Tag: وزیراعلیٰ پنجاب مریم نواز

صوبہ پنجاب کی وزیراعلیٰ مریم نواز شریف کی تصویر مسجد پر چسپاں کرنے کے معاملے میں واقعے کا نوٹس لیتے ہوئے وضاحت طلب کرلی گئی۔

تفصیلات کے مطابق وزیراعلیٰ پنجاب مریم نواز نے مسجد پر اپنی تصویر لگانے کا سخت نوٹس لیا ہے، وزیراعلیٰ پنجاب نے ڈی سی منڈی بہاؤالدین سے اسکی وضاحت طلب کرلی ہے، مسجد پر وزیراعلیٰ پنجاب کی تصویر لگانے پر ڈپٹی کمشنر کی سرزنش کی گئی ہے۔

وزیراعلیٰ پنجاب مریم نواز کی جانب سے انتظامیہ اور سرکاری اداروں کو اپنی تصویر کے ایس او پیز پر عمل کرنے کی ہدایت کی گئی ہے۔

علاوہ ازیں مریم نواز نے سیلاب سے نقصانات کا تخمینہ لگانے کا حکم دیا ہے،انھوں نے کہا کہ ڈپٹی کمشنرز سیلاب سے متاثرہ علاقوں میں نقصانا ت کا سروے کریں،

وزیراعلیٰ مریم نواز نے ہدایت کی کہ فلڈ ریلیف کیمپوں میں پینے کا صاف پانی فراہم کیا جائے اور مچھرمار اور جراثیم کش اسپرے بھی کیے جائیں، انھوں نے جنوبی پنجاب کے سیلاب متاثرین کیلئے بہترین انتظامات کرنے کی بھی ہدایت کی۔

مریم نے کہا کہ لوگ بےسروسامانی کی حالت میں گھروں سےنکلے، تنہا نہیں چھوڑ سکتے، سیلابی پانی اترنے کے بعد بیماریاں پھیلنے کا اندیشہ ہے۔

وزیراعلیٰ پنجاب نے کلینک آن ویل، فیلڈ اسپتال کی تعداد بڑھانے اور دوردراز علاقوں تک رسائی کا حکم دیا، انھوں نے گائنی، گیسٹرو اور اسکن اسپیشلسٹ کی موبائل ٹیمیں تشکیل دینے کی ہدایت کی۔

وزیراعلیٰ پنجاب مریم نواز نے سیلاب سے متاثرہ علاقوں کا دورہ کیا ہے، انھوں نے متاثرین سے بات چیت میں ان کے مسائل دریافت کیے۔

تفصیلات کے مطابق پنجاب کی وزیراعلیٰ نے صوبے کے میں درپیش سیلابی صورتحال کے بعد متاثرہو علاقوں کا دورہ کیا، مریم نواز قصور میں قائم فلڈ ریلیف کیمپ پہنچیں، وزیراعلیٰ پنجاب نے عارضی اسپتال میں مریضوں کی عیادت کی۔

وزیراعلیٰ پنجاب مریم نواز کی جانب سے سیلاب متاثرین سے گفتگو میں ان کے مسائل دریافت کیے گئے، مریم نے بہترین کارکردگی پر ریسکیو 1122 کو شاباشی دی۔

اس موقع پر پنجاب کی وزیراعلیٰ مریم نواز شریف کا کہنا تھا کہ تمام ادارے بہترین انداز میں امدادی سرگرمیاں جاری رکھے ہوئے ہیں۔

دریں اثنا وزیراعلیٰ پنجاب مریم نواز نے تلوار پوسٹ پر تھرمل ڈرون سرویلنس کا مظاہرہ دیکھا، انھوں نے تھرمل ڈرون آپریٹ بھی کیا اور ویڈیو کا مشاہدہ کیا۔

وزیراعلیٰ پنجاب مریم نواز شریف نے پولیس، ریسکیو اور سول ڈیفنس کیمپوں کا جائزہ لیا، انھوں نے ریسکیو 1122، پولیس، پی ڈی ایم اے اور دیگر اداروں کی کارکردگی کو سراہا۔

https://urdu.arynews.tv/pakistan-flood-2025-groom-and-procession-got-stuck-in-the-flood/

مری : وزیراعظم شہباز شریف اور وزیراعلیٰ پنجاب مریم نواز دونوں مری پہنچ گئے ہیں، جہاں نواز شریف کی زیرصدارت اہم اجلاس کچھ دیر میں متوقع ہے۔

