Tag: وزیراعلیٰ علی امین گنڈاپور

پشاور : خیبرپختو نخوا میں’’تعلیم کارڈ‘‘کے اجرا کا فیصلہ کرلیا گیا ، کارڈ کا اجرا اپر چترال سے کیا جائے گا۔

تفصیلات کے مطابق خیبرپختو نخوا میں’’تعلیم کارڈ‘‘کے اجرا کا فیصلہ کرلیا گیا ، وزیراعلیٰ کے پی نے محکمہ تعلیم اور خزانہ کوفوری اقدامات کرنے کی ہدایت کردی۔

وزیراعلیٰ علی امین گنڈاپور  نے کہا کہ کارڈ کا اجرا اپرچترال سےکیاجائےگا، پسماندہ ضلع سے تعلیم کارڈ کا اجرا کر رہے ہیں۔

انھوں نے بتایا کہ اپرچترال سے منصوبے کوپائلٹ کریں گے، بہترین نتائج کیلئے منصوبے کو پہلے پائلٹ کیا جائے گا ، جس کے بعد دیگر ضلعوں تک مرحلہ وار وسعت دی جائے گی۔

علی امین گنڈاپور کا مزید کہنا تھا کہ یہ ہماری حکومت کا فلیگ شپ منصوبہ ہوگا،مستقبل کےنوجوانوں پریہ سب سے بڑی سرمایہ کاری ہوگی۔

اسلام آباد : خیبرپختونخوا میں سیاسی کشیدگی کی اندرونی کہانی سامنے آگئی، گورنرکےصوبائی حکومت کیخلاف سخت بیانات میں ن لیگ کی خواہش شامل تھی۔

تفصیلات کے مطابق ذرائع نے کہا ہے کہ خیبرپختونخوا میں سیاسی کشیدگی میں مسلم لیگ ن کا بھی کردار ہے، گورنر کے صوبائی حکومت کیخلاف سخت بیانات میں ن لیگ کی خواہش شامل تھی۔

ذرائع نے بتایا کہ فیصل کریم کنڈی کو گورنر بنوانےمیں ن لیگ کی شخصیات کا بھی کردار تھا کیونکہ ن لیگ کے چند رہنما خیبرپختونخوا حکومت کےخلاف بیان بازی چاہتےتھے۔

ذرائع کے مطابق تلخی دیکھ کر اہم وفاقی وزیر اورآزاد سینیٹر نےگورنرخیبرپختونخواسےرابطہ کیا، وفاقی وزیر نے گورنر کو خیبرپختونخوا حکومت سےماحول ٹھنڈا رکھنےکا پیغام دیا، پیغام سے پہلےوفاقی وزیر کی صدر آصف زرداری سےبھی بات ہوئی تھی۔

خیال رہے گورنرکےپی اور وزیراعلیٰ علی امین گنڈاپور نےایک دوسرے کیخلاف سخت بیانات دیئے تھے.

علی امین گنڈاپور کی گورنر ہاؤس پر قبضے کی دھمکی کے بعد سے دونوں رہنماؤں کے درمیان لفظی جنگ جاری ہے۔

پشاور : وزیراعلیٰ علی امین گنڈاپور نے دوٹوک اعلان کیا ہے کہ خیبرپختونخوا میں غیرقانونی لوگوں کو حلف نہیں لینے دیں گے، ہم لڑیں گے اور آخری حد تک جائیں گے۔

تفصیلات کے مطابق وزیراعلیٰ علی امین گنڈاپور نے سینیٹ الیکشن ملتوی ہونے کے حوالے سے میڈیا سے گفتگو میں کہا کہ عوام ہمیں قانون سازی اورآئین کےتحفظ کیلئےووٹ دیتی ہے، آئین کاتحفظ صرف حکمران نہیں بلکہ ہرشہری پرفرض ہے۔

علی امین گنڈاپور کا کہنا تھا کہ کے پی میں غیرقانونی لوگوں کوحلف نہیں لینے دیں گے اور آئین کےتحفظ کیلئے ہر حدتک جائیں گے، آج شام پارلیمانی میٹنگ میں آئین کے تحفظ کیلئے قرارداد پاس کریں گے۔

وزیراعلیٰ کے پی کے نے کہا کہ آئین توڑنے کی سزا آرٹیکل 6 ہے یعنی سزائےموت ہے، آئین توڑنے پر سزائے موت کے قانون کے باوجود باربار آئین توڑاجارہاہے، پہلےمرکزاورکےپی میں حکومت توڑی گئی، آئین کے تحت 90 روز میں انتخابات کرانا تھے لیکن ہمارانشان اورریزروسیٹیں بھی چھین لی گئیں۔

ان کا کہنا تھا کہ آئین میں کہیں نہیں لکھا وہ سیٹیں جو ان کا حق نہیں پھر بھی انھیں دی جائیں، انہوں نےکس طرح ہماری سیٹیں اٹھا کر کسی اور کو دے دیں۔

علی امین گنڈاپور نے کہا کہ واضح طورپرکہہ رہاہوں ہم آخری حدتک جائیں گے اور کسی بھی صورت خواتین کی سیٹوں کوحاصل کریں گے، ہم سمجھوتہ نہیں کرینگےپیچھےنہیں ہٹیں گے اور مقابلہ کریں گے۔

6ججز کے خط کے حوالے سے وزیراعلیٰ کے پی کے کا کہنا تھا اسلام آبادہائیکورٹ کے6ججزنےجوبیان دیااس پر فل کورٹ کیوں نہیں بن رہا، خط پرجوڈیشل کمیشن اورسائفر پر کمیشن کیوں نہیں بنایا گیا۔

اسلام آباد : انسداد دہشت گردی کی عدالت نے وزیراعلیٰ کے پی علی امین گنڈاپور کی عبوری ضمانت 17اپریل تک منظور کرلی۔

تفصیلات کے مطابق اسلام آباد کی انسداد دہشت گردی کی عدالت میں وزیراعلیٰ کے پی علی امین گنڈا پور کے خلاف تھانہ سی ٹی ڈی میں درج مقدمے کے کیس کی سماعت ہوئی۔

وکیل راجہ ظہورالحسن نے بتایا کہ علی امین گنڈاپورایف آئی آر میں نامزد ہیں مگرانکا کردار کوئی نہیں، کیونکہ علی امین گنڈاپور موقع پر موجود ہی نہیں تھے۔

وکیل کا کہنا تھا کہ علی امین گنڈاپور کےخلاف 50ایف آئی آر زدرج ہوئیں، ان کو عدالت تک پہنچنے بھی نہیں دیا جاتا رہا۔

انسداددہشتگردی عدالت نے وزیراعلیٰ کےپی علی امین گنڈاپور ضمانت قبل از گرفتاری کی در خواست منظور کرتے ہوئے 17اپریل تک عبوری ضمانت منظور کرلی۔

یاد رہے علی امین گنڈاپور نے ضمانت قبل از گرفتاری کیلئے اےٹی سی سےرجوع کیا تھا ، جس میں کہا تھا کہ علی امین گنڈا پورکو جھوٹی ایف آئی آر میں گھسیٹا جارہا ہے، ایف آئی ار میں بیان کی گئی کہانی من گھڑت اور بے بنیاد ہے۔

درخواست میں کہا گیا تھا کہ علی امین گنڈاپور کیس میں شامل تفتیش ہونے کیلئے تیار ہیں،ایف آئی آر کا مقصد علی امین گنڈاپورکی ساکھ کومتاثر کرناہے، استدعا ہے علی امین گنڈاپور کی ضمانت قبل از گرفتاری کی درخواست منظور کی جائے۔