لاہور : وزیراعلیٰ پنجاب عثمان بزدار نے کہا ہے کہ سالانہ رحمت اللعالمین ﷺ اسکالرشپ کے آغازکا فیصلہ کیا ہے ، اگلے ہفتے سےپنجاب میں ہفتہ شان رحمت اللعالمینﷺ کا آغاز ہوگا۔
تفصیلات کے مطابق وزیراعلیٰ پنجاب عثمان بزدار نے سماجی رابطے کی ویب سائٹ ٹوئٹر پر اپنے پیغام میں کہا کہ اگلے ہفتے سےپنجاب میں ہفتہ شان رحمت اللعالمینﷺکا آغازہوگا ، اسلاموفوبیا کے جواب میں ہفتہ شان رحمت اللعالمینﷺمنانے کا اعلان کیا، سالانہ رحمت اللعالمینﷺاسکالرشپ کے آغازکا فیصلہ کیا ہے، یونیورسٹیز، کالجز ،ا سکولوں میں سیرت النبی ﷺپرتقریری مقابلے ہوں گے۔
مغرب میں بڑھتے Islamophobia کےجواب میں ہم نے ہر سال ماہ ربیع الاول میں ہفتہ شان رحمت العالمین ؐ سرکاری سطح پر منانے، یونیورسٹیوں میں رحمت اللعالمین ؐ چیئر کے قیام، فرنچ اور انگلش میں ڈاکومینٹریز بنانے اور 50 کروڑ روپے سالانہ سے "رحمت اللعالمین ؐ سکالرشپ” کے آغاز کا فیصلہ کیا ہے
— Usman Buzdar (@UsmanAKBuzdar) November 4, 2020
گذشتہ روز وزیراعلیٰ پنجاب عثمان بزدار نے پریس کانفرنس کرتے ہوئے کہا تھا کہ رسول کریمﷺ سے محبت ہمارے ایمان کا حصہ ہے، پیغمبر اسلامﷺ کی شان میں گستاخی ہر گزبرداشت نہیں کی جاسکتی۔
عثمان بزدار کا کہنا تھا کہ آزادی اظہار رائے کی آڑ میں مذموم حرکت کی اجازت نہیں دی جاسکتی، عالمی ادارے ایسے شرپسندانہ اقدامات روکنےکیلئے کردار ادا کرے، گستاخانہ خاکوں کی پرزور مذمت کرتے ہیں.
انھوں نے کہا تھا کہ پنجاب میں 50کروڑ روپےسے رحمت للعالمین وظائف کا اجراکیاجارہاہے ، ربیع الاول کےمہینےمیں سرکاری سطح پرتقریبات کی جائیں گی اور پنجاب میں بین الاقوامی علما ومشائخ کانفرنس کا انعقاد کیاجائےگا۔
وزیراعلیٰ پنجاب کا مزید کہنا تھا کہ ہر سال ربیع الاول میں ہفتہ شان رحمت للعالمین ﷺمنایاجائیگا ،تھوڑا ساانتظار کرلیں ابھی بہت سی خوش خبریاں ملیں گی۔
