Tag: وزیراعلیٰ سندھ

  • نیپرا نے بھی کے الیکٹرک کو نااہل قرار دے دیا، قائم علی شاہ

    نیپرا نے بھی کے الیکٹرک کو نااہل قرار دے دیا، قائم علی شاہ

    کراچی : وزیراعلیٰ سندھ سید قائم علی شاہ نے کہا ہے کہ جب ہم کہتے تھے کہ کے الیکٹرک کی کاکردگی خراب ہے تو ہم پر تنقید کی جارہی تھی اب نیپرا نے بھی کے الیکٹرک کی نااہلی پر رپورٹ دیدی ہے ۔

    ان کاکہنا تھا کہ کے الیکٹرک نے صرف کراچی شہر سے پیسے کمائے ہیں بجلی کی پیداوار اور تقسیم پر کوئی توجہ نہیں دی ۔وزیراعلیٰ سندھ نے قطر اسپتال کا دورہ کیا، جہاں مریضوں کی عیادت کی ۔

    اس دوران وزیراعلیٰ سندھ کو بتایا گیا کہ اسپتال میں لوڈ شیڈنگ جاری ہے ، جس پر وزیراعلیٰ سندھ نے سخت برہمی کا اظہار کیاان کاکہنا تھا کہ گرمی کی حالیہ شدید لہر کے بعد کے الیکٹرک کی جانب سے کراچی کے ہسپتالوں کو لوڈشیڈنگ سے مستثنیٰ قرار دینے یقین دہانی کے باوجود ہسپتالوں میں لوڈشیڈنگ جاری ہے۔

    انہوں نے کہا کہ ہم نے کے الیکٹرک کی انتظامیہ کو ہسپتالوں ،کراچی واٹر بورڈ،سیوریج اور دیگر ضروری عوامی خدمات کے اداروں کو لوڈشیڈنگ سے مستثنیٰ قرار دینے کی ہدایت کی تھی اور کے الیکٹرک نے اس پر عمل کرنے کا وعدہ بھی کیا تھا۔

    تاہم بدقسمتی سے آج جب میں یہاں مریضوں کی تیمار داری کیلئے آیا ہوں تو میں نے ذاتی طور پر لوڈشیڈنگ کا سامنہ کرنا پڑا ہے۔

    جس سے مریضوں اور ڈاکٹرز کو سخت مشکلات سے دوچار ہیں۔انہوں نے کہا کہ کے الیکٹرک کا یہ رویہ انتہائی قابل مذمت اور افسوسناک ہے۔کیونکہ سندھ حکومت نے کے الیکٹرک کو پہلے ہی بقایاجات کی ادائیگی کی جا چکی ہے ۔

  • وزیراعلیٰ سندھ نےآج ہونے والی افطارپارٹی ملتوی کردی ،نادیہ گبول

    وزیراعلیٰ سندھ نےآج ہونے والی افطارپارٹی ملتوی کردی ،نادیہ گبول

    کراچی : وزیرِاعلی سندھ سید قائم علی شاہ کی جانب سے ارکان سندھ اسمبلی کیلئے آج دئیے جانے افطار ڈنر کو ملتوی کردیا گیا ہے۔

    کراچی میں شدید گرمی سے قیمتی جانوں کے ضیاع پر ایم کیوایم کے قائد الطاف حسین کی درخواست کے بعد وزیراعلٰی سندھ قائم شاہ کی جانب سے ارکان سندھ اسمبلی کےلیے دیا جانے والا افطار ڈنر ملتوی کردیا گیا ہے۔

    وزیراعلٰی سندھ کی کوآرڈی نیٹر برائے انسانی حقوق نادیہ گبول کا کہنا ہے کہ حکومت سندھ گرمی سے جاں بحق افراد کے لواحقین کے غم میں برابر کی شریک ہے۔

    اس سے قبل ایم کیو ایم کے قائد الطاف حسین کا کہنا ہے کہ چاروں صوبوں میں ہلاکتوں کی تعداد گیارہ سو سے زائد ہوچکی ہے، انہوں نے وزیرِاعلی سندھ سے درخواست کی کہ وہ کراچی میں ہلاکتوں کے پیش نظر آج کا افطار ڈنر ملتوی کردیں۔

