لاہور : وزیراعلیٰ پنجاب عثمان بزدار سے وفاقی وزیرغلام سرورخان نے پی ڈی ایم کی تخریبی سیاست کی پُرزور مذمت کی۔
تفصیلات کے مطابق وزیراعلیٰ پنجاب عثمان بزدار سے وفاقی وزیرغلام سرورخان کی ملاقات ہوئی ، ملاقات میں باہمی دلچسپی کےامور،حلقےکی ترقیاتی اسکیموں پرپیش رفت پرتبادلہ خیال کیا گیا۔
دونوں رہنماؤں نے ملاقات میں پی ڈی ایم کی تخریبی سیاست کی پرزورمذمت کی، وزیراعلیٰ پنجاب نے کہا کہ خدمت کے سفر کے سامنے انتشارکی سیاست اپنی موت آپ مرچکی ہے، افراتفری کی سیاست کاجواب عوام کی خدمت سے دیا اور دیتے رہیں گے۔
عثمان بزدار کا کہنا تھا کہ منفی سیاست کو22کروڑعوام مستردکرچکےہیں، پےدرپےناکامیوں کےبعدمخالفین کو نوشتہ دیوارپڑھ لیناچاہیے۔
وزیراعلیٰ پنجاب نے کہا کہ پنجاب میں حقیقی ترقی کاسفرشروع ہوچکاہے، ترقی کاسفرتیزی سے جاری و ساری رہے گا، ترقی کاسفرروکنےکی کوشش کرنےوالےپہلےکی طرح ناکام رہیں گے۔
ان کا کہنا تھا کہ ماضی میں دانستہ طور پر بعض علاقوں کو نظرانداز کیا گیا، ہماری حکومت نے یکساں ترقی کاوژن دیا، دیہات میں کھیت سے منڈی تک سڑکوں کی تعمیر سے خوشحالی آئے گی۔
وفاقی وزیرغلام سرور خان نے کہا کہ پی ڈی ایم ملک میں عدم استحکام چاہتی ہے، عوام کی حمایت سے اپوزیشن کے افراتفری پھیلانے کے عزائم ناکام بنائیں گے۔
