Tag: وزیراعلیٰ سندھ

کراچی : شہر قائد میں صورتحال معمول پر ہے اور رات بھر کوئی ناخوش گوار واقعہ پیش نہیں آیا،صبح سویرے کھلنے والے ہوٹل ،دکانیں ، ٹرانسپورٹ معمول کے مطابق ہیں،جگہ جگہ پولیس اور رینجرز کی نفری الرٹ تعینات ہے.

تفصیلات کےمطابق گزشتہ روز شہر میں ہونےوالی صورتحال کے بعد آج حالات پرسکون ہیں.کاروباری مراکز،سرکاری ونجی دفاتر اور تعلیمی اداروں میں معمول کی سرگرمیاں جاری ہیں بعض علاقوں میں سیکورٹی کےسخت انتظامات کیےگئےہیں.

کراچی کے علاقے عزیزآباد میں آج صبح مکا چوک چورنگی پر پاک سرزمین پارٹی کے کارکنوں نے قومی پرچم لہرایا،ملی نغمے گائے اور پاکستان زندہ با کےنعرے لگائے گئے.

یاد رہے گزشتہ روز کراچی میں وزیراعلیٰ سندھ کی زیر صدارت امن و امان کا اجلاس ہوا تھا جس میں انہوں نے ڈی جی رینجرز اور آئی جی سندھ کو شہریوں کےجان و مال کی حفاظت یقینی بنانے کے احکامات جاری کیے تھے.

وزیراعلیٰ کا کہنا تھا کہ اب پولیس اور رینجرز جاگیں اور عوام سکون کی نیند سوئیں،کسی کو اجازت نہیں دیں گے کہ پاکستان کے خلاف نعرے لگائے.

مراد علی شاہ نے کہا کہ شہریوں کو یرغمال بنانے نہیں دیں گے،ان کا کہنا تھا کہ کراچی کو ہم نے امن دیا اب اسے کوئی نہیں بگاڑ سکتا.

*کراچی شہر میں صورتحال معمول پر ،پولیس اور رینجرز کی نفری تعینات

وزیراعلیٰ سندھ نےگزشتہ روز آر وائی نیوز کے دفتر پر ایم کیو ایم کے مشتعل کارکنان نے حملہ کردیا تھا، کارکنان نے دفتر میں توڑ پھوڑ کی کارکنان نے مدینہ مال کے شیشے بھی توڑ دیئےاور ملازمین کو ہراساں کیا.

*وزیراعلیٰ سندھ اورڈی جی رینجرز نے اے آروائی نیوز کے دفتر کا دورہ کیا

وزیراعلیٰ سندھ سید مراد علی شاہ نے ڈی جی رینجرز میجر جنرل بلال اکبر کےہمراہ گزشتہ روز اے آروائی نیوز کے دفتر کا دورہ کیا اور ہونے والے نقصان کا جائرہ لیا تھا.

واضح رہے کہ اس موقع پر گفتگو کرتے ہوئے وزیراعلیٰ سندھ کا کہنا تھا کہ میڈ یا پر حملوں کی شدید مذمت کرتے ہیں اور واقعات میں ملوث افراد کو کیفر کردار تک پہنچا یا جائے گا.

کراچی : وزیر اعلیٰ سندھ مراد علی شاہ کی زیر صدارت کراچی میں صفائی کی ناقص صورت حال پر اجلاس میں وزیراعلیٰ سندھ کا کہنا تھا کہ کراچی کو صاف دیکھنا چاہتاہوں.

تفصیلات کے مطابق وزیر اعلیٰ سندھ کی زیر صدارت آج صبح سندھ سیکرٹریٹ میں اجلاس ہوا.جس میں صوبائی وزراءاور دیگر حکام نے شرکت کی.

اجلاس کے ووران ڈی ایم سی ساﺅتھ نے مراد علی شاہ کو صفائی پر بریفنگ دی،اجلاس کی صدارت کےلیے وزیر اعلیٰ سندھ صبح اٹھ بجے ہی سندھ سیکرٹریٹ میں پہنچ گئے تاہم دیگر افسران اور صوبائی وزراءمراد علی شاہ کے بعد اجلاس میں پہنچے.اجلاس شروع ہو ا تو افسروں نے وزیر اعلیٰ سندھ کو اپنا تعارف کروایا.

وزیرا علیٰ سندھ نے ڈی ایم سی ساﺅتھ پر برہمی کا اظہار کرتے ہوئے کہا کہ کام نہ کرنے والے ڈی ایم سی کو تبدیل کر دیا جائے گا،مجھے باتیں نہیں حل بتایاجائے.

انہوں نے کہا کہ صفائی ستھرائی کے حوالے سے سندھ حکومت پر بہت تنقید ہوئی ہے،مجھے فوری حل چاہیے،شہر کو صاف ستھرا دیکھنا چاہتا ہوں.

ان کا کہنا تھا کہ کراچی میں شہریوں کی تکلیف محسوس کر تاہوں،ملیر کی سڑکوں اور گلیوں سے کچرا اٹھایا جائے.شہر میں کھیل کے میدانوں میں بھی کچرا پھینکنے کی شکایات ہیں تاہم کسی گراﺅنڈ میں کچرا پھینکے کی اجاز ت نہیں دیں گے.

وزیراعلیٰ مراد علی شاہ نے کہا کہ گاربیج ٹرانسفر اسٹیشن کا تعین کر کے فوری بتایا جائے اور سڑکوں پر پتھارے بھی ہٹائے جائیں،سڑکوں پر تجاوزات کا خاتمہ کیا جائے.

*سندھ کی تقسیم کا سوچنے والے احمقوں کی جنت میں رہتے ہیں،مراد علی شاہ

یاد رہے کہ گزشتہ روز وزیراعلیٰ سندھ کا کہنا تھا کہ ’سندھ کی تقسیم کا سوچنے والے احمقوں کی جنت میں رہتے ہیں، سندھ میں سندھیوں کی حکومت ہے اور ہم اس طرح کی باتیں ہرگز برداشت نہیں کریں گے‘‘.