مری: مسلم لیگ ن کے قائد نواز شریف نے وزیراعظم شہباز شریف اور وزیراعلیٰ پنجاب مریم نواز کو مری طلب کر لیا ہے ،جس کے بعد وزیراعظم اور وزیراعلیٰ پنجاب دونوں مری پہنچ گئے ہیں۔

نواز شریف کی زیرصدارت اہم اجلاس کچھ دیر میں متوقع ہے، جس میں بھارتی آبی جارحیت کے سبب پنجاب میں سیلابی صورتحال کا جائزہ لیا جائے گا۔

اجلاس میں متعلقہ حکام کی جانب سے سیلابی صورتحال پر تفصیلی بریفنگ دی جائے گی۔

مزید براں اجلاس میں ملکی سیاسی اور معاشی صورتحال پر بھی غور کیا جائے گا تاکہ موجودہ چیلنجز کے لیے مناسب حکمت عملی تیار کی جا سکے۔

اس سے قبل وزیراعظم کی زیرصدارت ایک ہنگامی اجلاس میں دریائے چناب، ستلج اور راوی میں جاری سیلابی صورتحال کا جائزہ لیا گیا۔

اجلاس میں چیئرمین این ڈی ایم اے نے وزیراعظم کو متاثرہ علاقوں میں سیلاب کی موجودہ صورتحال اور انتظامات کے بارے میں تفصیلی بریفنگ دی۔

وزیراعظم نے کہا کہ سیلابی صورتحال اور بارشوں کی بروقت اطلاع نے قیمتی جانی اور مالی نقصان کو کم کیا ہے، اور اس سلسلے میں پیشگی اطلاع کے نظام کو مزید مؤثر بنانے کی ہدایت دی۔

اجلاس میں وزیراعظم نے ہدایت کی کہ گجرات، سیالکوٹ اور لاہور میں اربن فلڈنگ سے نمٹنے کے لیے فوری اقدامات کیے جائیں اور پنجاب میں سیلابی صورتحال کے پیش نظر بجلی کی بلا تعطل فراہمی کو یقینی بنایا جائے۔

وزیر مواصلات، وزیر توانائی اور چیئرمین این ایچ اے کو لاہور پہنچ کر عملی تعاون فراہم کرنے کی ہدایت بھی دی گئی۔

وزیراعظم کا کہنا تھا کہ کسی بھی صوبے میں سیلابی صورتحال پر مکمل ہم آہنگی کے ساتھ مسائل حل کیے جائیں، اور وفاقی حکومت کےپی میں حالیہ سیلاب کے پیش نظر ہر ممکن تعاون جاری رکھے گی۔

لاہور: حکومت پنجاب دماغی بیماریوں کی روک تھام، علاج اور آگاہی کیلئے کوشاں ہے، وزیراعلیٰ مریم نواز نے ورلڈ برین ڈے پر پیغام جاری کردیا۔

تفصیلات کے مطابق وزیراعلیٰ پنجاب مریم نواز شریف کا کہنا ہے کہ حکومت پنجاب دماغی بیماریوں کی روک تھام، علاج اور آگاہی کیلئے کوشاں ہے، صحت مند دماغ ہی مثبت سوچ اور تعمیری فیصلوں کی بنیاد رکھتے ہیں۔

وزیراعلیٰ مریم نواز نے ورلڈ برین ڈے پر اپنے پیغام میں کہا کہ انسانی دماغ خالق کائنات کی بے مثال تخلیق ہے، ورلڈ برین ڈے ہمیں دماغی امراض پر توجہ دینے کی یاد دلاتا ہے۔

یہ بھی پڑھیں: وزیراعلیٰ پنجاب کے خلاف نامناسب الفاظ کا استعمال ، بزرگ شہری مقدمے سے ڈسچارج

انھوں نے کہا کہ انسانی دماغ کائنات کا سب سے پیچیدہ اور حیرت انگیز نظام ہے، دماغی صحت کو نظرانداز کرنا زندگی نظر انداز کرنے کے مترادف ہے۔

وزیراعلیٰ مریم نواز نے کہا کہ دماغی بیماریوں میں مبتلا افراد تکلیف ہی نہیں سہتے بلکہ اکثر معاشرتی بے حسی اور لاپرواہی کا بھی شکار ہوتے ہیں، دماغی صحت کو جسمانی صحت جتنی ہی اہمیت دینا ضروری ہے۔

https://urdu.arynews.tv/punjab-chief-ministers-decision-regarding-taxes-restaurants-and-wedding-halls/

راولپنڈی: وزیراعلیٰ پنجاب مریم نواز نے راولپنڈی میں ٹریفک کی روانی کو بہتر بنانے کےلیے 8 ارب 77 کروڑ کے میگا پراجیکٹ کا افتتاح کردیا۔