  • کراچی کے شہری گرمی سے نڈھال،  درجہ حرارت 44 ڈگری جا پہنچا

    کراچی کے شہری گرمی سے نڈھال، درجہ حرارت 44 ڈگری جا پہنچا

    کراچی: ماہ صیام کے آغاز سے ہی ملک کے بیشتر علاقے شدید گرمی کی لپیٹ میں ہیں، کراچی سمیت ملک کے بیشتر ترعلاقوں میں گرمی کی شدت برقرارشدید گرمی اور حبس کی وجہ سے روزہ داروں کو شدید مشکلات کا سامنا کرنا پڑ رہا ہے۔

    کراچی کے کئی علاقے بجلی سے محروم ہیں جبکہ بعض علاقوں میں بجلی چوبیس گھنٹے سے غائب ہے، سرجانی، شاہ فیصل کالونی، منظور کالونی، بلدیہ ٹاؤن، کیماڑی، مسان روڈ، سکندر آباد اور نارتھ ناظم آباد سمیت کئی علاقوں میں بجلی کی آنکھ مچولی جاری ہے۔

     اوچ شریف میں بھی بجلی کی بد ترین لوڈ شیڈنگ کے خلاف شہری سراپا احتجاج بن کر سینکڑوں لوگ سڑکوں پر نکل آئے ہیں اور مظاہرین نے ٹائر جلا کر سڑکیں بند کر دیں جس سے ٹریفک کا بدترین جام ہو گیا۔

    مظاہرین نے واپڈا کے خلاف شدید نعرے بازی کرتے ہوئے بتایا کہ گرمیوں کے آغاز سے ہی اوچ شریف میں لوڈ شیڈنگ کا 18سے 20گھنٹے تک ہے۔

    ماہ مقدس رمضان المبارک میں حکومت نے دعوے کئے تھے کہ لوڈ شیڈ نگ میں خاطر خواہ کمی ہو گی ،مگر حکومتی دعووں کے بر عکس سحری و افطاری سمیت تراویح کے اوقات میں بھی بجلی غائب ہے ،جبکہ کئی علاقوں میں ٹرانسفارمر خراب ہونے کے باعث 6روز سے بجلی بند ہے۔

    — DR. AyEsHa (@DrAyesha4) June 20, 2015

     

    مظاہرین نے خبردار کرتے ہوئے کہا کہ اگر لوڈ شیڈ نگ کا دورانیہ کم کرکے غیر اعلانیہ لوڈ شیڈنگ بند نہ کی گئی تو قومی شاہر اہ بند کرکے ملک بھر کا زمینی رابطہ منقطع کردیںگے۔

     


    لوڈشیڈنگ: وزیراعظم نے ریلیف دینے کی ہدایت کرڈالی


    نوابشاہ میں بھی شدید گرمی میں غیراعلانیہ لوڈ شیڈنگ سے شہری بلبلا اٹھے۔

     ملک میں بجلی کی مجموعی طلب بیس ہزار میگاواٹ ہے جبکہ پیداوار ساڑھے پندرہ ہزار میگاواٹ ہے، شاٹ فال ساڑھے چار ہزار تک پہنچنے سے بڑے شہروں میں آٹھ سے دس گھنٹے جبکہ چھوٹے شہروں اور دیہات میں چودہ گھنٹے تک کی لوڈ شیدنگ کی جارہی ہے ۔

     

     

    لاہور شہر کے مختلف علاقوں میں لوگوں کو وولٹیج کی کمی کی بھی شکایات ہیں،وولٹیج کی کمی کے باعث گھروں میں موجود الیکٹرونکس کا سامان جل گیا ہے۔ جبکہ مساجد کے لاؤڈ اسپیکر پانی و بجلی کی عدم فراہمی پر شہریوں کو احتجاج پر بلانے کے لیے بھی استعمال کیے گئے، ڈسکہ، ملتان، گجرات اور جڑواں شہروں سمیت کئی شہروں میں انتظامیہ لوڈشیڈنگ کے جن پر قابو پانے میں ناکام ہے۔

     

     

