ARYNews.tv | Urdu – Har Lamha Bakhabar

Tag: وزیراعلیٰ پنجاب عثمان بزدار

  • اہم خبر ، ‘بجٹ سے قبل ہی سرکاری ملازمین کو 25 فیصد اسپیشل الاؤنس ملے گا’

    اہم خبر ، ‘بجٹ سے قبل ہی سرکاری ملازمین کو 25 فیصد اسپیشل الاؤنس ملے گا’

    لاہور : وزیراعلیٰ پنجاب عثمان بزدار نے سرکاری ملازمین کےلئےاسپیشل الاؤنس کی منظوری دے دی، ملازمین کویکم جون سے  25فیصد خصوصی الاؤنس ملے گا۔

    تفصیلات کے مطابق وزیراعلیٰ پنجاب عثمان بزدار کی زیرصدارت پنجاب کابینہ کا اجلاس ہوا، اجلاس میں سرکاری ملازمین کےلئےاسپیشل الاؤنس کی منظوری دے دی گئی ، گریڈایک سے19 تک 25 فیصداسپیشل الاؤنس کی منظوری دی۔

    یہ الاؤنس پہلے سےاضافی تنخواہ لینےوالےملازم کونہیں ملے گا ، فیصلے سے7لاکھ 21ہزار سےزائد سرکاری ملازمین مستفید ہوں گے۔

    اجلاس کے بعد معاون خصوصی فردوس عاشق اعوان نے میڈیا سے گفتگو کرتے ہوئے کہاپنجاب کابینہ کا اجلاس 4گھنٹےسےزائد جاری رہا،  کابینہ اجلاس میں 21نکاتی ایجنڈا زیرغورآیا، گریڈ ایک سے 19تک کےملازمین کے خصوصی الاؤنس کی منظوری دی گئی۔

    فردوس عاشق اعوان کا کہنا تھا کہ ملازمین کو2021سے 25فیصد خصوصی الاؤنس دیاجارہاہے ، پنجاب کابینہ نے آج تاریخی قدم اٹھایا ہے، 60 لاکھ 21ہزار ملازمین کو یکم جون سے خصوصی الاؤنس ملے گا۔

    انھوں نے مزید کہا پنجاب حکومت نےاس سلسلےمیں سالانہ4ارب روپےمختص کیےہیں اور احتجاجی سرکاری ملازمین کے دکھوں کاوزیراعلیٰ پنجاب نےامداواکیاہے۔

  • ‘بجٹ میں عوام کو اچھی خبریں ملیں گی’

    ‘بجٹ میں عوام کو اچھی خبریں ملیں گی’

    لاہور : وزیراعلیٰ پنجاب عثمان بزدار نے آئندہ مالی سال میں غیر ضروری اخراجات میں مزیدکمی کی ہدایت کرتے ہوئے کہا عام آدمی کو ریلیف دینے  کے  لئے  جامع پروگرام وضع کیا جارہا ہے، بجٹ میں عوام کو اچھی خبریں دیں گے۔

    تفصیلات کے مطابق وزیراعلیٰ پنجاب عثمان بزدار نے اپنے بیان میں کہا ہے کہ رواں سال بھی وبا کے باعث انتہائی غیر معمولی حالات کا سامنا ہے، آئندہ مالی سال کے بجٹ میں ترجیحات کو فوکس کرنا ضروری ہے جبکہ تعلیم، صحت اور دیگر سماجی شعبوں کو اہمیت دی جائے گی۔

    عثمان بزدار نے آئندہ مالی سال میں غیر ضروری اخراجات میں مزیدکمی کی ہدایت کرتے ہوئے کہا محکموں کوسخت فنانشل ڈسپلن کی پالیسی پر کاربند رہنا ہو گا اور ہرسطح پراخراجات کنٹرول کرکےکفایت شعاری کوفروغ دیاجائےگا۔

    وزیراعلیٰ پنجاب کا کہنا تھا کہ پبلک پرائیویٹ پارٹنرشپ پراجیکٹس پرکام کی رفتار کو تیزکرناہوگا، عام آدمی کو ریلیف دینے کے لئے جامع پروگرام وضع کیا جارہا ہے، پنجاب حکومت کے بجٹ میں عوام کو اچھی خبریں دیں گے۔