وزیراعلیٰ پنجاب مریم نواز شریف کی آمد پر عوام نے پھول نچھاور کیے، اڈیالہ روڈ نوازشریف فلائی اوور، مال روڈ جی پی او چوک کے انڈرپاس کا باقاعدہ آغاز کردیا گیا، وزیر سی اینڈ ڈبلیو ملک صہیب بھرت اور سیکریٹری سی اینڈ ڈبلیو نے اس موقع پر بریفنگ دی۔

بریفنگ وزیراعلیٰ پنجاب مریم کو بتایا گیا کہ راولپنڈی میں 51 روڈز پراجیکٹ پایہ تکمیل کو پہنچ چکے ہیں، نوازشریف فلائی اوور اور جی پی او انڈرپا س سے تقریباً 3 لاکھ گاڑیاں گزریں گی۔

جنید صفدر کا چالان کرنے پر مریم نواز کا بیان آگیا

نوازشریف فلائی اوور سے جی ٹی روڈ، رنگ روڈ، چکری انٹر چینج کی ٹریفک مستفید ہوگی، نوازشریف فلائی اوور کے اطراف 2 کلومیٹر تک سروس روڈ بھی تعمیر کی گئی ہے۔

جی پی او چوک، ٹی ایم چوک سگنل فری کوریڈور سے روزانہ کی بنیاد پر 2 لاکھ سے زائد گاڑیاں گزریں گی۔

وزیراعلیٰ پنجاب مریم نواز نے کہا کہ عوام کی سہولت کےلیے بننے والے تمام ترقیاتی منصوبے ترجیح ہیں، کچہری روڈ اور مال روڈ کی ری ماڈلنگ بھی کی جائے گی۔

https://urdu.arynews.tv/jinnah-heart-institute-renamed-after-maryam/

وزیراعلیٰ پنجاب مریم نواز شریف نے مزدوروں کےلئے شاندار اقدام کیا ہے، صنعتی اور مائنز ورکروں کے بچوں کو اعلیٰ ترین تعلیمی ادارے میں مفت تعلیم دی جائے گی۔

تفصیلات کے مطابق کارکنوں کے بچوں کو کامسٹ یونیورسٹی کے 7 کیمپسز میں داخلہ دیا جائے گا، فیس حکومت پنجاب ادا کرے گی، وزیراعلی مریم نواز شریف کی ہدایت پر پنجاب ورکر ویلفیئر فنڈ نے کارکنوں سے درخواستیں طلب کرلیں۔

پنجاب میں ورکرز کے بچے کامسٹ یونیوررسٹی، اسلام آباد، سب کیمپسز ایبٹ آباد، واہ، اٹک، لاہور، ساہیوال اور وہاڑی میں پڑھ سکیں گے ، معذور اور فوت شدہ ورکروں کے بچے کو بھی کامسٹ یونیورسٹی میں مفت تعلیم کی سہولت دی جائے گی۔

رجسٹرڈ ورکر اسلا م آباد کیمپس میں 9 جولائی، لاہور کیمپس میں 17جولائی، واہ کینٹ اور ایبٹ آباد میں 4 اگست، وہاڑی اور اٹک میں 11 اور ساہیوال میں 15 اگست تک درخواستیں جمع کرواسکتے ہیں۔

درخواست فارم کے ساتھ ورکر کا قومی شناختی کارڈ رجسٹرڈ سرٹیفکیٹ، طالب علم کا قومی شناختی کارڈ یا بے فارم، سوشل سکیورٹی کارڈ یا اولڈ ایج بینیفٹ کی کاپی منسلک کرنا ہوگی۔

ورکرز کے بچے کامسٹ یونیورسٹی کی ویب سائٹ پر آن لائن اپلائی کر کے ڈاکومنٹس ایڈمیشن فارم میں جمع کرائیں گے۔

مریم نوازشریف نے کہا کہ ورکر ہمارے سر کا تاج ہے، تعلیم اور صحت سمیت ہر سہولت دیں گے، پنجاب کے ہر ورکر کے بچوں کےلئے اعلیٰ تعلیمی اداروں کے دروازے کھول رہے ہیں۔

پنجاب میں کوئی بچہ چاہے وہ مزدور کا بچہ ہے اب تعلیم سے محروم نہیں رہے گا، مزدوروں کی فلاح وبہبود کےلئے ایسے تاریخی اقدامات کررہے ہیں جن کی ماضی میں مثال نہیں ملتی۔