    بجلی کا شارٹ فال ساڑھے چار ہزار میگاواٹ تک پہنچ گیا بڑے شہروں میں 8 سے 10 گھنٹے لوڈ شیڈنگ چھوٹے شہروں اور دیہات میں 14 گھنٹے تک لوڈ شیڈنگ کی جارہی ہے۔

     

    رمضان شروع ہوتے ہی گرمی کی شدت میں اضافہ ہوگیا، مختلف شہروں میں پارہ ہائی ہے، محکمہ موسمیات نے کراچی میں چندروزگرمی برقراررہنے کی پیش گوئی کردی۔

     کراچی میں چوالیس ڈگری کوچھوتے پارے نے شہریوں کو نڈھال کیا، تواندرونِ سندھ میں بھی سورج آگ برسارہا ہے، محکمہ موسمیات نے خبردار کردیاہے کہ گرمی کی شدت چارسےپانچ روزبرقرار رہے گی ۔

    گزشتہ روز کوٹ ادو، ملتان، رحیم یارخان اور سبی سمیت ملک کے کئی علاقوں میں موسم گرم رہا، بھکرمیں سب سے زیادہ گرمی تھی جہاں پارہ اڑتالیس تک جا پہنچا۔

    محکمہ موسمیات نے رمضان کے پہلے عشرے میں بالائی پنجاب، ہزارہ ڈویژن، زیریں سندھ اور کشمیر میں پری مون سون بارشوں کی نوید سُنائی ہے۔

  • کے الیکٹرک غیراعلانیہ لوڈ شیڈنگ ختم کرے ، وزیراعلیٰ سندھ

    کے الیکٹرک غیراعلانیہ لوڈ شیڈنگ ختم کرے ، وزیراعلیٰ سندھ

    کراچی : وزیراعلیٰ سندھ سید قائم علی شاہ نے کے الیکٹرک کو غیراعلانیہ لوڈ شیڈنگ کے خاتمے کی ہدایت کر دی۔

    وزیراعلیٰ سندھ سید قائم علی شاہ نے کراچی کے متعدد علاقوں میں غیر اعلانیہ اور طویل لوڈ شیڈنگ کا سخت نوٹس لیتے ہوئے کے۔ الیکٹرک کی انتظامیہ کو مختلف علاقوں میں غیر اعلانیہ لوڈ شیڈنگ ختم کرنے کے احکامات جاری کئے ہیں۔

    انہوں نے کے۔ الیکٹرک کی انتظامیہ کو ہدایت کی کہ رمضان المبارک کے موقع پر کسی بھی قسم کی لوڈ شیڈنگ نہ کی جائے اور عوام کو تسلسل کے ساتھ بجلی کی فراہمی یقینی بنائی جائے۔

  • وزیراعلیٰ سندھ نے پانی کے منصوبے کے فور کا افتتاح کردیا

    وزیراعلیٰ سندھ نے پانی کے منصوبے کے فور کا افتتاح کردیا

    کراچی : وزیراعلیٰ سندھ سید قائم علی شاہ نے کراچی کو پانی فراہمی کے منصوبے ۔ کے فور ۔ کا افتتاح کردیا ۔

    اس موقع پر صحافیوں سے گفتگو کرتے ہوئے وزیراعلیٰ سندھ نے کہا کہ  وزیراعظم سے پراجیکٹ کیلئے رقم مانگیں تو وہ کہتے ہیں کہ وزیرخزانہ سے بات کریں۔

    وزیراعلیٰ سندھ قائم علی شاہ کا افتتاحی تقریب سے خطاب کرتے ہوئے کہنا تھا کہ وزیراعظم کراچی آتے ہیں اور امن و امان سے متعلق ہر طرح سے تعاون کرتے ہیں لیکن منصوبے کیلئے رقم کے معاملے پر کہتے ہیں کہ اس بارے میں وزیرخزانہ سے کہا جائے۔

    وزیراعلی سندھ سید قائم علی شاہ نے کہا ہے کہ وزیر اعظم اچھے انسان ہیں پرمعاشی معاملات میں تعاون نہیں کرتے، وفاقی منصوبوں میں بھی سندھ کو نظر انداز کیا جارہا ہے۔

