Tag: وزیراعلیٰ پنجاب

لاہور: وزیراعلیٰ پنجاب سردار عثمان بزدار کا کہنا ہے کہ عوام کو کسی صورت ذخیرہ اندوزوں کے رحم و کرم پر نہیں چھوڑا جا سکتا۔

تفصیلات کے مطابق صوبائی دارالحکومت لاہور میں وزیراعلی ٰپنجاب سردار عثمان بزدار کی زیر صدارت اعلیٰ سطح کا اجلاس ہوا جس میں کرونا وائرس کا پھیلاؤ روکنے کے لیے اقدامات کا جائزہ لیا گیا۔

اس موقع پر وزیراعلیٰ پنجاب کا کہنا تھا کہ طبی آلات کی خریداری کے لیے محکمہ صحت کو 12 ارب روپے جاری کر دیے، کرونا مریضوں کے علاج معالجے کے لیے تمام ضروری اقدامات کیے ہیں۔

انہوں نے کہا کہ ڈی جی خان قرنطینہ مرکز میں 550 زائرین کے کرونا ٹیسٹ منفی آئے، منفی ٹیسٹ کے بعد زائرین کو ان کو گھروں میں روانہ کیا جا رہا ہے۔

عثمان بزدار کا کہنا تھا کہ اشیائے ضروریہ کی سپلائی بہتر بنانے کے لیے ہر ممکن اقدام اٹھانے کا فیصلہ کیا ہے، صوبے میں آٹے سمیت کسی چیز کی کوئی قلت نہیں ہے، صوبے بھر میں آٹے دیگر اشیائے ضروریہ کی فراہمی کو ہر صورت یقینی بنایا جائے گا۔

وزیراعلیٰ پنجاب نے منافع خوروں اور ذخیرہ اندوزوں کے خلاف بلا امتیاز کارروائی کا حکم دیتے ہوئے کہا کہ عوام کو کسی صورت ذخیرہ اندوزوں کے رحم و کرم پر نہیں چھوڑا جاسکتا۔

انہوں نے فوڈ سپلائی چین کو مزید بہتر بنانے کی ہدایت کرتے ہوئے کہا کہ پنجاب کے ہر ڈویژن میں نئی ٹیسٹنگ لیبز جلد فنکشنل ہو جائیں گی، لیبز کے فنکشنل ہونے سے ہر ڈویژن پر کرونا ٹیسٹ کی سہولت میسر ہو گی، نئی لیبز کے قیام کے لیے 62 کروڑ روپے محکمہ صحت کو جاری کر دیے ہیں۔

عثمان بزدار کا کہنا تھا کہ سرکاری اسپتالوں میں 3000 بستر کرونا مریضوں کے لیے مختص کر دیے، نجی اسپتالوں میں بھی 3000 بستروں کی سہولت کی نشاندہی کر لی گئی ہے، تعلیمی اداروں کے ہاسٹلز کی میپنگ کر کے50 ہزار مزید بستروں کا انتظام کیاگیا ہے۔

لاہور: وزیراعلیٰ پنجاب سردار عثمان بزدار نے عوام سے آئندہ 2 روزگھروں میں رہنے کی اپیل کر دی۔

تفصیلات کے مطابق لاہور میں نیوز کانفرنس کے دوران وزیراعلیٰ پنجاب نے کہا کہ گھروں میں بچوں اور اپنے خاندان کو کرونا وائرس سے بچائیں،شہری ذمہ داری کا ثبوت دیں،اگلے 2 دن گھر میں احتیاط برتیں۔

سردار عثمان بزدار نے کہا کہ کریانہ اور دودھ کی دکانیں کھلی رکھی جائیں گی، آج رات 9 بجے سےمنگل صبح 9 بجے تک شاپنگ مالز بند ہوں گے انہوں نے کہا کہ عوام احتیاط کریں اور میل ملاپ نہ کریں، عوام حکومت سے تعاون کریں اس میں ان کا ہی فائدہ ہے۔

وزیراعلیٰ پنجاب کا کہنا تھا کہ پنجاب میں حالات کنٹرول میں ہے، پنجاب میں ابھی لاک ڈاؤن جیسی صورت حال نہیں ہے، لاک ڈاؤن کی طرف جائیں گے تو عوام کو آگاہ کریں۔

انہوں نے کہا کہ سماجی میل جول میں فاصلے ہی وبا سے بچاؤ کا بہترین طریقہ ہیں، پبلک ٹرانسپورٹ کھلی رہیں گی، کسی کو تنگ نہیں کیا جائے گا۔

عثمان بزدار کا کہنا تھا کہ پنجاب میں کرونا مریضوں کی تعداد 136 ہے،کرونا کے 106مریضوں کا تعلق ڈی جی خان سے ہے، لاہور سے 20، ملتان 4، راولپنڈی سے ایک کرونا مریض ہے۔

