Tag: وزیراعلیٰ بلوچستان سرفرازبگٹی

کوئٹہ: وزیراعلیٰ سرفرازبگٹی نے بلوچستان کے نوجوانوں کو خوشخبری سناتے ہوئے کہا ہے کہ نوجوانوں کو میرٹ پر نوکری گھر کی دہلیز پر ملےگی۔

تفصیلات کے مطابق صوبہ بلوچستان کے وزیراعلیٰ سرفراز بگٹی کا نوکنڈی میں خطاب کرتے ہوئے کہنا تھا کہ گڈگورننس پہلی ترجیح ہے، کوئی سرکاری ملازمت فروخت نہیں ہوگی، بےروزگاری سے نمٹنے کیلئے ہنرمندی پر توجہ دینی ہوگی۔

انھوں نے کہا کہ نوجوانوں کا مستقبل تعلیم اور قانونی تجارت سے وابستہ ہے، وزیراعلٰی سرفراز بگٹی نے چاغی میں دانش پبلک اسکول کے قیام کےلیےاقدامات کی بھی یقین دہانی کرائی ہے۔

وزیراعلٰی نے کہا کہ بلوچستان میں غیرملکی سرمایہ کار آرہے ہیں، تفتتان میں قائم ایل پی جی پلانٹ کا ریونیو تفتان کے عوام پر خرچ ہوگا۔

سرفراز بگٹی نے کہا کہ ریاست سب سے مقدم، لاحاصل جنگ سے کچھ حاصل نہیں ہوگا، بلوچستان کے عوام ریاست کے ساتھ کھڑے ہیں، بارڈر ایریا کے نوجوانوں کو تیل اسمگل سے نکل کر قانونی تجارت کی طرف آنا ہوگا۔

وزیراعلیٰ بلوچستان نے چاغی ڈسٹرکٹ کونسل کیلئے 15 کروڑ روپے گرانٹ کا اعلان کیا، سرفراز بگٹی نے سول اسپتال کےلیے ادویات کا بجٹ 2 کروڑ روپے کرنے کا بھی اعلان کیا۔

کوئٹہ: وزیراعلیٰ بلوچستان مغوی مصور خان کی بازیابی کےلیے جاری دھرنے میں پہنچ گئے، ان کے ساتھ اسپیکر بلوچستان اسمبلی، صوبائی وزرا بھی موجود تھے۔

تفصیلات کے مطابق وزیراعلیٰ بلوچستان سرفرازبگٹی کا خطاب میں کہنا تھا کہ پہلے دن سے متاثرہ فیملی کے ساتھ رابطے میں تھے، جس دن واقعہ ہوا ایسا محسوس ہوا جیسے میرا اپنا بچہ اغوا ہوا ہے، ایسے واقعات کے بعد ورثا کے پاس احتجاج کے علاوہ کوئی آپشن نہیں ہوتا، مسائل کا حل گفت و شنید ہے۔

سرفرازبگٹی نے کہا کہ مصور خان ہمارا اپنا بچہ ہے، حکومت بازیابی کیلئے اقدامات کررہی ہے، حکومت اپنی ذمہ داریوں سے غافل نہیں، وزیراعلیٰ ہاؤس کے دروازے سب کےلئے کھلے ہیں۔

وزیراعلیٰ بلوچستان کا کہنا تھا کہ احتجاج کا حق آئین نے دیا ہے، حکومت اپنی کوشش جاری رکھے گی، بچے کی بازیابی کیلئے جےآئی ٹی بنائی جو روزانہ کی بناد پر مجھے رپورٹ کریگی، کوشش ہوگی ایسے واقعات دوبارہ نہ ہوں، ہماری ہمدردیاں متاثرہ فیملی کے ساتھ ہیں۔

انھوں نے کہا کہ گزارش ہے دھرنا ختم کریں، ہمارے ساتھ رابطے میں رہیں، آپ جب بھی آئیں گے ہم آپ کو آگاہ کرتے رہیں گے۔

وزیراعلیٰ سرفراز بگٹی کی یقین دہانی کے بعد مغوی مصورخان کی بازیابی کیلئے جاری دھرنے کو ملتوی کردیا گیا، دھرنا کمیٹی نے 10 دسمبر تک دھرنا ملتوی کرنے کا اعلان کیا ہے۔

دھرنا کمیٹی نے کہا کہ بچہ 10 دسمبر تک بازیاب نہ ہوا تو اے پی سی کے ذریعے سخت لائحہ عمل طے کرینگے، 14 روز دھرنا جاری رہا، ہمیں عوام کی تکلیف کا احساس ہے۔