    انھوں نے مزید کہا کہ پنجاب حکومت کے آئندہ مالی سال کابجٹ کامحورعام آدمی ہوگا، کاشتکاروں اور صنعتکاروں کو ریلیف دیا جائے گا، حالات مشکل ضرور ہیں لیکن ہم نے کمزور طبقوں کا تحفظ کرناہے۔

  • عید کی تعطیلات ، وزیراعلیٰ پنجاب کا ایس اوپیز پر سختی سے عملدرآمد کرانے کا حکم

    عید کی تعطیلات ، وزیراعلیٰ پنجاب کا ایس اوپیز پر سختی سے عملدرآمد کرانے کا حکم

    لاہور : وزیراعلیٰ پنجاب عثمان بزدار نے عید تعطیلات پر ایس اوپیز پر سختی سےعملدرآمد کرانے کا حکم دیتے ہوئے کہا ایس اوپیز پر عملدرآمد سے کورونا سے بچاؤممکن ہے۔

    تفصیلات کے مطابق وزیراعلیٰ پنجاب عثمان بزدار نے کورونا صورتحال کے حوالے سے اپنے بیان میں کہا ہے کہ کوروناپھیلاؤ روکنےکیلئےعوام کاتعاون اہمیت کاحامل ہے ، عوام ایس او پیز کی مسلسل پابندی کریں، سماجی فاصلے برقرار رکھنے میں ہی عافیت ہے۔

    عثمان بزدار کا کہنا تھا کہ عید تعطیلات پرایس اوپیزکی خلاف ورزی برداشت نہیں کی جائے گی ، احتیاط کا دامن تھام کر کورونا کے ساتھ جینا سیکھنا ہوگا۔

    وزیراعلیٰ پنجاب نے ایس اوپیزپرسختی سےعملدرآمدکرانےکاحکم دیتے ہوئے کہا احتیاط کرنے ہی میں سلامتی اور تحفظ ہے، انتظامی اقدامات کے ذریعے ایس او پیز یقینی بنائےجائیں گے، سب ذمہ دار شہری ہونے کا ثبوت دیں۔

    ان کا کہنا تھا کہ اقدامات اور گائیڈ لائنز پر ہر صورت عملدرآمد کرائیں، حکومت کےاقدامات پر عملدرآمد میں کوتاہی کی گنجائش نہیں، ایس اوپیز پر عملدرآمد سے کوروناسےبچاؤممکن ہے، جتنی احتیاط کرینگےاتناہی شہری محفوظ رہیں گے۔

    خیال رہے پاکستان میں کوروبا صورتحال میں بہتری آنے لگی ، عید کے دوسرے دن کورونا سے 48 اموات ہوئی ہیں جبکہ 2517 نئے کیسز رپورٹ ہوئے، اس دوران کورونا کے ٹیسٹ مثبت آنے کی شرح 8.19 فیصد رہی۔

  • کورونا وبا خطرناک صورتحال اختیار کرنے لگی ، وزیراعلیٰ پنجاب کی عوام سے احتیاط کی اپیل

    کورونا وبا خطرناک صورتحال اختیار کرنے لگی ، وزیراعلیٰ پنجاب کی عوام سے احتیاط کی اپیل

    لاہور : وزیراعلیٰ پنجاب عثمان بزدار نے خبردار کیا ہے کہ کوروناوبا خطرناک صورتحال اختیارکررہی ہے، شہری جس قدر احتیاط کریں گے اتناہی کیسز میں کمی آئےگی۔

    تفصیلات کے مطابق وزیراعلیٰ پنجاب عثمان بزدار نے کورونا صورتحال کے حوالے سے اپنے بیان میں کہا ہے کہ کورونا وبا خطرناک صورتحال اختیار کررہی ہے، رمضان کےآخری عشرے میں عوام کو زیادہ احتیاط کی ضرورت ہے۔

    عثمان بزدار کا کہنا تھا کہ عید تعطیلات کے دوران ایس او پیز پر عمل سے وبا پھیلاؤ روکنے میں مددملےگی، حکومت نے صورتحال کے تناظر میں لاک ڈاؤن کا مشکل فیصلہ کیا، شہری بلا ضرورت گھر وں سے نہ نکلیں، شہری جس قدر احتیاط کریں گے اتنا ہی کیسز میں کمی آئےگی۔

