Tag: وزیراعلیٰ پنجاب

لاہور: وزیراعلیٰ پنجاب سردار عثمان بزدار نے صوبے میں ماسک پہننے کی پابندی پر سختی سے عمل کی ہدایت کی ہے۔

تفصیلات کے مطابق وزیراعلیٰ پنجاب عثمان بزدار کی زیرصدارت اعلیٰ سطح کا اجلاس ہوا، جس میں کرونا وائرس سے پیدا صورتحال اور حکومتی اقدامات کا جائزہ لیا گیا۔وزیراعلیٰ کو علاج کے اقدامات کے بارے میں بریفنگ دی گئی۔

اس موقع پر وزیراعلیٰ پنجاب کا کہنا تھا کہ متاثرہ افراد کے علاج میں کوئی دقیقہ فروگزاشت نہیں کیا جائےگا، پنجاب کے اسپتالوں میں خالی بستر بھی موجود ہیں اور وینٹی لیٹرز بھی ہیں، اسپتالوں میں علاج معالجے کے لیے ضروری دوائیں دستیاب ہیں۔

سردار عثمان بزدار نے کہا کہ کرونا کا پھیلاؤ روکنا ہم سب کی مشترکہ ذمہ داری ہے،زندگیوں کو محفوظ بنانے کے اقدامات تسلسل سے جاری رہیں گے،کاروبار کی اجازت ایس او پیز پر عملدرآمد سے مشروط ہے،ایس اوپیز کی خلاف ورزی پر بزنس ہاؤسز کے خلاف کارروائی ہوگی۔

انہوں نے ڈاکٹروں، نرسوں اور پیرامیڈیکل اسٹاف کو سلام پیش کرتے ہوئے کہا کہ ہیلتھ پروفیشنلز کی خدمات کو ہمیشہ یاد رکھا جائے گا۔

وزیراعلیٰ پنجاب نے صوبے میں ماسک پہننے کی پابندی پر سختی سے عمل کی ہدایت کرتے ہوئے کہا کہ مارکیٹوں، بازاروں اور پارکوں میں ماسک پہننے پر عمل کرایا جائے،خلاف ورزی کرنے والوں کے خلاف کارروائی ہوگی۔

لاہور: وزیراعلیٰ پنجاب سردار عثمان بزدار نے کہا ہے کہ آٹے اور دیگر اشیائے ضروریہ کے نرخ میں اضافہ برداشت نہیں کیا جائے گا۔

تفصیلات کے مطابق لاہور میں وزیراعلیٰ پنجاب عثمان بزدار سے چیف سیکریٹری پنجاب جواد رفیق نے ملاقات کی۔اس موقع پر پرنسپل سیکرٹری افتخار علی سہو بھی موجود تھے۔

چیف سیکرٹری پنجاب جواد رفیق نے کرونا وائرس،ٹڈی دل،گندم خریداری اور بجٹ پر وزیراعلیٰ پنجاب کو بریفنگ دی۔

اس موقع پر عثمان بزدار کا کہنا تھا کہ آٹے اور دیگر اشیائے ضروریہ کے نرخ میں اضافہ برداشت نہیں کیا جائے گا۔انہوں نے کہا کہ بجٹ میں کرونا سے پیدا اقتصادی صورت حال کو مدنظر رکھا جائے۔

وزیراعلیٰ پنجاب نے صوبائی امور میں بہتری لانے پر چیف سیکرٹری جواد رفیق کی خدمات کو بھی سراہا۔

مشکل وقت میں لندن کی فضاؤں سے لطف اندوز ہونے والوں کو قوم جان چکی ہے،عثمان بزدار

یاد رہے کہ دو روز قبل وزیراعلیٰ پنجاب سردار عثمان بزدار کا کہنا تھا کہ مشکل وقت میں لندن کی فضاؤں سے لطف اندوز ہونے والوں کو قوم جان چکی ہے۔

لاہور: وزیراعلیٰ پنجاب سردار عثمان بزدار نے کہا ہے کہ موجودہ حالات میں اپوزیشن سیاست کے ٹڈی دل کا کردار ادا کر رہی ہے۔