    کراچی میں پانی کی فراہمی کا سب سے بڑا منصوبہ کے فور کو بھی وفاقی بجٹ میں شامل نہیں کیا گیا ، ہم نے اپنی مدد آپ کے تحت اللہ کا نام لیکر کام شروع کردیا ہے ۔

    وزیراعلیٰ ہاؤس میں کے فور منصوبے کا سنگ بنیاد رکھنے کی تقریب سے خطاب کرتے ہوئے وزیراعلیٰ سندھ کاکہنا تھا کہ یہ منصوبہ پچیس ارب روپے کی لاگت سے 2017 میں مکمل ہوگا۔

    وفاق نے یقین دہانی کرائی تھی کہ اس منصوبے پر آنے والے اخراجات کی آدھی رقم وفاقی حکومت دے گی پر تاحال اس منصوبے کیلئے کچھ نہیں دیا گیا ۔

    ان کاکہنا تھا کہ کے فور منصوبہ برسوں سے سرد خانے میں پڑا تھا 2005سے اس منصوبے پر کام نہیں ہوا کراچی میں وسائل کی کمی کے باوجود لوگ پاکستان اور بیرون ملک سے یہاں آتے ہیں اور ہم نے اس شہر کی ترقی کو آئندہ بیس سال کی نگاہ سے دیکھ رہے ہیں۔

    وزیراعلی سندھ نے کہا کہ ہمیں کہا گیا کہ وفاق نے کے فور منصوبے کے لئے دو ارب روپے بھیج دئیے لیکن ابھی تک تو موصول نہیں ہوئے پتا نہیں کہاں ہے لیکن ہم اس منصوبے سے پیچھے نہیں ہٹیں گے۔

  • ایپکس کمیٹی کااجلاس : امن و امان سے متعلق اقدامات کا جائزہ

    ایپکس کمیٹی کااجلاس : امن و امان سے متعلق اقدامات کا جائزہ

    کراچی : وزیراعلیٰ سندھ سید قائم علی شاہ کی زیر صدارت ایپکس کمیٹی کا اجلاس وزیراعلیٰ ہاؤس میں ہوا۔ تین گھنٹے تک جاری رہنے والے اجلاس میں گورنر سندھ ڈاکٹر عشرت العباد، کورکمانڈر کراچی نوید مختار، ڈی جی رینجرز بلال اکبر، آئی جی سندھ غلام حیدر جمالی، اور صوبائی وزراء شریک ہوئے۔

    ذرائع کے مطابق اجلاس میں رینجرز نے سندھ پولیس کے تبادلوں اور تقرریوں پر تحفظات کا اظہار کیا ۔ وزیراعلیٰ سندھ کاکہنا تھا سانحہ صفورہ کے بعد پولیس نے جتنی تیزی سے ملزمان کو گرفتار کیا ،وہ قابل تعریف ہے۔

    وزیراطلاعات سندھ شرجیل میمن کاکہنا تھا سندھ میں اڑتالیس مدرسوں کو مشکوک قراردیا گیا ہے، اجلاس کے بارے میں ذرائع کاکہنا ہے کہ قومی ایکشن پلان پر تفصیلی غور کیا گیا اور اجلاس میں وزیراعلیٰ سندھ نے سیکریٹری داخلہ مختار سومرو پر برہمی کا اظہار کیا کہ کالعدم تنظیموں کے 61 افراد کو گرفتار کیوں نہیں کیا گیا۔

    ذرائع کے مطابق اجلاس میں رینجرز کی طرف سے سندھ پولیس کے تبادلوں اور تقرریوں پر تحفظات کا اظہار کیا گیا ہے اور کہا گیا ہے کہ پولیس تبادلوں سے قبل ایپکس کمیٹی کو اعتماد میں نہیں لیا جاتا۔

    وزیراعلیٰ سندھ کاکہنا تھا کہ دہشت گردوں کے خلاف جاری آپریشن میں اہم کامیابیاں حاصل کی ہیں، خصوصی طور پر سانحہ صفورہ کے بعد پولیس نے جتنی تیزی سے ملزمان کو گرفتار کیا ،وہ قابل تعریف ہے۔

    اجلاس کو بتایا گیا کہ کراچی میں کاررائیوں میں مزید تیزی لائی جائے گی اور مشکوک مدرسہ جات کے خلاف بھی کارروائی کی جائے گی ۔

