیوں کی چابیاں پیش کیں ۔

    ایمبولینسں کورونا مریضوں کو منتقل کرنے کیلئے اور معمر شہریوں کو کورونا ویکسین لگانے کیلئےاستعمال کی جا سکیں گی جبکہ موٹرسائیکل کے ذریعے کورونا ٹیسٹ کے سیمپل لیبارٹری پہنچائیں جاسکیں گے۔

    ایمبولینس میں آکسیجن ، دیگر آلات اورٹیسٹ سیمپل لے جانے کیلئے آئس باکس بھی موجود ہوں گے۔

    لاہور ایئر پورٹ پر کورونا مریضوں کو اسپتال منتقل کرنے کیلئے ایمبولینس موجود ہوں گی،واہگہ بارڈر پر بھی سرحد پار آنے والے مریضوں کو ایمبولینس کے ذریعے منتقل کیا جاسکے گا۔

    وزیراعلیٰ نے ایمبولینس گاڑیاں اور موٹرسائیکلیں عطیہ کرنے پر ورلڈ ہیلتھ آرگنائزیشن کے تعاون کا شکریہ ادا کرتے ہوئے کہا کورونا کے خلاف جنگ میں متحد اور یکسو ہوکرکاوشیں کرنا ہوں گی۔

  • عوام کو ان کی دہلیز پر بنیادی سہولتیں فراہم کرنے کیلئے بڑا اقدام

    عوام کو ان کی دہلیز پر بنیادی سہولتیں فراہم کرنے کیلئے بڑا اقدام

    لاہور : وزیراعلیٰ پنجاب کی ہدایت پر میونسپل سروسزکی فوری فراہمی کیلئے 136 تحصیل کونسلز کو 18 ارب جاری کردیئے گئے۔

    تفصیلات کے مطابق وزیراعلیٰ پنجاب عثمان بزدار نے عوام کو ان کی دہلیز پر بنیادی سہولتیں فراہم کرنے کیلئے اقدام اٹھاتے ہوئے میونسپل سروسزکی فوری فراہمی کیلئے 136 تحصیل کونسلز کو 18 ارب جاری کردیئے۔

    وزیراعلیٰ پنجاب کی ہدایت پر سیکرٹری لوکل گورنمنٹ نے فنڈز کا اجرا کردیا، عثمان بزدار نے کہا تعمیر و ترقی کیلئے سالانہ ترقیاتی پروگرام 21۔2020 ترتیب دیا گیا ہے، پروگرام سے 306 لوکل گورنمنٹس کی آبادی مستفید ہوگی۔

    عثمان بزدار نے کہا کہ مقامی سطح پرترقی کےنئےدورکاآغازہوچکاہے، 7 ہزار 352 میں سے 6 ہزار 688 اسکیمیں تقریباً 18 ارب کی لاگت سے منظور کی گئی، اسکیموں پر جلد از جلد آغاز کیلئے 4 ہزار 460 اسکیموں کے ٹینڈرز جاری کردیے۔

    ان کا کہنا تھا کہ دیہی سطح پر تعمیر و ترقی کیلئے 7 ارب کے 2ہزار 567 منصوبوں پر کام شروع ہوگیا ہے جبکہ شہر کی میٹروپولیٹن اور میونسپل کارپوریشنز میں ایک ہزار 640 اسکیموں پر کام کا آغاز کردیا گیا ہے۔

    وزیراعلیٰ پنجاب نے مزید کہا کہ سڑکوں کی تعمیر کیلئے ایک ہزار 25 ، نکاسی آب کیلئے 967 اسکیموں ، صاف پانی کی فراہمی کیلئے 131 اسکیموں پر کام ، سالڈویسٹ مینجمنٹ سسٹم کیلئے 33 اسکیموں اور عوام کو صحت کی مثالی سہولیات کی فراہمی کیلئے 10 اسکیموں پر کام کا آغاز کیا جارہا ہے۔