تفصیلات کے مطابق وزیراعلیٰ پنجاب سے ملتان میں رکن قومی اسمبلی عامر ڈوگر سمیت منتخب نمائندوں نے ملاقات کے دوران ملتان کے ترقیاتی پیکیج کے مختلف منصوبوں پر ہونے والی پیشرفت اور کرونا وبا سے نمٹنے کے لیے کیے جانے والےاقدامات پر بھی تبادلہ خیال کیا۔

اس موقع پر عثمان بزدار کا کہنا تھا کہ پنجاب میں کرونا سے نمٹنے کے لیے سیاسی وانتظامی ٹیم متحرک ہے،کرونا کےساتھ’’ٹڈی دل‘‘کا چیلنج بھی درپیش ہے،کرونااور’’ٹڈی دل‘‘ کے خلاف کثیرالجہتی حکمت عملی اپنائی گئی ہے۔

انہوں نے کہا کہ کرونا وائرس کے خلاف کامیابی کے لیے عوام کا تعاون ناگزیر ہے،شہریوں کو احتیاطی تدابیر پر من وعن عمل کرنا چاہیے۔ وزیراعلیٰ پنجاب کا کہنا تھا کہ کرونا سے خوفزدہ اپوزیشن رہنماؤں نے قوم کو تقسیم کرنے کی کوشش کی،موجودہ حالات میں اپوزیشن سیاست کے ٹڈی دل کا کردار ادا کر رہی ہے۔

عثمان بزدار نے کہا کہ پاکستانی قوم اپوزیشن رہنماؤں کے منفی رویے سے مایوس ہے،افسوس کا مقام ہے اپوزیشن کرونا پر بھی سیاست چمکانے سے باز نہیں آئی۔

انہوں نے کہا کہ حکومت کے بروقت اور مثبت اقدامات کو شہریوں نے سراہا ہے،بد قسمتی سے اپوزیشن کے پاس کرونا سے نمٹنے کا کوئی پلان نہیں،یہ عناصر ماضی کی طرح صرف بلند وبانگ دعوے ہی کر رہے ہیں۔

وزیراعلیٰ پنجاب کا مزید کہنا تھا کہ وزیراعظم عمران خان کی قیادت میں کرونا،ٹڈی دل اور دیگر چیلنجز سے نمٹ رہے ہیں،عوام کے تعاون سے ہر چیلنج پر قابو پائیں گے۔

لاہور: وزیراعلیٰ پنجاب سردار عثمان بزدار پی آئی اے طیارے حادثے میں شہید پائلٹ سجادگل کی رہائش گاہ پر گئے۔

تفصیلات کے مطابق وزیراعلیٰ پنجاب عثمان بزدار طیارے حادثےمیں شہید پائلٹ سجادگل کی رہائش گاہ ڈیفنس پہنچے۔وزیراعلیٰ پنجاب نے شہید پائلٹ کے اہلِ خانہ سے دکھ کا اظہار کیا۔

اس موقع پر سردار عثمان بزدار کا کہنا تھا کہ پائلٹ سجادگل نے فرض کی ادائیگی کے دوران شہادت کا رتبہ پایا،ہمارا ایمان ہے کہ شہید زندہ ہوتے ہیں۔انہوں نے کہا کہ کراچی طیارہ حادثہ ایک قومی سانحہ ہے جس پر قوم افسردہ ہے،شہدا کے لواحقین کے غم میں برابر کے شریک ہیں،ہماری ہمدردیاں غمزدہ خاندانوں کے ساتھ ہیں۔

وزیراعلیٰ پنجاب نے کہا کہ المناک حادثے میں بچھڑنے والوں کا دکھ ان کے پیارے ہی جانتے ہیں،پنجاب حکومت غمزدہ خاندانوں کے ساتھ ہے۔

کیپٹن سجاد گل کی میت گزشتہ روز ڈیفنس میں ان کی رہائش گاہ پر لائی گئی، جس کے بعد ان کی نماز جنازہ جامع مسجد ڈبلیو بلاک میں ادا کی گئی۔کیپٹن سجاد گل کو قبرستان میانی صاحب میں سپرد خاک کیا گیا۔

یاد رہے کہ 22 مئی کو لاہور سے کراچی آنے والا پی آئی اے کا طیارہ لینڈنگ کے دوران ایئرپورٹ کے قریب آبادی پر گر کر تباہ ہوگیا تھا۔

