Tag: وزیراعلیٰ سندھ

کراچی: وزیراعلیٰ سندھ مراد علی شاہ نے کہا کہ کرونا وائرس کے حملے کم ہوئے تو بارشوں کا سامنا کر رہے ہیں۔

تفصیلات کے مطابق وزیراعلیٰ سندھ مراد علی شاہ کی مختلف ممالک کے قونصل جنرلز سے ملاقات ہوئی جس میں انہوں نے سندھ میں سیلاب کی تباہ کاری سے آگاہ کیا۔

اس موقع پر مراد علی شاہ کا کہنا تھا کہ کرونا کے حملے کم ہوئے تو بارشوں کا سامنا کر رہے ہیں،کرونا نے ملک بالخصوص سندھ میں بیروزگاری اور غربت میں اضافہ کیا۔

وزیراعلیٰ سندھ نے کہا کہ مدد کے منصوبہ بنا رہے تھے کہ بارشوں کی تباہیاں آگئیں، ہم نے کرونا کے لیے بھی اہم اقدامات کیے،شہر بند ہوگئے، میرپورخاص، عمرکوٹ،سانگھڑ اور بدین میں خیمہ بستی قائم کی گئیں۔

مراد علی شاہ کا کہنا تھا کہ ہم نے 20 اضلاع کو آفت زدہ قرار دیا،بحالی کے لیے سندھ میں اربوں کی ضرورت ہے، کراچی سمیت 20 اضلاع میں بحالی کےکام کی ضرورت ہے،وفاقی حکومت سے 4 لاکھ خاندانوں کو فی کس ایک لاکھ دینے کی درخواست کی۔

انہوں نے کہا کہ سندھ میں بارشوں کے باعث حادثات میں 137 افراد انتقال کرگئے،صرف کراچی میں 64 لوگ جاں بحق ہوئے،سندھ میں 11 لاکھ ایکڑ کھڑی فصلیں تباہ ہوگئیں۔

وزیراعلیٰ سندھ کا کہنا تھا کہ 15 ہزار233 دیہات شدید متاثر ہوئے،77 ہزار 342 گھرگرگئے،بارشوں کے باعث صوبے میں مویشی بھی بڑی تعداد میں مرگئے، ایسے خاندانوں کی بحالی کے لیے مویشی بھی دینے ہوں گے۔

کراچی: وزیراعلیٰ سندھ مراد علی شاہ کا کہنا ہے کہ بارش سے متاثرہ علاقوں میں لوگوں کو محفوظ مقامات پر منتقل کیا جائے۔

تفصیلات کے مطابق وزیراعلیٰ سندھ مراد علی شاہ نے تھر،میرپورخارص،عمرکوٹ،بدین ،سجاول کے ڈی سیز کو فون کر کے عوام کے ساتھ ہر طرح سے تعاون کی ہدایت کی ہے۔

مراد علی شاہ نے کہا کہ متاثرہ لوگوں کو محفوظ مقامات پر منتقل کیا جائے،متاثرہ عوام کوخوراک ،پینے کا پانی وغیرہ مہیا کیا جائے۔

وزیراعلیٰ سندھ نے محکمہ آبپاشی کےعملے کو بھی متحرک رہنے کی ہدایت کرتے ہوئے کہا کہ پانی کی شاخوں اور ایل بی او ڈی کے پشتوں کا خیال رکھا جائے،کسی بھی مقام پر شگاف ہو تو فوری اس کو بھر دیا جائے۔

مراد علی شاہ کا مزید کہنا تھا کہ ہرگھنٹے ڈپٹی کمشنرز کی طرف سے ریلیف کاموں کی رپورٹ چاہیے۔

یاد رہے کہ 29 اگست کو طوفانی بارشوں کے بعد پاکستان کے سب سے بڑے شہر کراچی سمیت سندھ کے 20 اضلاع کو آفت زدہ قرار دیا گیا تھا۔

ترجمان سندھ حکومت مرتضیٰ وہاب کا کہنا تھا کہ کراچی کے تمام 6 اضلاع کے علاوہ بدین، ٹھٹھہ، سجاول، جامشورو، حیدرآباد، ٹنڈو الہ یار، مٹیاری، دادو، میرپور خاص، عمر کوٹ، تھرپارکر، بینظیرآباد اور سانگھڑ کے اضلاع کو بھی آفت زدہ قرار دیا گیا۔

کراچی: وزیراعلیٰ سندھ مراد علی شاہ کا کہنا ہے کہ کے الیکٹرک سےمکمل تعاون کررہے ہیں تاکہ پانی نکال سکیں۔