    کورونا ویکسی نیشن سے متعلق وزیراعلیٰ پنجاب نے کہا کہ کورونا سے بچاؤ کیلئے ویکسی نیشن کا عمل تیزی سے جاری ہے، ویکسی نیشن سینٹرز کی تعداد میں اضافہ کر دیا گیا ہے، 50 سال سے زائدعمر کے شہری ویکسین کی سہولت سےفائدہ اٹھائیں۔

    ان کا کہنا تھا کہ 40سال سےزائدعمرکےافرادکی بھی ویکسی نیشن شروع کردی گئی ہے، شہری ویکسین ضرورلگوائیں ، جو کورونا سے بچاؤ کیلئے ضروری ہے۔

    خیال رہے پاکستان میں گزشتہ چوبیس گھنٹوں کے دوران مزید 120 افراد انتقال کر گئے، جس کے بعد اموات کی مجموعی تعداد بڑھ کر 18 ہزار 797 ہوگئی ہے۔

    این سی او سی کے مطابق  گزشتہ 24 گھنٹوں کے دوران کرونا کے 48 ہزار 103 ٹیسٹ کیے گئے، جن میں سے مثبت آنے والے کیسز کی تعداد 4 ہزار 109 رہی، جب کہ 24 گھنٹوں میں کرونا کے ٹیسٹ مثبت آنے کی شرح 8.54 فی صد رہی۔

  • مزدوروں کی کم سے کم اجرت 20 ہزار روپے مقرر

    مزدوروں کی کم سے کم اجرت 20 ہزار روپے مقرر

    لاہور : پنجاب میں مزدوروں کی کم سے کم اجرت20ہزارروپے مقرر کردی گئی ، وزیراعلیٰ پنجاب عثمان بزدار کا کہنا ہے کہ حکومت آئندہ بھی مزدوروں کیلئے تاریخ ساز اقدامات کرے گی۔

    تفصیلات کے مطابق وزیراعلیٰ پنجاب عثمان بزدار نے یوم مزدور کے موقع پر ویڈیو پیغام میں کہا ہے کہ یکم مئی محنت کش طبقےکی خدمات کا دن ہے، حکومت پسماندہ اور محنت کش طبقےکی فلاح و بہبودکیلئےکوشاں ہے، اسپتالوں میں مزدوروں، انکےاہلخانہ کو سہولتیں فراہم کی جارہی ہیں۔

    ،عثمان بزدار کا کہنا تھا کہ حکومت آئندہ بھی مزدوروں کیلئےتاریخ سازاقدامات کرےگی، 7.25ارب سےٹیلنٹ اسکالرشپ،شادی،اموات پرگرانٹ دی جا رہی ہے جبکہ لاہور،ملتان،ننکانہ صاحب میں مزدوروں میں 1296 فلیٹس الاٹ کئے گئے ہیں۔

    انھوں نے کہا کہ کوروناکےپیش نظرمحنت کشوں کادن سادگی سےمنارہےہیں، وطن عزیزہم سےگھروں میں رہنےکاتقاضاکرتاہے، محنت کش ہمارےہیروہیں جورزق حلال کماکرمعیشت مضبوط کرتےہیں۔

    وزیراعلیٰ پنجاب کا کہنا تھا کہ 1886کو شکاگومیں محنت کشوں نے حقوق کیلئےلازوال قربانیاں دیں، یہ دن جبرواستبدادکےخلاف شکاگوکےشہداکی جدوجہدیاددلاتا ہے، دین اسلام محنت کش کی عظمت اورفلاح وبہبودکادرس دیتاہے۔

    انھوں نے مزید کہا کہ نیا پاکستان محنت کشوں اورمزدوروں کاپاکستان ہے، ماضی میں محنت کشوں کووعدوں پرٹرخایاگیا، سابق ادوارمیں مزدوروں کی فلاح کیلئےعملی اقدامات نہیں کئے گئے۔

  • ‘پاکستان میں کورونا صورتحال خطرناک رخ اختیار کرنے لگی ، ہیلتھ سسٹم دباؤ کا شکار’

    ‘پاکستان میں کورونا صورتحال خطرناک رخ اختیار کرنے لگی ، ہیلتھ سسٹم دباؤ کا شکار’