لاہور: وزیراعلیٰ پنجاب سردار عثمان بزدار کا کہنا ہے کہ اب تک7 ارب87 کروڑ روپےکی رقم مستحقین میں تقسیم کرچکے ہیں۔

تفصیلات کے مطابق وزیراعلیٰ پنجاب عثمان بزدار نے کہا کہ مستحق خاندانوں کی معاونت کا بڑا پروگرام ہماری حکومت نے دیا،اب تک 7 ارب87 کروڑ روپےکی رقم مستحقین میں تقسیم کرچکے،رقم 6 لاکھ 56 ہزار سے زائد خاندانوں میں تقسیم کی گئی ہے۔

وزیراعلیٰ پنجاب کا کہنا تھا کہ مالی امداد سی ایم امداد پیکیج،احساس پروگرام کے تحت دی گئی،مالی امداد کی تقسیم کا شفاف ترین نظام وضع کیاگیا۔

سردار عثمان نے کہا کہ حکومت حقدار کو اس کاحق پہنچا رہی ہے،ماضی میں ایسے پروگرام صرف ذاتی نمائش کے لیے شروع کیےگئے،سابق ادوار میں وسائل کی بندر بانٹ کر کے حقداروں کا حق مارا گیا۔

وزیر اعلیٰ پنجاب کی غیر ضروری اخراجات میں مزید کمی کی ہدایت

اس سے قبل وزیراعلیٰ پنجاب عثمان بزدار کی زیر صدارت اجلاس ہوا جس میں آئندہ مالی سال 21-2020 کے بجٹ اور سالانہ ترقیاتی پروگرام کا جائزہ لیا گیا۔

اس موقع پر وزیر اعلیٰ پنجاب عثمان بزدار نے آئندہ مالی سال میں غیر ضروری اخراجات میں مزید کمی اور مختلف سیکٹرز میں دی جانے والی سبسڈیز میں کمی کا جائزہ لینے کی ہدایت کی۔

لاہور: وزیراعلیٰ پنجاب سردار عثمان بزدار نے ایل ڈی اےانصاف ویب پورٹل،موبائل پورٹل لانچ کر دیا۔

تفصیلات کے مطابق وزیراعلیٰ پنجاب نے ایل ڈی اےانصاف ویب پورٹل،موبائل پورٹل لانچ کر دیا۔اس موقع پر ڈویلپمنٹ اتھارٹی ڈائریکٹر جنرل احمد عزیز نے ملازمین کی جانب سے کرونا فنڈ کے لیے وزیراعلیٰ پنجاب کو27 لاکھ کا چیک دیا۔

سردار عثمان بزدار کا کہنا تھا کہ شہریوں کو آن لائن درخواستیں دینے کی سہولت فراہم کر دی ہے،شہریوں کی شکایات کے بلا رکاوٹ اندراج کے لیے اہم ترین اقدام ہے،شہریوں کی درخواستو ں پر سےکم وقت میں عملدرآمد ممکن ہو سکے گا۔

وزیراعلیٰ پنجاب نے کہا کہ ایل ڈی اے فعال طور پر شہریوں کی خدمت کر سکے گا،ایل ڈی اے آفس آنے کے لیے آن لائن اپوائنمنٹ حاصل کی جاسکےگی،مختلف قسم کی درخواستیں آن لائن جمع کرائی جا سکیں گی۔

انہوں نے مزید کہا کہ عدالتی احکامات آن لائن جمع کروائے جاسکیں گے،مختلف قسم کے سوالات آن لائن کیے جا سکیں گے،ایل ڈی اے کے کاموں میں شہریوں کی شرکت ممکن ہو سکےگی۔

یاد رہے کہ گزشتہ روز جوہر ٹاؤن لاہور میں وزیراعلیٰ پنجاب عثمان بزدار نے پنجاب لوکل گورنمنٹ اکیڈمی کا سنگ بنیاد رکھا تھا۔

لاہور: وزیراعلیٰ پنجاب سردار عثمان بزدار نے فردوس مارکیٹ انڈر پاس منصوبے کا سنگ بنیاد رکھ دیا۔