وزیراعلیٰ پنجاب نے کہا کہ کرونا ایمرجنسی آرڈیننس منگل کے روز اسمبلی میں پیش کیا جائے گا، اسکول بند کیے تو لوگوں نے پارکوں میں جانا شروع کر دیا۔ انہوں نے مزید کہا کہ لاک ڈاؤن نہیں کر رہے بلکہ سوشل ڈسٹنسنگ کہا جا سکتا ہے۔

لاہور: وزیراعلیٰ پنجاب سردار عثمان بزدار کا کہنا ہے کہ پنجاب میں کرونا مریضوں کی تعداد 96 ہے، کرونا مریضوں میں 76 تعداد زائرین کی ہے۔

تفصیلات کے مطابق لاہور میں میڈیا سے گفتگو کرتے ہوئے وزیراعلیٰ پنجاب سردار عثمان بزدار کا کہنا تھا کہ تفتان سے نئے 1200 زائرین ملتان پہنچ گئے ہیں،نئے آنے والے زائرین کو ملتان قرنطینہ منتقل کر دیا گیا ہے۔

وزیراعلیٰ پنجاب نے بتایا کہ پنجاب میں کرونا مریضوں کی تعداد 96 ہے، کرونا مریضوں میں 76 تعداد زائرین کی ہے۔انہوں نے کرونا وائرس سے نمٹنے والوں کوخراج تحسین پیش کرتے ہوئے کہا کہ کرونا وائرس سے نمٹنے والے عملے کو خصوصی پیکج دیں گے۔

عثمان بزدار کا کہنا تھا کہ ڈاکٹرز اور عملے کے مسائل حل کرنے کے لیے ایک کمیٹی بنا دی ہے، 48گھنٹے کے نوٹس پر پنجاب میں 10 ہزار بستر کے اسپتال کی گنجائش ہے،ایکسپو سینٹرمیں فیلڈ اسپتال بنائے جا رہے ہیں۔

وزیراعلیٰ پنجاب نے کہا کہ معاشی صورت حال سے نمٹنے کے لیے بھی ایک کمیٹی بنا دی گئی ہے، ڈیلی ویجز ملازمین کے لیے بھی اقدامات کر رہے ہیں۔انہوں نے کہا کہ 8 سے 10 ہزار ڈاکٹر اور پیرا میڈیکل اسٹاف بھرتی کریں گے، 36دسٹرکٹ میں 36 وزرا کی ڈیوٹی لگا دی ہے۔

پاکستان میں کرونا وائرس کے کیسز کی تعداد 458 ہو گئی

واضح رہے کہ پاکستان میں کرونا وائرس کے کیسز کی تعداد 458 ہو گئی ہے، وائرس سے مجموعی طور پر 3 افراد جاں بحق جبکہ 5 مریض صحت یاب ہو چکے ہیں۔

لاہور: وزیراعلیٰ پنجاب سردار عثمان بزدار کا کہنا ہے کہ ترقیاتی منصوبوں کے معیار پر کوئی سمجھوتہ نہیں ہوگا۔

تفصیلات کے مطابق وزیراعلیٰ پنجاب کی زیرصدارت سرکٹ ہاؤس میں اعلیٰ سطح اجلاس ہوا جس میں امن عامہ کی صورت حال، ترقیاتی منصوبوں پر پیشرفت کا جائزہ لیا گیا۔ وزیراعلیٰ پنجاب کو لیہ کے ترقیاتی منصوبوں، دیگر امور پر بریفنگ دی گئی۔

سردار عثمان بزدار کا کہنا تھا کہ ضلع لیہ میں مفادعامہ کی 2284 اسکیموں پر کام جاری ہے، ترقیاتی منصوبوں پر 18 ارب 77 کروڑ روپے خرچ کیے جا رہے ہیں۔

وزیراعلیٰ پنجاب نے کہا کہ ترقی کے دائرے میں شامل کرکے لیہ کو اس کا حق لوٹائیں گے، ترقیاتی منصوبوں کے معیار پر کوئی سمجھوتہ نہیں ہوگا، میں پنجاب کے ہر ضلع اور تحصیل کا دورہ کر رہا ہوں۔

انہوں نے کہا کہ سابق حکومت نے لیہ کے عوام کو بھی زبانی جمع خرچ سے بہلایا، سابق حکمرانوں نے نظر انداز کر کے لیہ سے ناروا سلوک رکھا، ہمارے دور میں لیہ کی محرومیاں دور ہوں گی۔

یاد رہے کہ گزشتہ ہفتے وزیراعلیٰ پنجاب سردار عثمان بزدار کا کہنا تھا کہ پنجاب میں منافع خوروں کے لیے کوئی جگہ نہیں، منافع خوروں، ذخیرہ اندوزوں کے خلاف ایف آئی آر درج کی جائے۔