    عثمان بزدار کا کہنا تھا کہ ان اسکیموں کیلئے تقریبا 5 ارب روپے کے فنڈز مختص کیے گئے ہیں، صاف پانی، جدید سالڈ ویسٹ مینجمنٹ سے بیماریوں پر قابو پانا ممکن ہوگا، فنڈز کے استعمال سے نچلی سطح پر ترقی کا سفر مزید تیز ہوگااور عوام کے مسائل ان کی دہلیز پرحل ہوں گے۔

  • کورونا کیسز میں تشویشناک حد تک اضافہ، شادی ہال بند کرنے کے حوالے سے اہم خبر آگئی

    کورونا کیسز میں تشویشناک حد تک اضافہ، شادی ہال بند کرنے کے حوالے سے اہم خبر آگئی

    لاہور: پنجاب میں کورونا کیسز میں تشویشناک حد تک اضافے کے پیش نظر شادی ہال بند کرنے پر غور کیا جارہا ہے جبکہ پیر سے میلے کے کھیل بھی بند کرنے کا امکان ہے۔

    تفصیلات کے مطابق کورونا کے بڑھتے ہوئے کیسز اور احتیاطی اقدامات کیلئے وزیراعلیٰ پنجاب نے آج کابینہ کمیٹی برائے انسداد کورونا کا اہم اجلاس طلب کر لیا ہے۔

    ذرائع کا کہنا ہے کہ اجلاس میں این سی اوسی کے فیصلوں پر عمل درآمد کو یقینی بنایا جائے گا اور 15مارچ سےتعلیمی اداروں کی چھٹیوں سمیت دیگرامورپرتبادلہ ہوگا جبکہ عوام کی زندگیوں کو محفوظ بنانے کیلئے مزید ضروری اقدامات اٹھانے پر بھی غور کیا جائے گا۔

    ذرائع کے مطابق صوبے میں کوروناکےباعث شادی ہال بند کرنے پرغور کیا جارہا ہے جبکہ پارکوں میں لگے میلے اور ٹھیلےبھی پیرسے ختم کرنے سے متعلق فیصلے متوقع ہیں۔

    اجلاس میں وزیرصحت یاسمین راشد سمیت دیگرصوبائی وزرا اوراعلی افسر شرکت کریں گے جبکہ اعلیٰ عسکری حکام اور ڈویژنل کمشنرز ویڈیو لنک کے ذریعے شریک ہوں گے۔

    وزیراعلی عثمان بزدار کاکہناتھا کورونا کے ایکٹو کیسوں کی تعداد 8،693 تک پہنچ چکی ہے، صوبے میں اب تک 5،697 کورونا کے مریض جاں بحق ہو چکے ہیں۔

    انہوں نے کہا کہ گزشتہ 24 گھنٹے کے دوران پنجاب میں کورونا کے 36 مریضوں کا انتقال ہوا جبکہ اب تک صوبے میں 34لاکھ اسی ہزار753 کے ٹیسٹ کئے جا چکے ہیں، کورونا کی موجودہ لہر کو روکنے کیلئے ایس او پیز پر سختی سے عملدرآمد کرنا ہوگا۔

  • وزیراعلیٰ پنجاب نے شیخوپورہ تاگوجرانوالہ دورویہ سڑک منصوبے کا سنگ بنیاد رکھ دیا

    وزیراعلیٰ پنجاب نے شیخوپورہ تاگوجرانوالہ دورویہ سڑک منصوبے کا سنگ بنیاد رکھ دیا

    لاہور : وزیراعلیٰ پنجاب عثمان بزدار نےشیخوپورہ تاگوجرانوالہ دورویہ سڑک منصوبےکاسنگ بنیادرکھ دیا اور کہا کہ سڑک کی تعمیرسےنقل و حمل میں آسانیاں ہوں گی اور روزانہ ہزاروں گاڑیوں کوآمدو رفت کی بہترین سہولت ملے گی۔

    تفصیلات کے مطابق وزیراعلیٰ پنجاب عثمان بزدار نےشیخوپورہ تاگوجرانوالہ دورویہ سڑک منصوبےکاسنگ بنیادرکھ دیا ، وزیراعلیٰ آفس میں منعقدہ تقریب میں منصوبے کا سنگ بنیادرکھا گیا، عبدالعلیم خان، میاں اسلم اقبال اورمتعلقہ حکام بھی اس موقع پرموجود تھے۔