    لاہور : وزیراعلیٰ پنجاب عثمان بزدار کا کہنا ہے کہ کورونا مریضوں کی وجہ سے ہیلتھ سسٹم دباؤکاشکارہوچکا ہے، عوام کو احتیاط کرنا ہوگی، صورتحال خطرناک رخ اختیار کررہی ہے۔

    تفصیلات کے مطابق وزیراعلیٰ پنجاب عثمان بزدار سے صوبائی وزرا،اراکین قومی و صوبائی اسمبلی کی ملاقات ہوئی ، ملاقات میں منتخب نمائندوں نے وزیراعلیٰ کو اپنے علاقوں کے مسائل سے آگاہ کیا، جس پر وزیراعلیٰ عثما ن بزدار نے نمائندوں کو مسائل حل کرنے کی یقین دہانی کرائی۔

    وزیراعلیٰ پنجاب نے کہا کہ منتخب نمائندوں کی ترجیحات کے مطابق ترقیاتی کام ہوں گے، ٹیم ورک کے طورپر صوبے کے عوام کی خدمت کرنی ہے، عوام کی خدمت مشن اور اوڑھنا بچھونا ہے۔

    ماضی کی حکومتوں کے حوالے سے عثمان بزدار کا کہنا تھا کہ سابق حکمرانوں نے عوام کے بنیادی مسائل کویکسر نظر انداز کیا، عوام بنیادی ضرورتوں کو ترستے رہے اور ماضی میں حکمران اقتدار کے مزے لوٹتے رہے، حکومت کی عوام کےبنیادی مسائل کےحل پرتوجہ ہے اور تمام علاقوں کی یکساں ترقی پر یقین رکھتی ہے۔

    کورونا صورتحال سے متعلق انھوں نے کہا کہ کورونامریضوں کی وجہ سے ہیلتھ سسٹم دباؤکاشکارہوچکا ہے، کورونامریضوں کیلئے وسائل استعمال اورممکنہ اقدامات کررہےہیں، عوام کو احتیاط کرنا ہوگی،صورتحال خطرناک رخ اختیار کررہی ہے، ماسک پہننے سے کورونا سے بچاؤ ممکن ہے، کوروناکنٹرول کرنے کے لئے مزید سخت اقدامات کرناہوں گے۔

    اپوزیشن کے حوالے سے وزیراعلیٰ پنجاب کا کہنا تھا کمہ پی ڈی ایم کا غیر فطری اتحاد اپنے انجام کو پہنچ چکا ہے، اپوزیشن نے جو بویا وہی اب کاٹ رہی ہے، اپوزیشن نے ملکی مفادات کو داؤ پر لگانے میں کوئی کسرنہیں چھوڑی، عوام میں منفی سیاست کرنے والوں کی ساکھ ختم ہوچکی ہے۔

  • کورونا کی بگڑتی صورتحال، اسپتالوں میں وینٹی لیٹرزاور آکسیجن بیڈز کی تعداد فوری بڑھانے کی ہدایات

    کورونا کی بگڑتی صورتحال، اسپتالوں میں وینٹی لیٹرزاور آکسیجن بیڈز کی تعداد فوری بڑھانے کی ہدایات

    لاہور : وزیراعلیٰ پنجاب عثمان بزدار نے کورونا کی بگڑتی صورتحال کے پیش نظر اسپتالوں میں وینٹی لیٹرزاور آکسیجن بیڈز فوری بڑھانے کی ہدایات کردیں۔

    تفصیلات کے مطابق معاون خصوصی اطلاعات پنجاب فردوس عاشق اعوان نے سماجی رابطے کی ویب سائٹ ٹوئٹر پر اپنے پیغام میں کہا کہ کوروناکی صورتحال روز بروز بگڑتی جارہی ہے، وزیراعلیٰ پنجاب نے وینٹی لیٹرزاور آکسیجن بیڈز فوری بڑھانےکی ہدایات دیدیں، مریضوں کی تعداد میں مسلسل اضافے سے اسپتالوں پر دباؤ بڑھ رہا ہے جبکہ متعلقہ محکمہ آکسیجن فراہم کرنے والی کمپنیوں سے رابطے میں رہے گا۔

    فردوس عاشق اعوان کا کہنا تھا کہ اسپتالوں میں آکسیجن فراہمی کوہرصورت یقینی بنایا جائے گا اور آکسیجن سلنڈر مہنگے داموں بیچنے والوں سے آہنی گہاتھوں نمٹاجائے گا۔