تفصیلات کے مطابق وزیراعلیٰ سندھ مراد علی شاہ نے میڈیا سے گفتگو کرتے ہوئے کہا کہ برساتی پانی کی وجہ سے جلوس کے روٹ میں معمولی تبدیلی کی۔

مراد علی شاہ کا کہنا تھا کہ اس وقت تھوڑا سا پانی یوسف گوٹھ ، کھارادر کے اطراف میں رہ گیا ہے،اس شہر کے ساتھ ایسا ظلم ہوا ہے کہ نالے بند کر دیےگئے۔

انہوں نے کہا کہ رہائشی علاقوں کو کمرشل،پارکس رہائشی علاقوں میں تبدیل کیےگئے،کوشش کررہے ہیں پرانی پانی کی نکاسی کی لائنیں بحال کریں۔

وزیراعلیٰ سندھ کا کہنا تھا کہ میں نے کے الیکٹرک کے دفتر کا دورہ بھی کیا،کے الیکٹرک سے مکمل تعاون کر رہے ہیں تاکہ پانی نکال سکیں، ہم نے کے الیکٹرک کو کہا ہے کہ ایس او پیز بنائیں،ایسے ایس او پیز بنائیں کہ انسٹالیشنز سے پانی کی نکاسی یقینی ہو۔

مراد علی شاہ نے کہا کہ میں نے شہر کو آفت زدہ ڈکلیئر کر دیا ہے،ڈی سی جانی و مالی نقصانات کا سروے کر رہے ہیں،کوشش کریں گے وفاق سے مدد لے کر عوام کو مالی ریلیف دیں۔

کراچی: وزیراعلیٰ سندھ مراد علی شاہ کا کہنا ہے کہ بارش سے متاثرہ علاقوں میں لوگوں کو کھانا اور پانی پہنچائیں،اکیلا نہ چھوڑیں۔

تفصیلات کے مطابق وزیراعلیٰ سندھ مراد علی شاہ نے ملیر ندی کے متاثرہ علاقوں کا دورہ کیا۔ڈی سی چیئرمین سلمان عبداللہ مراد نے ملیر ندی سے متعلق بریفنگ دی۔

وزیراعلیٰ سندھ نے ماروی گوٹھ پہنچ کر لوگوں سے تفصیلات لیں۔مراد علی شاہ کو بتایا گیا کہ کھوئی گوٹھ 22، درسانو چھنو سے30 لوگوں کا انخلا ہوگیا،مدینہ ٹاؤن،یار محمد گوٹھ میں لوگ پھنسے ہوئے ہیں‌۔

مراد علی شاہ نے کمشنر کراچی کو فوری لوگوں کو نکالنے کی ہدایت کرتے ہوئے کہا کہ لوگوں کو کھانا اور پانی پہنچائیں،اکیلا نہ چھوڑیں‌۔

صوبہ سندھ میں مون سون بارشوں نے تباہی مچا دی ہے جبکہ کراچی میں مسلسل بارش کے باعث کئی نشیبی علاقے زیر آب آگئے ہیں۔

یاد رہے کہ گزشتہ روز وزیراعلیٰ سندھ مراد علی شاہ نے مون سون بارشوں کے پیش نظر صوبے بھر میں رین ایمرجنسی نافذ کر دی تھی۔

مراد علی شاہ نے تمام متعلقہ سرکاری اداروں کے ملازمین کی چھٹیاں منسوخ کر دی تھیں اور تمام ملازمین کو اپنے محکموں میں رپورٹ کرنے کی ہدایت کی تھی۔

حیدرآباد: وزیراعلیٰ سندھ مراد علی شاہ سے حیدرآباد کے تمام منتخب نمائندوں نے حیسکو کی شکایات کیں۔

تفصیلات کے مطابق وزیراعلیٰ سندھ سید مراد علی شاہ کی زیرصدارت اجلاس ہوا جس میں شرجیل میمن، جبار خان ،جام خان شورو نے شرکت کی۔

اجلاس میں حیدرآباد کے منتخب نمائندوں نے وزیراعلیٰ سندھ سے حیسکو کی شکایات کرتے ہوئے کہا کہ حیسکو کی جانب سے 18،18گھنٹے لوڈشیڈنگ کی جا رہی ہے۔منتخب نمائندوں کا کہنا تھا کہ بارش شروع ہو تو حیسکو بجلی بند کر دیتی ہے عوام ناراض ہے۔

