Tag: وزیراعلیٰ پنجاب کا انتخاب

لاہور : تحریک انصاف اور ق لیگ کی قیادت نے نمبر گیم پر اطمینان کا اظہار کردیا، پرویز الہٰی نے کہا کہ ارکان کی اکثریت ہمارے ساتھ ہے۔

تفصیلات کے مطابق وزیراعلیٰ پنجاب کے انتخاب کے لئے پرویزالہٰی نے تحریک انصاف کی سینئر قیادت سے ملاقات کی، ملاقات میں اسد عمر،شاہ محمود قریشی،شفقت محمود شامل تھے۔

شہزاد وسیم ، عمر ایوب،ریاض فتیانہ،راجہ بشارت بھی مشاورت میں شریک ہوئے، دوران ملاقات پی ٹی آئی اور ق لیگ کی قیادت نے نمبر گیم پر اطمینان کا اظہار کیا۔

چوہدری پرویزالہٰی نے کہا کہ ارکان کی اکثریت ہمارے ساتھ ہے ، امید ہے ڈپٹی اسپیکر غیر جانبدار انداز ایوان چلائیں گے۔

پی ٹی آئی قیادت کا کہنا تھا کہ ایوان کا فیصلہ بھی پرویز الہی کے حق میں آئے گا۔

اس سے قبل وزارت اعلیٰ کے امیدوار چوہدری پرویز الہٰی کی زیر صدارت مسلم لیگ ق کی پارلیمانی پارٹی کا اجلاس ہوا، اجلاس میں وزیراعلیٰ کے انتخاب پر مشاورت ہوئی۔

چوہدری پرویزالہٰی نے کہا کہ ن لیگ کے ہتھکنڈے بری طرح ناکام ہوں گے ، وزیراعلیٰ کے انتخاب کو سبوتاژکرنے کی ہر سازش کا راستہ روکا جائے گا۔

ان کا کہنا تھا کہ آج جمہوریت اور عمران خان کامیاب ہوں گے ، ن لیگ کی تاریخ ، انتشار اور چھانگا مانگا کی سیاست سے بھری پڑی ہے، حکومت سپریم کورٹ احکامات کی پابندی کرے ورنہ قانون راستہ بنائے گا۔

لاہور: وزیراعلیٰ پنجاب کے انتخاب کیلئے ہوٹل میں ٹھہرے پی ٹی آئی رکن اسمبلی کے کمرے میں آگ لگ گئی۔

تفصیلات کے مطابق پنجاب کے دارلحکومت لاہور میں تحریک انصاف کے ارکان ہوٹل میں موجود ہے، ہوٹل میں ٹھہرے پی ٹی آئی رکن اسمبلی کے کمرے میں آگ لگ گئی ، آگ ڈرائیر مشین جلنے سے لگی۔

آگ لگنے کا واقعہ رکن اسمبلی ندیم عباس بارا کے کمرے میں پیش آیا ، رکن اسمبلی سوئے ہوئےتھے اور جلنے کی بو پر بیدار ہوئےاور آگ کے باعث کمرے میں دھواں سے بھر گیا۔

رکن اسمبلی کو پانی پھیک کر آگ بجھانے کی کوشش کے دوران کرنٹ بھی لگا ، رکن اسمبلی دھویں سے بھرے کمرے میں اسمبلی کارڈ ڈھونڈنے بھاگ پڑے۔

پی ٹی آئی رکن اسمبلی ندیم عباس بارا نے کہا کہ کمرے سے فوری کارڈ تلاش کیا ، بغیر کارڈ ووٹ ہی کاسٹ نہیں ہونا تھا اس لیے بھاگا۔

خیال رہے وزیراعلیٰ پنجاب کے انتخاب کے سلسلے میں پی ٹی آئی نے اپنے ارکان اسمبلی کو گلبرگ سے مال روڈ کے قریب ہوٹل منتقل کر دیا تھا۔

