Tag: وزیراعلیٰ پنجاب عثمان بزدار

لاہور : وزیراعلیٰ پنجاب عثمان بزدار کا کہنا ہے کہ پی ڈی ایم منہ کے بل جاگری ہے، عوام کو دھوکا دینا اپوزیشن کا وتیرہ ہے لیکن اب ایسے نہیں ہوگا۔

تفصیلات کے مطابق وزیراعلیٰ پنجاب عثمان بزدار سے مختلف اضلاع سےتعلق رکھنے والے ایم پی ایز کی ملاقات ہوئی ، ملاقات کرنیوالوں میں میاں محمد اختر  حیات، چوہدری لیاقت علی، سلیم سرور جوڑا ، غلام علی اصغرخان، چوہدری افتخار حسین، احمد خان، امین اللہ خان ، مامون تارڑ اور محمد ارشد چوہدری شامل تھے۔

ملاقات میں باہمی دلچسپی کے امور، حلقوں کے مسائل اور فلاح عامہ کے منصوبوں پربات چیت کی گئی ، اس موقع پر عثمان بزدار نے حلقوں کے مسائل ترجیحی  بنیادوں پر حل کرنے کی یقین دہانی کرائی۔

وزیراعلیٰ پنجاب نے کہا کہ کسی کومنتخب نمائندوں کے جائز کام میں آڑے نہیں آنے دیا جائے گا، منتخب نمائندوں کو پوراعزت واحترام ملے گا اور مسائل کے حل  کے لئے عوامی نمائندوں سےمشاورت کاسلسلہ جاری رکھوں گا، اراکین کی تجاویز کو اہمیت اور قابل عمل تجاویز پر عملدرآمد ہوگا۔

اپوزیشن کے حوالے سے عثمان بزدار کا کہنا تھا کہ ہم کام کررہےہیں اوراپوزیشن شر پھیلا رہی ہے، پی ڈی ایم کا غیر فطری اتحاد اپنے منطقی انجام کو پہنچ چکا  ہے اور پی ڈی ایم منہ کے بل جاگری ہے۔

ان کا کہنا تھا کہ ماضی میں سبزباغ دکھانے والوں نے عوام کو ہمیشہ دھوکا دیا، کسی الزام کی پرواہ نہیں، صرف عوام کی خدمت کیلئے آیا ہوں، لوٹ مار کی منڈی لگانے والے مظلوم بننے کی ناکام کوشش کررہے ہیں، عوام کودھوکا دینا اپوزیشن کا وتیرہ ہے لیکن اب ایسے نہیں ہوگا۔

لاہور : وزیراعلیٰ پنجاب عثمان بزدار کا کہنا ہے کہ نیا لوکل گورنمنٹ سسٹم عوام کی امنگوں اور ضروریات کے مطابق ہوگا، پسماندہ شہروں کی قسمت بدلنے کا وقت آگیا ہے،عوام کی محرومیاں دورکرکے دم لیں گے۔

تفصیلات کے مطابق وزیراعلیٰ پنجاب سے چیچہ وطنی میں مختلف وفود کی ملاقاتیں ہوئیں ، ملاقات میں وزیراعلیٰ پنجاب نے سبزی منڈی چیچہ وطنی کی توسیع کے منصوبے کا جائزہ لینے کی ہدایت کردی۔

وزیراعلیٰ پنجاب نے کہا کہ نیا لوکل گورنمنٹ سسٹم عوام کی امنگوں اور ضروریات کےمطابق ہوگا، وکلامیں سےہوں اور اپنی برادری کے مسائل خوب سمجھتا ہوں، ڈویژنل ہیڈکوارٹرز پرصحافی کالونی کے قیام پر عملدرآمد یقینی بنائیں گے۔

عثمان بزدار کا کہنا تھا کہ پی ٹی آئی کےعہدیدار اور کارکن عوام کی خدمت میں حکومت کاساتھ نبھائیں، پاکستان تحریک انصاف کی حکومت یکساں ترقی کے وژن پر کار بند ہے، چیچہ وطنی اور ہڑپہ جیسے شہروں کوماضی میں نظر اندازکیا گیا، ہماری حکومت محروم شہروں میں ترقی لے کر آئے گی۔

انھوں نے مزید کہا کہ پسماندہ شہروں کی قسمت بدلنے کا وقت آگیا ہے ، پنجاب کےہر شہر میں جاؤں گا اور عوام کے مسائل سنوں گا، عوام اور کارکنوں کی محبت میرا اثاثہ ہے، فراموش نہیں کرسکتا۔

وزیراعلیٰ پنجاب کا کہنا تھا کہ چیچہ وطنی میں یونی ورسٹی کیمپس کےقیام کی تجویز کاجائزہ لیں گے،چیچہ وطنی سمیت تمام دور دراز علاقوں والوں کیلئے میرے دروازے کھلے ہیں، شفافیت ہمارا طرہ امتیاز ہے، ڈھائی سال میں کوئی اسکینڈل سامنے نہیں آیا، عوام کی محرومیاں دورکرکے دم لیں گے۔

لاہور : وزیراعلیٰ پنجاب عثمان بزدار کا کہنا ہے کہ عمران خان کی صورت پاکستان کو کھرا اور مخلص لیڈر ملا ہے، ڈھائی برس میں وہ کام کیے جو سابق حکومتیں برس ہابرس نہ کرسکیں۔

تفصیلات کے مطابق وزیراعلیٰ پنجاب عثمان بزدار نے اپنے بیان میں کہا ہے کہ عوام نےاپوزیشن کی بےمقصد جلسوں اورریلیوں کی منفی سیاست رد کردی ،اپوزیشن والے کبھی بھی اسمبلیوں سے استعفیٰ نہیں دیں گے، استعفوں کے معاملے پر پی ڈی ایم میں پھوٹ پڑ چکی ہے۔

عثمان بزدار کا کہنا تھا کہ اپوزیشن عوامی مینڈیٹ کااحترام نہ کرکےجمہوری اقدارکی توہین کر رہی ہے، الزامات لگانے والے پہلے اپنے کرپشن آلود گریبانو ں میں جھانکیں، مسترد عناصر محض سیاسی قد بڑھانے کیلئے تنقید برائے تنقید کر رہے ہیں۔

وزیراعلیٰ پنجاب نے کہا کہ حکومت نےعوام کی فلاح و بہبود کے کےعملی اقدامات کیےہیں، عمران خان کی صورت پاکستان کو کھرا اور مخلص لیڈر ملا ہے، ڈھائی برس میں وہ کام کیےجو سابق حکومتیں برس ہابرس نہ کرسکیں۔

ان کا کہنا تھا کہ صوبے میں ون مین شوکاخاتمہ کیاہے اور ترقیاتی منصوبےعوامی نمائندوں کی مشاورت سے مکمل کیے جارہےہیں۔