    اس موقع پر وزیراعلیٰ پنجاب نے کہا کہ 43کلو میٹرطویل سڑک5 ارب 70کروڑ کی لاگت سے تعمیر ہوگی اور یہ سڑک پبلک پرائیویٹ پارٹنرشپ کے تحت بنائی جائے گی۔

    عثمان بزدار کا کہنا تھا کہ شیخوپورہ گوجرانوالہ سڑک کی تعمیرسےنقل و حمل میں آسانیاں ہوں گی اور روزانہ ہزاروں گاڑیوں کوآمدو رفت کی بہترین سہولت ملے گی جبکہ گوجرانوالہ سے موٹر وے ایم 2 اور شیخوپورہ تک تیزاورآسان رسائی ممکن ہو سکے گی۔

    وزیراعلیٰ پنجاب نے کہا کہ 25 سال تک سڑک کی دیکھ بھال پرائیویٹ پارٹنرزکے ذمہ ہوگی، سڑک کی تعمیرسے2 صنعتی شہرآپس میں منسلک ہوں گے، اس منصوبے سے کاروبار کرنے والوں کوآسانی ہوگی اور شہریوں کوبھی آمد و رفت کی بہترین سہولت ملےگی جبکہ دورویہ سڑک بننےسےوقت اورایندھن کی بھی بچت ہوگی۔

  • "پی ڈی ایم کا ٹولہ اسی طرح روتا رہےگا”

    "پی ڈی ایم کا ٹولہ اسی طرح روتا رہےگا”

    لاہور: وزیراعلیٰ پنجاب سردار عثمان بزدار اپوزیشن جماعتوں کو آڑے ہاتھوں لیتے ہوئے کہا کہ افراتفری کی سیاست کی علمبردار پی ڈی ایم کی منزل صرف این آر او ہے۔

    تفصیلات کے مطابق اپنے بیان میں وزیراعلیٰ پنجاب نے کہا کہ منفی سیاست کیلئے عوام کی زندگیوں کو داؤپرلگاناکہاں کی سیاست ہے، کرونا پر اپوزیشن رہنماؤں نےثابت کیا انکےسینے میں دل نہیں، اپوزیشن کا عوام کی زندگیوں پر سیاست کرنا المیہ ہے، جلسوں سےکرونا پھیلانے والےعناصر عوام سےمخلص نہیں۔

    پی ڈی ایم پر تنقید کرتے ہوئے سردار عثمان بزدار نے کہا کہ افراتفری کی سیاست کی علمبردارپی ڈی ایم کی منزل صرف این آر اوہے،اپوزیشن کی حسرتیں نہ پہلے پوری ہوئیں نہ آئندہ ہوں گی، وزیراعظم کے ہوتے ہوئے انہیں این آر او نہیں ملےگا، پی ڈی ایم کا ٹولہ اسی طرح روتا رہےگا اور موجودہ حکومت اپنی مدت پوری کرےگی

    یہ بھی پڑھیں:  پی ڈی ایم کا ایجنڈا ترقی کےسفر میں رخنہ ڈالناہے، وزیراعلیٰ پنجاب

    چند روز قبل بھی وزیراعلیٰ پنجاب نے اراکین اسمبلی سے گفتگو میں اپوزیشن پر تنقید کرتے ہوئے کہا کہ پی ڈی ایم کا ایجنڈا ترقی کےسفر میں رخنہ ڈالناہے، عوام ترقی چاہتےہیں، افراتفری نہیں، بدقسمتی سے اپوزیشن کا ٹولہ ملکی مفادات کو فراموش کرچکا ہے۔

    سردار عثمان بزدار کا مزید کہنا تھا کہ زندہ دلان لاہور کو کرپٹ ٹولہ گمراہ نہیں کرسکتا، رسوائی ان عناصرکا مقدرہے، ہم منفی سیاست کا جواب عوام کی خدمت سےدیں گے۔