تفصیلات کے مطابق وزیراعلیٰ پنجاب نے فردوس مارکیٹ انڈر پاس منصوبے کا سنگ بنیاد رکھ دیا، منصوبے پر مجموعی طور پر 1 ارب 76 کروڑ روپے کا تخمینہ لگایاگیا۔

عثمان بزدار کا کہنا تھا کہ انڈر پاس منصوبے کی تعمیراتی لاگت کا تخمینہ1 ارب9 کروڑ روپے لگایاگیا،حکومت نے شفاف ٹینڈرنگ کے ذریعے 13 کروڑ روپے بچت کی، جس کے بعد تعمیراتی لاگت 96 کروڑ روپے ہوگی۔

وزیراعلیٰ پنجاب نے کہا کہ فردوس مارکیٹ انڈر پاس کی7 کنال اراضی پر تعمیر 4 ماہ میں مکمل ہوگی،منصوبےکی تعمیر سے فردوس مارکیٹ چوک میں کوئی عمارت متاثر نہیں ہوگی۔

انہوں نے کہا کہ لاہور کے اس اہم منصوبے پر پیشرفت کی خود نگرانی کروں گا،تعمیراتی لاگت میں بچت پر ایل ڈی اے حکام کو شاباش دیتا ہوں،قومی خزانے کی پائی پائی کے امین ہیں۔

سردار عثمان بزدار  کا کہنا تھا کہ ہم نے عوام کے وسائل بچائے ہیں،ماضی میں یہ وسائل اجاڑے گئے،ماضی کے دور میں ترجیح پیسہ بنانا تھا،ہم نے عوام کا پیسہ بچایا۔

وزیراعلیٰ پنجاب نے کہا کہ بچایا گیا پیسہ عوام کی فلاح و بہبود پر خرچ کر رہے ہیں،13کروڑ روپے کی بچت کا کریڈ ٹ شفاف پالیسیوں کو جاتا ہے۔انہوں نے مزید کہا کہ شہریوں کا قیمتی وقت ضائع نہیں ہوگا،مزید سہولتیں فراہم کریں گے،لاہور میں سیوریج اور پانی کی فراہمی کے نظام کو بھی بہتر بنائیں گے۔

لاہور: وزیراعلیٰ پنجاب سردار عثمان بزدار نے صوبے میں پبلک ٹرانسپورٹ چلانے کی اجازت دینے کا فیصلہ کیا ہے۔

تفصیلات کے مطابق حکومت پنجاب نے پبلک ٹرانسپورٹ چلانے کی اجازت دینے کا فیصلہ کیا ہے۔وزیراعلی پنجاب سردار عثمان بزدار نے اصولی منظوری دے دی۔

وزیراعلی پنجاب سردارعثمان بزدار نے ٹرانسپورٹ کے لیے ایس او پیز پلان مانگ لیا، ایس اوپیز کو حتمی شکل دینے کے لیے آج ٹرانسپورٹرز کے ساتھ اجلاس طلب کر لیا۔ وزیرقانون راجہ بشارت کی سربراہی میں ٹرانسپورٹرز کے ساتھ اجلاس ہوگا۔

ذرائع کے مطابق اجلاس کے بعد پنجاب حکومت ایس او پیز اور اقدامات سے وفاق کو آگاہ کر دےگی،شہر اور ایک سے دوسرے شہر کے لیے ٹرانسپورٹ کی اجازت دی جائےگی۔

وزیراعلیٰ پنجاب کو پیش کی جانے والی رپورٹ میں بتایا گیا ہے کہ ٹرانسپورٹ کی بندش سے عام آدمی کی مشکلات میں اضافہ ہوا، مجبوری کے باعث عوام نے مہنگے داموں پرائیویٹ گاڑیاں استعمال کر رہے ہیں۔

رپورٹ میں سفارش کی گئی کہ عوام اور ٹرانسپورٹ شعبہ کو ریلیف کے لیے اجازت ضر وری ہے۔

پنجاب حکومت نے شاپنگ مالز کھولنے کا فیصلہ کرلیا

دوسری جانب پنجاب میں شاپنگ مالز کے علاوہ آٹوموبل انڈسٹری کو بھی کام کرنے کی اجازت دی جائے گی، تمام شعبوں میں احتتاطی تبداپیر اپنانے سے متعلق پابند کیا گیا ہے۔