    اجلاس سے خطاب کرتے ہوئے وزیراعلیٰ سندھ نے کہا کہ اس وقت حالت جنگ میں ہیں دہشت گردوں کے خاتمے تک جنگ جاری رہے گی ۔

    انہوں نے بتایا کہ آئندہ مالی سال میں امن و امان کیلئے 70 ارب روپے کا بجٹ مختص کیا جارہا ہے ،ا جلاس کے بعد میڈیا سے گفتگو کرتے ہوئے وزیراطلاعات سندھ شرجیل میمن کاکہنا تھا کہ اجلاس میں پیٹرول اور ڈیزل کی اسمگلنگ میں ملوث ملزمان کو گرفتار کرنے اور سزائیں دینے کا فیصلہ کیا گیا ہے اور دہشت گردوں کی فنڈنگ کو روکنے کیلئے کارروائی کی جائے گی ۔

    انہوں نے کہا کہ سندھ میں 48 مدرسوں کو مشکوک قراردیا گیا ہے اور دیگر مدرسوں کی بھی چھان بین کی جائے گی، شرجیل میمن کاکہنا تھا کہ ایپکس کمیٹی نے کراچی میں امن وامان اور کراچی آپریشن کے حوالے سے اہم فیصلے کئے ہیں اور تمام اداروں کے درمیان مضبوط رابطے ہیں، کوآرڈینیشن کا کوئی فقدان نہیں ہے ۔

  • صحافیوں پرتشدد پروزیراعلیٰ سندھ نے تحقیقاتی کمیٹی بنادی

    صحافیوں پرتشدد پروزیراعلیٰ سندھ نے تحقیقاتی کمیٹی بنادی

    کراچی : سٹی کورٹ کے باہر صحافیوں پر ہائی کورٹ کے باہر تشدد پر وزیراعلیٰ سندھ نے ڈی آئی جی امیر شیخ کی سربراہی میں تحقیقاتی کمیٹی قائم کردی ہے۔

    وزیراعلیٰ ہاؤس میں وزیراعلیٰ سندھ نے صحافیوں سے ملاقات کی، جس میں وزیربلدیات شرجیل میمن، وقار مہدی اور راشد ربانی شریک تھے ۔

    وزیراعلیٰ سندھ نے صحافیوں پر پولیس تشدد پر افسوس کا اظہار کیا اور شرجیل میمن نے معافی مانگی۔ وزیراعلیٰ سندھ نے رپورٹرز اور زخمی کیمرہ مینوں سے حقائق معلوم کئے۔

    اس موقع پر ڈی آئی جی امیر شیخ کو واقعے کی انکوائری کرکے پانچ روز میں ذمہ دار افسران کا تعین کرنے کا حکم دیا ہے۔

    واضح رہے کہ گزشتہ روز سٹی کورٹ کے باہر کراچی پولیس نے قانون کی دھجیاں اڑاتے ہوئے نہتے صحافیوں پرڈنڈے برسا دیئے تھے۔

    بہیمانہ تشدد کے باعث اےآروائی کے کیمرہ مین  نعمان شیخ بھی زخمی ہوگیا اور نقاب پوش پولیس اہلکاروں نے اے آر وائی کے کیمرہ مین سے کیمرہ بھی چھین لیا۔

    مسلح پولیس اہلکاروں نے بٹ مار کر گاڑیوں کے شیشے بھی توڑ دیئے۔ پولیس تشدد سے زخمی صحافیوں کو طبی امداد کیلئے قریبی اسپتال لے جایا گیا۔

  • ڈی آئی جی حیدرآباد کی کراچی میں موجودگی پررپورٹ طلب

    ڈی آئی جی حیدرآباد کی کراچی میں موجودگی پررپورٹ طلب

    کراچی: وزیراعلیٰ سندھ قائم علی شاہ نے آئی جی سندھ سے ڈی آئی جی حیدرآباد ثناء اللہ عباسی کی کراچی میں موجودگی پر رپورٹ طلب کرلی ۔

    ذرائع کے مطابق ڈی آئی جی حیدرآباد ثناء اللہ عباسی ضلع بدین میں سابق وزیر داخلہ ذوالفقار مرزا کیخلاف مقدمات درج ہونے کے بعد کراچی آگئے تھے۔