    معاون خصوصی نے مزید کہا عوام خداراہوش کےناخن لیں،ایس اوپیزپرعمل یقینی بنائیں، عوام اپنی قیمتی زندگیوں کی قدرکریں، کورونا پر قابو پانے کیلئے عوامی تعاون اشد ضروری ہے۔

  • بزدل دشمن بہادرقوم کے پختہ عزم کو متزلزل نہیں کر سکتا، عثمان بزدار

    بزدل دشمن بہادرقوم کے پختہ عزم کو متزلزل نہیں کر سکتا، عثمان بزدار

    لاہور : وزیراعلیٰ پنجاب عثمان بزدار اور وفاقی وزیر غلام سرور خان نے کوئٹہ دھماکے کی مذمت کی ، عثمان بزدار نے کہا کہ بزدل دشمن بہادرقوم کے پختہ عزم کو متزلزل نہیں کر سکتا۔

    تفصیلات کے مطابق وزیراعلیٰ پنجاب عثمان بزدار سے وفاقی وزیر غلام سرور خان کی ملاقات ہوئی، ملاقات میں کوئٹہ دھماکے کی مذمت کی گئی اور قیمتی جانوں کے ضیاع پر اظہار افسوس کیا گیا۔

    وزیراعلیٰ پنجاب نے کہا کہ دشمن ملک میں عدم استحکام پیدا کرنا چاہتا ہے، قوم کی تائید وحمایت سے دشمن کے مذموم عزائم ناکام بنائیں گے، قوم،سیکیورٹی اداروں نے امن کےلئے لازوال قربانیاں دیں، بزدل دشمن بہادرقوم کے پختہ عزم کو متزلزل نہیں کر سکتا۔

    دونوں رہنماؤں نے حالیہ صورتحال پراپوزیشن کے افسوسناک رویے کی مذمت کی اور باہمی دلچسپی کے امور،ترقیاتی اسکیموں پرپیشرفت سمیت سیاسی صورتحال پرگفتگو کی۔

    اپوزیشن کے حوالے سے عثمان بزدار نے کہا خدمت کےسفرکےسامنےانتشارکی سیاست اپنی موت آپ مرچکی، افراتفری کی سیاست کاجواب عوام کی خدمت سےدیاہے۔

    ان کا کہنا تھا کہ منفی سیاست کو 22کروڑ عوام مسترد کرچکے ہیں، پے درپے ناکامیوں کے بعدمخالفین کو نوشتہ دیوار پڑھ لینا چاہیے، پنجاب میں حقیقی ترقی کا سفر شروع ہو چکا ہے ، حقیقی ترقی کاسفرتیزی سے جاری و ساری رہےگا۔

    وزیراعلیٰ پنجاب کا کہنا تھا کہ ترقی روکنےکی کوشش کرنے والےپہلے کی طرح ناکام رہیں گے، ماضی میں دانستہ طورپربعض علاقوں کو نظر انداز کیا گیا، پی ڈی ایم ملک میں عدم استحکام چاہتی تھی لیکن خودٹوٹ پھوٹ چکی۔

    اس موقع پر وفاقی وزیر غلام سرور خان نے کہا عوام کی حمایت سے افراتفری پھیلانےکےعزائم ناکام بنائے، عوامی خدمت کے سفر کو تیزی سے آگے بڑھائیں گے ، اپوزیشن نےحساس معاملات پربھی سیاست چمکانے کی ناکام کوشش کی۔

  • نیا پاکستان اپارٹمنٹس میں درخواستیں جمع کرانیوالے افراد کیلئے بڑی خوشخبری

    نیا پاکستان اپارٹمنٹس میں درخواستیں جمع کرانیوالے افراد کیلئے بڑی خوشخبری

    لاہور: وزیراعلیٰ پنجاب عثمان بزدار آج ایل ڈی اے سٹی نیا پاکستان اپارٹمنٹس کی قرعہ اندازی کریں گے ، ایل ڈی اے سٹی کےایک اپارٹمنٹ کی قیمت تقریبا 27 لاکھ روپے ہے۔

    تفصیلات کے مطابق نیاپاکستان اپارٹمنٹس میں بزدار حکومت آج ایک اور سنگ میل عبور کرے گی ، ایل ڈی اےسٹی میں درخواستیں جمع کرانیوالے افراد کیلئے خوشخبری آگئی۔

