وزیراعلیٰ بلوچستان عبدالقدوس بزنجو نے کہا ہے کہ نئی مردم شماری پر بعض سیاسی حلقوں کی جانب سے بحث بے معنی ہے۔
تفصیلات کے مطابق وزیراعلیٰ بلوچستان عبدالقدوس بزنجو نے جاری کردہ بیان میں کہا کہ تنقید کرنیوالوں کو 1998 اور 2017 کی مردم شماری کا جائز ہ لینا چاہیے، مردم شماری نہ ہونے سے بلوچستان کے نقصان کے ذمہ داروں کا تعین کرنا چاہیے۔
وزیراعلیٰ بلوچستان نے کہا کہ ہم نے حقائق کو دیکھتے ہوئے نئی مردم شماری کو تسلیم کیا، نئی مردم شماری میں صوبے میں آبادی بڑھنےکی شرح دیگر سے زیادہ ہے۔
وزیراعلیٰ بلوچستان نے کہا کہ بلوچستان کا مسئلہ قومی اسمبلی میں دو چار نشستیں بڑھنے سے حل نہیں ہو گا، صوبے کی تمام سیاسی قیادت دور اندیشی کا مظاہرہ کرے۔
وزیراعلیٰ بلوچستان عبدالقدوس بزنجو نے مزید کہا کہ جو اضلاع پسماندہ ہیں ان کیلئے خصوصی گرانٹ ہونی چاہیے، اگر آبادی کی بنیاد پر وسائل کی تقسیم کا مطالبہ کیا تو یہ غلط ہوگا۔