     ڈی آئی جی حیدرآباد نے غفلت برتتے ہوئے ذوالفقار مرزا کی گرفتاری کیلئے خود جانے کے بجائے جونیئر افسران کو تعینات کردیا تھا ۔

     ذرائع کا کہنا ہے کہ ثناء اللہ عباسی اپنی محکمہ جاتی ترقی کے سلسلے میں کراچی میں مقیم تھے ۔

  • ذوالفقار مرز ا نے جو کیا اس کا فیصلہ عدالت کرے گی ، وزیرا علیٰ سندھ

    ذوالفقار مرز ا نے جو کیا اس کا فیصلہ عدالت کرے گی ، وزیرا علیٰ سندھ

    کراچی: وزیر اعلیٰ سندھ سید قائم علی شاہ نے کہا ہے ک کوئی فرد قانون سے بالا تر نہیں، ذوالفقار مرزا نے جو کچھ کیا اس کا فیصلہ انسداد دہشتگردی کی عدالت کرے گی،جتنی قربانی آصف علی زرداری نے پیپلز پارٹی کیلئے دی کسی رہنما نے نہیں دی ۔

    کراچی میں پریس کانفرنس کے دوران قائم علی شاہ کا کہنا تھا کہ قانون کی بالادستی پرہرصورت عمل کیاجائےگا، انہوں نے کہا کہ ہم سیاسی لوگ ہیں کلاشنکوف سےلوگوں کوہراساں نہیں کرتے ہیں۔

    وزیراعلیٰ سندھ کا کہنا تھا کہ آصف زرداری پرغلط الزامات لگائے،ماضی میں بھی شہید ذوالفقار علی بھٹو اورمحترمہ پر بھی الزامات لگائے گئے۔

    انہوں نے کہا کہ ذوالفقارمرزامعلوم نہیں کس کی ایماپرالزامات لگارہے ہیں،قائم علی شاہ نے کہا کہ پارٹی کارکنوں کو ذوالفقارمرزاپر بہت غصہ ہے، انہیں عدالت کاسہاراپہلے لیناچاہیےتھا۔

     وزیر اعلیٰ نے کہا کہ پولیس کوچادراورچاردیواری کےاحترام کی ہدایت کی گئی تھی،انہوں نے کہا کہ ذوالفقار مرزا کیخلاف مقدمات کا فیصلہ اب انسدادہشت گردی عدالت کریگی۔

    قائم علی شاہ نے کہا کہ آصف زرداری ایک فردنہیں ادارہ ہیں، وہ اور پیپلزپارٹی ایک ہیں، انکا کہنا تھا کہ پیپلزپارٹی کیلئے جتنی قربانی آصف زرداری نے کسی لیڈ ر نے نہیں دی۔

  • قائم علی شاہ کی الطاف حسین کو ضمنی الیکشن میں کامیابی پرمبارکباد

    قائم علی شاہ کی الطاف حسین کو ضمنی الیکشن میں کامیابی پرمبارکباد

    کراچی : وزیراعلیٰ سندھ سیدقائم علی شاہ نے ایم کیوایم کے قائد الطاف حسین کوفون کرکے انہیں قومی اسمبلی کے حلقہ این اے 246 کے ضمنی انتخاب میں ایم کیوایم کی شاندار کامیابی پر مبارکباد پیش کی ۔

    تفصیلات کے مطابق وزیراعلیٰ سندھ سیدقائم علی شاہ نے الطاف حسین سے گفتگوکرتے ہوئے کہاکہ ضمنی انتخاب میں بھاری اکثریت سے کامیابی خوش آئند ہے جو ایم کیوایم پرعوام کے اعتمادکی مظہرہے۔

    انہوں نے اس کامیابی پر سابق صدرآصف زرداری کی جانب سے ایم کیوایم کی قیادت اور کارکنوں کومبارکبادپیش کی ۔ الطاف حسین نے وزیراعلیٰ سندھ سیدقائم علی شاہ کا شکریہ ادا کیا اور انہیں بھی مبارکبادپیش کی۔

    اس موقع پر دونوں رہنماؤں نے ایک دوسرے کی خیریت بھی دریافت کی۔