کمشنر حیدرآباد نے وزیراعلیٰ سندھ کو بریفنگ کے دوران بتایا کہ حیدرآباد میونسپل کو 3 ملین روپے دیے،نالوں کی ڈی سلٹنگ کے لیے 5 ملین روپے مختص کیے ہیں۔انہوں نے بتایا کہ شدید بارشیں ہوئیں تو حیدرآباد زیادہ متاثر ہوتا ہے۔

مراد علی شاہ کا کہنا تھا کہ اب کسی قسم کی شکایات نہیں ہونی چاہیے، میں اس لیے آیا ہوں کہ فول پروف انتظامات ہونے چاہئیں۔

کراچی: ایم کیو ایم رہنما کنور نوید جمیل نے ضیاء الرحمان کی بطور ڈی سی سینٹرل تعیناتی کے معاملے پر وزیراعلیٰ سندھ کو خط لکھا ہے۔

تفصیلات کے مطابق ایم کیو ایم کے سندھ اسمبلی میں پارلیمانی لیڈر کنور نوید جمیل نے وزیر اعلیٰ سندھ مراد علی شاہ کو خط لکھا ہے جس میں انہوں نے کہا کہ ضیاء الرحمان کی ڈیپوٹیشن پر تعیناتی سپریم کورٹ کے احکامات کی توہین کے زمرے میں آتی ہے۔

خط کے متن میں کہا گیا ہے کہ ایم کیو ایم پاکستان پہلے ہی جعلی ڈومیسائل کے معاملے پر شہری سندھ کے لوگوں کے حقوق کی جدو جہد کر رہی ہے۔

کنور نوید جمیل کا کہنا ہے کہ صوبے کے باہر سے ایک شخص کو لا کر ایک انتہائی اہم پوسٹ پر بٹھا دیا گیا ہے،ضیاء الرحمان کی تعیناتی کو فوری طور پر منسوخ کیا جائے۔

خط میں کہا گیا ہے کہ سپریم کورٹ کی ہدایات کے مطابق صوبہ سندھ میں تعیناتی نہیں ہوسکتی، ڈسٹرکٹ سینٹرل حساس ترین علاقہ ہے، اس طرح کی پوسٹنگ بہتری کے لیے ممکن نہیں ہے۔

وزیراعلیٰ سندھ کو لکھے گئے خط میں کہا گیا ہے کہ کراچی کے نوجوانوں کی نوکریوں پر دوسرے صوبے کے لوگوں کو مسلط کیا جا رہا ہے، ایسی پوسٹنگز سے حکومت سندھ کا بغض صاف دکھائی دے رہا ہے۔

خط کے متن میں کہا گیا ہے کہ ڈپٹی کمشنر کی پوسٹنگ کا نوٹیفکیشن منسوخ کیا جائے ورنہ حکومت سندھ کے خلاف قانونی چارہ جوئی کا حق محفوظ رکھتے ہیں۔

کراچی: وزیراعلیٰ سندھ مراد علی شاہ نے کہا ہے کہ دھابیجی اکنامک زون ملک کی معیشت کے لیے بہت اہم ہے۔

تفصیلات کے مطابق وزیراعلیٰ سندھ مراد علی شاہ کی زیر صدارت اسپیشل اکنامک زون دھابیجی کا اجلاس ہوا جس میں بریفنگ کے دوران بتایا گیا کہ اسپیشل اکنامک زون دھابیجی 1500 ایکڑز پر محیط ہے،اسپیشل اکنامک زون دھابیجی میں 5 ایکڑز پرگرڈ اسٹیشن قائم کیا جائے گا۔

اجلاس میں بتایا گیا کہ اسپیشل اکنامک زون دھابیجی کی اراضی بورڈ آف انویسٹمنٹ کو فارملی ہینڈ اوور ہوگئی، اسپیشل اکنامک زون دھابیجی پراجیکٹ سی پیک کےتحت قائم کیا جا رہا ہے۔

اس موقع پر وزیراعلیٰ سندھ کا کہنا تھا کہ بورڈ آف انویسٹمنٹ نے اکنامک زون دھابیجی کے لیے انٹرنیشنل ٹینڈرز کیے ہیں،مختلف کنسلٹنٹس نے اپنی آفر دی ہیں۔

مراد علی شاہ کا کہنا تھا کہ اکنامک زون کو گیس، بجلی،پانی مہیا کرنے کے لیے اقدامات کیے جائیں، دھابیجی اکنامک زون ملک کی معیشت کے لیے بہت اہم ہے۔