وزیراعلیٰ سندھ سید مراد علی شاہ وفاق کے رویے سے ناخوش ہیں، انھوں نے کہا کہ وفاق کے فور پروجیکٹ پر جس طرح کام کررہا ہے اس پر خوش نہیں۔
اے آر وائی نیوز کے مطابق وزیراعلیٰ سندھ کا تقریب سے خطاب کرتے ہوئے کہنا تھا کہ ایک وزیراعظم آیا اس نے کراچی کےلیے 1100 ارب روپے کا اعلان کیا لیکن 11 روپے بھی نہیں ملے۔
مراد علی شان نے مزید کہا کہ ایک وزیراعظم نے کراچی کےلیے 162 ارب روپے کا اعلان کیا مگر 162 روپے بھی نہیں ملے۔
انھوں نے کہا کہ ہم خوش نہیں ہیں جس اسپیڈ سے وفاق کام کرہی ہے، ایک جماعت الیکشن سے بھاگ گئی انھوں نے کہا کہ ہم نہیں لڑیں گے کیوں کہ ہم انتخابات ہار جائیں گے۔
خیال رہے کہ کچھ مہینوں قبل وزیراعلیٰ سندھ مراد علی شاہ نے کراچی کے مسائل پر پورٹل بھی بنوایا تھا اور سوفٹ انکروچمنٹ ہٹانے کی واضح ہدایت جاری کی تھی۔
مرادعلی شاہ کی زیرصدارت کراچی کے مسائل سے متعلق اجلاس میں ان کا کہنا تھا کہ اسسٹنٹ کمشنرز شہر کا دورہ کریں اور شہر میں گٹرز کا بہنا، صفائی کے مسائل اور غیر قانونی پارکنگ پر نظر رکھیں۔
وزیراعلیٰ سندھ مراد علی شاہ نے کراچی کے مسائل پرپورٹل بنوانے کے بعد ہدایت کی تھی کہ افسران گٹرز، تجاوزات اور صفائی ستھرائی کی صورتحال کو پورٹل پر اپ لوڈ کریں۔