ذرائع کا کہنا ہے کہ عمران خان آج ہوٹل میں صوبائی پارلیمانی پارٹی کےارکان سے خطاب کریں گے۔

لاہور : پاکستان تحریک انصاف نے اپنے ارکان صوبائی اسمبلی کو گلبرگ سے مال روڈ کے قریب ہوٹل میں منتقل کر دیا۔

تفصیلات کے مطابق وزیراعلیٰ پنجاب کے انتخاب کے سلسلے میں عمران خان کے دورہ لاہور کے پیش نظر پی ٹی آئی نے اپنے ارکان اسمبلی کو گلبرگ سے مال روڈ کے قریب ہوٹل منتقل کر دیا۔

ذرائع کا کہنا ہے کہ عمران خان آج ہوٹل میں صوبائی پارلیمانی پارٹی کےارکان سے خطاب کریں گے، خطاب سے پہلے پی ٹی آئی کے ضمنی انتخاب میں کامیاب ارکان حلف اٹھائیں گے۔

دورہ لاہور میں عمران خان سے نامزد وزیراعلی پنجاب پرویز الہی، پارلیمانی لیڈر میاں محمود الرشید وسطی پنجاب کی صدر ڈاکٹر یاسمین راشد اور نومنتخب ارکان صوبائی اسمبلی الگ الگ ملاقاتیں کریں گے۔

عمران خان کےساتھ شاہ محمود قریشی ،فواد چوہدری اور دیگر مرکزی رہنما بھی موجود ہوں گے ، عمران خان کا ایک روزہ دورہ لاہور میں ایک دن کی توسیع ہو سکتی ہے۔

خیال رہے تحریک انصاف اور ق لیگ کے پاس وزرات اعلی کے لیے اکثریت موجود ہے، تحریک انصاف کے رہنما فواد چوہدری نے کہا ہے کہ بھرپور ردعمل کے بعد اب معاملات مکمل قابو میں ہیں، امید ہے کامل اکثریت حاصل کر لیں گے۔

لاہور : وزیراعلیٰ پنجاب کے انتخاب کیلئے ن لیگ، اتحادی اور منحرف ارکان ہوٹل سے ایک ساتھ اسمبلی جائیں گے، اسمبلی پہنچنے اور ووٹنگ مکمل ہونے تک ہر ممبر اپنے گروپ لیڈر کی ہدایات کا پابند ہوگا۔

تفصیلات مطابق وزیراعلیٰ پنجاب کے انتخاب کیلئے مسلم لیگ ن نے اپنی حکمت عملی طے کرلی،ذرائع کا کہنا ہے کہ ن لیگ، اتحادی اور منحرف ارکان ہوٹل سے ایک ساتھ اسمبلی جائیں گے۔

،ذرائع نے بتایا کہ 10،10ارکان کا گروپ تشکیل دیا گیا ہے جو ایک دوسرے سے رابطے میں رہے گا، اسمبلی پہنچنے اور ووٹنگ مکمل ہونے تک ہر ممبر اپنے گروپ لیڈر کی ہدایات کا پابند ہوگا۔

ذرائع کا کہنا تھا کہ کوئی ممبراپنے گروپ لیڈر کو بتائے بغیر کسی اور سے ملاقات نہیں کرسکے گا۔

خیال رہے نئے وزیر اعلیٰ پنجاب کے چناؤ کیلئے پنجاب اسمبلی کا اجلاس آج ہوگا، چوہدری پرویزالٰہی اور حمزہ شہباز میں کانٹے کا مقابلہ متوقع ہے۔

قائد ایوان کے انتخاب کے لیے ایک سو چھیاسی ارکان اسمبلی کے ووٹ درکار ہوں گے۔

خیال رہے حکومت اور اپوزیشن دونوں کی جانب سے جیت کے دعوے کئے جارہے ہیں ، چوہدری پرویزالٰہی کی جانب سے 189ارکان کی حمایت اور حمزہ شہباز کا 200 سے زائد ارکان کی حمایت کا دعویٰ سامنے آیا ہے۔