    وزیراعلیٰ پنجاب آج ایل ڈی اےسٹی نیاپاکستان اپارٹمنٹس کی قرعہ اندازی کریں گے ، 2000 گھروں کی الاٹمنٹ کیلئے وصول 13 ہزار 277 درخواستوں کی قرعہ اندازی ہوگی۔

    قرعہ اندازی میں کامیاب درخواست گزار مقررکردہ بینکوں سے رجوع کریں گے،ایل ڈی اے سٹی کے ایک اپارٹمنٹ کی قیمت تقریبا 27 لاکھ روپےہے

    کامیاب امیدوار نیفڈا سے سبسڈی کیلئےالگ سےدرخواست دے سکتے ہیں ، نیفڈا سے سبسڈی پر10 فیصد اوردیگر 21 فیصد ڈاؤن پے منٹ جمع کرائیں گے م شفٹ ہونے کے بعد اپارٹمنٹ کی قیمت آسان ماہانہ اقساط میں ادا کرنا ہو گی۔

    یاد رہے 9 اپریل کو وزیراعظم عمران خان نے لاہورمیں 35ہزارا پارٹمنٹس کی تعمیر کا سنگ بنیاد رکھا تھا۔

    نیا پاکستان ہاؤسنگ منصوبے کے حوالے سے وزیراعظم کا کہنا تھا کہ کرائے کی رقم بینکوں کی قسطوں میں ادا کر کے گھرکے مالک بن سکتے ہیں، نئے پاکستان کےلیے ماڈل مدینہ کی ریاست ہے، جون تک پورے پاکستان کا ڈیٹا ہمارے پاس ہوگا، ڈیٹا کے مطابق ہم غریب گھرانوں کو براہ راست سبسڈی دیں گے۔

  • ‘پہلی دفعہ عام آدمی کوچھت دینے کا وعدہ عمران خان پورا کررہے ہیں’

    ‘پہلی دفعہ عام آدمی کوچھت دینے کا وعدہ عمران خان پورا کررہے ہیں’

    لاہور : وزیراعلیٰ پنجاب عثمان بزدار کا کہنا ہے کہ پہلی دفعہ عام آدمی کوچھت دینےکاوعدہ عمران خان پوراکررہےہیں، لاہور میں 35ہزار سے زائد اپارٹمنٹس بنا کر غریب کو گھر دیں گے۔

    تفصیلات کے مطابق وزیراعلیٰ پنجاب عثمان بزدار آج نیا پاکستان اپارٹمنٹس کےسنگ بنیادکی تقریب میں شرکت کریں گے ، اس حوالے سے عثمان بزدار نے اپنے پیغام میں کہا ہے کہ پی ٹی آئی حکومت عوام کی خوشحالی، ملک کی ترقی کیلئےپرعزم ہے، ماضی میں کسی نے غریب کے گھر پر توجہ نہیں دی اور اپنے محلات بنالیے۔

    وزیراعلیٰ پنجاب کا کہنا تھا کہ پہلی دفعہ عام آدمی کوچھت دینےکاوعدہ عمران خان پوراکررہےہیں، لاہورمیں35ہزارسےزائداپارٹمنٹس بنا کر غریب کو گھر دیں گے، نیادورہےاوراب نیالاہورہے، گھروں کی فراہمی کاوعدہ پوراکیا،باقی عہد بھی نبھائیں گے۔

    عثمان بزدار نے اپنے ٹوئٹ میں کہا کہ نیاپاکستان ہاؤسنگ کےتحت اپارٹمنٹس کی تعمیر کا آغاز کیا جائے گا ، منصوبے میں 8500کنال پر 35ہزار سے زائد اپارٹمنٹس بنائےجائیں گے، پہلے مرحلے میں 4 ہزار اپارٹمنٹس کی تعمیر کا پراجیکٹ جلد شروع کیا جارہا ہے۔

    خیال رہے وزیراعظم عمران خان آج لاہور میں نیا ہاؤسنگ اسکیم کے اپارٹمنٹس کا سنگ بنیاد رکھیں گے، چھوٹے ملازمین کو گھر کیلئے آسان قرض اور سبسڈی دی جائے گی۔